وعليكم السلام ورحمة الله وبركاته،
اهلين جيهان شلونج؟

ماشاءالله، كل لقطاتج عفوية ماحسيتها مصطنعة،



هذي اكثر صورة جذبتني، منظر السماء وحقل الورد والاشجار اللي وراا،
ماشاءالله جمااال، والسماء بروحها قصة، تدرجات الالوان فيها تهبل،

نفسيتي تحتاج هالمكان



عني نفسي مافضل الربيان بس طريقة تقديمه تشهي



معقولة في احد يعيش داخلهم؟ ولا هو مجرد معلم سياحي؟
ماتخيل نفسي اعيش داخله، حياتي بروحها مقلوبة، اتوقع بتنقلب زيادة لوعشت هني .

منظر السماء والبحر والسفن، جمييل جدا.
السماء صافية، والاشجار معطين حيوية للصورة .



الورد مصور ورد .
استانس عليهم، بأشكلهم والوانهم المختلفة ، تمنيت بس لو الصورة ماكانت مشدودة، كانت بتكون احله .
بس ذي مايشوه جمالها .



ابي اعيش بالبيوت اللي تحت ، اللي البحر يطل على دريشتهم ،
عشان كل مافتح الدريشة يدخل الماي على غرفتي واتعذر لدوامي واقولهم جاني فيضان ماقدر اداوم .
لا صج لو اعيش هنا احتمال ماطلع من البيت، اللي حبيته في الصورة شلون الجو صاير شوي مظلم والليتات الشغالة في الدرايش، تصميم البيوت جميل ماشاءالله.


حبيت هالصورة اكثر من اختها ،
زاوية الالتقاط هنا ممتازة، احسن من الثانية. لانك هنا اظهرتي الجسر بالكامل. اما هناك بس جزء منه.



التوليب الجميل، لونه لطيف وهادي .
والمكان ساحر ماشاءالله. البحيرة والاشجار. المكان الامثل للاسترخاء .



حبيبت الادمي اللي قاعد يلعب بالنهر وماخذ راحته ،
لا صج زين قدرتي تلحقين تصورينه قبل لايمشي، مسوي جو بالصورة .



معقولة العالم ;لها مطقمة بنفس السيارة



هذي لطيفةـ باختصار تحكي ويميات الناس، اللي راح دوامه، واللي رايح يستانس .



الارضية مبلة والسماء صايرة صافية؟



هذا مجمع سكني ولا مجمع تجاري؟
تصميم البنايات عندهم غريب وعجيب ماشاءالله.




المزيد من الورود ،
هالمكان جميل جدا للتصوير، زين ماخترتي

يعطييج العافية جيهان ،
تصويرج جميل وصافي، والاحله انج مختارة الاشيه الغريبة اللي مانجوفها كل يوم> المبنى الاصفر الغريب مثلا .