عرض مشاركة واحدة
  #4  
قديم 09-04-2017, 09:40 PM
 
حجز

السلام عليكم ، من زمان وانا ابغى اكتب رد هنا
بس الكسل وما يفعل
-
نجي للمهم، حبيت فكرة الموضوع
نقدر نعطي ارائنا عن الانميات ، وبنفس الوقت لعبة
نوعاً ما
عموماً، بتكلم عن انمي اشاهده حالياً، هالانمي اعتقد الكل شافه، ماعداني
احس اني متأخر مره وسنة انتاجه 2003

[shfaf1]https://ww2.animelek.com/uploads/cover/medium_shingeki-no-kyojin-85.jpg[/shfaf1]

هجوم العمالقه،
أول مره شفته حسبت انمي سخيف، أي العمالقه كلام اطفال
بس انصدمت أول حلقاته، احس من البدايه أكشن وكذا
وهالنوع من الانميات غالباً يتصدر قائمة مفضلاتي في عالم الانمي
طبعاً ممكن حد م شاف الانمي كامل او لسه م بدأه ، ف م ابغى احرق على احد
فرجاءاً اللي م شافه لايكمل الرد حتى النهاية اعتقد فيه حرق.
-
في اول الحلقه كان هدوء عادي مثل أي انمي بالبداية
لكن سرعان ما بدأت الاحداث تصير أكثر حماسه وهذا اكثر شي حبيته
م افضل الانميات الهادئه ويكون السلام ممل ومتواصل فيها لفترة
بدأ الانمي بهجوم عمالقه على قرية ايرين فوراً ، شيغاوشينا حسب اللي اذكره
المهم، العملاق الهائل والعملاق المدرع كانوا اكثر نوعين من العمالقه كرهتهم
وبعد الجزء الثاني كرهتهم اكثر بكثير من السابق
بعد م اجتاحوا العمالقه القرية تقريباً، أنا حسبت بيكون في شخص يطرد العمالقه خارج سور ماريا
واحيي نفسي ع هالتفكير ، المهم، أكثر مشهد خلاني احس بالشفقه
كان موت والدة ايرين، حسيت اني كنت مكانه،
واهم شي فيه، م كان هالشي كافي ليهد ارادة ايرين، او ينشر الرعب فيه نفسه
بل أقسم انه يبيدهم جميعاً اي العمالقه
يعني بالمختصر المفيد ، انمي اسطوري ممعنى الكلمه
اي مختصر بعد الثرثره اللي فوق
-
م حبيت شخصيات كثيرة بصراحه
أكثرهم ليفاي ، أول ظهوره م حبيته ابداً وعلى الاطلاق
حسيت واحد غثيث بالانمي، واشوف اغلب الناس يحبونه شي عجيب
بعد لا شفت الاوفا حقته اليوم
مدري، تانيب ضمير مفاجئ ، والله حزنت عليه،
توقعت يكون شخص اناني وضيق الافق بشكل لا يطاق
الحقيقه، كانت ان ليفاي في الماضي كان، صح م تغير هدوئه القاتل ذاك
آلا كان شخص يهتم بالناس كثير، اكثر شي حزنت عليه
إيزابيل وفارلان مدري يمكن اسمائهم كذا تقريباً ، خصوصاً ايزابيل
احس كانت فرحانه بطلوعها للشمس اول مره ، وكمان خارج ضيق الاسوار
وفي نفس ذاك اليوم لاقت حتفها مره وحده ، شي مؤلم الصراحه
صرت م اكره ليفاي ، يمكن بعد م احبه
بس مو مثل أول يعني ،
ثرثرت كثير عن ليفاي؟ < ويسأل بعد
-
إيرين تكلمت عنه من قبل، هو شخصيتي المفضله بالانمي
يستحق يكون البطل
صح نسيت، ذيك الحلقه اللي مات فيها تقريباً أو اقول اكلوه وهو حي
انا جتني نفسيات مشابهه للنفسيات بموت نيجي قلب7
كيف يموت البطل؟ وليش ايرين بالذات؟ ليش مو آرمين؟
المهم، بعدها اعتقد ميكاسا كانت في خطر ومعدات المناوره حقها م تشتغل
لما شفت العملاق اللي شعره بني وعيونه خضراء ، شكيت انه ايرين
م اقول كنت متاكد ولا كلمني حد عنه، الشبه كان واضح بينهم، اعترف انه افصل عملاق
من ناحية الوجه ، بقية العمالقه وجوههم بشعه
واخيراً، اتت اللقطة التي ستقطع الشك باليقين
وطلع ايرين من مؤخره عنق العملاق ، صدمه
فرحت جد لانه م مات ، اصلا كيف يموت البطل يعني
-
ميكاسا، م حبيت شخصيتها افضل آني عليها
رغم كلتاهما مخيفتان بس اني ارحم ، اكره معاملتها لايرين كانه طفلها
حتى هو م يحب انها تعامله كذا ،
مع انه الف مره قال لها بس هي تنقذه في كل مره، ملقوفه ذي
وارمين لا تعليق
-
طبعاً، رسم الانمي لا غبر فيه
حالياً هو الانمي المفضل عندي، بس للاسف مو مكتمل
ان شاء الله يستمر الانمي رغم اعتقد انه م بيستمر
بموت فضول لو م عرفت السر اللي بسرداب منزل ايرين
-
، ايش كل ذا؟ ^
مدري وش كتبت ، المهم شكرا ع الموضوع اللي اتاح لي فرصه
لاعبر عن رايي بذا الانمي
ف امان الله

التعديل الأخير تم بواسطة Servamp ; 09-05-2017 الساعة 03:03 AM
رد مع اقتباس