| #··&..لم أعتقد أن أحب أحد أو يحبني أحد..&··#
فرات بأبتسامه:هلا جنون. ..وصلتو
جنان :أي أنتو وين؟
فرات :أحنا عند رسبشن البطاقات
جنان :أي رقم
فرات :لحظه. ...ضلت فرات تدور رقم الرسبشن بس ماشافته :الوو جنون
جنان:هلا. .ها أي رقم
فرات :ما شفت رقم
جنان :اها كيف ما لقيتي. .. أجل كيف راح نجيكم
فرات :شوفي أنتي لا شفتي جيش بنات و أولاد عند رسبشن راح تعرفين أن أحنى كأنا أرهابيين أو عصابه
جنان :ههههه طيب
وبعد كم دقيقه وصلو جنان و عبير و ليلا و رغد وسلمو عليهم البنات
آيات موجها الكلام لأخوها محمد :أقول حمود دورو لكم شباب زياده كذا راح نفوز عليكم
زياد :ها خير أن شاء الله. .مابقى إلا بنات يفوزون علينا
غاليه :زيود حدك عاد ترى أحنى مو هينين
زياد :أي باين
فرات :زيود خلنى أحباب أحسن ها
زياد :خير أن شاء الله
محمد :طيب الحين يبي لنا جيوش زياده
حسام وهو يقرب لهم :ما يحتاج. . توني مكلم سلمان و يقول أن هم في الطريق و كلمت بعد حاتم صديقي
محمد :طيب. ..راكان وش تسوي
راكان :ها ولاشيء بس جتني رساله من الشركة عن مشروع وبس
جوري وهي واقفه عند راكان وتمد يدها :راكان الجوال
راكان بستغراب :ليه
جوري :عشان تهد الشغل أشوي
راكان وهو يبتسم لأخته :طيب خلاص ما راح أمسكه مر ثانيه
جوري :طيب. .بس لشفتك ماسكه مره ثانيه راح أخذه
راكان :طيب
وبعد خمس دقائق وصل سلمان و معه عبد الملك و مازن و دره و ندى و وصل بعد حاتم
حسام :طيب الحين أكتمل عدنا. ..وش اللعبه الاوله
فرات بحماس :قطار الموت
حسام بأبتسامة :طيب. .. بس كيف نحسب النقط في هذي اللعبة
فرات :أحنا الحين 17 -17 يعني أذأ أي أحد من الطرفين خاف أو حس بدوار راح ينخصم على الشخص الواحد نقطه وأذا مافي أحد خاف أو حس بدور راح يكون لهم 17 نقطه على عد الاشخاص
زياد :طيب يلله
وركبو قطار الموت وبعد ما خلصو من اللعبة
فرات بحماس :ونااااسه حييييل
رغد :عن جد نرجع نلعبها مره ثانيه
ندى :أنتو تمزحون صح
فرات بحماس : لا ما نمزح
تهاني :فروت أنتي عن جد مجنونه
زياد :ههههه على ما يبدو أن أحنى متقدمين
فرات بعصبيه :خيييير وش قلت
عزوز :اي أحنى متقدمين ثنتين منكم خايفات من اللعبه وأحنى ولا أحد يعني النتيجه 15-17
فرات :طيب أنو الحين متقدمين بس الجيات أكثر صبرو
زياد:هههههه نشوف
حسام :طيب الحين أي لعبه
فرات و زياد :السيارات
الكل ظل يناظرهم وبعد كذا بدأو يضحكون و تجهو للعبة السيارات
فرات موجهه الكلام للبنات :طيب اهنا لازم نختار شخصين من تبي تبدأ أول شيء
عبير :أنا
آيات :وأنا
فرات :ومن فيكم السواق
آيات :أنا
فرات :طيب
و تجهت لحسام :طيب أحنا أخترنا آيات و عبير وأنتو
حسام :أخترنا محمد و عزوز
فرات :طيب ومن السواق
عزوز:أنا
آيات:طيب يلله نبدا
وبدأ اللعب و كانت حاميه حيييل مابينهم من يصدم الثاني و لكن قبل لا تنتهي العبه سوى عزوز حيله وما أنتبهت له آيات و صدمهم
فهد :كفو عليكم شباب
عزوز وهو يصفق كف فهد :أفا عليك
محمد :بس عن جد ما توقعت أختي تعرف تسوق بهالبراعه
أسمعته آيات وبأبتسامه:عشان تعرف أن أختك موهينه
محمد:ههههههه
زياد بحماس :طيب أنا الحين بلعب
صقر :وأنا بعد. ..أنا بسوق
غالية :طيب من تبي تلعب
نسرين و سوسن :أحنى
فرات :طيب
وبدأو يلعبون بحماس و تحايلات ولكن كانت هلمره الغلبة للبنات
نسرين وسوسن:يس فزنا
زياد بعبوس :أفا بس. .صقرو كيف تخليهم يفوزون علينا
صقر بأنزعاج :أصلان التةأم المرح ذيلا غشاشات
محمد:ههههه كيف
صقر بعبوس :حضة السيدة سوسن ترسل لي رسايل مزعجه وأتصالات عشان ما أنتبه وأتشوش في العب
نسرين وسوسن :هههههههه
فرات بأنزعاج وماسكه أعصابها :طيب خلاص الحين النتيجه 17-19
حسام بأبتسامه :فروت حبيبتي فيكي شيء
فرات :لا ما فيني شيء. .. وليه تسأل أصلان
حسام :لابس أسأل لانك ما عصبتي
فرات بأبتسامه :أخوي مالي خلق أفرغ طاقتي الحين. .لاني مجمعيتها للمبارات الي راح تبدا الحين
حسام:صج أجل أنا راح ألعب ومعي راكان
فرات :طيب
غالية :فروت خذي معك ياسمين
ياسمين بأرتباك:ها. .. انا
فرات :أي يالله سمسومه
ياسمين :طيب
حسام يوجه الكلام لراكان :راكان راح أعتمد عليك ها ترى فروت موهينه
راكان بأبتسامه واثقه :طيب ماعليك
وبدأت العبه و كانت عن جد حاميه مابينهم ولكن كانت النتيه تعادل
نسرين :فروت كفو عليكي
فرات :أفا عليكي. ... بس قهر ما قدرة أصدمهم
وبعد ما خلصو من العبه كانت النتيجه 27-29
فرات بأنزعاج :أف ليش أهم متقدمين علينا بنقطتين
محمد :ههههه عندي أحساس يقول أن الفوز لنا اليوم
جنان :هيه أحساسك قلط حبيبي وتشوف راح نفوز
محمد :هههه طيب
سلمان :الحين وش العبه
عبير بحماس :السفينه
حسام :طيب يلله
وأتجهو للعبه وبعد ما خلصو كانت النتيجه 44-46
فرات بحماس :واااااو الحين وش راح نلعب
حسام :هههه.مادري
راكان بأبتسامه :وش رايكم بلعبت البيت المسكون
هنا تغيرة ملامح فرات كليا رغم أن الكل كان محمس وقالت بتوتر :أ..لا م.. موحلو. ..نختار وحده ثانيه
غزوز بأبتسامه ماكره :ها وليه أنتي متوتره. ....تخافين
زياد :افا أختي تخاف ما توقعتها تخاف
فرات بأنزعاج:ومن قال لكم أني خايفه خلونا ندخل
و دخلو العبه وفرات كانت عن جد خايفه من الاشكال و الاصوات وفي نص الطريق حست فرات بأحد يمسك كتفها ف فرت وجها ونصدمت بشكل الي شافته كان عن جد يخرع فشحب وجها وكأن الدم أنسحب منها و بعد ما أستوعبة صرخت بقوة وضربت الشخص بقوه وهجت بسرعه وحين ألتفتو بشوفون وش فيها ماشافو إلا أغبرتها «ههههه مسكين راح فيها الادمي
ركضو وراها لين ما أطلعو لبرى وشفوها خايفه وترتجف وتبكي
ياسمين بقلق :فرات وش فيكي
فرات من سمعت صوت ياسمين أركضت بسرعه لها وحضنتها وضلت تبكي
و بعد نصف ساعه هدة أشوي
أروى :أفا بس يا فروت ما توقعت ذا منكي. ..وهذا أنتي تحبين تسمعين قصص جن
فرات بأنزعاج :أي أنتي قلتيها جن مو دمان وأشكال تخرع
حسام :طيب خلاص هدي الحين
زياد :والله أنا ما كسر خاطري إلا الادمي إلي شكله مات من ضربة فروت
فرات بعبوس طفولي :يستاهل محد قاله يخرعني
الكل :ههههههههه
وكمل لعب بعد كذا من دون فرات وياسمين إلاي قررت تضل مع فرات وضلو يلعبون إلين الساعة 9:30 مساء.
وفي طريقهم للخروج من المكان قدم راكان عند حسام وكانت على وخهه علامات الانزعاج
حسام بأستغراب :مش فيك منزعج
راكان :في بنت من طلعنى من لعبت الدوار وهي تلحقتى أهي ومجموعتها. ...ما أنتبهت أنت وهي تصدم فينا أهي مجموعتها
حسام :ههههه اي أدري بس أمطنش. ... وأنت بعد ما عليك منهم وطنشهم
راكان :لو كان التطنيش ينفع كان أرتحت. ... من مساعه وهي تصدم أبيه أو تسألني عن مكان وأنا مو معطيها وجه و ما فاد
حسام :هههههههه خلاص هذا أحنى راح نطلع
سمعت جوري كلام راكان مع حسام فراحت لفرات وقالت بهمس :فروت أبي فزعتك
فرات بأبتسامه تهمس :أمري وشو تبيني أفزع معك فيه
جوري :شفتي مجموعة البقر إلي هناك
فرات وهي تناظرهم :ههههه أي وش فيهم
جوري :البقر ذيلي يلاحقون العيال أبي فزعتك وياي
فرات :أبشري يلله نروح لهم
جنان بهمس :هابنات في هوشه. ..قولو أنا معكم
فرات :اي يلله تعالي
جوري :مايحتاج نروح كاهم البقر يقربون
وحين قربو البنات راحو فرات وجوري و جنان جهتهم
فرات :أختي ابي أسألك عن شيء لو سمحتي
وحده من البنات وهي تناضر للعيال وهم يمشون :وخري عني مو فاضيه لك
جنان :أحنا راح نروح بس نبي نسأل عن شيء وبنمشيء
وحده ثانيه :أنتي ما تسمعين وخري
فرات :ماراح أوخر لمن تجاوبيني عن السأل
البنت الاولى :بعدي مناك أحسن لك
جوري :لو سمحتي كلمينا عدل مثل ما أحنا نكلمك عدل. ..أحنا قلنا نبي نسأل وبنمشي
في هذا الوقت طلعو العيال مع باقي البنات
فتنهدة وحده من البنات بأنزعاج :خلصونا قولو وش تبون
أبتسمت فرات وقالت :أبي أسألك من متى و البقر لها أعقول. .. وليه الذئاب صارت غبية و ماتعرف تتنكر عدل
البنت الاولى :ها أنتي وش قاعده تقولين. ..وش هذي الاسأله الغبية
قربة فرات من البنت و حطت يدها على كتف البنت وقربة من أذنها وقالت :سألي مو غبي. .بس أنتي الغبية تدرين ليش. .لاني كنت أسألك عن نفسك أنتي. .إلي محتشمه و تخاف الله و ما ترضى بلغلط ما لبست مثل لبسك هذا الي أنتي مسميته عباه وهو مرصصك من فوقق لتحتك. .. كأنك تقولين لشباب تفضلو هذا أنا هنا. .وحده مثلك باعدة نفسها وشرفها عشان أشياء وسخه ما تستاهل شيء لانها. ..ق. .ذ..ر..ه. . سلام و مره ثانيه لا تقربين يم أخواني عشان ما تشوفين شيء طول عمرك ماشفتيه مني فاهمه
كانت البنت مصدومه من كلام فرات ومو عارفه كيف ترد عليها ألسانها أربط كيف ترد على كلام صح فرجعت فرات لجنان وفرات و مشو وطلعو من المكان وهم يضحكون على أفحام فرات للبنت وحين وصلو للباقين إلا كانو ينتظرونهم وهم معصبين
حسام وهو يقرب لهم وهو معصب :أبي أ أعرف أنتو الثلاثه وين كنتو
فرات :مارحنا مكان بس عطينا ناس درس مرتب وجينا
حسام :ومن ذولي
جنان وهي تأشر برأسها لباب الملاهي :كاهم بيطلعون الحين
كان الكل يطالع لباب الخروج وبلفعل طلعو البنات الي كانو يتحرشون بلعيال و نصدمو حين شافو وحده من البنات تبكي
جوري بأبتسامه :فروت شكل الدرس الي عطتيها إياه نفع.
جنان :أنتي وش قلتي لها
فرات :ما قلت لها شيء. .بس عطيتها جواب سألي
وأبتسمت أبتست سعاده ورحت رغم أن هي كانت لابسه نقاب بس كان واضح كل شيء في عيونها
غاليه :طيب خلوني نمشي نرجع البيت
فرات :لحظه قبل لا نرجع البيت نبي عسكريم من باسكن روبن
أروى :أي صح نبي عسكريم باسكن
محمد :طيب يلله ركبو السياره
وبعد ما شرو من باسكن روبن رجعو البيت وصعدو لغرفة البنات و الشباب في المجلس
#··عند الشباب ··#
عزوز:ما توقعة أن أختك فرات كذا أبد
حسام :هههه. .فروت من هي صغيرة ما تحب الغلط
زياد :عاد لاشافته تصيرلك شيخ
حسام :لا مو كذا يافالح أهي لها طريقه خاصه في توصيل النصيحه لشخص
محمد :ههههه مع أن هي صبيانيه بس اليوم أكتشفت فيها أشياء جديده
زياد :أووووه بعدك ماعرفتها عدل راح تنصدم
كان راكان ماسك جواله مفهي ((سرحان))
فهد وهو يلوح بيده بوجه راكان :راكان. .راكان ياهوووه نحن هنا
راكان وهو يرفع رأسه :ها وش فيه
محمد : إلي ماخذه عقلق تتهنى فيه
راكان بتهجم :لا مافي أحد مأخذ عقلي
فهد بشك :متأكد مافي وحده منى منى مأخذه عقلق
راكان بأنزعاج:لا. .. وش فيكم أنتو تعرفون أني ما أهتم بلبنات فكيف تبوني أهتم بحب
حسام :هههه لا فاهمين بس نمزح معك
راكان وهو يوفق :المهم أنا رايو قف
عزوز:على وين
راكان :بروح الشركة اليوم مارحت
سلمان :وأنت لازم كل يوم تروح
صقر : أقول بس أجلس
راكان :لا ما أقد في مشروع مهم لازم أتابعه إلا راح يسبب لي بأضرار كبيرة
حسام :طيب خلاص روح. .. مع أن مشتاقين لك بس مدام الشغل مهم روح
راكان بأبتسامه :طيب مع السلامه
الكل :الله يسلمك
*··عند البنات ··*
كانو يسالفون ويضحكون ويستهبلون لين صارت الساعه 2:00بعد منتصف الليل تعبو وراحت كل وحده لغرفتها ونامت
*************************
وبس أتمنى أنه أعجبكم هذا البارت
البات الثاني بعنوان ((طلعه إلى عالم الترفيه ))
ألقاكم في البات الثالث بعنوان ((أول لقاء للقبوب. ..وصراع بين الماضي و الحاضر ))
في أمان الله
 " class="inlineimg" /> |