رواية تتعب لو معي تلعب
.
..البارت الحادي عشــــــر..
لمحها من بعيد قبال مجلس النساء..
راكان(والله ودربي خضر اليوم..كلا بوجهي هالزين)
واقترب منها بخفه بحيث لم تنتبه..كان خلفها..
جيهان:هههههه..طيب ياقلبي..انتبهي لنفسكـ..
راكان(فديت هالضحكه واهلهاا)
ودخلت للمجلس بسرعهـ..
راكان بقهر:الله يلعـ......استغفر الله العظيم بسس..بس وين بتروحين يابنت..أنا وراكت وراكـ..والكف ألي عطتيني اياهـ بتذوقينه.."وعض على شفته بقهر"
**
أروى:إلا وين جيهان..
روعه:ا..
جات بتتكلم إلا بدخولها..
حضورها وجمالها دعى الكل لأن يلتفت لها..
جيهان بابتسامه:السلامـ عليكم والرحمـ..
الكل باأنبهار:وعليكمـ السلامـ والرحمهـ..
فاطمه وأم عبدالله:تبارك الرحمن..
أروى بذهول وبهمس مسموع:ذي جيهان!!!
روان قامت يم جيهان وبفخر:أي ذي جيهان..زينه البنات كلهم.."وناظرت أروى بستحقار" ذي ألي تستحق تكون زوجه راكان أخوي..بسم الله عليها.."وباست جيهان بخدها"
جيهان بابتسامه حيا:الله يسعدك يارب..
روان بهمس لها:جميلة وربي..تبارك الرحمن..
جيهان بنفس همسها:تسلمين ياغلاي..
وبعد السلامـ
أم عبدالله:هلا بجيهان..أخبارك؟؟
جيهان بابتسامه:طيبه طاب حالكـ..أنتي كيفك ياقلبي؟؟
أم عبدالله:الحمدلله..
فاطمة تهمس لأختها:ماشاء الله..بيضاء قوة..كنها مصريه..
أروى كاتمه غيضها:.......
فاطمة كملت بهمس:بياضها يشبه بياض الفنانه المصريه مي عز الدين..تبارك الرحمن..
أروى بقهر:تلقينها ملصعه نفسها بالبودرة..
فاطمة تتمعن بجسم جيهان:لاا غلطانه..شوفي جسمها ووجها لونه موحد..
أروى بستحقار:سلامه قلبك..مو أقول لكـ ملصعه نفسها بالبودرة..
فاطمة:مو معقولة ملصعه جسمها كلهـ بالبودرة..طيب شوفي اصابع يدها بعد بها بوردة!!!
أروى انقهرت لان ماعندها رد لأختها وقامت بقهر:عن اذنكم..
أم عبدالله:على وين يابنت؟؟
أروى:على التوليت..
أم عبدالله قامت مع بنتها وسحبتها للمطبخ..
أم عبدالله:علامك يابنت؟؟
أروى ببرائه:مافيني شيء..
أم عبدالله:أنتي شفتي نفسكـ بالمرايه كيف؟؟باين عليكـ أنتي وأختكـ تقزون بجيهان قز بعيونكم..جعل عيونكم البط..أحين لو شافتكم وش بتقول..
أروى كشرت بوجها:عاد من زينها..مالت عليها بس..
أم عبدالله:شوفي نفسك كيف انتي منقهره منها..
أروى بغرور:وش انقهر منه ياحظي..
أم عبدالله:وش ناقصها هي..ملكة جمال تبارك الرحمن..و...
قاطعها دخول غازي يبكي:آآآآآه..
ام عبدالله شالته..
غازي:ماما أح..اهئ..
أم عبدالله فهمت ان امه ضربته:انا لله بس..
غازي بصراخ:آآح..عورني..تكيها
أم عبدالله:عيب اطق ماما..صح..
غازي بصراخ زود:آآآآآآه..
ام عبدالله كانت عارفهـ انه مراح يسكت إلا لما يأخذ حقه..كذا الأطفال..
والتفتت لبنتها:دقايق وأنا جايهـ..لاتروحين يابنت..سامعه..
أروى:......
أم عبدالله بحده:سامعه..
أروى:أي سامعه..
وراحت داخل مع غازي..بينما أروى جالسهـ تشوف نفسها بمرايه الحائط ألي بجنب الدولاب..
دخل راكان ولا انتبه لها وجالس يتحلطم:اووف وين الصحن بعد.."وجلس يدور بالرفوف على بيالات الشاي"
أروى انتبهت له وبقلهـ ادب:راكان!!
راكان من سمع صوتها فز قلبها..مستحيل يغلط بصوتها
وللحظهـ نسى الألم ألي سببتهـ لها والتفت لها:أروى!!!
أروى بمياعه:أخبارك ياولد خالتي؟؟
راكان(آآآه ياقلبي بس):طيب يابنت الخاله..
إلا بدخلهـ أم عبدالله شافت بنتها وهي بدون غطاء وقدام راكان وسحبتها لداخل:أنتي صدق قليلة الادب..الوعد بعدين..ويلا انقلعي داخل..
أروى كشرت بوجها ودخلت للمجلس..
راكان كان يناظرها بحب وألم..ولم يخفى هذا الشيء عند خالته خلود..
أم عبدالله وهي تشوف البيالات بيده وعقله مو معه:تبي شيء يا ولدي..
راكان:.......
أم عبدالله اقتربت منه وحطت يدها على كتفه:وش بغيت يا راكان؟؟
راكان انتبه لها وبتمتمه:هه..هـ..هلا خالتي..
أم عبدالله بابتسامه:علامكـ كذا مفهي..
راكان تنهد بحزن
أم عبدالله:حاب تتكلم ياولدي..
يتبع...