هاي
جيت وجبت معي قصتي الجميلة
اتمنى تعجبكم وتستفيدو منها
وممنوع الضحك على بطلة القصة
اترككم مع قصتي:


كان يمكان في قديم الزمان
منذ ما يقارب العشرين عام
كان في بنوتة صغيرة حلوة وأمورة اسمها زهراء عمرها تقريبا 6 اعوام
كان عندها اخ اكبر منها بعامين، مزعج وبشع وعنده أفكار مزعجة مدري من وين بيجيبها
وفي يوم من الايام ذهب زهراء مع امها واخوها واختها الصغيرة الى المسبح
زهراء كانت غبية جدا في حفظ الطرقات
يعني لو تضلها سنة تروح لمكان بنفس الطريق لا تحفظه
على فكرة ما زالت كذلك نعود القصة
في يوم من الايام عندما انتهو من السباحة وخرجت من المسيح
قال اخوها الاكبر:...
لا أتذكر ما قاله بالضبط
الشغلة صارت من زمان بس المهم انه تحداها اذا هي حافظة طريق الرجعة
وهي من برائتها الطفولي كما كل الأطفال
قبلت التحدي بدون تفكير، لا وبل رجعت عالبيت وحدها دون ما تسال امها
والام المسكينة تفتش عنها وتسأل العالم لحد ما بالاخير
يمكن اخوها الاكبر اصلا ما كان عارف انها راحت
لقاها فجاة اختفت
المهم، طلعت الام كانت تذهب للمسبح بطريق وتعود بطريق آخر
وزهراء الغبية لان تفكيرها ديما مشغول بشي آخر ما انتبهت لهالشغلة
بس كانت متذكرة ان الصبح اجت من هالجهة مش من الجهة التانية
يعني طريق الذهاب وليس الاياب
وعادة الطرقات تختلف ذهابا عن ايابا
ما بعرف اذا جربتو الشغلة
طريق بتمشو فيها باتجاه واحد ديما
اذا رجعتو فيه باتجاه معاكس بتحسو كأنه طريق مختلف
زهراء المسكينة كان الطريق باالنسبة إليها اشبه بجديد كأن اول مرة تشوفه
تنظر حولها، هالمتجر شفته قبل، لا لا ما شفته، بلا بلا هيدا هو
وهكذا زلت فترة طويلة
وقفت بنصف الطريق حائرة لا تدري ما تصنع
حتى بالاخير شاهدت امها تقبل اليها معصبة عشوي رح تضربها لولا انها كانت بنص الطريق ادام العالم امي كان عندها صفة حلوة
ما بتضربنا امام العالم
المهم عيطت على وانبتلي ضميري وارجعنا للبيت
بس ما بعرف اديش دام تأنيب الضمير لان بعد كم سنة عملت الشغلة نفسها
وبسبب اخي الغبي المزعج نفسه
ولنفس السبب

العبرة بالقصة

ما تقبل تحدي بس لتثبت انك قادر على شي
وانت ما واثق انك قادر على هالشغلة
لان ما بكل مرة بتسلم الجرة
الحمدلله عندي ب3 مرات سلمت
والحمد لله معاش عدتها الشغلة
كبرت وبطلت هبلة متل الأول
صرت هبلة من نوع آخر

المهم اتمنى تكون عجبتكم القصة اذا قدرتو تفهمو عليها
لان نصها علمي ونصها فصحى
كمان الكيبور مخرف كل شوي يغيير بالكلمات -_-2
وكمان انا حاسة مو قادرة لشرح منيح هههه
المهم كتبتلكم العبرة باختصار بالاخر