السلام عليكم و رحمة الله و بركاته

و اخيييييييرا تفرغت عشان ارد على فصول روايتك الجميله .. ح ارد على كل فصل ما رديت عليهوا ، ح احاول ادي كل فصل حقوا و معليش عشان متااااخخر شدييييييييد ، لكن انا من ما دخلت الجامعة قاطعت كل شي ( الكليات الطبية و تعبها )

المهم ح ابدا بالفصل 74

اول شي الفصل ما شاء الله من ناحية اسلوب و كتابة كان رهيب شديد و الاحدااااث مبااالغة شي خطيييير ،
كالعادة مبدعة و افكارك غير متوقعة ، و ما شاء الله ما عندك اخطاء املائية اصلا دي اكتر الحاجات الخلتني احب روايتك و الدليل انو بعد خمسة سنين انقطاع رجعت ليها

يلا نجي نفصصل شوية ، انا ح اقسم الفصل لي تلاتة اقسام
الجزء الاول الاجازة القصيرة
و اللي هو دة الجزء لمن مشوا المقهى .. كان جزو ظرييف شديد و تحسي فيهو مشاعر دافية ، سعادة و تناغم ،
اول مرة اقدر ابلع راي و احسو كدا ما عارفة ظريف ، اصلا ما قادرة استوعب انو هو الطلع بالفكرة دي
((ألن:الى اين انت ذاهب؟!
كايل:ساعود الى المنزل فانا اشعر بالنعاس.
جايك بانفعال:اوه هيا لا يمكنك الذهاب الان لم يبقى سوى القليل على هزيمته!!
فاشار كايل باصبعه نحو جايك.
كايل:اااه كنت اعلم انت تحب التسكع معي لاعجب من ذلك فانا شخص ممتع.

فانفجر جايكوب من الغضب.
جايك:اخرج من هنا ايها الغبي من المسكين الذي قال لك انك ممتع..هيا اذهب لقد تاخرت عن ميعاد نومك يا صغير.))
دة اكتر حتة عجبتني في الجزء دة

الجزء الثاني ظهور غوينجي

يا بت دي شنو الافكار دي
من وين طلعتي بي غوينجي دة .. بالجد الزول اصلو ما بقدر يتوقع افكارك او شنو ممكن يحصل
يلا الجزء دة فيهو غموض و فتح باب تساؤلات كتيرة ، اهم واحد كايل عمل شنو بالضبط لي غوينجي عشان يخليهو حاقد عليهو للدرجة دي
طبعا الجزو دة انا بعتبروا احلى جزو في الفصل دة و انا استمتعت بي كل حدث فيهو
الجزو دة براهو ح اديهو 9 من 10

نجي للجزء التالت و هو الجزو الاخير
طبعا الحتة دي كل ما اقرا سطر بتخلع زيادة لمن خلصت لقيت خشمي مفتوح مترين من المفاجات الحصلت
عموما اتوقع انو كايل عندو هدف معين من حركاتو دي ، لمن اشوف الفصل الجاي نحكم

زي ما قلت ليك الفصل احداثوا كتيرة و دسم ما شاء الله و بديهو 8.5 من 10