أم فهد جات بتقوم إلا وجعتها ركبتها جات جيهان وساعدتها..
جيهان:بشويش..بسم الله عليكـ..
ووصلتها لين التوليت..
أبو فهد:حياكـ الله بأي وقتـ..أفا ياذا العلمـ..لا بتسمع الكلامـ..اي..كان اكوفنها..خلاص تم..يلا مع السلامه..
وبجانب التوليت..
أم فهد تنشف يدها:يساعدونكـ عيالك يارب..
جيهان بابتسامه:آمين..
ورجعنا لصاله..
أبوفهد وهو يتقهوة:تجهزي يابنت...بعد العشاء بيجيك زوجكـ..
جيهان باندفاع:ما أبا اشوفه أنا..
أبو فهد بق عيونه عليها:وش قلتي يابنت؟؟
جيهان بخوف:تكفي يبهـ..ما أبا أشوفهـ..
أبو فهد بعصبيه:ماعندنا حريم يعرضون كلام رجالهم..ويلا روحي تجهزي له..
جيهان ناظرت با أمها يعني قولي شيء يمه..
أم فهد:يا أبو فهد....
أبو فهد قاطعها بزمره:أنا وش قلت؟؟
جيهان قامت من الصاله وراحت طيران لفوق..
أم فهد صعدت فوق بشويش ورى بنتها..
.
.
.
في المستشفى!!!
بعد مكشف عليه الدكتور..
الدكتور وهو يكتب:أنا راح اوصف لك الدواء وبإذن الله بيتحسن..
سعود:طيب..
الدكتور:اهم شيء أنكم تراعون حالته..وابعدوا عنهـ المشاكل قدر الأمكان..
سعود:إن شاء الله..طيب هو عنيد وأنا اعرفه زين ومستحيل بيجلس بالمستشفى..
الدكتور هز راسه بـ لا وتنهد:طيب بكتب له خروج بس على مسؤليتكـ..
سعود:طيب..
وبالسيارة كان الصمت سيد الموقف..
وسرعانه وصلوا للبيت ومرام وصلت ابوها لغرفته وخفتت على النور وسكرت الباب بشويش..
وبالصالهـ..
حنان:وش قال لك الدكتور؟؟
سعود:يقول أنه جاته كتمه قوية..وارهاق شديد..
حنان تنهدت:الله يصلحه يارب..ميبي يغيب ولا يوم واحد..وكل ذا عشان ميخصمون من راتبهـ..
سعود:الله يهديه يارب..
رنيم:آمين..
سعود:المهم أنكم..تبعدون عنه المشاكل وتوفرون له الراحهـ..
البنات:إن شاء اللهـ..
.
.
.
الجو عندهم عصيب شوي..بسبب...!!
أم راكان قامت:لاا..
أبو راكان:وش ألي لا يامره؟؟
أم راكان بقهر:وليه يروح لها؟؟
أبو راكان رفع حاجبه:لأنه حليله له..
أم راكان فركت يدها بقهر:وهو كل شوي رايح لها..
راكان نزل من الدرسج وهو متكشخ حده..
راكان وهو يلبس ساعته البلاك:السلام عليكم..
أبو راكان:وعليكم السلام..
أم راكان بهجوم:على وين؟؟
راكان استغرب من سؤال امه؟؟
أم راكان كملت:وليه هالكشخه؟؟ وش عندك؟؟
راكان بابتسامه:بروح عند حرمتي؟؟
أم راكان بعصبيه:وليه رايح لها؟؟
راكان:...........
أم راكان:هالايام أشوفك متنقع عندها..
أبو راكان تنهد:إنا لله..وليه ميروح لها؟؟
أم راكان قامت من كنبها:قلنا يروح لها..بس مو بالاسبوع مرتين..
راكان يم الباب:انا بروح..محب اتاخر عليها..
وسكر الباب..
أم راكان بقهر التفتت له:شفــــــت ولدكـ وش يقولــ؟؟؟
أبو راكان بنفاذ صبر:أي شفت..
أم راكان بقت عينها:وعاجبكـ!!
أبو راكان:...........
أم راكان بقهر اكثر:والله وسحرته هالجيهان..طيب..طيب..أنا بعرف اتصرف معها بعدين..
أبو راكان قام وتنهد بقوة:استغفر الله العظيم بس..
.
.
.
على الساعه 7 ونصف جهزتـ..
أم فهد:ابتسمي يابنتي..مايصير يشوفك كذا..
جيهان بقهر:أبوي كلا معه..وضدي دائماً..ما دري وش مسويهـ فيه انا..
أم فهد تنهدت:أنتي ادرى با أبوكـ..مالاداعي لها الكلامـ..ويلا أنزلي..جاء زوجكـ من شوي..
التفتت للمرايهـ..
تشيكـ على نفسها بالمرايهـ..
كانت لابسهـ تنورة ميدي جنز..على بلوزة ذهبي..من الصدر ملفوف ويعتلي الكتف بجهة وحده كريستال ذهبي لامع..كاشف من الاكمام..وصندل زحف ذهبي..لبست عدساتها الزرق ودمجت لون الذهبي والأسود بنهاية الجفن..ومدت بالاي لينر الاسود لترسم رسمهـ كعيني القطهـ وكثفت الماسكاره..وغلوس اورنج مايل للوردي..وعملت شعرها ويفي..وتسبحت بالعطر..
شكلها صاير خياال..
وبالمجلس..
أبو فهد:توا منور المجلس..
راكان بابتسامه:بوجودكـ ياعمي..
جمعت قوتها ودخلتـ المجلس بخطواتـ واثقهـ:السلام عليكمـ..
التفت لها (ملكة جمال وربي..)
راكان وابو فهد:وعليكمـ السلامـ..
أبو فهد يصرف نفسهـ:بروح على التوليتـ..
راحتـ جلست على الكنب الفردي وكان بعيد عنه..
راكان رفع حاجبه:كذا الحرمهـ تسلمـ على زوجها..
جيهان رجعت ظهرها لورى:وكيف تبيني أسلم عليك ياأخ..
راكان ابتسم بخبث:أنا أقول لك كيف؟؟
انتهـــــى البارررت...