في غرفة النسيان كانت الدمى تملأ زوايا المكان
ورائحة عطر الراحة المنعشة ، لا هموم لا شقاء
لا اصابع من الاتهام توجه نحوك ...
فُتحت باب الغرفة بوقت مبكر جداً ومد المستقبل يده الخادعة يوهمني بنورٍ ينبعث من خلفه
التقطت تلك اليد ونهضت بالرحيل معه تاركةً خلفي ظلال ألعابي والنسمات الساكنة الصافية
وكم ظننت بأني سأقضي على الضعف ، الناس سيسمعون صوتي ، سأنجح واتحرر وأجوب الدنيا بحلمي ...
دفتر مذكراتي انا اليوم وصلت للتسعة عشر ربيعاً
عجباً الامور لم تكن ابداً كما تخيلتها
لم أعتد على ذلك الصياح الذي يصدح قائلاً
" انتي مخطئة لستِ طفلة "
جملة لستِ طفلة جملة لم تعودي طفلة ..
كان من الممكن ان تشعرني بالفخر لأني فتاة بالغة ذات عقل واعي وشورى ولكن لا ادري لما انخمد شيءٌ ما في داخلي وكأنها اخر روح طفولية كانت متبقية في قلبي
كانت هاربة معي من عالم الصغار وقد فقدتها
هي خاطرة كنت عم اكتبها لما دخلت اول يوم في 19 حسيت بكآبة واثرت فيني مقولة
ناس تحتفل وتنبسط لأنها عم تكبر
وناس بتبكي لأنها عم تكبر
انا من الناس اللي صرت ابكي لما اكبر
مو من تغير الملامح ، لا اهتم بنفسي ولكن تفكير بأني لست الوحيدة التي تكبر !
جدتي تتقدم بالعمر معي ، والداي يتقدمان بالعمر معي ، اخواتي !
يقلقني تقدمهم في العمر ويبكيني لشعور بأن الوقت يتقلص ويضيق
بس لما دخلت المنتدى وشفت الموضوع من امس كان لسا مو مكتمل ، اتأثرت كتير ، تأثرت بفرحة
لدرجة انها دمعة عيوني فخر وسعادة عند مشاركة نور ، تعب ششيكو وتعب اخي مصطفى ونور
وسيلفر ؟ يا قلبي سيلفر اللي تركت التصميم من فترة رجعت لتصمم طقم المفاجئة اللي تحضرولي ياها من فترة !
هذا اليوم مارح انساه بحياتي كلها ، كنت احتفل بأعياد اصدقائي واحضر لهم مفاجئات وتسعدهم
وقول يا ترى في احد يفكر يعمل لي مفاجئة مثل اللي انا اعملها ؟
إهداء فيديو من صنع احد الاصدقاء
إهداء مجلة تحكي قصة لي او عني
ما كنت متوقعة انه ممكن احد يفتح موضوع يصمم اكثر من هدية لي وبكل إكرامي واحتفالية
وكلام اسطوري وفخم أسر قلبي
أكدتم لي بأن دخولي لل 19 هو امر جيد جداً
لطالما احببت الارقام 3 و 6 و 9 واجد فيهم حظاً جميلاً لي وكأني استمد الطاقة والامل منهم
ترى كيف سيكون السنة التاسعة عشر لي ؟
ششيكو
اااه يا جدة يا اجملة تيتة بعيون العرب ، اللقب لايق عليكي مو بالعمر بل بالخبرة والطيبة والمحبة تشدني طيبتك بقوة واستغرب كيف تقدري تواجهي كل شي بهالطيبة وتناقشي وتحلي مشاكل ؟ ما شاء الله عليكي الله يقويكي
رغم كل انشغالاتك ودخولك القليل كنتي تدخلي وترسلي لي رسائل اطمئنان عن حالتي والان جهزتي لي عيد ميلاد ما صار مثله في حياتي
حكيم العرب اخي مصطفى
حاسة بشعور لطيف وانا قول كلمة اخي ، اخي وبكل معنى الكلمة ، الاخ الكبير اللي يهتم باخته الصغيرة يجيب لها هدايا ويدللها ، ينصحها اذا عملت غلط ويخفف عنها اذا كانت نفسيتها تعبانة
يوبخها اذا قررت الانعزال وكبت الحزن داخلها
الاخ اللي تمنيت وجوده بحياتي لقيته هنا
احكي لأمي انتي ما جبتي لي اخ اكبر مني وبتحمل المسؤولية لحالي بس انا لقيت اخي الكبير والقدر خلاني التقي فيه بالمنتدى وحس بالشعور ان يكون عندي اخ اكبر مني
مكتوب لنا نكون اخوات واعز بهذا المنتدى
لله يسعدك ويخليك جنبي دايماً ، اخي اللي بعتز فيه اخي المثقف اللي احب اتسمع كثير لحكاياته عن حياته
سيلفر
شفت اخر مشاركتها بالمدونة انها صارت تكره الفوتوشب لابتعادها عنه ومع هيك اجتهدت بالتصميم وساعدتهم بالمفاجئة
هذا بالنسبة لي كأنها هدية وكبيرة لي 
نوري
اختي الكبرى اللي تمنيت وجودها في حياتي ، محبتي لك بمحبة خالتي اللي ما في فرق بيننا بالعمر تقريباً هي بعمرك ، كلامك ، كتاباتك اثرت فيني كتير والله
من اول ما سجلتي بالمنتدى وواسيتيني بوقت حزني قبل ما تعرفي اسمي حتى واغلبية الصداقات القوية بتكون عن طريق المصادفة وبلا اوقات محددة ورسميات
اخي مصطفى تعرفت عليه لما كنت العب معه اختبار شخصية وصرت كل يوم كلمه تقريباً لنا 3 سنين وشوي منعرف بعضنا
ششيكو تعرفت عليها لما صار سبود حفيدها وانا توأمته يعني حفيدتها هههههه وكل واحد منا يغار من الثاني لدلال الجدة له
فإذا ارسلت له لازم ترسل لي كمان
نوري تعرفت عليها لما ذات مرة غيرت لقبي لـ ميت يتنفس •
اجت ملفي وتحكي لي عن الحياة وتوعيني لأخرج من حالة الكآبة اللي كنت فيها بسبب الوضع والازمة ...
من وقتها وللأن انتم الداعمين لاستمرار الداعمين لبقاء ابتسامي ، الداعمين لنفسيتي
كل منكم له نكهة خاصة بحس فيها
هههههههه لأول مرة بحياتي بحس بشعور البنت الصغيرة المدللة ، الجدة والاخ والاخت
انا بتأسف جداً وبعتذر لقلة احاديثنا ودردشتنا
يعني حتى الملف ما عم رد لان ما عندي وقت
كل هالمسؤوليات ولا شي امام مسؤوليات الواقع
سارة ببعتمد عليها الكل في حياتها الواقعية
ولما أسأل ليه تنادوني انا بالذات ليه تعتمدوا علي بس انا ؟ بيقولو لأنك الافضل بينهم
هذا غير قصة اعادة دراسة البكلوريا مشان الشهادة الثانوية مافي وقت ولا وضع ادرس فيه
تعرفوا كيف بدخل ؟ بدخل من جوالي والعضوية دايماً مفتوحة ما بسجل خروج
كلما افتح الجوال بحمل صفحة المنتدى مشان اظهر بين المتواجدين واحسس الجميع اني موجودة معهم ، ودائماً مكاني لوحة التحكم مشان شو الرسائل ورد عليها واكثرية تواجدي في مشاركات اليوم بشوف جديد اللي بتعملوه من ردود ومواضيع
ان شاء الله اول ما يتحسن وضعي رح كون جنبكم اول بأول ، الله يسعدكم بحجم السعادة اللي اسعدتوني ياها واكثر
ربي يقدرني ع اني اسعدكم كمان
انا بشوف الصداقة اني اهتم بالسعادة اكثر من تذكير الصديق بحزنه ، إذا شفته حزين ما بسأله عن السبب بل بذكره بالحياة وجمالها وانسيه سبب حزنه وقلصه قدر الامكان وان الاحزان والمصائب تمضي وتصير ماضي
فاعذروني اذا بيوم ما حسيتو براحة او مساحة فضفضة بيننا
بعتذر اني ما اوفيت شغلكم وتعبكم حقه ومافي كلام يوصف الابدااع اللي صار
ولا بيقدر يوصف السعادة اللي بقلبي ، كلامكم كان جميل جداً والمفاجئة لانها صادقة منكم هي كبيرة جداً بالنسبة لي وافخم شي بشوفه
مارح انساكم من دعواتي
نفسي قول شكراً من القلب او يسلموو
بس اخاف يجيني الشبشب 
التعديل الأخير تم بواسطة L U C I D A ; 07-19-2019 الساعة 11:06 PM |