الموضوع: ~ لنبضي لــحن خاآص يــعزف به لـمن يحـــــ♡ـــب ~
عرض مشاركة واحدة
  #12  
قديم 06-27-2018, 11:26 AM
 


LAMSA







مبارح طلعنا على الشام ( دمشق ) وكنت متحمسة اكتييير .. من زمان ما مشيت بشوارع الشام الحلوة

حاراتها الضيقة بتذكرني بذكرايات حلوة كتيير .. عنجد من زمان ما نزلت عليها .. 5 سنوات

الشام إشتاقت إلي ... قريب المغرب رحنا على السوق وصرنا نتلفت ونشوف المحلات

طلعنا على السيارة ورحنا لسوق الحميدية .. سوق كبييير وحلو ومليان محلات حلوة

و رحنا على بكداش .. اوكي يمكن ما تعرفو بكداش .. بكداش هو محل كبير ببيعو فيه بوظة

ملاحظة : البوظة هي نفسها الآيس كريم

ومافي أطيب من البوظة يلي بيعملوها .. دخلنا المحل وكان زحممممممة اكتير

المهم فتنا وقعدنا بطاولة كبيرة .. طلبنا 7 زبديات بوظة .. عددنا 7

أكلنا حتى شبعنا والطعم اخدني لعالم تاني .. عالم جميل لا يوجد به غيري وغير البوظة

وبعدين تمشينا بالمحلات واشترينا اكتيير شغلات .. وشفنا محل ببيع حيوانات أليفة

للأسف ما قدرت بيع إخواني لأنن مو أليفين >> كف

كان في حوضين سمك كبيرة ومليانة أسماك ملونة .. وكمان قفص مليان عصافير بتجننن

وكمان أرانب وسلحفاة ... يا أخي الأرانب كانو كيييييوت .. لونهم ابيض وفروهم ناعم وجميل

وبعدين اشترينا مكسرات واكلناهم بالطريق .. ولما صارت الساعة 9 دخلنا على محل لبيع الشاورما

يب شاورما ... انتظرنا ساعة كاملة من كتر مو المحل زحمة .. متت جوع >> ما كفاها البوظة والمكسرات

ولما وصل طلبنا انقضيت عليها وما خليت شي .. بس والله كانت طيبة اكتييييير

وبعدين رجعنا البيت .. رجولي تكسرو من كثر المشي .. بس الأكل كان يستحق والله

وهكذا انتهى اليوم الجميل على خير وكان يوم لا ينسى












__________________
" اللهم وفقنا لما ترضاه "

" كل شيء يبدأ من الصفر "



نبع الأنوار إيناس نسمات عطر

انظر الى تلك النجوم ... مهما تغطيها الغيوم ...
...ستظل تلمع حرة ... حباآ تحوم ...
رد مع اقتباس