يمه بسم الله الرحمن الرحيممم.

دخلت الموضوع بالغلط بسبب اصبعي واحس
أول مرة أشكُر اصبع عشان ضغطته الذهبية هاذي !

تبين الصدق يعني منجد ترا تلوينك مرة رهيب.
يعني صدق صدق رهيب، مره حبيته وربي .

نفس البالِت اللي مستعملته مُشعّ ولطيف
وحسيت بالبهجة صدق يوم قعدت أشوف الألوان مع بعض
وكيف انها متناسقة بشكل جميل ولطيف .

+تلوينك جدًا نظيف، وذا أكثر شيء حبيته .
على انك مبتدئة وذا أول تلوين لك...
يخليني احس بالفخر وأنا مالي دخل صدقًا !

بس فيه كم ملاحظة طفيفة يعني،
لو أخذتيها بعين الاعتبار رح تصيرين أطلق ملوِّنة !

في الأولى، كانت رح تكون أحلى لو اخترتي لون بشرة
أفتح ومايله للألوان الباردة اعتقد...
لأن تقريبًا مافيه فرق كبير بينها وبين الخلفية الصفرا اللي وراها.

التيشيرت بعد جميل بس لو كسرتي ذي الإضائه
اللي مدري شسمها بتظليل انكماشات التيشيرت
رح يكون أحلى بعد .

في الثانية، كان أحلى شيء فيها وركزت عليه هو الشعر .
جدًا عجبني، وتلوينك للزهور كان ألطف شيء شفته ):.
صدق يعني لطيف بس بشكل فظيع للقلب، اللعنة ):!

في الثالثة، كنت بلعق الشاشة من اللذاذة أعترف .
صدق يعني مدري وين ألاقيها من الولد الحلو الفظيع
ولا السندويشة اللذيذة غغاااغغغغغغ !

بس مدري ليه حسيتك مستعجلة فيها...
لأن نسيتي تلونين الأقراط واظفر الولد .
أما الباقي كله حلو خصوصًا الشطيرة نمنمنمنمنمنمنمنم.

الرابعة يزينها
وربي ضحكتني حواجبها احس خير حرام
وشذا الرسام اللي ما كلّف نفسه الا بكم خط فوق عيونها
أمانه تحزن .

بت ستِل تلوينك جميل .
+لون شعرها غريب، حبيته جدًا D;!

الخامسة والسادسة عسل على قلبي والله ): .
مرة حلوه واحس مدري صح فيه اغلاط
بس مرة مرة مررة بسيطة وما تنذكر حتى.

السابعة الأجمل .
تعبك على تلوينها واضح،
بس النتيجة مبهرة وتستحق التعب .

حتى لون الهِندام حقه، مرة متناسق ويوحي بالرقيّ.
البنفسج لون الأمراء والملوك .

عاد الأخيرة ذي هي كانت الضربة القاضية بالنسبة لي 😭!
تلوينك يصيح من جماله والله، خصوصي ذي الأخيرة 😭💗💗.
مرة أعجبتني، حتى لون الوجنة كان لطيف جدًا
وبسببها اشتهيت فطيرة التوت والكرز نمنمنمنمنمنمنمنم .

بس الشيء اللي مب مستوعبته انك مبتدئة !
إذا أنتِ مبتدئة فأنا وشو أجل؟ يالطيف .

الإيجابيات في تلوينك أكثر من السلبيات
واحس بالفخر وانا مالي دخل عاد كيف انتِ،
لو مكانك أنا لكان انبسطت شهر قدام .

يارب دايم تلونين يارب دايم تلونين يارب
دايم تلونين واللهم آمين .

أتمنى أشوفك بموضوع قريب هنا
لأن ودي أزرف تلوينك مرة ثانية وايه مب آسفة يا آنسة
لأن تستاهلين محد قلك تلونين بطريقة جميل زي كذا .

ذا غير تنسيق الموضوع اللي ما رح اتكلم عنه
لأن رح تتعب نفسيتي من الفضفضة عن كيف انه
حلو وعن ان اللون الأحمر من ضِمن قائمة ألواني المفضلة .

خلاص خليني اسكت احسن احس صدعتك حسبي الله.
الله يعين اللي يقرا تعليقي بس xD !

+نعتذر على التنسيق الزبّال بس قاعدة أعلّق من فون بففف.

وبس والله سلامتك حبي
ولا تنسين تنورينا برجعة ثانية هنا هيهي .

في حفظ الرحمن .