نشر الأسرار الدولية ؛ نورتِ قلباه
سينا

لسلام عليكم ورحمة الله وبركاته،

شخبارج يالقرفة ،
لاتسمعين سازيلا، تنشر اسراري الدولية، خاينة وحدة .
كيوت الرسومات، ابدعت صاحبتهم .

https://d.top4top.net/p_948c23lk0.jpg
هالحركة ماسويها الا اذا جفت اختي تغسل الصحون وامي بالمطبخ، عشان تجوف اني احب اشتغل
https://a.top4top.net/p_948mnsqo2.jpg
هذي اختي لما ترجع من دوامها ، تقول السالفة عشر مرات لما احفظها واسمعلها .

https://b.top4top.net/p_948rcqry3.jpg
انا شتغلتي بالبيت؟ الناطور/الحارس. كل ماجوف احد رايح عند الباب. وين رايح؟ ليش رايح؟متى ترجع؟
واخر شي اطلب بابتسامة عريضة"خذني معاك". رد امي دايما يكون"ماله داعي" شكرا نبع الحنان جرحتيني .
واخوي؟ "شوي وارجع". شوي وارجع عبارة عن طلعة لمدة لا تقل عن الخمس ساعات (:. غدر فيني.

اذا انقطع النت شسوي؟
لما كنا صغار وكانت تنقطع الكهرباء-بديل النت سابقا -، امي كانت دايما تقرالنا قصص، او تسويلنا حلقة قراءة. كان الشي جدا ممتع.
وكنا نسوي مسرحيات ومسلسلات ونمثل على كيفنا .
حاليا اذا انقطع النت؟
اروح استلم اخواني، واحد واحد واتحرش فيهم لما يطردوني . متوحشين، وعقب اروح لامي.
وامي ياقلبي عليها ماتقولي شي .
ويمكن اصور، او ادورلي كتاب اقراه .
المشكلة مو هني، المشكلة لو انقطع النت وقت الدوام.
مرة انقطع النت وانا اكتب تقرير كانت تقريبا الساعة سبع الليل والمفروض اسلمه اثنعش الليل،
شعور مرعب، كنت احتاج مقالات من النت، قعدت أالف من عندي واخربط. دموعي عبارة عن شلالات وانهار وانا بس اتيب ع الابتوب، والقهر انه النت رجع الساعة احدعش، قبل ساعة من التسليم، قعدت اعدل ع السريع قبل لاسلمه والحمدلله مارسبت بهذاك المقرر .

وبس يعني :ٌقم:،
حبيت طقم الموضوع، اينن ماشاءالله،
يعطييح العافية