[ALIGN=CENTER][TABLETEXT="width:90%;background-image:url('http://store6.up-00.com/2017-04/149284423794791.jpg');"][CELL="filter:;"][ALIGN=center]




السلام عليكم ورحمه الله وبركاته
كيفكم ي أحلى أعضاء؟! إنشاء الله بخير وصحةة
أول مرة أدخل هالقسم , وبصراحة مدري الموضوع اللي حابة أنزله مكانه هنا ولا لا خ
إذا مكانه موب هناأستروا علي وأنقلوه
أحم أحم .. نرجع لموضوعنا جيتكم اليوم بموضوع للدردشة والوناسة س3
زي ما قريتوا بالعنوان " موآآقف مضحكة وطريفة "
م فيه أحد في العالم م قد صار معه موقف عفس وجهه , خلاه يتمنى أن الأرض تنشق وتبلعه , أنه يختفي بس م يتفشل بهالشكل [/ALIGN][ALIGN=center]
..وكل ما يتذكر الموقف ودة يكسر كل اللي حوله من الغبنة قلب7
كلنا مرينا بالموقف , مستحيل ما أحد مر فيه , واليوم للتسلية كل وحدة راح تقول لنا موقف من عندها
وش صار معها ؟! ووش كان شعورها وقتها ؟! كيف تصرفت ؟! ووش شعورها إذا تذكرته ؟! وش تمنت أنها تسوي ؟!
****
بس قبل لا نبدأ , بقول لكم أشياء لازم تسوونها في إذا صارت لكم هذي المواقف عشان تخففون فيها الموقف :
1/ حاولي م تهتمين للموقف مرة وتقبليه بسعة صدر عشان يهون عليك .
2/ إذا كنت مسوية بلوة أو حاجة كبيرة في ذاك الوقت لا تعتذرين أبداً , أبتسمي ولا كأن حاجة حصلت .
4/ لا تقعدين تفكرين بالموقف كل شوي وتقولين آووه صار كذا وصار كذا والله أني غبية مفروض م سويت وم سويت , إذا جيتي تفكرين بهالشيء حاولي علطول تنسين
السالفة وتفكرين بغيرها .
5/ بعد م يصير معك الموقف حاولي تسيطرين على الموقف بـ أنك تضحين مثلاً أو تعلقين ولا كأنه همك
ولا أحد من اللي حولك راح يهتم .
وبسس hug1
*****
أول موقف صار معي أنا بالمدرسة , هو مو مرة قوي بس حسيت وقتها بأحراج شوي
كنا بحصة العربي وعندنا درس قرآءة , والفصل هادي وكل البنات مبين عليهم طفشانين مرة لأنها كانت الحصة
الأخيرة وأنا بعد نفس السالفة بس كنت قاعدة أقول لنفسي بدال ماني جالسة كذا , أشارك معها وآخذ
مشاركة عالأقل يعني وقمت أشارك وم معي الأكم وحده بس .. أما المدرسة بوادي ثاني جالسة وهي طفشانة
نفس حالتنا اللي يشوفها بقول مغصوبة تكمل الدرس ومن الطفش اللي فيها تاركتنا احنا ي اللي قاعدين نشارك
وقاعدة تقوم البنات اللي مفهيين بالحصة .. تعرفون بكل فصل لازم يكون فيه بنات جريئات مفهيات م عندهم
سالفه بالدراسة وكل المدرسات حاطين عينهم عليهم .. المهم وقفت وحده والبنت قاعدة تقرى وتضحك بدون سبب
وهي تقرى والمدرسة قاعدة تخاصم فيه بس موب خصام خصام يعني عادي .. وأنا ورى شادة حيلي وأنا أشارك وشوي
أشوفها تقول للبنت أجلسي وقومي أنتِ .. قمت بثقة ورفعت الكتاب وجيت أبقى وشوي الأ هي تقولي
" وش اللي قومك أنتِ؟ "
أثرها قاعدة تكلم الشيخة الثانية اللي جنبها , أنا وقتها قلب وجهي ألوان ورجعت أجلس بعد ما ضحكوا علي البنات
وللحين حاقدة على المدرسة

وبسس .. بأنتظار ردودكم على أحر من الجمر
في حفظ الرحمن


[/ALIGN][/CELL][/TABLETEXT][/ALIGN]