أم عبدالله باندفاع:لاا ياولدي..انتبه تطلقها..توها صغيرة وحرام عليكـ تطلقها كذا..
راكان تنهد بهم:بس حرام اظلمها معي..
أم عبدالله:أنت فعلاً ظلمتها لما اتخذت قرار الزواج منها وانت مو مقتنع..بس انت اخذتها عشان ابوك اجبرك صح؟؟
راكان باندفاع:لا والله يا خاله..ابوي ما أجبرني أبد..هو عطاني صالح الأختيار..وأنا وافقتـ من إرادتي..
وسكتوا شوي
راكان ألتفت لخالته:بتم معها كم شهر وأطلقها..
أم عبدالله:لا تقول كذا يا راكان..وأنت ماتدري يمكن البنت تعجبك..ومن شوفتي لها..تبارك الرحمن وش اقول وش اخلي..جمال اللهم صلي وسلم عليه..
راكان:...........
ام عبدالله كملت باأنبهار:طول وجسم وبياض ناصع وشعر طويل وملامحها تجنن..بسم الله عليها..أنت ماشفتها يا راكان؟؟
راكان:لا ماشفتها..
أم عبدالله بابتسامه:اجل ان شفتها راح تبطل سيرة الطلاق نهائياً ويمكن تحلف أنك ماتطلقها ابد..
راكان بذهول:لهدرجه جميلة..
أم عبدالله:قصدكـ ملكة جمال..
راكان:أحس انك تبالغين ياخالهـ..
أم عبدالله بتحدي:وأن عجبتك وش تعطيني؟؟
راكان بابتسامه:ألي تبينه..
أم عبدالله:أن عجبتكـ أباكـ تودينا للبحر كم يوم هناكـ..يعني حول يومين..هاه وش قلت..
راكان بثقه تامه:أفا عليكـ بس..أبشري ماطلبتي شيء..
أم عبدالله:تعال معي عشان تشوفها..بس اسمع بيكون بعد الغداء..لان مابغى شيء عليهـ..طيب..
راكان:طيب..
وراح راكان عند المجلس والتفتوا عليهـ الكل..
ابو راكان:وين الفناجيل والقهوة؟؟
راكان طق على جبينه:يوه..,انا اقول نسيت..
أبو راكان بقهر:والله أنك دلخ..الشرها مو عليك الشرها على الي يوكلك..أحين صار لي من مساع وأنا اقول لك جيب وجيب وبنهاية تقول نسيت..
الكل فطس من الضحك:ههههههههههههههههههههههههه..
أبو راكان:خلف الله عليكـ بس..
راكان:ههههههه..خذها درس أجل..ولا تأمر علي..
أبو راكان:اقول قم انت مع أخوكـ جيب لنا الغداء..متناا جوع أحنا..
راكان جلس وحط رجل على رجل:لا خل مشاري وناي فالي يجبونه..
مشاري قام:خلاص انا مع نايف نجيب الغداء..وأنت توديهـ هاه وش قلت؟؟
راكان باندفاع:انســى..
أبو راكان قاطعه:خلاص تم..
راكان:مع نفسكـ بس..
أبو راكان:بنشوف..
وقام نايف ومشاري..
وبعد خمس دقائق تلموا بالسفره..
وعند مجلس النساء...
بعد الغداء..
أم فهد:اكرمكم الله..والله ماقصرتوا الله لا يقصر عليكمـ..
أم راكان:ولا يقصر عليك يارب..وذا الواجب يا أم فهد..
قامت روان تقدم لهم الحلا الي من صنع يدها..
روان جلست بجنب جيهان وبهمس:تفضلي ياعسل..
جيهان وهي تذوق:روعهـ ماشاء الله..
روان بفرحه:يعني عجبك!!
جيهان:قوة ياقلبي..
روان بابتسامه:بالعافيه..وبالمناسبة ابي اوريك المزرعة من الداخل..
ام عبدالله باندفاع:لااا..
روان ألتفتت لخالتها:وش الي لا ياخاله؟؟
أم عبدالله(وش أقول لها احين):هه..أي ابي جيهان في حاجه..بعدها وريها المزرعة على كيف كيفك..طيب..
روان:طيب..
أم عبدالله قامت:عن اذنكم احين باخذ جيهان شوي منكم..
أروى بفضول وبهمس:وش تبيها فيها امي..
فاطمة هزت كتفها بمعنى مدري..
وطلعت أم عبدالله وجيهان لبرى المجلس وبعدوا شوي..
وكلمت راكان:هلا..اي..أنت اساساً وينك؟؟ خلاص اوكي..سلامـ..
وسكرت والتفتت لجيهان:اعذريني بس قلت اتطمن على أبو عبدالله..
جيهان بحسن نيه:مابه خلاف قلبي..
وسكتوا شويا
يتبعـــ...