عيون العرب - ملتقى العالم العربي - عرض مشاركة واحدة - ألماسَي

**Rαin** · #8 04-28-2018, 11:13 AM

ـ سازيلا

.

السلام عليكم ورحمة الله وبركاته،

شلونج لمسة؟ عساج طيبة ؟
طليت على موضوعج وانا اكتب تقريري، والمفترض اخلصه قبل الساعة وحدة الظهر.
الزبدة قعدت دهر على التقرير، لاني كلشي اكتب رد واكتب سطر بتقريري، لماخلصت منه .

ماشاءالله، تصويرج اينن. شيء مب طبيعي ،
وانا اتأملهم، احس ماخذو منج وقت. بس لو انا مصورة. بياخذلي دهر عشان اطلع بصور جذي.

حبيت انج تركزين على التفاصيل الصغيرة بالصور وتخلينها اهي محور الصورة بكبرها، احس ذي اكثر شي مميز بتصويرج.

الاضاءة هني اتينن. عادة اذا اجرب اصور بمكان مافيه إلا لمبة، تطلع الصورة خايسة. جني قاعدة بكهف والتصوير الليلي على كثر ماحاول فيه، والعب بالفلاش هم مايضبط عندي.
هني ماشاءالله طالعة ناعمة الإضاءة وماتعور العين .

اععع، لما العب بالفوكس بس اقدر اركز على شي واحد. علميني شلون اقدر اركز على اكثر من شي.

ياقماللووو، ياقمالووو. ماشاءالله. صارلي فترة أحاول اصور جي. ولما فعلا قدرت اصور جي طلعتلي بقعتين ضوء بس .

النار اللي مستحي اجرب اصورها. فكرت اصورها بس انا انسانة خوافة ماينفعشش.
بس الصورة ماتبين انه النار تخوف عكس لما بالصج احاول . جميلة الصورة .

هذي بعد، تعطي انطباع عن المزارع والعيايز . . جربي تصورين اللمبه من تحت بتطلع خرافية

البتونياا>اتوقع جي اسمها.
هالوردة على كثر ماجوفها صرت ماحبها. بس طالعة جميلة بالصورة . عرفتي تصورينها بالزاوية الصح .
والوانها صافية وتريح العين .

الغروب والبحر والشي الاسود اللي ماعرف شسالفته .
احلى شي لما تصورين الغروب، لما تطلع باقي الاشيه سوداه. هنا الجمال الحقيقي يطلع .

هالصورة ذكرتني بسالفة، لما كنا صغار انا واخوي وكنا نلعب الدورفه -الارجوحة-. عورت اخوي فيها وطلع دم وايد براسه. ماذكر شصار بس حلينه السالفة من غير لاتدري امي عشان مانحصل زفة محترمة

شلون قدرتي تصورينها من غير لاتشرد عنج.
اصلا شلون حصلتيها.

اتيننننن. شلون لعبتي بالفوكس وطلعتلج جي .

حبيت شلون ماركزتي وايد على انج تظهرين الزرعة بكبرها، وبس اكتفيتي اطلعين جزء منها .

العزل هنا؟ برفككككت ماشاءالله .

اكثر لقطة حبيتها ، سبحان الله شلون شي نتفه مثل جي يطلع صورة جميلة .

ولا مرة فكرت اصور حجارة، يمكن لانه ماحصلت حجارة مرتبين مثل جي .

شهالجمالل ، ذي الصبح جنه؟
جوفي بس شلون جزء من نور الشمس طالع، وكلشي مظلل . اكثر صورة دوختني .

اكشخ جوازكم اسود؟ مادري ليش عبالي اخضر.

جمييلةة ، ماشاءالله .

ياربي ارزقنا روحة جريبة لمكة .

ياخخي الموضوع كله دوخني .
التصوير ماشاءالله ماعليج كلام، والاحله عارفة بالضبط شتصورين.
انا بالعادة اصور اي شي جدامي، بس انتي امبين تبين اطلعين بشي لماتصورين >؟؟!!
والجودة، ماشاءالله عالية. لدرجة حسيت اقدر اتاملهم بدون نظارتي .

انتي احين متوهقة من سالفة رفع الصور؟ انا اللي احاتيه لما اصغر الصور واحط الحقوق، ياخي سالفة.

الطريقة اللي حطيتي فيها الحقوق بحيث انها ماتخرب جمال الصورة وايد عجبتني ماشاءالله > يلا حسبي جم مرة قلت ماشاءالله

يعطييج العافية على الموضوع الخطير، كلشي فيه اينن