#سبيريت_ذات_الرداء_الاحمر

القصة بالعامية وفيها كم شخصية من اللي اعرفهم
بعدين كوميديه وتقبلوا اي شي اوكي ؟ ترا مزحي ثقيل
فتقبلوها بروح مرحه وصدر وسيع تمام ؟ :lamao:
خنبدا :

قالت ام سبيريت لسبيريت تروح لجدتها سهام بسمن
و كبسة وكم حاجة عشانها مرضانه فسبيريت بسم الله عليها بارّه بامها
و ع طول اخذت سفرة الكبسة وقارورة السمن وطلعت من البيت
فحصلت حمارهم لاف برا ياكل تبن رفسته وقالت : الحمار حمار
ياخي عمرگ ما استحيت ع وجهگ واكلت شي محترم .
شمخ لها الحمار و اعطاها ظهره
: لنا الله ، حتى النصايح ماتنفع معاك .
وكملت طريقها تغني : حمارنا القبيح يعيش في امان في بيتنا الجميل بالدفئ والحنان ..
وصلت للغابة اللي يفترض ييييفففترض تضيع فيها فقالت بذكائها المعتاد :
المؤمن لا يلدغ من جحره مرتين خنيجنب من الطريق بسرعة واسلم
من قليل الادب الذيب ..
وكملت طريقها الشطورة بادب فجنبت عربة من عندها قامت سبيريت تصارخ
فوقفت العربة بسرعة وخرج منها ولد مز
وقال : انتي بخير ؟
ع طول طاحت سبيريت وقالت : مغغغص مغغص براسي ياخي
تقرب منها وقال : تعالي اطلعي ..
قالت : اول وش اسمك ؟
قال : اسمي اليوت امير البلاد
قامت طوالي وقالت : لا حبيبي اجل تسلم تسلم ما نبغى منگ شي .
وراحت تكمل طريقها وهو شكله انفتن فيها لان سبيريت
بصراحة جمية مرة وصوتها اكثر من رقيق
بس لسانها الله يهديها ..
المهم كملت طريقها تلعن كيف كيف الحظ اللي جاب هالامير اللي يذكرها
بشغالتهم اليوت اللي سحرتها وحولتها لضفدع مرة ..
ماعلينا كملت طريقها ووصلت لبيت جدتها سهام
فقبل ما تطق الباب سمعت صوت رجل بالبيت ويضحگ ويفرفش
قالت لنفسها : والله بدري يا جدة سهام بس مات جدي وانتي فاتحة
مكتب استقبال والله لاعلم ابوي والله لاعلمها .
وقبل ما تهرب سبيريت انفتح الباب وشافت شخص مجهول الجنس ..
قالت ع طول : مين انتـ\ـي ؟
قال الشخص : دولهان ، انتي حفيدة سهام الجميلة سبيريت ؟
قالت سبيريت بحيا : ايوه ايوه بس لو سمحت انتـ/ـي ولد ولا بنت ؟
ضحكت وقالت : هالوجه وجه اولاد ؟
سكتت سبيريت .. ودخلت ع طول الا جدتها سهام بالحمام ..
انتظرت وانتظرت وانتظرت وانتظرت ..
فصارخت : جدة سهام وش اكلتي امس الله يهديگ بس ..
سمعت جدتها : انا اتروش يا قليلة الادب
سبيريت : وقابلتي خالة دولهان بريحتگ حق المواشي ؟!
قالت : وش اسوي ما كنت ادري
سبيريت : جدتي !! كم مرة قلت لگ بعدما ترعي البقر والخرفان تروشي
مو تنسدحي بعدين تتروشي !
قالت : المرة الجاية ان شاء الله ...
سبيريت : طيب اسمعي بروح اشوف التيس وسام برا اوكي ؟
قالت : اووووه لا تنسي تأكليه نسيت ما اطلعه ..
سبيريت : خيرگ يا رب اخاف يموت قريب من المجاعه .
طلعت الجميلة برا وراحت عند الخرفان حصلت ذا التيس لابس نظارة
شمسيه وجالس رجل ع رجل .. تقربت - مادخلت للشبگ -
: وش هالكشخة متشخخخخخص ..
ناظر لها بنص عين وطنشها ..
قالت : اقول والله ماتشوف لقمة لو رفعت خشمگ .
لسع مطنش ويشمق بعد ...
: خلي التطنيش يفيدگ ... تيس
وراحت جابت خبز متيبس ورمته عليه وهو يهرب وهي ترمي
سمعت الجدة سهام صوت التيس يصارخ جات تجري
الا هي تشوف حفيدتها الفاتنة سبيريت ترمي الخبز اليابس
زي الطبق الطاير ع التيس وهو يهرب ومتبهذل
راحت تجري ويدها ع راسها : بتقتليه يا حمااار !!!
قالت سبيريت بعصبية : يستاهل خليه يتعلم التواضع شوي
رافع خشمه ع باقي الغنم ......
ونفضت يدها وراحت عند الارانب ...
وجلست تمسگ واحد وتحضن ..
: اصالة اموااااح - بوسه -
وهذي لين اموااااح
وهذي ماجيگ امواااح
بعدين اخذت ارنبه منفوشة وحضنتها بقوووووة وقالت :
وهذي ياسايو امممممممموووووووواااح
عاد الارنبة الاخيرة انعصرت بس ماعليكم ما حصل لها شي
صارت متعودة ع الحركة اليوميه ...
بعدين راحت عند البقر وقالت : لموووووووس
ما رد عليها احد فجات سهام وقالت : بعتها اليوم لمجزرة .
بحلقت سبيريت في جدتها بخوف وقالت : بسم الله عليگ جدتي تمزحي اكيد !!
قالت سهام : كنت محتاجة فلوس والله !
قالت سبيريت : طيب شدعوة جات ع البقرة لموس ؟! ليه ما جات ع البقرة جيجي ؟!
قالت سهام وهي تمسگ عصايه وتطرد الثعلب اسبادا وتصفقه وتمردغة بالتراب
جاي ياكل الارانب المنفوشة هالمتوحش قلب7 : البقرة جيجي ماحد يبغاها
لحمها فاسد الله وكيلگ .
راحت سبيريت تتحسب ع اللي شراها للمجزرة الله لا يوقفه ..
وراحت ع قفص الدجاج فلمحت الديگ اللي اسمه سيلفر
قالت بعصبية : ستشوي بقفص الدجاج ياللي ماتستحي ! جدتي سهام
شوفي الديگ سيلفر ثالث اخواته !
جات ومسكته بريشه ورمته بقفص لحاله
وجلس الديگ يناظر لسبيريت بحقد قالت سبيريت :
لازم الانضباظ يا سيلفر عيب كذا والله ترا من اسبوع شايفتگ
تغمز للدجاج يا وصخ قلب7
وبعدين طفشت ودخلت البيت وطفششششت وقررت ترجع بيتهم
ودعت جدتها القصيرة سهام وراحت ع طريقها فسمعت العربة مرة ثانية
وبدون ما تطيح نفسها هالمرة العربة وقفت ..
ونزل منها ولد ثاني هالمرة وقال : يا حلو يا انت يا مز !
قالت بطفش : الرقم وما عندي شتبغى عاد ؟
عندي شتبغى عاد ؟
قال بعدما انحنى زي حركات الاغنياء وذيگ الهالة
اللماعه والدراما البحتة اللي تهيء للبنت تخق ع الولد
: اسمي فيو وابغى اتزوجگ .
قالت بانخراعه : من متى صايرين الرجال يخبطوا الحريم بالغابة ومن النظرة الاولى ؟
اقول انقلع قبلما ارفسگ رفسة الكابتن ماجد ..
وبعدين صفرت وجا حمارها لاف يجري بفمه فار الله يهديه
المهم طلعت فوق الحمار وراح الحمار يجري ويفحط بالطريق وتركت
سبيريت الامير حائر واقع بحبها الفاتنه الجميلة ..
وصلوا للبيت اخيرًا وفتحت الباب الا امها بيدها طبق ورق عنب
وقالت : طلبت طلبية من عند صالحة معافا لورق العنب بخمسين تخيلي !
اخذت سبيريت الصحن ودخلت غرفتها وقفلت الباب ...
The End

__________________