بسم الله الرحمن الرحيم السلام عليكم و رحمة الله و بركاته كيف حالكِ يالحُلوهه؟! .. أخباركِ أيتها السراب الزهري   . كلو تمام إن شاء الله. تصدقي أول مرةة أعرف حركة " تقييم الموضوع "  .. دايمًا أقول: إيش هو تقييم الموضوع دايمًا، وأحسّبو داك إللي تحت حق تقييم العضو بس دوبو أعرف إنو يفرقو عن بعض < مبسوطة بالاكتشاف العظيم هيهيهي . الصراحة ما أعرف إيش هو القرنبيط عشان كِدا دخلت الموضوع ع أمل إنو أشوف صور لو.. بس خاب ظنّي يالهوي .. الموهيم إنو بحثت في قوقل وعرفت إيش هو أول
ما شفت شكلوو، والصراحة أحبببوو!. مرّة أحوب طعمو دا ولمّا آكلو و ملمسو وهو يتقطع بين أسناني أهخخ  .
* الطقققمممم فخخخخممم!!. ما أعرففف بس بسيييط جدًا وبنفس الوقت رهيببب جدًا .. وكمانَ ينااسب القسم كللووو . بس في شي ما عجبنيي وأنا أعتدر إدا دا الشي أزعجكِ، تنسيقكِ ظلم الموضوع و ما خلّا ياخد حقّو إللي يستحقو  ، أعتمدتي ع لونين أو تلاتة، الخطوط ما أتغيّرت وما انتبهت للوصول للوصفات التالية، ومافي ولا إيموجي واحد. ولمّا تتوفّر دي الأشياء القاريء حيحب الموضوع و الوصفات، وقت التطبيق ما حبتلخبط بين الوصفة الأولى و التانية، وأعتدر إدا دا الشيء أزعجك بس قلت أنبّهكِ . ورغم دا الشي.. أشتتتهيييييتتت!  ، ما تعرفيي قد إيييش أحووب القرنبييطط < أمي تسمّي اسم تاني خارج عن المألوف، أعشقووو وأحس أي أكلة تحتوي عليهه تسير الأكلة لزيزة مدري كييف!  . * - سوفليه القرنبيط - وأنا أقرأ مقاديرو أتدكّرت الباشميل < واضح البنت جعانهه .gif "flowr") .. لا تلوميني اسمو غريب بس لما شوفت المقادير فهمت، بس من اسمو خفت أحسّب حنستخدم الشوكولاته فيلو .. - عجّه القرنبيط - شامّة ريحة العجينة من هيناا أبا أكلو.. يسسعدددلييي جوّككك أجل بطاطس مقليةة هاا؟!.. حبّيييتتت شكلي حجرّبوو مع العجّه دي أشوف يطلع لزيز أو لا . - قرنبيط بالصلصة البيضا - إيش بهريز دا؟.. ما عرفتو أو شكلو معروف بس أنا فاشلةة بالطبخ . * أكتر وصفة حبّيتها عجه القرنبيط وشكلي
حجرّبوو قريب بس خلّيني أصوّر الشاشة ع الوصفة. لاا يحبيبتييي أهم شي في الطبخ نظافة المطبخ بلا
حب بلا بطّيخ إللي يبا يأكل أهلا و سهلا و إللي
ما عجبو بالطقّاق  . وأصلًا أنا دايمًا أطبخ لنفسي لأنو لما أطبخ لنفسي
أحس أحاول بقدر المُستطاع إنو الأكلة تطلع لزيزة، بعدينَ أختي و أخويا إدا شافوني يجو بنفسهم يآكلو معايا. حبّييتتت خاتمتكِ نصيحتكِ حُلوهه خاصة إنو الطبخ مو للبنات كمانَ للأولاد ، حيكون حيلوو لما البنت و الولد يتشاركو المطبخ و همّا يتبادلو الأحاديث. أشكركِ ع الوصفااتت اللي متأكدة إنو لزيزة مررةة، بما إنو فيها القرنبيط حبيبي فحيكون لزيز. أنتظر وصفاتكِ دايمًا بس المرة القادمة نسّقيي يالحُلوهه عشان نفرح بالوصفات و نشتهيها أكترر!. لكِ كل ما هو جميلل، أشوفكِ ع خيرر #ميّوم -
__________________
••• •
-
التعديل الأخير تم بواسطة زهراء! ; 03-15-2019 الساعة 06:51 PM |