أروى:لا اسف..لتزوجنا بخليكـ تشوفني..احمسك انا هع..
عزوز:متى بس أبوكي يوافق يا أروى..
أروى بحزن:ما أدري ياعزوز..ما أدري..
عزوز بثقه:شوفي ياقلبي..أنا راح اقنع ابوكي بإذن الله..
أروى: :"( "فيس يصيح"
عزوز:لاا لاتبكين ياقلبي أنتي..صدقيني ابوكي موضوعه بجيبي..وراح تشوفين..
.
.
.
بعد العشاء..
أم راكان قامت وبعصبيه:وليه أساساً يروح لها..
روان قامت ورى امها:يا يمه الله يهديكي..الرجال ويبي يشفوف حرمته..وش الغلط بذا!!
أم راكان التفتت لها وبقهر:وألي قاهرني أنه جاب لها جوال هدية..آآخ بس..أخوكي ذه ناوي يجلطني..
روان:بسم الله عليك يمه..فيه رياجيل يجيبون لحريمهم ذهب بعد مو جوال..
أم راكان:وأنتي كلا واقفه مع أخوكي وهالارمله ذي..
روان بثقه:لانهم ماغلطوا..وأنا أوقف مع الحق..
أم راكان بقهر:هين ياراكان..هين..
وطلعت من الصاله..
روعه تنهد:الله يهديها بس..ليه هي شانه حرب على جيهان؟؟ ابا اعرف ليه؟؟
روان تنهدت:لأنها أرملهـ هذا السبب الأول..والسبب الثاني أنها كانت مخططه أن أروى تكون لراكان..مو راكان لجيهان..
روعه بصدمه:لهدرجه في ناس تفكيرهم بهذا التخلف..استغفر الله العظيم..
روان جلست بجنب اختها:وأكثر يا أختي..وناسين المقوله ألي تقول..لافرق بين اعجمي وعربي إلا بالتقوى..
روعه:صدقتي ياروان..
روان بقلق:مو ذا المهم..ألي شاغلن بالي أن أمي بتشن حرب على جيهان بعد الزواج..
روعه بخوف:لا إن شاء الله..
روان:إن شاء الله لا..بس أمي أنا أعرفها..لحبت حبت..ولكرهت كرهت..
.
.
.
في البحر..
سعود بهم:المشكلهـ أني لدقيت عليها يا حمود..ماترد علي ابد..
أبو راكان:........
سعود:مدري وش السواه ياحمود؟؟
أبو راكان بتفكير:ليكون أمها حادتها عليكـ بس..
سعود بكره:اووف على أمها..حقودة لابعد الحدود..
أبو راكان:طب ليه تبي تخرب فكر بنتها؟؟
سعود:أمها مشكلتها تظن أن كل الرياجيل زي بعض..لأن زوجها تزوج عليها..وهي تقول أنها رافعته لفوق..ومدلعته اخر دلع..
أبو راكان:أي كذا هم الحريم..كلا كذب بكذب..أنا زوجها أعرفهـ..ومعرفه خاصة بعد..هو ماغير يتشكى على حرمته..ولا بالله عليك أجل في رجال بيتزوج على حرمته كذا من دون مبرر..لزوم شاف منها تقصير..
سعود:صدقت ياحمود..
أبو راكان:بعض الحريم ماتجي إلا بالعين الحمراء..ولو وش تسوي لهم أنت مقصر..
سعود:هههههههههههه..في ذي مكذبت..بس وش نسوي نحبهم..
أبو راكان:ههههههه نتكلم كنا مراهقين..
سعود:لو سمحت تكلم عن نفسكـ..أنا توني بعز شبابي..
أبو راكان:هههههه أي بالمشمش..
وسكتوا شوي..
أبو راكان وعيونه على البحر:وش بتسوين معها؟؟
سعود تنهد:مو عارفه وش الحل ياأبو راكان؟؟ هي تغير 180%..صرت معرفها..صايره كلا ساكته وتسرح ولا تبي تكلمني..
أبو راكان:...........
سعود كمل:وأنت تكلمت مكنها تسمعني..
أبو راكان حط يده على كتفه:أسمع وأنا أخوك..زوجتكـ سبب اكتئابها ذا لانها مو قادرة تسعدكـ وتجيب لك ولد يشيل أسمكـ..
سعود:بس أنا ياحمود..سبق وقلت لها أني مو مستعجل..
أبو راكان:طيب..هي درت أن العيب منها..
سعود باندفاع:لا..ولا أبيها تعرف بعد..عشان نفسيتها تصير زفت زود..وتتعب أكثر..
ابو راكان:ولمتى وأنت تبا تخبي عليها؟؟
سعود بهم:والله ماأدري ياحمود.."تنهد"كان الله بالعون بس..
.
.
.
تنهدت بصمت:اووف وش يبي ذا داق..صدق أنه علهـ.."وبتفكير" أرد ولا لا؟؟
جات بترد إلا سكر..
جيهان:احسن بعد..
جات بتنام إلا جاتها رسالهـ.. كان مكتوب فيها
"أستمري في تجاهل اتصالاتي..لكن وربي مراح يصير خير لك.."
جيهان بقهر:والله وعلموه يهدد الأخ صايع..
ورن جوالها مره ثانيه..
وبعناد:يلا فرجينا وش بتسوي ياأخ راكان..
وخلته صامت ونامتـ..
**
وعت على طقه الباب وبهمس:مين..
أم فهد ورى الباب:علامكـ مقفلهـ الباب يابنتي؟؟ افتحي..
قامت بكل كسل وفتحت الباب ورمت حالها لسرير..
وتلحفتـ..
أم فهد اقتربت منها وسحبت اللحاف ألي كان يغطي جسدها:قوومي وطير..
جيهان وهي ترجع اللحاف على جسمها:لا تصارخين يمه أبا أنام أنا..
أم فهد وهو تبعد اللحاف من وجها وبسخريه:تقدرينـ تكملين نومكـ احين..بس بعد ماخبر راكان أبوكي بأسلوبكـ معه وجفاكـ..والأهم أن ابوكي تحت وبيبكي وهو معصب..
جيهان نطت من سريرها:وش قلتي؟؟
أم فهد:يلا قومي صلي ونزلي تحت..صليتي الفجر ولا لا؟؟
جيهان بخوف:أكييد صليتها..بس مقلتي لي وش قال له راكان؟؟
أم فهد:أنا عن نفسي ما ادري بس باين أن الموضوع قوي حيل..
جيهان ويدها على قلبها :لا تخوفيني أكثر من كذا يمه..
أم فهد يم الباب:صلي وأخلصي يلا..
نزلت بشويش لان ركبتها تعورها وراحت تكب الغداء..
بعد مخلصتـ من صلاتهـ لبست بجامتها وعطرت حاله ونزلت تحتـ..وشافت أمها بالمطبخ..
جيهان بهمس:ا...
يتبع....