راكان انتبه لها وبتمتمه:هه..هـ..هلا خالتي..
أم عبدالله بابتسامه:علامكـ كذا مفهي..
راكان تنهد بحزن
أم عبدالله:حاب تتكلم ياولدي..
.
.
.
تعبت من تنظيف البيت..ورمت نفسها على الكنب وتنهدت براحه:واخيراً..
مرام التفت لها:أي والله مابغينا نخلص..
رنيم قامت بضيقه:أنا لزوم اتفاهم معه..
مرام اسحبتها من يدها:وش تتفاهمين معه أنتي بعد..انثبري مكانك أبركـ..
رنيم بتعب:بس وربي تعبت يامرام..
مرام:............
رنيم:المفروض يقدر..معلمات وهم بعد ننظف البيت..والله حالهـ..
مرام تنهدت:لا إله إلا الله محمد رسول الله..
إلا بدخل أبو زياد..
أبو زياد:السلام عليكم..
مرام ورنيم:وعليكمـ السلامـ والرحمه،..
أبو زياد:وش غدانا اليوم؟؟
رنيم:مابه غداء اليوم؟؟
أبو زياد بحده:وليه إن شاء الله؟؟
رنيم قامت:تونا جايين من دواماتنا ونبا نرتاح..
أبو زياد بعصبيه:وين اختكـ الهبيله؟؟
مرام:مرجعت لسى..أنت تدري انها تدرس بمنطقة بعيدة شويا عنا..
أبو زياد:والله وطول لسانكـ انتي مع أختكـ..صدق انكم ماتستحون..بس الكلام ذا مو لكمـ..الكلامـ للهبيله حنين..أنا اوريها شغلها..
رنيم بقبال ابيها:لو سمحت يبه..لا تدخل حنان بالموضوع..مالها دخل هي..وبعدين ألي فيها مكفيها..
إلا بدخلهـ حنان..
حنان:السلام عليكم..
أبو زياد بعصبيه:الله لايسلمكـ..وجعلك المرض..
حنان شلحت غطاها وبخوف:علامكـ يبه؟؟ وش صاير..عسى خير إن شاء الله..
أبو زياد قرب من عندها:ومن وين بيجي الخير..حسبي الله عليكـ من بنت..تكبرين راس خواتكـ علي.."وشد شعرها"أيا الماتتخين..يالكلبه..
وعطاها طراق قوي..وشلح غقاله إلا بتدخل مرام ورنيم:بس يبه..حرام عليك..بعد عنها..
مرام خذت حنان ودخلتها داخل..
رنيم تركت ابوها:حرام عليك يبه..وش سويت انت؟؟
أبو زياد:أنت اوص ولا كلمهـ..أنا اوريكم..
وخذ شماغهـ وطلع من البيت ورقع الباب رقعه قوية..
.
.
.
عند الغداء..
أم ريم:اسمعي يا بنيتي..على العصر أو بالليل بخلي اخوك يوديك المستشفى..
ريم:وليه يمه؟؟
أم ريم:وش ألي ليه انتي بعد..لزوم نعرف وأنا امكـ..وأنا متأكده أن العيب من زوجكـ بس ما يبي يقول لكـ..
ريم بهم:يمه تكفين لا تزيدينها علي..ألي فيني مكفيني..
أم ريم بحنيه:انتي بنتي الوحيدة ياريم..وأبي لك الخير..وأبي اشوف عيالك قبل مموت..
ريم:الله يطول بعمركـ يمه..لا تقولين هالكلام..
أم ريم:إذا انتي صدق تحبيني يا بنتي..روحي المستشفى..وعملي فحوصات..
ريم:بس......
أم ريم قاطعتها:جاكـ العلم..وإذا تحبيني صدق روحي معي للمشفى..
ريم:إن شاء الله يمه..
أم ريم بفرحه:الله يسعدك يايمه..قد ماتسعديني..
.
.
.
بعد مابعدوا من المجلسين التفتت له:يعني وش تبي تسوي احين يا ولدي..
راكان بيئس:مدري وش السواه ياخاله..حرام اطلق البنت وزي منتي عارفهـ أن سمعه المطلقه بهالمجتمع مهيب زينه.."وسكت شوي" بس مالي إلا هالحل..
أم عبدالله باندفاع:لاا ياولدي..انتبه تطلقها..توها صغيرة وحرام عليكـ تطلقها كذا..
راكان تنهد بهم:بس حرام اظلمها معي..
أم عبدالله:أنت فعلاً ظلمتها لما اتخذت قرار الزواج منها وانت مو مقتنع..بس انت اخذتها عشان ابوك اجبرك صح؟؟
يتبع....