عيون العرب - ملتقى العالم العربي - عرض مشاركة واحدة

**Mārionēttē** · #15 06-07-2019, 09:45 PM

السّلام عليكم ورحمةُ الله وبركاته
كيفك يا جميلة؟

كانت روايتك الوحيدة اللي قرأتها أثناء الامتحانات
وجاية هلأ لأحط الرّد
واللي خلّاني أقرأها رغم ضيق الوقت هو عبارة لفتت نظري بالدّعوة عبارة:
"مذكراً إياك ان وبالرغم من كل هذه المآسي"
فاستخدامك لِـ "أن وبالرّغم" بهذه الطّريقة بيّن لي تمكّنك من اللغة
ولمّا قرأت الفصل التمهيدي والفصل الأوّل تأكّد لي ذلك
بالفعل لغتك ممتازة جدّاً جدّا لا شائبة أبداً
أبدعتِ
أتمنّى تكون غير مدققة من قبل حد تاني لأنّه سلامة اللغة رح تكون بطاقة رابحة الك

العنوان جيّد جدّاً
أحسنتِ الاختيار

والفصل التمهيدي
من حيث سرد ووصف أولاً
واختياره كنقطة لعودة بالزّمن ثانياً كان موفّق جدّاً
لكن مدري حسّيت إنه هديك البنت بصير الها شي مو منيح !!!
وهاد تقريباً أول شي مشوّق بالفصل التمهيدي
سردك كان سَلِس العبارات متوافقة وما فيه فجوات أو عثرات خلاله
وصفك كامل وكافي لإيصال مشاعر الشّخصيات
رح أراهن عليكِ ككاتبة

مممم
كفكرة ما بعرف الصّراحة ايش مخبى وراء هذه المؤسسة اللي عم تدرِّب أشخاص
لكن فكرة إنه من نفس المؤسسة يطلع خير وشر أتوقع نقطة لصالحك بتكون

وخصوصاً كريس وتينا
ودبوس تينا اللي وقع منها له قصّة طبعاً
وأكيد بتتعلّق بماضيها بل وحتّى مستقبل العلاقة بينها وبين كريس
شكله العلاقة بتتوطّد بيناتهم لكن بالنّهاية بصير فيها شي
هاد اللي فهمته من الفصل التمهيدي
على كلٍّ بانتظار تكملة الأحداث

بالنّسبة لمشهد النّزال
وصفك اله كان خُرافي
وصف الحركات وردّات الفعل مع الملامح موفّق جدّاً
ووصل لي على أكمل وجه
ومن هالنّاحية أنا بتعلّم منكم
أبدعتِ

بالنّهاية
بحب أحكيلك إنّه معك نقطتين لصالحك
سلامة اللغة أولاً
والوصف والسّرد ثانياً
حافظي عليهم لكن دون تكلُّف.. الزركشة الزّايدة للكلام مو حلوة ع الأقل من وجهة نظري

نراكِ بالفصول القادمة
في أمان الله