عرض مشاركة واحدة
  #21  
قديم 02-13-2011, 11:29 AM
 
الحين جبت لكم
(( الفصل الثالث ))

وجاء احد يدق الباب وراح أسامة يشوف طلع الي عند الباب
أسامه : دقيقه .... مين ؟
.........

أنا جوري أسامه افتح الباب جايبه لكم العصير ... بس هي ماكانت تدرين ان الموجود هو حبيب القلب محمد كانت تحسبه صديق أسامه
أسامه : جوري انتظري
وفتح لها الباب ومحمد لما سمع ان الي عند الباب جوري طار قلبه وصار عدد دقات قلبه ( 120 ) دقه في الدقيقه
جوري : يالله بسرعه خذها تراه ثقيلة
سمعها محمد وقال في نفسه : آااااااه بس لو الود ودي جيت واخذتها عنك << شوفو ياعيني على الحب والغرام
أسامه : طيب اقول لاتتجملين ترا الي عندنا محمد ولد عمي
جوري وبدلع : وذا يعني
محمد في نفسه : آاااه على الدلع والله ياناس لايق
بعدين عاد هي راحت << مابغت
محمد : مين عند الباب << مخلي نفسه مايدري
أسامه : في غيرها يعني ! جوريووه جايبه العصير تقول من زود الذرابه
محمد : أصلا جوري من كانت صغيره وهي ذربه << الحب يصنع العجايب
أسامه : المهم .. اترك البنات على جنب وقولي وش بتسوي في الاجازه الاسبوع
محمد تورط : والله ماادري لين الحين قاعد افكر
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<

قلت لكم يوم الاحد يجنن
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<
يوم الاثنين في مدرسه رزان ورتال
رتال : هلا بالغلا كله هلا
رزان : هلاا والله بالحب صباح الورد والفل والياسمين
رتال : خلصينا وقولي صباح حديقة الورود
رزان : ضحكتيني بس لاتعدينها
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<

وعند جوري ورنيم

رنيم : صباح الحلا لك الملا
جوري : صباح القمر وكل النجوم
رنيم : وش جاب القمر والنجوم للصباح والله خوش ترقيع
جوري : مدري طلعت معي كذا
رنيم : مهم دريتي عن الاجازه الاسبوع يقولون انها اجازة نصف الفصل
جوري : ايه يقولون
رنيم : بتروحون فيها مكان
جوري : والله حاليا ماادري بس يمكن نروح مزرعة الاهل وانتي ؟
رنيم : اهااااااااا ! حنا راح نروح الرياض
جوري : من قدك بتشوفين فيصل .. بس صراحة انتي كاسره خاطري
رنيم : ليش ان شاء الله
جوري : صدق ان انا اتغطي من محمد بس اني اشوفه كل يوم
رنيم : وانا صدق اني مااشوفه كل يوم بس مااتغطى
جوري : اهاا اجل كذا احنا تعادلنا
رنيم : ااااااه ياقلبي اخيرا راح اشوفه مره مره مشتاقتله
جوري : من قدك اذا رحتي وضميتيه محد يلومك , وقولي له
مشتاقله لك شوق الهوا لروحي
رنيم : وحيات عينيك ذابت انا روحي , اسكتي اسكتي فضحتينا شوفي دخلت الاستاذه
الاستاذه : جوري وش فيك اليوم طالع صوتك تونا الحصه الاولى
جوري : لا استاذه بس انا اليوم مستانسه مره
الاستاذه : طيب مبروك بس ماابي اسمع صوتك
جوري تحمس لرنيم : هذا وجهي ان انا سكت
رنيم :هههههههههههههههههههههههه والله انك خبله
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<

ومر الاسبوع وحاء يوم الاربعاء , العصر في بيت رنيم
ام فراس : رنيم رزان ياعيال يالله ربع ساعه واحنا ماشين
رنيم : ان شاء الله ياايمه بس رايحه اكلم جوري واودعها
رززان : الي يشوف الاجازه سنه كلها اسبوع وتقول اودعها
رنيم : وش دخلك اصلا قلبي رقيق مايقدر يفارقها مو مثل قلبك حجر
فراس : وش فيكم ازعجتونا
رنيم : جاء الثاني .... يا شين اللقافه الي فيكم ربي بلاني بأخوان ملاقيف

وراحت تكلم جوري
رنيم : الو هلا
رتال : هلا مين معي
رنيم : انا رنيم الـ(........) صديقة جوري
رتال : ايه هلا والله تعرفين رزان الـ(........) صديقتي
رنيم : ايه وانتي رتال صديقة رزان لا مااصدق
رتال : وليه حضرتك ماتصدقين
رنيم : لا مو قصدي بس ماا توقعت ان رتال صديقة رزان الرجه تكون اختك جوري
وجات جوري
جوري : رتال مين قاعده تكلمين
رتال : صديقتك رنيم
بعدين اعطتها السماعه
جوري : هلا بقلبي
رنيم : هلا والله ... تدرين ان خواتنا صديقات
جوري : وشو ؟! مااصدق <<تو الناس يستوعبون
لان اصلا رزان ورتال صديقات من الحضانه الى الثانوي وعقبال الجامعه والشيخوخه ان شاء الله << سامحوني طولت عليكم شوي
رنيم : المهم اتركينا منهم انا الحين رايحه لرياض
جات رزان
رزان : رنيموه يالله رايحين
جوري : لااااااا , بتروحين وتخليني
رنيم : لا تخافين راح اطفشك من كثر مااكلمك وخذي جوالك معاك لم تروحين المزرعه
رزان : يالله اخرتينا
رنيم : كلي تبن وانقلعي << ورمت عليها الوساده
جوري : يالله اجل بااي لأأخرك ياقلبي
رنيم : يالله ياقلبي
رنيم راحت عند اهلها وشافتهم جالسين ماطلعو
رزان : صدقتي مو الحين رايحين بعد شوي
رنيم : احلفي انتظري اذا خليتك هذا وجهي << وبعدين قامت تلاحقها
بعدين عاد هم راحو ووصلو الرياض بعد صلاة العشاء ونزلو في احد الفنادق
رنيم : يمه مو رايحين بيت خالتي << علشان حبيب القلب
ام فراس : الا بس بكره مو الحين خلينا نريح
رنيم : لا يمه ريحنا
ام فراس : خلاص اانا قلت بكره ياحبيبتي لخالتك
رنيم وهي فاقده الامل خلاص : طيب رايحه اريح ع قولتك
رزان وجايتها حالة اللقافه : الحين ليش حضرتك ودك تروحين بيت خالتي < ماتترك اللقافه لانها من سكانها الاصليين
رنيم : طيب انتي شدخلك الحين اصلا البنات مجتمعين هناك وجالسين ينتظروني
رزان : مرره من زود المحبه
وجاء فراس : وانا كل ماادخل عليكم اشوفكم في حرب
رزان ورنيم سوا : وش دخلك خوات ونصلح << يامقلب القلوب
وجاء ابو فراس : الى الآن مانمتو وانت يافراس وش جايبك عند البنات ؟
فراس : لا يبه بس جيت اقولهم تسبحون على خير
رزان ورنيم : وانت من اهله

وفي اليوم الثاني من الصباح يوم الخميس ساعه 7 الصباح

رنيم : يالله وش اسوي الحين كلهم نايمين وانا ابغى اروح عند البنات << قصدها عند حبيب القلب فيصل ... خليني اروح عند فراس واقومه
وراحت عنجد فراس
رنيم : فرااااااااس قووم
فراس : وش تبغين رنيم
رنيم : اخوي حبيبي طلبتك ولا تردني
فراس : اخلصي تكلمي وش تبين
رنيم : فروسي ابيك توديني عند خالتي
فراس : قلتي لابوي
رنيم : لا ماقلت له علشان كذا جيت عندك
فراس : طيب بس انا اخاف يقوم وما يلقانا هنا وتجيه سكته قلبيه وفي الاصل ماعندي مفتاح السياره
رنيم : انا اجيبه لك بس المهم توديني
بعدين راحت غرفة امها وابوها واخذت المفتاح وهم الحمد الله ماحسو عليها
فراس : جبتيه
رنيم : ايه امسك
فراس : والله انك جنيه .. ماحسو عليك ؟
رنيم : اجل وشو له انا رشيقه
فراس : اهاااا
رنيم : المهم خلينا نطلع لا نتاخر
فراس : اكيد هم نايمين
رنيم : لا تخاف هناك البنات مثل الجنيات ماينامون
فراس : اجل كذا
رنيم : طيب المهم اذا رجعت قل لامي وابوي اني في بيت خالتي
فراس : مو اخاف ابوي يعصب علي لاني وديتك بدون اذنه
رنيم : انت قوله بس رنيم حنت على راسي وكسرت خاطري ووديتها واسمع وش راح يقولك
فراس : طيب يالله اتصلي على البنات وقولي لهم انك جايه
رنيم : ايه والله انك صادق توني ادري انك ذكي
فراس : لا والله احلفي بس خلصينا كلميهم

اما الحين راح اعرفكم على بنات خالتها وخوالها وكلهم ساكنين في الرياض ومرره يجننون
بنات خالتها منى ( ام وليد ) :
افنان : بنوته كيوت ومره حلوه وهي ثالث ثانوي
أسماء : بنت مثل القمر ماشاء الله وهي بأولى ثانوي
أبرار : مره جميلة وهي دايما مع رنيم وندى ولمى وهي بثاني متوسط
وبنات خالها أحمد (أبو طلال)
ندى : احلى البنات كلهم لكن مشكلتها انها عربجيه لكنها عسل بثاني متوسط
سجى : بنت حلوه مثلها مافيه وهي في اولى متوسط
بنات خالتها ريم ( ام فيصل ):
لينا :تجنن مره بمعنى الكلمه وهي باولى ثانوي
لمى : تهبل وجمالها جنان وهي بثالث متوسط
لمار: تاخذ العقل ومثل القمر وهي باولى متوسط


رنيم : ألو هلاا والله بحبيبتي ابرار نايمين
ابرار هلاا والله وبنكم ماجيتوا وحنا وين ننام ياقلبي اجازه مافي نوم بعد اليوم
البنات يصارخون : رنيم بسرعه تعالي << طبعا بصوت عالي
فراس : متأكده انهم بنات ماأصدق تقولين في سوق حراج
ابرار : اقول قولي لفراس سمعته واني مااسمح له
رنيم : تقولك مااسمح لك
فراس : سمحت ولا لا بالطقاق بس المهم قولي لها بلا كلام فاضي وافتحو الباب وصلنا
رنيم : يالله افتحو
ابرار: صدق يالله بااي اجل
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<<<<
عند البنات
لما: فيصل روح افتح الباب
فيصل: يوه مالي خلق ماتشوفيني العب بلاي ستيشن
ندى: بسرعة فاصوليا ترا رنيم تتنتظر برا
فيصل: رنيم ! طيب يلا رايح افتح << لازم مو حبيبته
وراح يفتح الباب والبنات يرتبون المكان لانه مرة حوسة
فيصل:اهلين رنيم ... في نفسه آااااه وناسة
رنيم وهي مستحية: اهلين
وجو البنات
لما: هلا والله وغلا << وضمتها
ابرار: رنيم اخيرا شفناك ماصارت << وضمتها بعد هي من قلب
ندى: دق التحية قدامك عربجية << معترفة الاخت
رنيم: ههههههههههههههههههه اهلا بالعربجية
فيصل في نفسه: آاااه بس لو اقدر اضمها انا بعد
ندى: ترا الباقي كلهم نايمين
رنيم: كيفهم مانبيهم انتوا الاصل
وجات افنان
افنان: الحين هم الاصل
البنات كلهم وهم مرتاعين: بسم الله الرحمن الرحيم
رنيم: بسم الله من وين طلعتي انتي مو كنتي نايمة
افنان: والنايم يعني مايقعد
ندى: الا بس مايروع اللي قاعدين
فيصل: يلا بنات ادخلوا ترا بتبردون << خايف على حبيبته
لما: اي والله انك صادق
فيصل في نفسه : انا قصدي رنيم وش دخلك تتكلمين لقافة فيك والله
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<
(( وعند ابو فراس وام فراس))
لما جات الساعة 9 وقاموا اهل رنيم
رزان: آاااااااه << تتثاوب .. رنيم يلا قومي ورفعت اللحاف ولا شافت احد وقامت تصارخ .. يمه يمه
جات ام فراس: بسم الله وش فيكم
رزان:يمه رنيم موجودة عندك لان مكانها مافيه احد
بعدين راحت ام فراس لعند ابو فراس
ام فراس: ابو فراس يلا قوم بنتك رنيم ماندري وينها
ابو فراس: وشو!؟ بنتي وين راحت اجل روحي بسرعة اسالي فراس
وراحت عند فراس
ام فراس: فراس فراس اختك رنيم شفتها ماندري وين راحت
وجات رزان : يمه لقيتوها .. آااااااه يا اختي وين رحتي وخليتيني
فراس: الحين وينك يا اختي وطول الوقت انتي في حرب معاها
رزان: اي وش دخلك اختي بعد
ام فراس: خلصوني انت وياها وين راحت البنت الحين
فراس: يمه راحت بيت خالتي ريم الصباح
رزان: وحضرتك توك تتكلم
جا ابو فراس: ها ان شاء الله لقيتوا البنت
ام فراس: حضرته ولدك يقول انها في بيت خالتها ريم من الصباح
ابو فراس: ومين وداها
فراس: انا يبه
ابوفراس: بامر مين؟!
فراس: لابس رنيم حنت على راسي وكسرت خاطري ووديتها << نفس كلامها
ابو فراس: بما ان هذا اللي صار معليش
فراس في نفسه: صدق كلام اختي الجنية
ام فراس: توها اتصلت علي اختي ريم حتى نروح نفطر عندها
ابو فراس: طيب تجهزوا وبعدها رايحين هناك
<<<<<<<<<<<<<<<<<<<<<<<<<<<<<<<<<<<<<<<<<<<<<<<< <
وبعد ساعة وصلوا بيت خالتهم ريم
ام فراس: الو هلا باختي ريم ترا انا عند الباب يلا افتحوا
الخالة ريم: هلا والله وغلا يابنات يلا افتحوا الباب ام فراس جات
وراحوا البنات يفتحون الباب
ام فراس: هلا بنات وشلونكم ,, بنتي بنتي وينها
رنيم: هلا يمه انا هنا << وضمتها
خالة ريم: يلا الى متى وانتوا واقفين عند الباب
البنات: يلا دخلنا
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <
وبعدها فطروا وجا وقت الغدا وجا باقي الاهل
خالتهم منى ((ام وليد )):
افنان: .................. << سبق التعريف بها
اسماء : .................. << سبق التعريف بها
وليد: ولد مرة يجنن وكل الحلاوة فيه وهو في ثاني متوسط ودايم مع فيصل مثل الاخوان ولكن للاسف انه يحب رنيم بعد << لكن ماحد يدري
ابرار: ......................<< سبق التعريف بها وهي ووليد توام لكن هو احلى
خالهم احمد (( ابو طلال)) .. وزوجته (( ام طلال )) :
طلال : الولد الكبير وهو متزوج وعايش مع زوجته في امريكا عشان الدراسة
حمد: ولد ولا كل الاولاد يموت من كئر الجمال وهو في ثاني ثانوي
ندى : ..................... << سبق التعريف بها
سجى: ...................... << سبق التعريف بها ... وهي تحب فيصل
مهند: الولد الصغير عمره 9 سنوات وفيه براءة الاطفال كثير
خالتهم ريم (( ام فيصل )) : وهم جايين في بيتها
لينا: ..........................<<سبق اتعريف بها
لما: ............................<<سبق التعريف بها
فيصل: ولد آااااااااااه احلى من خواته كلهم <<ماألوم رنيم يوم حبته ... عيونه عسليه وجسمه آاااااااااااه عاااااد ماأقدر يدوخ من كثر جماله وهو بثاني متوسط بعد
لمار: ..............................<<سبق التعريف بها
<<<<<<<<<<<<<<<<<<<<<<<<<<<<<<<<<<<<<<<<<<<
وجلسوا كلهم يتغدون البنات والحريم سوا ... والرجال سوا
<<<<<<<<<<<<<<<<<<<<<<<<<<<<<<<<<<<<<<<<<<<
وعند الحريم
أم فيصل: وش رايكم نروح
أم فراس: نروح وين ؟!
أم فيصل: نروح.............................................. .................
<<<<<<<<<<<<<<<<<<<<<<<<<<<<<<<<<<<<<<<<<<< ((انتهى البارت))
__________________
iLove every one ...