عيون العرب - ملتقى العالم العربي - عرض مشاركة واحدة - القادمون:-السيطرة على العالم المقدمة والحلقة الاولى

**Florisa** · #9 12-19-2017, 12:46 AM

ياخي حرااام هيك حلقة وهيك مضمون عليه فقط كم رد
كسل هالأيام مو طبيعي
خلص اتركهم علي انا بحاسبهم يوزعو لايكات ويمشوا

~ إعادة اللقطة بالسيناريو الصحيح ~
السلام عليكم ورحمة الله وبركاته
كيف حالك ديمون ؟ ان شاء الله بخير وتمام الصحة والعافية
يا فتى بدأت بطلوعك في هذا المنتدى شيئاً فشيئاً
صرت المح اسمك اينما التفت ابدعت ياخي
هذه هي الروح الحماسية وإثبات الذات والوجود بالإبداع والعمل
اولاً تصفيق حار على مجهودك بالتصميم
تهانينا اتمنى لك التقدم في جميع مجالات الحياة
احم احم نجي هلأ على فكرة برنامجك
حلو التوعية والواقعية ، يعطي رهبة وخوف من هالكلمتين
الفكرة تحكي عن النهاية ، سبحان الله الناس تعرف نهاية الحياة
ومستمرة بارتكاب المعاصي وما تفكر فيها او متى ممكن تجي
واكثر العلامات عظمةً قد ظهرت
بتكفي علامة ان لا القاتل يعرف لما قتل ! ولا المقتول يعرف لما قُتل
وهذا الشي صار بواقعي عشته فيس تو فيس
وللأن مستمر ، الناس تركت الدين واصغر فرد بالعائلة يكفر سواء مزحه ولا جد
ولما شوف الناس شو ردة فعلها وفي حدا يسيء لدينها ويكفر !
ألاقي ولا تحسسوا ! عادي الشي عندهم ؟
قليل جداً شوف ناس تعصب وتقول استغفر الله امام الكفار
والشي اللي يضحك اكتر بيخافوا يقولو كلمة عن الحكومة وما بيخافو من ربهم !
يخافو من الحكومة والامن والمخابرات وكل شي بمضمون السياسة

غير هيك انا ما بعرف شو يعني ماسونية ، ماسوني ؟
مين ما اسأل مين هم ؟ يقول لا تذكري اسمهم
ههههههههه هي إحدى اللعنات يعني ولا عفاريت ولا جن !
جد مو معقول حتى انه بيخطر ع بالي ابحث عن معناه من هم حتى شوف شو هذا الشي العظيم
بس ليش اهتم !

بالنسبة لكلام الحلقة عجبني كتير بتشبيه ان العقل ممكن يظن نفسه حر !
إما بيكون مسجون ويشوف القضبان او يكون مسجون وجاهل موقعه ومو شايف شي حوله
بالنسبة للأخبار غاسلة العقول
عملنا مثل الفئة القليلة من الناس ، ما عاد شفنا اخبار
الواحد يتعقد نفسياً كل محطة تقول كلام مختلف والقناة الشاطرة اللي بدها تجيب اخبار مبهرة اكثر من الثانية
لا ويقنعك المواطن انه لازم يشوف شو عم يصير بالعالم
بيبقى مكانه في الزاوية مؤبد ، والاخبار 24 ساعة امامه
طيب شفت ؟ شو استفدنا هيك عرفت
طيب تحرك اعمل اي شيء يدل انك استوعبت اللي عم يصير
عجبك ؟ ابدي اعجابك ، ما عجبك ؟ طلع صوتك وابدي رأيك واعطي قرارك
صمت الشعوب ابداً مو طبيعي ، وللأسف مافي ناس يؤتمن فيهم
يكونو اوفياء ! الناس بدل ما تصلح الخراب
بتروح وتنفضه لتلاقي مصالحها

انا شايفة الحياة اسودت كفاية من اعمال البشر الكاسحة لكل حدود وحياء
واخر الاحداث قرار سلب القدس مننا وتصير فلسطين عاصمة اسرائيل
خلص اكد لي انه انتهى كل شي
وكأنها تأثيرات النهاية ، أواخر بداية النهاية قلب7

حلو اننا نصير ننقاشك عن مضمون كل حلقة ممكن هالشي يعطيك فكرة لحلقة جديدة
شايفة اني تفلسفت كتير بردي
انت بس اعطيني طرف الخيط وتلاقي الماسورة كرجت معي وما عاد توقف تباً
ارتحت اني قدرت رد ع موضوعك واطلع الكلام المسجون جواتي
انا بشجعك ع الاستمرار ، وبانتظار الحلقة الثانية بفارغ الصبر
لان البرنامج يجذبني ومهم جداً بالنسبة لي
تقبل مروري المفشكل قلب7
سيتم ختم الحلقة
دمت بود
في امان الله