عرض مشاركة واحدة
  #71  
قديم 01-11-2018, 07:05 PM
 
البارت الثاني عشر

آلـ,ـجـ,ـڒٍء آلـ,ـآۅلـ,ـئ
آلـ,ـبـ,ـآرتـ,ـ آلـ,ـثـ,ـآنـ,ـيـ,ـ عـ,ـشـ,ـر
ع ساعة 3 ظهراً..
بين جدران فلة عربية بسكانها الخليجيين على تلك الأراضي الأجنبية البعيدة عن صحراءنا العربية..
ف الغرفة كانوا الشباب جالسين مع بعض أستهبال وضحك،
إلا هو من بينهم كان جسد جالس معهم أما عقله ف مكان ثاني بعيد..، بعد ما قام من خياله المفاجئ، رفع نظره للشباب وقرر يشاركهم ف اللي يفكر فيه من أيام..
منصور بتفكير عميق
:شباب بسألكم سؤال؟!
مايد بفضول
:أسأل!
فهد بنفس فضول مايد
:تكلم!
ثامر باستهبال
:اسأل جوجل م فاضين لك حن
منصور بأحراج وتردد واضح
:كيف يعنى الحب؟!!
الشباب بصوت عالي
:الحب!!!!!
مايد وهو يتفلسف
:الحب!!.. مممم عند ترى محبوتك تشعر بنضات قلبك ترتفع بجنون وكأن قلبك ف تلك اللحظة سيخرج من بين ضلوعك وبنشوة الحرارة تشتعل في كامل جسدك..
غازي بتعليق
:هذا ركض ماراثون مب حب
مايد وهو يرفع أكتاف يده باستغراب
:م ادري كذا يقول كل العشاق
سيف بسخرية
:وانته كيف شعورك لما تشوف فاطمة؟!
مايد وهو يحط سبابته يده ع حنجرته
:يوقف قبلي من الرعبة واحس بغضة في حلقي هنا
سند وهو يحاول يكتم ضحكة بقوة
:هذا هو الحب الحقيقي
مايد وهو يتشوف علي سيف وسند بقهر
:انتوا الثنائي المضحك كأنكم جالسين تطقطوا علي وانا م أدري
سيف وسند مع بعض
:لا أبدا.. هههههههه
وانفجروا ضحك بقوة..، عطاهم مايد نظرة حاقدة سكتهم
تركي وهو يحاول يفخم صوته
:بما اني عشت بين ثقافتين مختلفين.. فأي حب تريد هل حب بنظرة بلاد الشرق ولا بلاد الغرب؟!
منصور بنفس نبرته
:ي أعمى!!..أنا شرقيا أم غريبا؟؟
ثامر بتعليق
:بل شماليا..ما رأيك؟! هههههههههه
منصور بجدية
:شباب بلا مصخرة تكلموا بجدية
بندر بحكمة وعقلانية
:إذا خاطرك في وحدة امشي اخطبها بسرعة قبل م أحد ياخذها قبلك وانتهي الموضوع بطريقة محترمة وترضي الكل
فهد بدهشة وهو يتشوف ع بندر
:انته بندر ولا أستاذ سليمان؟!!
بندر باستغراب
:لا بندر بشحمه ولا لحمه!!
محمد باستهبال
:لا تلومه مستغرب انه احد من منكم يقدر يتكلم بالعقل
منصور وهو عيونه ع بندر ويفكر بكلامه
:بصراحة كلامك مثل كلام مهنا بالضبط
فهد بعقلانية هو ثاني
:وهذا هو الكلام صحيح
محمد وهو يحط يده ع كتف منصور وابتسامة عريضة ع وجهه
:مبروك مقدما
منصور وهو يبتسم لمحمد
:تو الناس يمكن البنت م توافق
محمد بثقة والابتسامة ع وجهه بعده
:لا موافقة إن شاء الله
في هاللحظه ألتفت منصور لتركي بارتباك ودهشة وتركي اللي كان بنفس حالته سؤال واحد يدور ف رأسهم "هذا يريد من هي؟!"..
قطع هدوء اللي ساد فجأة الغرفة.. صوت طرقات الباب خفيفة..
ثامر اللي كان جالس جانب الباب
:من؟!
بصوت خفيف من خجل
:ش.. شوق.. أريد بندر
ثامر وهو يرمي المخدة اللي كانت جانبه بقوة ع بندر
:انته
بندر بفزع وهو يبعد مخدة من ع وجهه
:ثامروه!!..ي ربي كان بيطح قلبي بسببك
:اسم الله ع قلبك حبيبي.. ي عمري شكلك متعود ع أخواتك اللي يناديك برقة..
بندر بضحكة
:ايش فيك مقهور؟!!..لكن هذا لأنك عايش في بيت كلها شباب ومحد يدلعك ههههههههههههه
ثامر بقهر وهو يشير ع الباب
:اقول لا يكثر اختك شوق تريدك عند الباب
فهد بتعليق
:ثامر لا تخاف بتجي زوجتك وبدلعك ههههههههه
بندر وهو يوقف
:شوق!!..اذا طلع هذه مرة إنه عبدالعزيز ضربنها بذبحه هالولد
محمد برعبة
:اسم الله ع اخوي!!
منصور وهو يضحك ع غباء محمد
:ي غبي م قصده عبدالعزيز أخوك
محمد باستغراب
:أجل من يقصد؟!
:عبدالعزيز ولد عمك جاسم اخو خطيبتك حفصة
محمد بعصبية
:نعم نعم!!.. تريد تريد تذبح نسيبي امشي اذبح عبدالعزيز اخوي عادي سمح لك
تركي بصدمة
:افا اللحين صار النسيب أهم من الاخو.. يااا الخاين صبر على أن ما نقلت لعبدالعزيز هالكلام
بندر اللي طلع من عندهم لشوق الواقفة بعيد عن الباب
:ايش عندك شوق؟!
شوق بصوت طبيعي
:وين طارق؟!
استغراب من سؤالها بس مشي لعند الشباب حتى يسألهم
:شباب.. تعرفوا وين طارق
رد عليه سيف
:المتزوجين كلهم طالعين مع زوجاتهم من اول الصبح
سند يكمل بقهر
:الحمد وشكر كأنه محد متزوج غيرهم
فهد بتعليق
:ايش فيكم مقهورين؟!.. إذا تريدون تزوجوا عادي اصير لكم خطاب اللحين وازوجكم
سيف وسند مع بعض
:ههههههه.. شكرا ع العرض بس التوأم يغارن علينا
مايد وهو يتشوف عليهم بنظرات
:ما سمعت منو يغار؟!
سيف وسند وهم يمثلوا عصبية
:التوأم!!.. يعنى محد توأم ف هالعالم غير أخواتك مثلا
رجع بندر مرة ثانية لعند شوق
:محد
بارتباك وهي تحاول تفكر ف حل
:ي ربي..
باستغراب من حالتها
:ايش فيك؟!.. ايش صار ؟!
ردت بهمس
:فرح..
انتفض قلبه بخوف
:فرح!!!..ايش فيها؟؟!
:انقفل باب الغرفة عليها
...................................
في الطابق الثاني من الفلة
فرح وهي تدق الباب بقوة
:بنات!!.. ساعدني احد يفتح الباب بسرعة
دلع اللي واقفة قدام الباب من الجانب الثاني
:فرح صبري اللحين احد يجي يساعدنا.. قلت حال روضة وروعة وشوق يشوفن احد يساعدنا اكيد حصلن احد
:تأخرن كثيرا!!
في اللحظة جات روضة وروعة لعند دلع وحفصة اللي وقفات قدام باب الغرفة اللي فيها فرح
دلع باستغراب
:ايش فيك م قلتن لأحد يجي؟!!
:شوق قالت ل بندر يجي
دلع وحفصة مع بعض
:شنوو؟!!!!
حفصة وهي تدق الباب ع فرح
:فرح.. تعرفين من بينقذك من هنا
فرح بملل
:طارق اكيد منو يعنى غيره
:لا.. الحب جاي بنفسه
:شنووو؟!!!!!
...
بعد أقل من ثلاث دقائق
وصل بندر لعند الغرفة الموجودة فيها فرح
دق الباب بيده ع خفيف
:فرح!!
ردت بخجل
:نعم
:كيف انقفل عليك الباب؟!
عقدت حواجبها باستغراب
:ها
رد بسؤاله مرة ثانية بصوت أعلى
:كيف انقفل عليك الباب؟!
ردت بارتباك
:بعد م طلعن البنات قفلت الباب ولما جيت افتح م رضي
سأل باستفسار
:يعنى المفتاح دخل الباب؟؟
ردت باندفاع
:ايوا..بس م رضي يتحرك ولا يطلع من الباب حاولت فيه مشي فايدة
ألتفت ع شوق الوافقة جانبه
:شوق امشي جيبي سكين من المطبخ وجريدة بسرعة
قالت وهي تركض بسرعة
:تمام
بندر بصوت حنون ويدق ع الباب
:لا تخافين.. تمام؟!
سكت بخجل وهي تمنى تخلص من هالموقف بسرعة..، وفي نفس الوقت م تريد ينفتح الباب لحتى م تقابل بندر..
دقائق ووصلت شوق وهي تلهث من التعب
اخذ السكين والجريدة من عندها بسرعة
دخل الجريدة من تحت الباب لداخل الغرفة إلا طرف بسيط منها كان خارجها.. بعده وقف وبدأ يحرك فتحة مفتاح بسكين اللي معه لحتى ما قدر يطلع المفتاح الموجود في جانب الثاني من الباب..
ابتسم بسعادة بعد سمعه صوت مفتاح اللي طاح في وسط جريدة
:الحمدالله
نزل بسرعة لتحت الباب وسحب الجريدة بسرعة، أخذ منها المفتاح لأجل يفتح الباب..
بعد م نفتح الباب اخيرا..
بندر وهو يحاول يتشوف لداخل لغرفة يبحث عنها
قطع عليه بحثه صوت شوق..
:شكرا ع المساعدة أرجع لعند ربعك اللحين بسرعة
:هاه العفو
...............................
في آخر يوم لنا ف لندن
طلعت من الفلة لعند مواقف السيارات..
بعد مساعدة من اخوي محمد في تنزل الحقائب من غرفة إلى سيارة لعبدالعزيز..
ألتفتت لوران الواقفة قدام الباب
:روان ما بترجعين معنا؟!
:بمشي عنده
سكت بعد ما عرفت انه تقصد أبوه
دقائق وقفت سيارة سوداء قدام روان مباشرة، تسوقها وحدة أجنبية
نزلت من سيارة لحتى تأخذ حقبية سفر من يد روان ودخلتها ف صندوق سيارة، بعده رجعت لمكانها الأولي ف السيارة..، وجلست روان ف كراسي الخلفية،ونطلقت السيارة لمكان ثاني..
أبتسمت وبصوت عالي
:يااا بنات بشتاقلكن ولجمعتنا مع بعض
قصايد بابتسامة واثقة
:بتشوفين بعد أسبوع ف بيتكم إذا وافقتي
ردت باستغراب
:أوفق ع شنو؟!.. وليش تجون بيتنا ما نستقبل
ضحكت قصايد بصوت عالي
:بتعرفين هههههه..بتعرفين بعدين
حلا بصدمة من ضحكة قصايد
:الحمدالله والشكر البنت انهبلت بكامل!!!
منصور وهو ينادي ع قصايد بس عيونه ع احد ثاني
:يلا قصايد مشينا
ألتفتت عليه بسرية م اريد احد يلاحظ نظراتي..، وانا أحاول اضبط شعوري الداخلي الغريب..، انصدمت لما ألتقت عيوني بعيونه هو كان يناظرني ولا انا أتخيل..
\\\..............
نـ,ـهـ,ـآيـ,ـةّ آلـ,ـبـ,ـآرتـ,ـ
تبتع...