 السلام عليكم ورحمة الله وبركاته
كيفك منفى الغالية ان شاء الله منيحة وبخير مبسوطة وبصحة جيدة وكل امورك ميسرة تعرفي شي من كثر ما اختي بتحب شلة المايند فالي mind valley صار وين مابفتح موقع بيطلعلي اعلان عنهم.. عن دوراتهم وقصصهم وكثير شغلات فصرت بالضرورة بعرف عن فيشان لكهياني مؤسس مايند فالي او سهول العقل كيف انو كان مغترب بامريكا وبيشتغل كعامل في مركز اتصالات وكيف انطرد وواجه كثير صعوبات وكيف الحياة كانت سودة في وشو لدرجة انو صار يفكر بطريقة سيئة لدرجة وصلت معو بالتفكير بالانتحار بالصدفة فتح نت وكتب هالسؤال ليش حياتي سيئة وبالصدفة كمان لقا دروس عن التأمل وتدريب العقل والروح هون صار يحضر هيك مجالس واخدت منو سنين لاكون شركة او تجمع مايند فالي. صراحة حبيت حتى الاسم تبع هالتجمع سهل العقل شبهو العفل بالسهل انو ممكن تزرع فيه الي بدك سواء طاقة ايجابية ونجاح او طاقة سلبية وفشل. كمان ليزا نيكولز وجدت حالها ام عزباء بدون شغل ولا مصاري ومعها ابن بدها كثير متطلبات الو... صراحة من اسوء الحالات بينولد الأمل الانسان هون بيصير يفكر بحل بديل شو الغلط بحياتو كيف فيه يتجاوز هالغلط كيف فيه يغير وضعو الراهن...طريق البحث هاي هي الي بتوصلك للنجاح. يمكن لو كان عندها عمل بسيط او حتى دخل بسيط يمكن كانت حتكون راضية بحياتها وماكانت حتوصل للنتيجة الي وصلت الها هلا. اليأس يمكن هو اكبر دافع للتقدم احيانا بس اليأس الايجابي اليأس الي بيتبعو اسئلة وبحث عن اجوبة مو اليأس السلبي خلص حياتي خلصت وبيضل على هالحالة لايدمر حياتو وحياة الي معو. صراحة المايند فالي وغيرها من هالتجمعات الي بـتأمن بطاقة الروح والعقل انو هي الي فيها تسير الجسد مو العكس... الفكر السائد انو العقل السليم في الجسم السليم مو شرط ازا جسمك سليم يكون عقلك سليم كمان يمكن بيتدرب جسمك بس ما بتدرب عقلك هالشي الي بيناقشوه المايند فالي كيف تدرب روحك سواء عن طريق فتح الشاكرات او عن طريق التنفس او عن طريق توليد الطاقة سواء عن طريق الموجات او عن طريق الألوان. كمان طاقة الشكر... تشكر كلشي الطبيعة ... الاكل ... الناس... كلشي متاح الك. وهاي نحنا كمسلمين متعودين عليها متعودين نسمي قبل الاكل ونحمد الله سبحانه وتعالى بعد الاكل. وبنحمد الله سبحانه وتعالى على كثير شغلات وهبها النا سبحانه وتعالى. جد حبيت كثير موضوعك المتميز الي بيفوح طاقة ايجابية وطاقة نجاح بحب هيك عالم كيف عانت وكيف ما استسلمت وشقت طريقها بعد عناء طويل ووصلت وحققت احلامها وبتمنى يكون النا نحنا كمان نصيب ونحقق احلامنا ان شاء الله.
هي اخدت حياتها الجديدة كرهان كان ممكن تنجح فيه او لا وحاولت ونجحت فعلا لهيك بضن كانت قصة عرقلة حياتها بداية حياة جديدة وتحقيق لحلم... المجازفة هي اساس النجاح... بدك تضلك مكانك وبدك تنجح مابضن هالشي ممكن بنوب.
العقل هو الاساس الي بيحافظ على توازنك بيحافظ على وجودك وحياتك لهيك بيلزمنا دائما نطورو وندربو مشان هو بالمقابل يضمن سلامتك وسلامة الحلم الي عم تركض لتحققو.
لوماجازفت ولا مرة لو ما راهنت على حلمك وركضت لتحققو راح تضل مكانك وراح يجي وقت راح تندم فيه على عدم المحاولة وانك ضليت مكانك مكبل اليدين لا عرفت تطير ولا عطيت لحالك فرصة تجرب السقوط.
 هون السؤال هل بنعرف نستمع لروحنا الانسانية هل بنعرف نخاطبها او بنعرف نفسر هالشيفرة... صراحة قليل الي بيعرف هالشي وقليل الي بيتمكن يسيطر على افكارو السلبية ويحولها لافكار ايجابية
 صح مافي شي اسمو شخص استثنائي في قرارات وافكار استثنائية في مواقف استثنائية وفي خيارات كمان استثنائية.. كل هالشي هو الي بيعطي للشخص صفة انسان استثنائي... شخص مانو
عادي لانو اختار يكون مميز.
 صح ماينفع الواحد يضل يأجل باحلامو ويحكي انو مافيه يحققهم انو ظروفو مابتسمحلو بهالشي ويمارس مهنة او شغل بعيد عن
حلمو... هون حيكون بيموت بحلمو وبيحقق حلم شخص ثاني .
يسلمو كثير منفى على الموضوع الرائع ما شاء الله شو اختياراتك مفيدة ومميزة ومن مواضيع العصر... مبين عليك بتحبي تقري ومتابعة لكل جديد. التصميم كان روعة جدا حبيتو كثير تصميم خرافي ومناسب للموضوع مفصل عليه تفصيل صراحة واسفة كثير على الرد المتأخر غاليتي. كوني بخير 
__________________
شكرا لكِ يُونا . على الطقم الأكثر من رائع
التعديل الأخير تم بواسطة مَنفىّ ❝ ; 01-24-2019 الساعة 08:59 AM |