| البارت السادس:
مرت ايام على حالتهم طبعا مايتكلمون مع بعض ولا شي
وفي احد الايام
فيصل كان يسبح في البحر
وفرحان ويضحك ويلعب معه بنات
ومسوين فريق كرت طائره شباب وبنات
البنات يترجونه يكون معهم
بس هو قال لا
وملاك جالسه تطالعهم كانت جالسه على الشاطئ
: اعجبك حلو صح
ملاك لفت وصارت تطالع فيها مستغربه
ضربت راسها: يوه والله اني دلخه
(بالاي): اعجبك الولد طول الوقت تطالعين فيه
ملاك(بالاي): أي ولد؟؟
البنت (بالاي):هذاك وتاشر على فيصل
ملاك ابتسمت (بالاي): ليش تسألين؟؟
البنت(بالاي): صراحه بس أنا مااحب احد يناظره غيري
ملاك صارت تضحك
ملاك(بالاي): وليش ؟؟
البنت(بالاي): كل البنات هنا يبون يتقربون منه بأي طريقه
ملاك(بالاي): وأنتي؟
البنت: انتي ماتفهمين يالمهبوله خواجيه ضايعه يامال الماحي
ملاك ضحكت وضحكت بصوت عالي
فيصل وهو يلعب سمع صوت ضحكه تجنن على طول لف يبي يشوف مصدرها ولقاها ملاك
فيصل رمى الكوره الي بيده وراح عندها
البنات ينادونه وينادونه ولا هو معطيهم وجه
البنت: ياسلام سلم هيه لا تضحكين ويل حالي جى جى
ملاك:ههههههههههه
البنت: يااااااااوه ابس لا تضحكين يقطع دابرها جابته بصوت ضحكتها
ملاك: ههههههههههههههههه (بالاي): مااقدر خلاص بس
فيصل وقف عندها ويناظر فيها
ملاك تسدحت على التراب وتضحك
البنت فتحت فمها فيصل واقف قدامها بالشورت وشكله
عذاااااااااااااااااااااااااااااااااااااااااااااااا ااااااب
فيصل(بالاي): وش قلتي لها
البنت: ياويل ويلي ويلاه
فيصل:هههههههههههههههههه
البنت: ياقلب منيره ياويل حالي والله الي فطست تكفى لا تضحك
فيصل (مستغرب):انتي وش تقولين
منيره: نووووووووووووووووووووووووره
جات نوره تركض
نوره: وش فيك
منيره: يحكي مثلنا
ملاك لا تسألون عنها منيره ذكرتها بسام طايحه ضحك
وفيصل واقف ويضحك
نوره: بس خلاص
ملاك: فيصل لا لا مااقدر اتحمل
منيره: نوره تهرج مثله
فيصل جلس جنب ملاك وصار يناظر فيها وهي تضحك من كل قلبها
ملاك صارت تناظر فيه واستحت واسكتت
منيره تناظر فيهم ونوره بعد
منيره: انتي تعرفينه
ملاك: إيه ههههههههه والله ضحكتيني يامنيره
منيره ابتسمت
ملاك: معليش نسيت اعرفكم بنفسي أنا ملاك
منيره ساكته وتناظر بفيصل الي جالس ورى ملاك
كلهم كانوا جالسين منيره ونوره جنب بعض
ملاك وفيصل كان وراها
على الأرض طبعا
نوره: أنا اسمي نوره وهذي اختي منيره
ملاك: ههههههههه تشرفت يامنيره والله من زمان ماضحكت مثل كذا
فيصل: ولا أنا
ملاك لفت تطالع فيه
منيره: وانت من؟
فيصل: أنا اسمي فيصل
منيره: اخو ملاك صح؟؟
فيصل: لا
منيره: ماتعرفها صح؟؟
فيصل:لا
منيره:اجل أبوها
فيصل: لا بالله وش شايفتني
منيره: ملاك وش يقرب لك انتم ماتحبون بعض صح؟؟
فيصل يناظر فيها مستغرب ونوره متفشله من اختها وملاك عارفه هي ليش تقول كذا
ملاك: لا يامنيره فيصل هو
منيره: عمك خالك
فيصل: انتي وش فيك؟؟
منيره تفشلت
ملاك لفت تناظر فيصل
بنظرات انه ليش قلت كذا
ملاك: لا يامنيره أنا اسفه فيصل هو زوجي
منيره: ياويل حالي أنا واسبديه ليه
ملاك:ههههه اسفه بس وش اسوي
فيصل: ليش واسبدك بسم الله على سبدك
منيره: البنات كلهم ميتين عليك وفي النهايه تطلع معرس
فيصل: إيه بالله معرس وعروستي مزيونه
ملاك: هههههه (ماعرفت وش ترد)
نوره: اسفه يافيصل بس منيره الي في قلبها على لسانها
فيصل: ياليت الي عندي مثلها
وقام
نوره: وش فيه أنا قلت شي يزعل
منيره: يامال المرض ياوخيتي زعلتيه
ملاك: لا عادي ماعليكم منه
منيره: نوره شوفي ذاك المزيون ولا ذاك واسبدي
ملاك: ههههههههه منيره قلبك خضر
منيره: إيه بالله خلاص مدام فيصل معرس وعنده ملاك وش ابيبه تبينه يفكر فيني هه والله ماجاب خبري
ملاك ابتسمت
نوره: إلا ملاك ليش جاين هنا
منيره: ليه يعني عشان شهر العسل صح
ملاك: لا شهر العسل خلاص من اسبوعين
منيره: اجل وش جابكم هنا
ملاك: فيصل بيدرس بالجامعه حوالي سنتين عشان كذا حنى هنا
منيره: اهاااا
نوره: ومالكم احد هنا
ملاك:لا بس أنا وهو
نوره: الله يعينكم
ملاك: الحمد الله على كل حال
منيره: ومتى اعرستوا
ملاك: ماادري متى بالتحديد بس كان قبل شهرين تقريبا
نوره: اهااا
منيره: حنى زي فيصل
ملاك: كيف يعني؟؟ زيه
نوره: قصد منيره اننا حتى احنا بنكون في الجامعه
ملاك: اهااا حلو شي حلو انكم تدرسون هنا
منيره: انتي باين عليك قدنا ماكملتي جامعه
ملاك: كان ودي هو اصلا مابقى لي إلا ترم واحد واخلص بس ماادري عن فيصل
إلا تجي كوره طايره وتصقع في راس ملاك
ملاك: مين الحيوان ذا؟؟
فيصل(بصوت عالي): اسسسسسسسسسسسسسف
(وفي نفسه): احسسسسسسسسسسسسسسسسسن
ملاك(بصوت مايسمعه إلا الي حوليها منيره ونوره): الحيوان الدب قاصدها هه تحسب اني مااعرف حركاتك يافيصل أنا اوريك يالدب
منيره ونوره يطالعون بعض ويطالعون فيها
ملاك ناظرت فيهم
ملاك ابتسمت: اسفه
نوره: منتو متفقين صح
منيره: لا يانوره هم مايحبون بعض
ملاك: وش قصدك؟؟ ومن قالك؟؟
منيره: عيونكم
ملاك مستغربه وتناظر فيهم
منيره: أنا ادرس علم نفس
نوره: وانا علم اجتماع
ملاك:اهااا عشان كذا
منيره: إيه عشان كذا
ملاك: وانتم جايين مع مين
منيره: لحالنا
ملاك: بالله ماشاء الله عليكم الله يوفقكم
نوره: بنات يالله نسبح
منيره: أنا مااقدر اسبح
ملاك: ليه
منيره: كذا يعني وش رايك؟؟
ملاك: إيه صح اسفه سوري
منيره(تغمز لها): اوكي يالله روحي اسبحي
وراحت منيره ووقفت تناظر فيصل
على فكره
(منيره): بنت حلوه ماشاء الله ذاك الجسم والطول واحلى شي فيها لجات تتكلم مو كلام بدوي لا كلامها من جد لانها تستهبل عشان تضحك نوره اختها وهي علم نفس وبقى لها سنه وتخلص من البدايه وهي تدرس في بريطانيا وتحب تناظر الرياجيل الشين والزين ومرررره تحب الوناسه والضحك لكن لا جى الجد تعجبك
(نوره): بنت ماتقل جمال عن اختها العيون والشعر بس انها مربربه شوي (يعني دبدوبه شوي) بس طالع عليها حلو وماهيب جريئه مثل منيره هم من عايله غنيه لكن هم متواضعين لابعد حد
((((علم نفس و علم اجتماع))))
راح يغير ياترى من حياة ملاك وفيصل ولا لا
راح نعرف
ملاك تسبح مع نوره بس ملاك لابسه قميص فوق البكيني قالك ستر يعني ونوره لابسه بكيني ساتر اهون من ملاك
وفيصل لف يناظرهم
لان صوت الضحك والوناسه عااااالي مره
فيصل عصب عصب يوم شاف ملاك كذا والكل عيونهم على ملاك ونوره بس هو همه ملاك
وعصب زياده يوم شاف الي لابسته قميص ابيض وقال يعني هذا ساتر
فيصل: أنا اوريك ياملاك
وراح بيروح عندها
إلا منيره مسكته
فيصل: خير يامنو
منيره: خلها تنبسط
فيصل: وكذا شكلها
منيره: فيصل شوف عيونها يافيصل وضحكتها عشان تعرف انها من زمان ماضحكت لو سمحت خلها
فيصل: شوفي كيف يناظرون فيها
منيره: ملاك مو أول وحده احد يناظر فيها
وفكت منيره يده وفيصل هدى
منيره: فيصل انت ماخذ ملاك فحاظ عليه زين ملاك ملاك في كل شي إلا شي واحد
وراحت
فيصل: وشو
لفت منيره وطالعت فيه
منيره: الحب الحب يافيصل
فيصل: وش قصدك؟؟؟
منيره: راح تعرفه بعدين يافيصل بعدين
فيصل: راح اعرفه قريب يامنو قريب
منيره انبسطت وابتسمت لانه ناداها منو ولانه على اعصابه في أي شي يتعلق بملاك
راحت منيره
وفيصل صار يطالع ملاك من بعيد وهي تضحك
فيصل(في نفسه): خليني اروح لها
وراح يركض لها
يوم قرب من البحر ملاك انتبهت له
ملاك: فيصل لا لا تدخل
فيصل كان متحمس ووقف
فيصل: ايش
ملاك طلعت من البحر
ملاك:لا تدخل
فيصل: وليش ان شاء الله
ملاك: اخاف يصير لك مثل ماصار اخر مره
فيصل: تخافين علي
ملاك: إيه حتى انت امانه عندي
فيصل: اهاا مو من الله يعني
ملاك: فيصل لاتلف ودور خلاص أنا ماراح اسبح
فيصل: ومن قال اني جاي عشانك اصلا
وراح للبحر
ملاك(بصوت عالي): فيصل اطلع قبل لاتتعب يالله
فيصل: ماابغى لا لا لا
ملاك: فيصل بلا حركات بزران اطلع
فيصل: تعالي طلعيني
ملاك:يوووووووووووه منك
فيصل(بالاي): بناااااااااااااااات الي تقدر تطلعني من المويه لها الي تبغاه أي شي أي شي (ويغمز لهم)
البنات صياااااح على الاخر الي كانت تاكل خلت اكلها وقامت والي كانت جنبه تحاول تدفه والي كانت مع خويها وخلته عشان فيصل المهم الكل كان رايح عند فيصل
فيصل: لالالالالالالا لحظه ماتوقعتهم كذا
ملاك: تستااااااهل
والباقين يطالعون في الحرب
البنات ماصاروا يطلعون فيصل صاروا يغرقونه
فيصل انهبل معد صار يقدر يطلع صار يصيح ويسب
فيصل: الله يلعنكم يابنات الكلب وخروا خلاااااااااص
وصار يكح ويكح
ملاك كانت تطالع في المنظر يوم شافت فيصل كذا وشكله يكح ولونه بدى يتغير
ملاك: لا لالالالالا فيصل بيروح لا
نوره: وش فيك
ملاك: فيصل بيموت
وراحت ركضت
ملاك: ياربي وش اسوي
وراحت للبحر معهم تبي تطلعه ماقدرت تدخل عشان تطلع
ملاك:الله يلعن الشيطان لاااااااااا فيصاااااااااال
فيصل يشوف ملاك ولاهوقادريتنفس ولايصيح ولاشي
غمض عيونه وطاح
منيره(بأعلى صوتها) (بالاي): قرش قرش انحاشوووو قرش عملاااق
بعد ثواني مابقى ولا احد في المويه من جد ولا احد
إلا فيصل إلي طايح وسط المويه
ملاك راحت نطت وجابته وسحبته بنفسها لين ودته على الشاطئ
فيصل طبعا معد صار يتنفس
ملاك مااستنت احد سوت له تنفس اصطناعي
ومره مرتين عشر لين صار يتنفس
وفتح فيصل عيونه لقى نفسه على الشاطئ
قام
ملاك: حبيبي قمت
فيصل يناظر فيها
فيصل(يجاريها): إيه حبيبتي قمت
ملاك ناظرت فيه واستوعبت الي هي قالته
ملاك:الحمد الله على السلامه
فيصل: الله يسلمك
ملاك تناظر فيه
فيصل ماسك راسه: حشى موب بنات ذولي مصارعات
ملاك تناظر فيه وتضحك
فيصل ناظر فيها وابتسم: ماتوقعت انه راح يصير كذا
ملاك: لا وتوقع انه راح يصير اكثر
فيصل: وش دعوه لهدرجه
ملاك: واكثر
فيصل يطالع فيها وهو مستغرب : طيب ليش؟؟
ملاك: لان كل البنات الي هنا خاقين عندك ويستنون اشاره منك والكل يراقب تصرفاتك
فيصل مستغرب: كلهم كلهم
ملاك: إيه اذا مو كلهم اغلبهم
فيصل: وأنتي منهم
ملاك: من مين؟؟
فيصل: وأنتي من الكل ؟؟
ملاك: لا أنا مو من الكل
فيصل: طيب من الاغلبيه!!
ملاك: لا من الاغلبيه ولا من الاقليه
فيصل: اجل من ايش؟؟
ملاك: أنا ماني مثل احد أنا غير غير الناس كلهم
فيصل وقف وهو رايح
فيصل: أنا اشهد
: وعلى فكره راح اتاخر اليوم
ملاك: ليش
فيصل لف وطالع فيها : وأنتي وش عليك
ملاك وقفت: أنا اسفه لاني سالت
فيصل: زعلتي
ملاك وهي معصبه: لا عادي متعوده ان الناس يقولون لي وش عليك
وانت اصلا وش عليك
فيصل صار يضحك
فيصل: طيب ياهلاك تبين شي اجيبه لك
ملاك: لا روح وتاخر ولا احسن لا تجي مره وحده نام برى
فيصل: ترى بسويها
ملاك: سوها نرتاح من بعض يوم واحد
فيصل قرب منها وباسها على خدها: بس أنا مارتاح اذا ماشفتك
وبصوت عالي ومن بعيد: بااااي وبجيب لك شبس
ملاك ابتسمت وكانت رايحه تمشي بتدخل الفلا
:ملاك معقوله هذا فيصل
ملاك لفت تناظر من الي يتكلم
ملاك:ااااااااااااااااااااااااااااااااااااااااااااا ااااااا
:ااااااااااااااااااااااااااااااااااااااااااااا
ملاك:ساااااااااااااااااااااااااااااااااام سااام لا مااصدق
وصارت تنط وضمتها بقوه
سام:هههههه حشى ترى بطلع من ورى خليني اتنفس
ملاك: اسفه ياقلبي انتي متى جيتي؟؟ وكيف؟؟ وليش؟؟
سام:حبه حبه بشوي شوي
ملاك: متى جيتي؟؟
سام:اولا مو جيتي جيتوا
ملاك: ليش من جى معك
سام: تستخفين دمك انتي يعني امي بتخليني اجي لحالي
ملاك: إيه والله صح
سام: إيه وش عليك هذا بس من بوسه وضعتي وعلى الخد بعد اجل او ضمه ولو..
ملاك: بس بس خلاص فهمت
سام: اشتقت لك
ملاك: وانا اكثر
سام: امشي عشان تسلمين على امي ماكنت ادري انك ساكنه هنا
ملاك: ولا أنا بس من متى وانتم هنا تعبت وانا اسال ذا السؤااااااال
سام: من اسبوع ونص تقريبا
ملاك: و...
سام: والي معي أنا وامي وعبود وجاين عشان نتمشى ومره وحده نشوفك
ملاك:شاطره ريحتيني من الاسئله
سام: اختك واعرفك إلا وش ذا اللبس
ملاك : هه يعني ماتدرون هذا من سوالفك انتي والبنات ذيك الليله
سام:ههههه بس والله فليتيها وعادي عندك تطلعين كذا قدام الناس
ملاك: خذيت قميص لفيصل يعني سترني شوي
سام:لا بالله إلا خلاك ملفته اكثروالله لو يشوفك عبدالله كذا ليستخف
ملاك: أي والله خليني بروح اغير ملابسي تعالي معي
وهم ماشين رايحين للفلا
:هاي ملاك
ملاك لففت تشوف مين
ملاك: هلا منو
منيره: هلا فيك
نوره: هاي
ملاك: هلا والله
منيره: وش اخبار فيصل اللحين؟؟
ملاك تورطت
وسام عقدت حواجبها
ملاك: لا الحمد الله الا سام شوفي هذي منو واختها نوره
سام: اهلين يانوره ومنو(قالتها على انها مستغربه من الاسم)
منيره: هههه فيصل هو الي قالي منو
سام: اهااا وانتي ماقالك شي
نوره: لا
سام: اوكي ملاك يالله لانتاخر على امي
منيره: اوكي اجل حنى رايحين نشوفك بعدين ملاك
ملاك: اوكي باااي
منيره+نوره: باااي
سام: مااعجبوني
ملاك: بالعكس مره فله يجننون
سام: مو مهم يالله بس امشي نروح
ملاك: اوكي
ووصلوا لفلة ملاك وفيصل
سام: فيصل فيه
ملاك: لا ماأظن
ودخلوا الثنتين
سام: يالله بسرعه بستناك هنا
ملاك: اوكي
وهي قاعده تطلع الدرج
ملاك: سام تصدقين
سام(بصوت عالي): اصدق هااه وش عندك قولي؟؟
ملاك: ان في.....
ودبج تصقع بالي قدامها
من قوة الصقعه لان ملاك كانت تنط الدرج وبسرعه
ولان الي صقعها بعد يمشي بسرعه
ملاك طاحت على الارض
ملاك: أي ماتشوف
: اسف
ملاك رفعت راسها
ملاك: فيصل
فيصل: نعم
ملاك: عورتني
فيصل: ههههههههه قلت اسف
ملاك قامت
ملاك: وليش تضحك ان شاء الله
فيصل: ماتشوفين شكلك وانتي تقولين عورتني كانك بيبي
ملاك تناظر فيه: ايه عورتني
فيصل: اوك أي ام سوري (انا اسف)
ملاك: مو انت قلت بتروح
فيصل: ايه بس جيت اخذ اغراض
ملاك: اها طيب تدري من شفت
فيصل(وهو يحوس في اغراضه): ادري اختك المطفوقه
ملاك: لاتقول عنها كذا
فيصل ناظر فيها: اسف ياانسه ملاك
ملاك:....
فيصل: الا انتي وش جابك
ملاك: مابي اروح كذا اخاف عبود يشوفني ويعصب
فيصل لف وناظر فيها
فيصل عقد حواجبه : مو هاذي بلوزتي
ملاك تناظر فيها : ايه
فيصل: وانا ادور عليها
ملاك (استحت): اسفه
فيصل: عطيني ايها
ملاك: بس فيها مويه
فيصل: معليش
ملاك: طيب بس لحظه
وراحت
فيصل: تعالي على وين ؟؟
ملاك: بروح الحمام افكها
فيصل: اللحين مو انتي لابسه مايوه
ملاك: الا
فيصل: خلاص فكيه ملاك بسرعه انا مستعجل
ملاك: بس
فيصل(ناظر فيها): ملاك بسرعه
ملاك : طيب
وصارت تفك زر زر وتناظر فيه ومرررررره مستحيه
فيصل: شكلك مطوله
وراح عندها ووخر يدها وصار هو الي يفك الازرار
ملاك صنمت راحت فيها ماتدري وش تسوي
سكتت
ملاك كانت لابسه بكيني لونه اصفر وعليه رسومات بالفوشي ماكان قطعتين كان قطعه وحده ومن ورى ظهرها كله مفتوح وعلامت ×
وكان شكلها خيااااااال لان فيصل تنح شوي
فيصل: تصدقين عبود اذا شافك كذا بيتهور
ملاك وجهها تصبغ الواااان
فيصل: باي يا هلاك
ونزل تحت فيصل لقى سام
فيصل: السلام عليك
سام استحت ماهي لابسه شي يغطيها
فيصل: وش اخبارك؟؟
سام: .......
فيصل(ابتسم):لا تخافين ماراح اناظر وترى ملاك امانه بيدك انتبهي عليها
وبالفعل طلع وهو ماناظر فيها لانه مايحتاج دام عنده ملاك وش يبي بغيرها
ولانه شاف انعكاس صورتها بالجزاز حق الفلا الي يطل على البحر
سام: ملااااااااااااااااااااااااااااااك يا تبن
ملاك: خير يالدبه جيت
ونزلت ملاك وهي لابسه بنطلون وتي شيرت عادي بس عليها طالع حلو
ملاك: وش بلاك؟؟
سام: فيصل كان فيه
ملاك: ايه شفتيه؟؟
سام: ايه شفته وأمني عليك بعد
ملاك: ايش؟؟؟؟؟
سام: هه خايف عليك يقول ملاك امانه بيدك وانتبهي عليها
ملاك(ابتسمت)
ملاك(في نفسها): وش قصده يعني ليه بيطول يعني برى ولا شلون لا ماراح يطول هو قايل لي انه راح يجيب شيبس لي
سام: وش تفكرين فيه
ملاك: ولا شي
سام: الا بفصفص
ملاك عقدة حواجبها: فصفص
سام: ايه فصفص فيصل
ملاك: اقول سام الفيلا الي ساكنين فيها بعيده
سام: يعني شوي
ملاك: الا متى بتقعون هنا؟؟؟
سام: احتمال شهر ليش؟؟
ملاك: شهر
سام: تبين الصدق لا بنقعد طول الاجازه
ملاك: طول الاجازه
سام:ويمكن اكثر بعد
ملاك: اكثر بعد سام حددي الا متى بتقعدون
سام: تبين الصدق لقينا روحه بدون عوده ويقول المطار اقرب عوده بعد
ملاك: شهر
سام هزت راسه بلا
ملاك(منفعله): شهرين
سام: نو
ملاك(بنفس الانفعال) اجل كم؟؟؟
سام تاشر بيدها 10
ملاك: 10 شهوووووووووور
سام: ايه وناسه صح
ملاك: وناسه ؟؟؟؟
سام: ايه انا تخرجت هالسنه من الثانوي وعبود يقول راح يوقف ترم ويمكن يكمله هنا بعد مدري بس مااظن لانه مايبي
ملاك: انتي من جدك ولا تستهبلين؟؟
سام: وش رايك؟؟
ملاك: وانا وش دراني اماااااااااااااانه قولي الصدق
سام: خلاص وصلنا أسألي امي
ملاك: وقسم باللله لو انك كذابه ياويلك ياسواد ليلك
سام: طيب
ملاك: راح تندمين على اليوم ابي جيتي فيه على ذا الديره
سام: اوكي
ملاك استغربت ان سام واثقه من كلامها
ملاك(في نفسها): الله يستر
ودخلت على امها وسلمت امها عليها ودمعت شوي والا شوي جى عبود وسلم عليها وجلسوا وتقهو وانبسطوا
ملاك: الا اقول يمه الدبه ذي تقول انكم لقيتوا تذاكر روحه من غير عوده
ام عبود: ايه شفتي الحظ واقرب عوده لنابعد 10 شهور
ملاك: عشر شهور بس يمه بعيييد
ام عبود: عادي
ملاك: وابوي
ام عبود: ابوك بعد شهر بيجي
ملاك: بعد
عبود: ليش ماتبينا
ملاك: مو على كذا بس مو غريبه شوي تترك كليتك عشان بريطانيا وتتركون السعوديه مدري
ام عبود: تصدقين ياملاك احسن نفتك الشوي من الحر بالرياض خلينا نجرب العيشه برى ولي 4 سنين ماسافرت ابي اجي
عبود: وانتي بعد شي جديد عليك انك تعيشين هنا
ملاك: لا عادي لان فيصل عارف كل شي بابريطانيا
عبود: اها سمعت انه في السنه الوحده لازم يزورها مرتين على الاقل
ملاك: بالله ومن قالك؟؟
عبود: واحد من اخوياه
ملاك: مدري ماعندي علم بهاشي
سام:اووووووووووووووووووووووووف
ملاك: وجع وش فيك؟؟
سام: مهند ونور ياملاك
ملاك: وش فيهم بعد؟؟
سام: تزاعلوا
ملاك: ابرك
سام: حرام عليك لا تشمتين فيهم
ملاك: الحمد الله والشكر انتي صاحيه
سام: ايه عشان ماتزعلين انتي وفيصل زيهم لانهم راح يطلقون
ملاك(في نفسها): اصلا حنى رضينا عشان نتزاعل
ملاك: طيب وانتي ليش تأفأفين
سام: لاني ابي اشوف الحلقه الجايه
ملاك: طيب شوفيها بالنت
سام: مااعرف
ملاك: اشوف لك فيصل اذا كان يعرف واخليه يسويه لك اوكي
سام (انبسطت): صدق والله فديتك انتي ورجلك المزيون
ملاك: ايه تفادي الللحين لا فيصل لا تفادينه بس انا
عبود: وليش لا
ملاك صارت تناظر فيه: لان مايفداه الا انا
سام (تصفق): اوف ياحركااااات انتي قويه قويه ياملاك قووووووويه
ملاك: خلاص فهمنا
ام عبود: الا وش اخبار فيصل ياملاك؟؟
ملاك: بخير يمه ويسلم عليك بسناقدر يجي
عبود: ليش وين رايح؟؟
ملاك(تورطت): والله ماقالي
عبود: ماقالك حلو حلو يدشر اخر اللليل بعد
ملاك: عبود ثمن كلامك
عبود: وانا وش قلت ماقلت الا الصدق اخر الليل مافيه الا الدعاره والسافلات والمنحطات بعد الي يدورون أي واحد عشان..
ملاك(بصوت عالي): عبدالله خلااااااص
عبود سكت وصار يطالع فيها والام سكتت ماقالت شي وسام هم بعد ساكته
ملاك: انا لازم امشي تصبحين على خير يمه
وسلمت على راسها وطلعت
عبود: م..
ام عبود: اتركها
عبود: تطلع اخر الليل لحالها
سام: ايه يمه اخاف يصير لها شي
ام عبود: انت انطمي
سام: ان شاء الله
عبود: يمه
ام عبود: الحقها بس لا تحس فيك
عبود: ابشري
وعلى طول راح وراها
ملاك صارت تمشي بس الدموع الي في عيونها ماخلتها تشوف طريقها زين
وقفت ومسحت دموعها وكملت الطريق
ملاك(تفكر): وش قصده عبود معقوله فيصل يسوي كذا ويروح اخر الليل عشان....عشان
ولا قدرت تكمل الكلمه
وصار ت توخر هالافكار من راسها
الين ماوصلت للفلا
بس مادخلتها كان في مرجيحه قدام الفلاوراحت لها وجلست فيها تفكر
ملاك(تفكر):وش ياترى راح اسوي مع فيصل ومعقوله فيصل راح ذا الوقت من الليل عشان ذا الشي الغبي الي افكر فيه ولا عشان شي ثاني وامي واخواني راح يجلسون هنا 10 شهور 10 شهور اووووف بس انها كثيره
وسكتت
ملاك: لالالالا لالالا بالعكس احسن انا مابقى لي الا ترم واحد و اقدر اخلصه في 10 شهور ويمكن اقل بعد وبعدين اروح معهم وافتك وارجع للبنات وللرياض فديتها بس ...(وتنهدت وسكتت)
وجلست تناظر البحر
وعبود يناظر فيها
عبود(في نفسه): شكلها بطول
بعدين لمح شخص وعرف من هو
عبود: خلاص دامه جى بروح
وراحلاك كانت بتقوم الا وتشوف احد هناك عند باب الفلا من جهة البحر
راحت تمشي بشوي شوي عشان تشوف مين ولان الظلام في كل مكان ماعرفت من
الا شوي طاح على الارض
ملاك راحت عنده
ملاك تناظر فيه
ملاك(مفجوعه): فيصل
ومثل ماقلت فيصل طايح على الارض
ملاك شالته وحطته على الكنب هو ماكان طايح بمعنى مغمى عليه لا كان يترنح
ملاك: فيصل فيصل قوم فيصل
فيصل ماهوب قادر يتحرك
ملاك: اووف ريحتك خايسه قرف
الا بتقوم وتذكرت شي
ملاك: لا مستحيل يكون سكراااان
وراحت قربت من فيصل عشان تشم ريحت انفاسه
ملاك: وووووووع الله يقرفك ياوسخ
ملاك: فيصل
وضربته على وجهه عشان تقومه
فيصل(فتح عيونه وشكله رايح فيها): اوه هلا والله بملاك ياهلا والله ارحبي انتي بعد تبين مثلهم ابشري
ملاك: ياالمجنون انت وش سويت ومن هذولي ووش يبون؟؟
فيصل قام وجلس الا وقف وهو يترنح: يبو..و..ن الي ..يب...و..نه
هههههههههههههههههههههههههه
ملاك: امش يالمجنون امش
ومسكت فيصل بقوه وتسحبه
فيصل: وش فيك شوي شوي علي
ملاك: ياربي وش ذا البلوى
فيصل: اللحين عرفت بنروح للغرفه صح عشان..
ملاك: اسكت ولا كلمه يالمهبول
وراحت دخلت هي وياه الحمام ودخلته في
البانيو (حوظ الاستحمام)<<قالك عربي فصحا
المهم
فيصل(وهو يترنح): وش فيك وش جابنا للحمام
((عارفين كيف السكران يتكلم فهاذي حالت فيصل ماتوقعته كذا))
ملاك: انا اقولك وش جابنا
وتفتح عليه المويه
الباااااااااااااااااااااااااااااااااارده
فيصل: لا لا لا لا
ويبي يطلع بس لانه مافيه حيله
فملاك دفته ورجعته
لين صحصح
فيصل(وهو تعبان): ملاك
ملاك: قوم
وساعدته على انه يقوم لانه هو مافيه حيل
وانسدح على السرير وغمض عيونه
ملاك فكت بلوزته
وصارت تناظر فيه مصدومه
ملاك: ماكذبت ياعبدالله
وراحت جابت منديل
عشان تمسح فمه
فيصل لف للجهه الثانيه
ملاك: استنى خلني امسح فمك
فيصل بصوت متثاقل: ليش وش فيه؟؟؟
ملاك(وهي معصبه): عليه روج واحمر بعد
فيصل عقد حواجبه
وراحت ملاك وامسحت فمه
ملاك: استغفر الله العلي العظيم
فيصل مره كان تعبان فراح فيها نومه
راحت ملاك واجلست تحت لحالها
ملاك: ياربي هذي بدايتها بس فيصل مو راعي هالحركات لانه لوفيه نيه كان صار شي بيني وبينه مو يروح برى بس اكيد فيه شي صاير بس يسكر غريبه
الا تذكرت يوم عبود قال لها انه كل سنه يروح لبريطانيا
ملاك كانت بتقوم الا دق جوالها
والرقم مو غريب عليها بس ماتذكره لانها غيرت جوالها وكل الارقام الي فيه راحت
ملاك: الو
: هلا والله وغلا براعية هالصوت
ملاك عرفت مين:هلا والله وغلا فيك
هند: وش اخبارك يابعد قلبي؟؟
ملاك(دموعها صارت تنزل): هند انا ماني بخير ياهند مانيب بخير
هند: بسم الله عليك ليش وش فيك وش صاير؟؟
ملاك: فيصل ياهند
هند: وش فيه
ملاك: راح فيها
هند: يعني وشلون فهميني
ملاك قالت لهند كل شي وقالت لها
هند: وشو في رقبته وحمرى بعد
ملاك(وهي تبكي): ايه بس اكيد كان سكران
هند: لا تطلعين له عذر
ملاك: بس
هند: انتي احتسبي واصبري اوكي واللحين قوومي صلي لك ركعتين وادعي ربك واذا جى بكره عندكم وقام اساليه عن الي صار وعن سالفة تعبه كل شوي وهو طايح وادويته
ملاك: انتي تشوفين كذا
هند: الا انا متاكده
ملاك: طيب الي تشوفينه
هندك ملاك اول مره اشوفك كذا ضعيفه وين ملاك الي اعرفها
ملاك: بتجي ياهند وراح ترجع صدقيني
هند: الا ملاك شفتي المقلب الي سووه البنات
ملاك: أي مقلب
هند: الرساله والصور
ملاك: ايه بس ماكان فيه الا صوره وحده يوم اسوي بروفا للفستان
هندك وشو انتي وش تقولين فيه صوره لك وانتي صغيره وتبكين كان شكلك يجنن
ملاك: لا مالقيت راح ادور عليها
هند: طيب اجل تاخر الوقت عندكم
ملاك: هههههه الصبح بيطلع
هند: والله اسفه بس مثل ماوصيتك اوكي
ملاك: اوكي وشكرا
هند: العفو ياقلبي ولماذا وجد الاصدقاء
ملاك: ههههههههه اوكي باي
هند: ههههه باي
وسكرت ملاك وارتاحت شوي من كلام هند وانسدحت على الكنب ونامت
فيصل قام من النوم وراسه مصدع
فيصل: اوف وش فيه راسي
وصار يناظر حوليه
فيصل: انا وش جابني هنا
وراح قام غسل وجهه وناظر شكله بالمرايه
فيصل: لا لاتكون ملاك شافت ذي
وصار يحاول يوخر الي على رقبته
وصار يمسح الي بفمه لانه بقى اثر خفيف من الروج
وطلع من الحمام دور على ملاك في الدور الي فوق مالقاها
ونزل تحت لقاها نايمه
راح عندها
وشاف شكلها والدموع الي نشفت وهي على اخدودها
فيصل: اوف ياليل القلق صدق
ملاك حست فيه وفتحت عيونها
فيصل كان واقف من جهة الشمس فما كان واضح شكله زين لين مافتحت ملاك عيونها زين وفيصل كان شكله يجنن ولابس البلوزه وازاريرها كلها مفتوحه ويناظر فيها ومتكي على الجدار
ملاك ناظرت فيه وقامت
فيصل: صباح الخير
ملاك: صباح النور
وراحت قامت تغسل وجهها
دخلت للحمام وسكرت الباب
ملاك(تفكر): راح اقوله والي يصير يصير
الا شوي طلعت من الحمام
وفيصل كان يستناها
راحت وجلست وفيصل كان جالس
فيصل: وش فيك؟؟
ملاك: مافيني شي
فيصل: الا باين من عيونك انك زعلانه وبقوه زعلانه
ملاك: زين انك عارف طيب عارف ليش
فيصل: عشان هذي (ولف برقبته عشان ملاك تشوف)
ملاك(ابتسمت):ماشاء الله وتعترف بخطائك بعد
فيصل: ملاك والله ماكان قصدي بس..
وقاطعته
ملاك: ماله داعي تشرح شي ولا تبسبس خلاص فيصل انت خنت يافيصل وهذا شي مستحيل اغفره لك
فيصل: انا ماكنت بوعي ياملاك
ملاك: من جد لا والله
فيصل: انا كنت شارب
ملاك: وليش تشرب اصلا؟؟؟
فيصل: انا ماكنت ادري انه وسكي
ملاك: اجل وش كنت تحسبه
فيصل: هم الي خلوني اشرب
ملاك: من هم ؟؟؟
فيصل: انا كنت جالس في بار اوكي
ملاك: طيب وبعدين
فيصل: ملاك لا تكلميني كذا فاهمه ولا لا تبين تسمعين السالفه ولا طقي براسك الجدار
((وقام وملاك قامت معه))
ملاك صارت تناظر فيه: ايه اللحين دور لك عذر عشان تتهرب من الي سويته
فيصل: انا مااتهرب فاهمه
ملاك: الا انت تتهرب من كل شي
فيصل مسكها من يدها وجلسها
فيصل: اسمعي يابنت الناس هي كانت مسابقه انا طلبت مشروب وهي عطتني وسكي ويوم سالتها وشو هذا؟؟ كان واحد جنبي وتحداني من يشرب اكثر اكواب !!!
ملاك: وانت شربت
فيصل: ايه وماحسيت بنفسي الا وانا رايح فيها
ملاك: ومن الي باستك و... الي سوت ذا الشي في رقبتك
(تقوله وهي متقرفه)
فيصل صار يمسك رقبته
فيصل: صاحبت المحل خذتني في غرفه وصار الي صار
ملاك: بكل بساطه تقولها
فيصل: انا ماكنت بوعي ولو انا بسوي هالشي انتي اولى به ولا انا غلطان
وغمز لها
ملاك سكتت
فيصل: انا اول مره اجرب هالشي وراسي مصدع
ملاك: أي شي الشرب ولا الثاني؟؟
فيصل قعد يطالع فيها: الاثنين بس وعد معد اسويه
ملاك: وشو
فيصل: ماراح اشرب مره ثانيه لا في تحدي ولا راح اروح لوحده غيرك
ملاك ذيك الساعه وجهها حمر
ملاك: فيصل لا تغير الموضوع
فيصل: أي موضوع؟؟ هو فيه موضوع ؟؟؟
ملاك: ايه
فيصل: وشو
ملاكك انا زعلانه منك
فيصل: موية البحر الا المحيط برى اشربي منها
ملاك: فيصل خير انت منت صاحي مو احنى اصحاب
فيصل: اوووووووف ايه نسيت
ملاك: والله شكل ولا شي راح ينفع معك
فيصل: وش السالفه
ملاك: السالفه انت
فيصل(بملل): وش فيني انا
ملاك: خلاص مافيك شي وقامت
فيصل مسك يدها
فيصل: هلاك ليش زعلانه وش فيك ؟؟؟؟
ملاك: اسمي ملاك ومافيني شي
فيصل: مو انتي قلتي اننا اصحاب ؟؟؟؟؟
ملاك(من غير نفس): إيه
فيصل: طيب خلاص قولي لي وش مزعلك؟؟؟؟؟
ملاك:.....
فيصل: تعالي اجلسي هنا
ملاك راحت وجلست جنبه على الكنب
فيصل يناظر فيها: هاه ملاك قولي لي وش فيك وش الي مزعلك
ملاك(بهمس): وانت مهتم؟؟؟؟
فيصل: ايش ؟؟
ملاك(بصوت عالي): انت مهتم؟؟؟؟؟؟
فيصل(بكل هدوء): وش رايك؟؟؟؟
ملاك: بس انت تقول كلام والي اشوفه شي ثاني!!!!!!
فيصل سكت
ملاك: ليش سكت لاني صادقه صح ؟؟؟؟؟؟
فيصل: هذا الي مزعلك ؟؟؟؟؟؟
ملاك(بانفعال): إيه ليش تقول خلينا اصحاب وتسوي شي ثاني
فيصل(بكل هدوء): مو أنا الي قلت خلينا اصحاب انتي ولا نسيتي
ملاك(بنفس الانفعال): لا مانسيت بس فيصل تصرفاتك غريبه
فيصل بهدوء: ليش وش فيها؟؟؟؟
ملاك(منفعله): فيصل ماتشوف نفسك تجي وش حليلك وتقول كلام مثل العسل وفي نفس اللحظه تنقلب 180 درجه وتقول كلام يسم البدن تقول أنا ماخذك تذكرة سفر وماهمتيني وبعدين تجي تقول بضمك وابيك واللحين رايح تشرب ومادري وشووبعدين معك ياخي
فيصل ساااااااكت ومنزل راسه
ملاك: وخلنا من هذا كله
فيصل ناظر فيها وشاف دموع متحجره في عيونها
ملاك ودموعها تنزل غصب عنها: فيصل وش فيك فيصل انت تعبان فيك شي وش السالفه قلي الله يخليك يوم في الاوتيل وماقدرت تتنفس ويوم بالبحر فيصل وش السالفه تكفى قلي
فيصل يناظر فيها وهي تبكي
فيصل(في نفسه): أنا عارف اذا قلت لها بتقعد تعصب وتقول خلنا نرجع وتصيح وتقول لجود وانا عارف ملاك ماوراها إلا الهلاك ومن هي اصلا عشان اقولها
فيصل: ملاك أنا مافيني شي
ملاك: والله ان فيك شي حلفتك بالله يافيصل ان تقولي
فيصل: ان لله وان اليه راجعون
ملاك: شفت ماقلت كذا إلا لان فيك شي شوف اذا انت خايف اني اعلم امك ولا جود لا تخاف أنا صديقتك وقبل مااكون صديقتك زوجتك وماراح اعلم احد بس ريح قلبي الله يريح قلبك
فيصل قام ووقف جهت البحر وصار يناظره
وملاك تستنى الي بيقوله
فيصل غمض عيونه: ملاك أنا... أنا..انا تعبان رئتي تعبانه مره ومااقدر اتحكم في انفاسي
فيصل يستنى يسمع صياح ملاك ردت فعلها أي شي منها
الاشوي
ملاك ضمت فيصل
فيصل مو مستوعب
فيصل: ملاك
ملاك: اووووش
فيصل(ابتسم)
ملاك وخرت عنه وفيصل لف يطالعها
فيصل: ماتوقعتك كذا
ملاك(وهي تمسح دموعها): ليش؟؟ ومن متى هالشي؟؟
فيصل(وهو يستهبل): من اياام الثانوي
ملاك: ولا قلت لحد تحملت هالشي لحالك
فيصل: عادي بس محمد يدري
ملاك: امك وابوك وجود مايدرون
فيصل هز راسه بالنفي
ملاك: وعشان كذا انت تجي في السنه مره مرتين لبريطانيا
فيصل: ايه ووش دراك
ملاك: عبود قال لي
فيصل: واخوك ذا وش دراه
ملاك: مدري بس انا ابي اطلب منك طلب
فيصل: انتي ماتطلبين انتي تامرين
ملاك:الله يستر اللحين لا تكافخني
فيصل صار يضحك
ملاك: فيصل انا ابي ادخل الجامعه معك
فيصل: بس هذا الي تبينه
ملاك: ايه ياليت
فيصل: اصلا من غير ماتقولين انا دخلتك معي
ملاك: والله من جد
فيصل : ايه
فيصل تغير وجهه ولف للجهه الثانيه
ملاك: فيصل وش فيك
فيصل(تنهد): انا عارف بعد ماتخلصين الترم راح تروحين مع اهلك صح
ملاك سكتت وبعدين تنهدت
فيصل: اوكي عادي
وكان بيروح
ملاك مسكت يده
فيصل يطالع فيها
ملاك: لا مو صح كف تبيني اخليك لحالك
فيصل: يعني ماراح تروحين
ملاك(وهي مبتسمه): لا مااظن
فيصل: فديتك والله
وضمها بس هالمره ضمها من قلبه ومن جد ضمها
ملاك هم بعد ضمته بكل قوتها وكانت مبسوطه منه
بس مو مثل ماضمها فيصل
ملاك وخرت عنه
فيصل صار يناظر فيها وخاق على شكلها
قرب فيصل منها يبي يبوسها بس ماقدر واستحى
وملاك تناظر فيه وهي مستحيه بس فيها الضحكه على شكله
ملاك: فيصل
فيصل: لبيه
ملاك: انا اللحين بروح عند امي
فيصل: اوكي اشوفك بالليل
ملاك طلعت فوق وراحت غيرت ملابسها ونزلت
ولقت فيصل مثل ماهو واقف والهوى كان يلعب بشعره وبلوزته الي مفتوحه شكله شي ثاني
البنت فهت(يعني بحلقت) ثواني بعدين صحصحت وراحت عنده
ملاك: فيصل ممكن شوي
تبي تمر لان فيصل واقف قدام البلكونه
فيصلك ايه اكيد تفضلي
وخر وهو مرتبش (يعني مستحي ضايع مايدري وش يسوي)
ملاك راحت
وفيصل عيونه معها لين مااختفت
فيصل عقد حواجبه
فيصل: وش فيك نسيتي شي
ملاك: ايه
وباسته على خده
وراحت
فيصل ابتسم
ومسك صدره
فيصل(يكلم نفسه): انا ليش قلبي يدق كذا بسرعه
معقوله حبيتها هه هذا الي ناقص احبها بس والله انها طيبه
وملاك في نفس الوقت
طلعت وهي تمشي بسرعه
ملاك: يوه انا وش سويت من جدي بسته
الا شوي صقعت
ملاك ترفع راسها
منيره: ههههههههه انتي وش تفكرين فيه من اول مراقبتك وجهك احمرررررر
ملاك: والله احمر يووووه
منيره(تدقها): فيصل مسوي لك شي انا عارفه
ملاك تناظر فيها : يوووه منو مو وقتك انا مستحيه منه
منيره: وليش
ملاك وهي مستحيه: انا بسته
منيره: طيب واذا عادي
ملاك تناظر فيها: لا مو عادي
منيره: انتي ليش زعلانه
ملاك: ماني زعلانه مدري وش فيني
منيره: انا اقولك وش فيك
ملاك صارت ناظر فيها وتبي تسمع الي تقول وماتبي تسمعه
منيره: انتي وفيصل حالتكم قريبه من بعض فيصل يحبك مو معنى كلمة يحبك لا يميل لك بس انتي لا انتي ماتبين تحبينه ولا تميلين له انتي مشكلتك ياملاك انك في كل شي تمام التمام الا ذا الي اسمه الحب تحسين ان محد يستاهل حبك في ذا الدنيا ولا احد عشان كذا انتي ماتبين تحبين فيصل مع انك تميلين له بس فيصل ماراح يقدر يخفي حبه بنظراته بكلماته وبحركاته راح تعرفين
ملاك ساااااكته
منيره: اظن كلامي صح الا انا متاكده
ملاك: يمكن بس انا جرحت فيصل كيف تبينه يحبني
منيره: راح يحبك صدقيني وانتي بعد راح تحبينه لكن كل واحد منكم في البدايه بيكابر خليك معه اوكي وشوفي الايام كيف راح تبين لك انك تحبينه
ملاك: نشوف
منيره كانت بتروح بس رجعت
منيره: على فكره اذا كنتي تبين تعرفين انك تحبين أي شخص اذا شفتيه بعد غيبه دموعك راح تنزل من غير ماتدرين
ملاك: وهو فيصل يغيب اصلا
منيره: انا ماقلت فيصل انا قلت أي شخص ويالله باي
ملاك: باي
وصارت تفكر في كلام منيره
ملاك: يمكن معها حق ويمكن لا
: الا معها حق
ملاك لفت تطالع
ملاك: فيصل
فيصل ابتسم: ايه فيصل
ملاك استحت: انت وش جابك
فيصل: ابي اسلم على امك فيها شي
ملاك: اكيد لا
وراحوا يمشون فيصل مسك ملاك مع يدها وسبقها
وملاك استحت بس امسكتت يده
لف فيصل وصار يطالع فيها ويبتسم
ملاك هم بعد ابتسمت
فيصل: ملاك ترى الاسبوع الجاي راح نروح الجامعه
ملاك: اوكي انا مره متحمسه
فيصل: حتى انا بس
ملاك صارت تناظر فيه: بس ايش
فيصل: انا مابي احد يعرف انك زوجتي
ملاك : ليش يافيصل
فيصل: راح تعرفين بعدين بس لحد يعرف انك زوجتي اوكي
ملاك سكتت
فيصل: ملاك اوكي
ملاك: طيب
وراحوا عند ام ملاك
فيصل وش قصده من هالطلب ياترى ؟؟؟؟؟
وكلام منيره فعلا صح ؟؟؟
ولا مجرد استناتاجات واحتمالات؟؟؟؟؟؟؟ |