عرض مشاركة واحدة
  #10  
قديم 12-08-2016, 08:24 PM
 
[cc=-]لي عودة أكيدة غدا صباحا [/cc]

السّلامُ عليكم

يسعد صباحك يا جميلة

كيفك؟ إن شاء الله بخير؟

عنوان الرّواية مُلفت وهو اللي خلّاني أحط الحجز قبل ما أقرأ الحبكة والفصل ^^
يعني شي مختلف عن باقي الرّوايات بالقسم
وعلى رأي وحدة كل ما كان العنوان أقصر كل ما كان التّشويق أكتر

لمّا شفت كلمة توأم بالعنوان راح بالي لقصّة تقليدية إنهم ضايعين عن بعض وبعدين بتلاقوا وبصير بينهم حوارات و.. و..
لكن الله لَطَف وكانت مختلفة.. مختلفة بشكل جميل

أعني فكرة إنه تكون بأجسادهم جوهرة ومن خلال قتلهم لهديك الوحوش بتنضاف أجزاء قرمزية لجواهرهم.. شي جميل
مو فاهمة الشّي بالضّبط لكنّه واضح إنّه راح يكون شي فَخم ^__^

بالنّسبة للمدخل والمخرج على غير العادة فأنا حسّيتهم وصّلولي فكرة معينة
صحيح ممكن ما تكون نفسها اللي انتِ بدّك توصليها .. لكن ع الأقل وصلني شي.. وأنا حاسّة بالإنجاز لأنّه بالعادة
ما بفهم شو النّاس بتحكي بالمدخل والمخرج

الشّخصيّات لسّا مش واضحة
لكن أعتقد التّوأم رح يكون عندهم إشيا حلوة ليفرجونا ايّاها.. وأنا بالانتظار..

وهاد اللي اسمه ميرس.. اسمه حلو..لكنّه لا زال غامض بالنّسبة لي

أعتقد.. مجرّد اعتقاد.. إنّه كان يبحث عن حدن يساعده بأعماله الشّريرة (لا شك بإنّه شرير وفوضوي)
وانبسط لمّا لاقى التوأم .. لكن أعتقد إنّه التوأم بلحظةٍ ما رفضو مساعدته وصاروا يشتغلوا على تنظيف الفوضى اللي بتسببها أعماله الشّريرة
مثل المجرم اللي بمحل المجوهرات.. أعتقد إنّه حدن هو سيطر عليه من خلال اليوما
وأعتقد إنّه هو المسيطر على اليوما.. أو شي من هاد القّبيل

وأعتقد رح يكون فيه صراعات كتيرة بينهم..
ورح ينكشف السّتار عن ماضٍ حزين للتوأم مع المدو ميرس..

آه مجرّد توقعات

اممم

لفت نظري الأخطاء الكثيرة.. ومن كل الأنواع الصّراحة.. حاولي تتجنبيها ..

امممم

متشوقة للقادم وإزا كنت ناسية أحكي شي (كالعادة) بحكيه بالرّد القادم.. إن شاء الله..

ودّي

إلى اللّقاء
__________________


التعديل الأخير تم بواسطة ۿـﺎلـﮧَ- ; 12-09-2016 الساعة 10:05 AM
رد مع اقتباس