| اما الحين جبت لكم:
(( الجزء الثاني ))
وفجاة !! نزل (( سوبر ماان )) حتى ينقذها وهو طبعا (( محمد )) حبيب القلب فنزل يشيلهم عنها ولكن بالغلط مسك ايدها وقاموا يطالعون بعض وكل واحد عيونه على الثاني ,,, وبعد شوي حست جوري على نفسها واسحبت ايدها وهو بعد سحب ايده ، واخذ الكتب والاغراض وقاموا وفتح لها الباب ودخلت وعطاها الكتب وسكر الباب بعدين هو ركب قدام .....
طبعا هي كانت جالسة ورا لانهم راح يجيبون اختها وما يصلح هو يجلس بين بنات ,,, ووصلوا البيت وقلب جوري يدق بقوة ودخلت من الباب على طول الي غرفتها بدون سلاام ولا كلاام ...
والحين راح اعرفكم على اهل جوري اكيد راح تحبونهم ان شاء الله :
< <<<<<<<<<<<<<<<<<<<<<<<<<<<<<<<<<<<<<<<<<<<<<
اول شي ,,,,,, ابو ماجد: مرة طيوب وقلبه حنون خاصة على بناته ويخاف عليهم كثير عشان كذا هم يتغطون مبكر من ثاني متوسط ومايرضى عليهم لكنه مرة حبوب
ام ماجد: قمر وعسل وكل الطيبة فيها وفرري شوي
ماجد: اخوها الكبير ... وهو عمره 18 سنة في ثالث ثانوي لكنه يخقق ومافي مثل جماله
رتال: تجنن وحلوة بمعنى الكلمة ... وهي عمرها 16 سنة في اول ثانوي وعيونها بني فاتح وشعرها ناعم وبني فاتح مايل للاشقر ....
وهي ورزان اخت رنيم صديقات من كانوا صغار ,,, لكن رنيم وجوري مابعد يكتشفون هذا الشي
جوري : طبعا تعرفونها .... وهي بعد حلوة وشعرها طويل وبني وعيونها مكحلة و تجنن مرة
اسامة: اخوها اللي اصغر منها ... وهو عمره 13 وفي اول متوسط ,,, جذاب وابيض ومرة حلو
درر: اختها الصغيرة... عمرها 9 سنوات لكنها قمر
<<<<<<<<<<<<<<<<<<<<<<<<<<<<<<<<<<<<<<<<<<<<<
ام ماجد: جوري جوري وش فيك طايرة للغرفة بدون سلام ولا شي
جوري: ................ << ما قالت ولا شي و دخلت الغرفة
رتال : اتركيها يمة فيها حالة نفسية << متسببة
جوري قبل ما تسكر باب الغرفة وهي معصبة : اسكتي اقول بس << ورمت عليها الشوز اللي كانت لا بسته وسكرت الباب
رتال : شفتي يمة ما قلت لك فيها حالة نفسية ومجنونة بس تنتظر بوريها
ام ماجد: الله يهديكم بس
<<<<<<<<<<<<<<<<<<<<<<<<<<<<<<<<<<<<<<<<<<<<<
اما الحين راح اعرفكم على اهل (( محمد )) حبيب جوري نصيحة خذوها مني حبوهم ..
<<<<<<<<<<<<<<<<<<<<<<<<<<<<<<<<<<<<<<<<<<<<<
ابو فهد: ابو مرة طيب ويحب الخير للناس لكن ماعنده حركات الحب وغيره لكنه حبيب وقلبة صافي
ام فهد : مثل طيبتها وخفة دمها مافي ابد مثلها نحطها عالجرح يبرا
فهد: الولد الكبير .... وهو عمره 18 في ثالث ثانوي ودايم مع ماجد اخو جوري يعني اصدقاء وحبايب
غادو وشوق : توام ... و هم عمرهم 15 سنة في ثالث متوسط ....... ومثل جمالهم مافي عيونهم زرق وبشرة مثل الثلج من كثر
البياض اللي يشوفهم يقول من امريكا وعليهم خفة دم ومرة مرجوجين
محمد: ولد يجنن ... وعمره 14 سنة في ثاني متوسط واللي يشوفه يذوب من جماله << ماالوم جوري فيه ... عيونه خضر وابيض وشعره مايل للاشقر
جنى : حلوة ومثل القمر ... وعمرها 9 سنوات ... ودايم مع درر << بنات عم وش تبون اجل بيوتهم جدار بجدار ... وهي اخر العنقود مثلها << تقولون توام على غفلة هههههههههههههههههههههههههههه
<<<<<<<<<<<<<<<<<<<<<<<<<<<<<<<<<<<<<<<<<<<<<
دخل محمد مستانس : اه والله ونااسة << وش تبون مسك ايد حبيبته
ام فهد: وش فيه وليدي مستانس عساه دوم ان شاء الله
غادة: هذا هو ولدك دايم كذا مرة معصب مرة فرحان مايثبت على شي مثل الجني << متسببة وماتدري ان هي الجنية
شوق : اي والله اكيد داخله جني << مو توامها اكيد جنية مثلها
محمد: .................... << ماقال شي بس هو قاعد يطالعهم وهو يضحك
ام فهد: وش دخلكم فيه تركوه في حاله
جنى : لا ماما عشان هو ولد يعني ماترضين عليه << غايرة
ام فهد : لا كلكم سواسية عندي كلكم عيالي وحبايبي
شوق : هذا وانتي اخر العنقود وتقولين كذا لو انك في بدايته وش بتقولين
.................................................. .............
ولما جا الليل راح محمد بيت عمه وجلس مع اسامة وجوري كانت تتكلم مع رنيم على التلفون تقول لها اللي صار لها اليوم
جوري: او هلا رنيم
رنيم : الو هلا وغلا بجوري القمر
جوري : اه اه راح اذوب
رنيم : بسرعة بسرعة روحي الثلاجة
جوري : ها !! ليش ؟؟؟
رنيم: موتقولين راح اذوب
جوري:اااااهاا , هههههههههههههههههههه ... المهم اسمعيني الحين راح اقول لك ليش راح اذوب
رنيم: ليش !؟! بسرعة بسرعة قولي
جوري : اليوم صار لي شي ما تتوقعين وهو وهو وهو وهو ......
رنيم: خلصينا لما متى ... مرمرتيني
جوري : طيب خلاص ........... ......... ........... .............. محمد مسك ايدي
رنيم : وشو !!!!!!!!!!!!؟؟؟ ياااهوه ترا حنا في السعودية مو في امريكا
وقالت جوري السالفة لرنيم وكانت بتموت او بتذوب على قولتها من كثر الو ناسة << شفتوا الحب وش يسوي
.................................................. .........
((وعند محمد واسامة ))
محمد في نفسه : انا الحين مرة مستانس بس ماعندي احد اقوله آه بس ياسلام مسكت ايدها بس لو اقدر اشوفها...
اسامة: ياهووه وين رحنا
محمد :....................<< سااااااااارح في خياله
اساامة: محمد محمد وش فيك !!!رد علي
محمد : لبيه وش تبي وش فيك
اسامة: انت اللي وش فيك ؟؟؟ ساكت ومدري وين قاعد تسبح في افكارك
محمد:لا... بس قاعد افكر في الاجازة اللي بعد اسبوع وش نسوي فيها << يا سلام على الترقيع
وشوي وجا احد يدق الباب وراح اسامة يشوف وطلع اللي عند الباب
(( انتهى البارت))
|