الموضوع: الأوفا -2- ( صاعقة من الألم : الطبيب سيتو كايبا !!!) x.X
عرض مشاركة واحدة
  #3  
قديم 07-24-2015, 06:03 PM
 
هههههههههههههههه طول الوقت وانا مبتسمة أثناء القراءة، عنجد حلوة كتير وممتعة ومنطقية .. برأيي الشخصي ما بظن معجبين أتيم وكايبا ممكن يشعروا ان شخصياتهم كانت خارجة عن الطبيعة او في مبالغة بردود أفعالهم ! لأن أولا الأوفا بقالب كوميدي ساخر وبالتالي أي شي ممكن وثانيا لأن رغم كل جبروتهم وتكبرهم بخافو من دكتور الأسنان وبالأحرى من ألم الأسنان متل كل الناس هههه .
يمكن كانت حتوجد غرابة لو ظهر سيتو كايبا كطبيب فعلا وهو مهنته مالها علاقة بالطب لكن طلع بالنهاية مجرد حلم وبالتالي صار كل شي منطقي
عجبتني كتير فكرة الطبيب الخاص ومهاراته الرائعة وأعصابه الباردة لأن شخصين متل سيتو وأتيم مافي دكتور عادي وطبيعي بيقدر يتحملهم ههههه ... ومع هيك أتيم لاشيء مقارنة مع الرئيس والدكتور متعود عالتكسير هههههههههههههههه
حبيت فكرة انتقام يوغي وخبثه وشره يلي ظهر ههههههههه . بس لا يزال لطيف ورغم انتقامه المخفي وضحته الخبيثة اكيد كان همه يعالج صديقه قبل ما تتأزم المشكلة أكتر .. بالنهاية حرصهم على بعض أهم من أي انتقام بينهم ^^ .. وكانت الحرب بينهم لطيفة وخفيفة ههههههههه
استخدامهم للسحر الاسود وعين اوجات كان بطريقة حلوة ما كلفتهم غير غرامة تكسير العيادة فقط ! ههههههه
خوفتينا كتير من المصطلحات يلي استخدمتيها متل سيوف وحفارات وجرافات !!! الواحد من غير شي ميت رعبة مو ناقصه هههههههه بس صلحتيها بعدين لما بالنهاية وضحتي ان هي كلها شافها اتيم بهالاشكال المرعبة بسبب الدوار ولأنه شاف يوغي متألم جدا وقتها .. والدكتور حتى لو كنا منكرهه بس هو أكيد مو ذنبه نهائيا .. وبالنهاية هي زيارة وبتمضى بس الله يجيرنا منها ويساعدنا عليها هههههه
عكل حال حتى لو في بعض الناس ما بتخاف من زيارته بس كلنا منتوجع او منتردد وما حدا بيقدر ينكر !
تنسيق الخلفية كتير لطيف .. والفواصل يلي على اشكال اسنان فظيعة هههههههههه مشان نعيش الجو تماما !
هي أول مرة برد عليكي بعد تسجيلي بالمنتدى بعد انقطاعي فترة طويلة كتييير .. بس هالمرة حضل موجودة وتابع كل جديدك أول بأول ان شاء الله ^_^
ومبسوطة انك رجعتي للكتابة عموما لا تضغطي حالك ووقتك وتفكيرك كتير فيها وتدايقي حالك ان صرلك زمان ما كتبتي ، خليكي على راحتك وخلي الافكار تجي براحتها .. متل ما اجت هالفكرة فجأة بتتسلسل كل الافكار وكل القصص بعدين مع الوقت والراحة .. وكل شي بيتعوض بإذن الله وأكيد متل ما انت بتفرحي لما تكتبي اي شي .. كمان كلنا منفرح لما نقرأ اي شي من ابداعك حتى لو انقطعتي ورجعتي ولا يهمك .. معجبينك موجودين دائما لدعمك بأي وقت ^_^

رد مع اقتباس