السلام عليكم ورحمة الله وبركاته
كيفك فلور بتمنى انك بخير وبصحة جيدة
موضوعك كثير حلو وبيجنن
إختيار موفق لأنو في كثار مابيفهمو على اللهجة السورية
أو نحكي الألفاظ العامية.
الحمدلله لقيت حالي بعرف كثير ألفاظ من الي حكيتيهم فوق
يمكن لأنو صارلي أكثر من عشر سنين بحكي مع سوريين
والي أصدقاء كثار شباب وبنات.
يمكن فقدت الاتصال مع نصهم بسبب ظروف سوريا هلا
بس لسا مانسيتهم وما بتمنى الهم إلا كل خير.
أكثر شي بفهم عليه اللهجة الشامية وهي المتداولة أكثر شي
يعني حتى السوريين الي بيفوتو نت أغلبيتهم بيحكو شامي
حتى لو أصولهم من حلب أو حمص أو غيرها من المدن.
لهجتي الي بكتب فيها هلا مافيني احكي انها مية مية لهجة سورية
هي خليط بين سوري على فلسطيني على لبناني.
للأسف إذا الناس مابيفهمو شوية كلمات باللهجة السورية
فأغلبيتهم مابيفهمو ولا كلمة باللهجة المغربية.
يعني إذا حكيت مغربي راح اضل احكي مع حالي أو حضل
أفسر.
اللهجة السورية كثير حلوة ولذيذة بمعنى الكلمة وناسها طيبين
وعن جد بتمنى من كل قلبي الأوضاع تهدى وترجع سوريا
لأحسن مما كانت عليه. ربنا قادر على كلشي.
دمت بود غاليتي
__________________
شكرا لكِ يُونا . على الطقم الأكثر من رائع
التعديل الأخير تم بواسطة Florisa ; 08-28-2018 الساعة 07:27 PM |