[cc=-]بالتّأكيد هذا ليسَ عدلاً >_<
حجز ليوم غد إن شاء الله[/cc]
السّلام عليكم
كيف الحال؟
الصّراحة في البداية كنت مفكرتك شاب.. فقلت غريب إنّه شاب منزِّل رواية رومانسيّة وهيك :heee:
المُهم..
يوجين اسم حلو 
برضه المُهم..
بجد بترسمي؟ شي راائع.. بحب الرّسم لكن ما بعرف أرسم 
فشي جميل إنّك بتعرفي ترسمي.. للرسم والكتابة نفس الغاية أو الغايات؛ التعبير عن الخواطر والأفكار، تحريك الخيال سواء للكاتب والرّسام أو للقارئ والمتفرّج وأيضاً تحريك مشاعر كل منهم..
وأنا ما لاحظت إنّه فيه ابتذال بالأسلوب الكتابي عندك.. صحيح فيه بعض ثغرات.. لكن لا بأس رح تتحسّن مع الوقت ومع قبولك للنّقد >> بمهِّد لكارثة نقديّة 
بالنّسبة للعنوان:
هممم.. جيّد.. يعكس الجانب الرومانسي من الرّواية.. أعتقد!
ومُختار بعناية مو حيّاالله شي.. >> مو متلي بختار أي شي بخطر ببالي بالأوّل 
بالنّسبة للتمهيد:
استخدمتي أسلوب مشاهد الأنيمي.. أوك.. مش عيب.. ولا غلط.. إن أحسنت الوصف والتّعبير.
أنا بحكي هيك لحتّى تكون روايتك مختلفة عن روايات السّرد والحِوار
أعتقد بتكون هيك أجمل وأكتر تأثير في القارئ وبتحفّز مشاعره أكتر
نيجي لشغلة الأخطاء الإملائيّة والنّحوية والمطبعيّة:
- "فتقدم لها ذا العينين الزمردية"
ذو* : فاعل مرفوع وعلامة رفعه الواو لأنّه من الأسماء الخمسة.
إزا بتغلطي فيها تاني مرّة بشنقك 
- "أخذت تغسل وجهه الأبيض من الوحل الناتج عن لعبه فالمطر"
في المطر* أو لو تقولي أفضل: تحتَ المطر* متل الجملة اللي تحتها كاتبتيها صح هِناك
- "وباغتته الصغير"
باغتت*
- "شهقا الاثنان وقد تجمدت أطرافهم فزعا أخذ يحملق في الإثنان بتفحص"
شهق الاثنان* لأنّه لا يجوز اجتماع فاعلين معاً، فحرف الألف في "شهقا" هو فاعل للمُثنى (مثل أنّ الواو في شهقوا هي فاعل الجمع) والاثنان أيضاً فاعل.. ولا يجوز أن يكون هُناكَ فاعلان.. لذا إمّا أن تقولي "شهقا". أو "شهق الاثنان"
أيضاً تجمّدت أطرافَهما* فهما لا يشتركان نفس الأطراف
- "ألا تعتقدين بأنكِ أنهيتِ البئر في هذا الطفل القذر"
على هذا الطفل* : هذا أصحّ ما يمكن أن يقال في جملة مثل هذه.
- "عيناه تحدق فيها باشمئزاز"
عيناهُ تحدِّقان*
- "إنها تسمع وقع أقدامه وهي تبتعد لباب المنزل"
تبتعد نحو باب المنزل*
- "بعد أن انتهت من إلباس أخاها حملته"
إلباس أخيها*: لأنّ أخيها مضاف إليه مجرور وعلامة جرِّه الياء لأنّه من الأسماء الخمسة.
- "وضعته في فراشه بينما عينيها أخذت دورها في الهطول"
عيناها* : فاعل مرفوع وعلامة رفعه الأف لأنّه مثنّى.
- " وكأن الكهرمان قد أُذاب وسكب بعينيه ولم يمتزج بل بقي كما هو خليط من الذهب والعسل الصافي"
أُذيب*: فعل مبني للمجهول وهذه هي الكتابة الصّحيحة له
بقيّ خليطاً*: حال منصوب وعلامة نصبه الفتحة.
- "توسعت عينيها قليلاً وهي ترى ابتسامته الجانبية "
توسّعت عيناها*: فاعل مرفوع وعلامة رفعه الألف لأنّه مُثنّى
امممم لاحظت إنّه أغلب الأخطاء عندك هي في علامات إعراب المثنّى والأسماء الخمسة
راجعيها من كتاب العربي
شوفي إيش علامات النّصب والرّفع والجر للمُثنّى
وشوفي شو علامات الرفع والجر والنًصب للأسماء الخمسة
ولو واجهتي أي مُشكلة ارجعيلي بقدر أكتب لك الإشيا المّهمّة
ومع الوقت رح تقدر تتجنبيهم
طنّشت شويّة شغلات بسيطة لأنّي بعرف إنّك مع الوقت رح تنتبهيلهم وتتجنبيهم
انتبهي كمان لعلامات الترقيم.. حطّي علامات ترقيم وراعي المكان المناسب لها
نيجي للأسئلة:
1-رأيكم بالفصل كبداية؟
جيّد.. رح تتحسّني أكتر مع الوقت
2- ايش انطباعكم عن الشخصيات؟
همممم.. الودل الصغير لزيز لون عيونه ولون شعره وبشرته حلو ووصفتيهم بطريقة جميلة
وكذلك بالنّسبة للبنت
امممم
الشاب اللي إجى ع الحانة هو أكيييد صاحبنا البطل اللي رح يوقّف معها ويساعدها
3- هل فيه أي تنبؤات او تخمينات منكم للفصول القادمة؟
همممم.. أنداري
نيجي للبارت:
ع الأسئلة ع طول..
1 رأيكم بالبارت؟
لخمتي مخّي يا بنت
بتتعاملي بألوان الشّعر.. تقريباً ما فهمت شي 
وكاتبه بلون أسود أدوب باين.. وأنا قليلة حيلة أعمل كوبي بيست للنص وأشوفه بمكان تاني
فكملت قراءة من هون وصابني حَول من هون..
لكن حدثت أشياء تمهِّد لأحداث مستقبليّة أرغب بمعرفتها
لذا رح أتابعك 
2 كيف طول البارت قصير صح؟
يب قصير.. لكن أنا انبسطت عشان الإشيا اللي حكيتها قبل
اممم.. لازم تعرفي.. صحيح أنا مُتابعة لكن أسوأ مُتابعة على الإطلاق ما رح تلاقي أسوأ منّي
3 من الشخص اللي قال "يا فتاة فلتسرعي قبل مجيء العربيد"؟
أنداري :heee:
4 انطباعكم عن انطونييتا والثلاثة الجالسين بالحانة؟
هممم.. ما قدرت أحزر كتير لهيك رح أترك هاد الشي لبعدين؟؟
5 ما سبب ابتسامة سيسيليا لبندقي الشعر؟
والله ما فهمت أغلب الإشيا اللي صارت
كان فيه تنقلات مفاجئة بكلام الشّخصيّات وحركاتها
6 أي أنتقادات؟
هممم.. لا
رح كون مُتابعة
ثااابري
وإزا بتكرّري أخطائك رح أدبحك
سلام 
التعديل الأخير تم بواسطة ۿـﺎلـﮧَ- ; 10-04-2016 الساعة 08:02 PM |