#
الرد دا حيكون عن علاقة اريما وهيراكو  = )
وبإزنو المسا إزا فضيت حدخل واتكلم عن هايرو الحب الجديد 
طب , سبق وتكلمت فِ اول بوست عن التشابتر دا عن علاقتهم من منظور هيراكو الشخصي
فقط وبشكل مبسط - وعشان توضح اكتر , فَ حتكلم عن العلاقه دي من منظور اريما دي المره
وايش بزيط تاكي هيراكو يعني لِ اريما كيشو  ؟!
-
قبل كدا شفنا فِ حالات عديده ومختلفه قديش اريما كان دايما بيحبط هيراكو دايما 
لما يلاقي الفرصه لهالشي سواء كان ذلك فِ محادثات عاديه وعفويه بينهم او حتى اثناء المعارك !!
# شفناه كيف كان ينتقدو ويوبخو هنا لإنو هيراكو كان عاجز عن هزيمة البومه !!
# وهنا برضو ينتقدو ويوبخو بأسلوب قاسي
لإنو كان مَ يقدر يسيطر عَ الحركات - وهيراكو اعتذر وقال هالشي بسبب إنو هوا إنسان طبيعي
# وهنا كمان مازال اريما مصر عَ التوبيخ بس هالمره السبب ؟
ببساطه لإنو هيراكو برأيو كان يعيق الطريق فقط  !!
# وهنا بسبب إنو إتأخر لأقل من ثانيه  !!
# طبعاً الحجه الوحيده الظاهره للكل عن سبب كره هيراكو لأريما ؟
هوا عشان التعليقات والإنتقادات والتحطيم الي هيراكو دايما يتلقاه من اريما
للأمانه الي يسويه اريما يبدو مبالغ فيه وقاسي , لكن فِ الحقيقه , اريما هوا مجرد شخص بسيط
يقول الي فِ ذهنو ومَ يلف ويدور حول حل المشكله , مَ يشوف الحاجه لإخفاء رأيو الحقيقي
ودايما يتكلم عن الأشياء بالطريقه الي يراها من غير البهارات او تحلية الكلام وتزبيطو 
يعني الي قلبو عَ لسانو متل مَ بنقول إحنا 
خصوصاً فِ طوكيو غول جاك , هالاشياء جداً واضحه عن اريما
ببساطه دي هيا شخصية اريما , والدليل إنو مَ يتصرف بهالشكل مع تاكي فقط
لإنو إتكلم بنفس الطريقه مع ..
هايسي :
حتى مع الأعداء :
كمان هنا :
# دي هيا طريقتو فِ المراقبه والإتصال , للوهله الأولى يبدو إنو اريما جالس يهين هيراكو ويسيئ لو
لكن فِ الحقيقه كلماتو تخفي معنى اعمق من هالشي بكتير , هوا مش قاصد إنو يأذي او يهين الي يتكلم معو
وحتى هيراكو يعرف هالشي وتقبلو زي مَ حنشوف بعد شويا :
# بس قبل كدا .. اريما يحمي تاكي هنا
^
هنا اريما جالس يحمي تاكي من اوتا , اتوقع مالو داعي اضيف اكتر لإنو واضحه ؟
#
# نرجع للصوره دي الي اريما قال لهيراكو فيها إنو يعيقو او يقف فِ طريقو
صحيح إنو كيشو قال لهيراكو هالشي - لكن برأيي دا مَ يعني إنو ينظر لِ هيراكو
كَ شخص ضعيف جداً للتعامل مع معركه مثلاً - اريما كان يرغب بِ قياس وتقدير
مدى قوة العدو حتى يعرف إزا كان عادي لتاكي إنو ينزل ويشارك فِ القتال
من غير مَ يصاب بلا داعي
ملاحظه : يومو كان مجنون جداً بسبب غضبو لقتل اريما لإختو
إزا كان اريما مَ يهتم لهيراكو كان شفنا منو سلوك مشابه لسلوك الحقير ماتسوري  ..
لما قال : " لندع القتال للمرؤوسين ومن مات منهم ؟ قد مات "
بس بدلاً من ذلك , اريما قرر يختبر قوة يومو بِ نفسو ليعرف قديش خطورتو
وترك الأشياء الأخرى الأمنه لتاكي ليتعامل معها
# هنا .. يتضح لنا إنو اريما بيثق فِ قدرات هيراكو
ملاحظه : اريما صار ينادي هيراكو بعد فتره من علاقتو معو بِ تاكي " إسمو الأول "
طبعاً هالشي معروف فِ اليابان إنو مناداة الشخص بإسمو الأول دليل عَ مدى القرب منو + الإرتياح
#
عموماً , بعد مَ راجعت التشابتر الي تقاتل هيراكو مع اوتا
اتوقع إني صرت مَ اقدر اسمي ردة فعلو .. كره لأريما 
بشرح وجهة نظري :
زي مَ احنا شايفين اوتا قال " Stand by " أي " إستعد " او " إستعداد "
الكلمه دي مش كلمه يستخدمها اريما خصوصاً لِ تاكي بل يستخدمها لكامل التشكيله " الفرقه صفر "
وتاكي قد سمع اريما يقولها لهم قبل كدا , لكن " الإستعداد " هيا الكلمه الي سمعها اوتا من اريما فِ شبابو
لذلك قرر إنو يقولها ويجربها وكيف حتبدو ويمكن عشان يستفز هيراكو فيها الله اعلم عاد
لكن لما هيراكو هاجمو بعد مَ حط قناع اريما فِ وجهو , اوتا مَ اقترح إنو هيراكو بيكره اريما فقط :
# هوا كمان إقترح إنو تاكي ربما يكون بالواقع غاضب !
يمكن يكون غاضب لإستخدام اوتا لقناع شريك لو الشخص الي جعلو محقق افضل
وحمى ظهرو طوال السنين دي ؟!
مَ ادري لكن جلست افكر إزا هيراكو بين لو حتى القليل من التردد فِ داك الموقف
وبينما اوتا جالس يلعب بِ عقلو - فكرت إنو اوتا كان ليُلاحظ الشي دا ويستغلو لصالحو
وتكون ميزه لو ويعرف نقطة ضعف هيراكو وهالشي مخيف جداً لأي محقق من السي سي جي 
طبعاً بعد مَ راجعت القتال دا , اتوقع إنو تاكي مَ يزال يحمل بعض الغضب المكبوت لأريما
لكن مَ توصل لدرجة الكره او الحقد مثلاً
يعني صح هما اصدقاء , يحترمو بعضهم لكن نقدر نقول إنو فِ طاقه سلبيه بينهم :nop:
# مَ ادري لكن دحين ونا بكتب عن علاقتهم , جا فبالي شي - ممكن نعتبرو سبب مقنع
ليش هيراكو غاضب من اريما ؟!
كلنا نعرف كيف اريما يتعامل بود دايماً مع يوي , اكيرا وحتى هايسي بالإضافه إلى ذلك
من الواضح إنو كانت لو يد فِ كل الي تحصلو عليه من مرتبة شرف , ترقيات , تكريم ..
اريما يقول كلمه كويسه لكل واحد منهم , وبسبب كلمته ورأيه عنهم , صارت عندهم معايير عاليه
زيادة عن الي كانت عندهم من جهودهم الشخصيه اساساً
عموماً .. نقدر نقول إنو اريما يرى هؤلاء الأشخاص اناساً قويه وماهره
# لكن ماذا عن تاكي هيراكو ؟
اريما كان يعرف تاكي اكتر من معرفتو لجميعهم !!
لكن زي مَ شفنا اريما مَ قال عنو كلمه كويسه مدحو فيها وكانت كَ إيد مساعده لترقيته !!
زي مَ قولت سابقاً هيراكو مَ يهتم بالترقيه لكن إزا شاف معاملة اريما للأشخاص دول
وبعدها معاملتو لو !! من حقو يزعل هنا صراحه
# طب السؤال هوا ؟ ليش دا كلو , ليش اريما يعاملو بالبرود دا ؟
فِ البدايه توقعت إنو اريما كان محرج من تاكي ويعتقد إنو شخص ضعيف ولا يستحق مجاورتو
خصوصاً فِ ضوء وجود اكيرا , يوي , هايسي , يعني هالاشخاص يُتحدث عنهم بشكل عظيم
والفضل كلو يرجع لأريما :nop:
لكن بعد مَ رجعت وقريت مانجا طوكيو غول : جاك مؤخراً , وادركت إنو اريما فِ شبابو
كانت تجمعو علاقه جيده بِ تيشي , الشي الغريب فِ الأمر إنو مع تقدمهم فِ العمر كان يبعد عنو
يعني ببساطه اعطاه نفس معاملة تاكي حالياً
لكن دا كلو صرلو معنى : لإن اريما زي مَ بنعرف شخص قوي جداً , فَ طبيعي يكون لو العديد من الأعداء
وغالباً الناس الي زي كدا تميل لِ الإكتفاء بعدد قليل جداً من الأصدقاء المقربين بشكل حقيقي , ويهتمون فيهم
لكن هنالك دائماً ذاك الخوف من خسارتهم لهؤلاء الناس او تضررهم بسببهم , ولهالسبب يبعدونهم عنهم
بإختصار أعتقد إنو سبب معاملة اريما لهيراكو بهالطريقه + تيشي فِ طوكيو غول : جاك
لإنو يهتم فيهم ببساطه
انا مَ اقول انو اريما بيشك فِ قدرات هيراكو ولهالسبب مَ بيمدح فيه او يساعدو عَ الترقيه .. لا
بس لإنو بيشوف ضوئو اضعف من ضوء اكيرا , يوي , هايسي , بيشوف إنو الضوء الي يبعثوه افضل
من ضوء هيراكو .. اريما بيشوف هيراكو اضعف من الناس الي مَ يهتم لهم فعلاً 
يعني - فِ حين إنو اريما بِ يهتم بِ هيراكو وتيشي , يجد كلاً من اكيرا , يوي , هايسي
ومعظم الي فِ السي سي جي كَ اشخاص فِ المتناول , قابلين للتصرف برأيه , وإنهم بيادق لو
ولهالسبب هوا بيدربهم كتير وبيضعهم فِ تشكيلتو وفِ مواقف خطيره , لإن بالنسبه لو ؟
- حياتهم مَ تعني شي مقارنة بِ حياة تاكي وتنشي
ولهالسبب اشوف إنو الأمر منطقي - كونو عزل نفسو من تاكي , مَ كان يباه يتعرض للضرر
كان يعرف إنو حضور اي مهمه معو تعني الخطر - وفِ حين ان اريما يخفي الشي دا ..
إلا إنو تاكي وتيشي من المحتمل إنهم الأناس الوحيدين الي يملكهم والأناس الوحيدين الي يهتم لهم
حتى لو كان مَ يتحدث معهم بعد الآن
وعشان كدا اريما بيعامل تاكي بهالطريقه وكأنو حشره او شي ضعيف او مبتدئ ويشعرو بأنو عديم الفائده
لكن فِ عقل اريما هوا بيعمل كدا لإنو بيتهم فيه واقول هالشي لإنو اريما كان يعامل تيشي بنفس الطريقه دي بزبط
يعني خُلاصة الموضوع ؛
الناس الي يهتم لهم يبقى بعيد عنهم - يتأكد إنهم مَ حينحطو فِ مواقف خطيره بسببو
وفِ النهايه كان ولازال وحيداً
اشك صراحه إنو حالياً يعتبر اكيرا , يوي , هايسي كَ أصدقاء لو
لكن ممكن مع الوقت يتغير هالشي مين يدري , بس فِ النهايه
اريما واضح إنو مش من النوع الي يختلط مع الناس ويصادقهم :nop:
يووش واخيراً إنتهينا .. يَ ساتر إيدي راحت فيها
خالد إنتا الي طلبت مني أن اُخرج مافي جعبتي لذلك إستحمل هع5
__________________ - اللهم في كل دقيقة تمر على والدي وهو في قبره
أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر  - |