[ALIGN=CENTER][TABLETEXT="width:90px;background-image:url('https://i.imgur.com/4ADNaej.png');"][CELL="filter:;"][ALIGN=center]

أنرت روابي تشان

السلام عليكم ورحمة الله وبركاته
كيف الحال ياحبوباتي ان شاء الله بخير
ماشاء الله على المقدمة المميزة والتنسيق الرهيب
واهم شيء الفهرس الي يضم محتوى الموضوع
التنسيق للموضوع يفتح النفس ويشجع الواحد انو يقرأ موضوعكم المميز
الجهاز الهضمي من اجمل المواضيع عندي لأن هذا ماآخذينه من أيام الأبتدائي
وقت كتابنا كان اسمه علوم وكان كل محتواه عن الانسان
يكفي مجسد الهيكل العظمي الي كان موجود في معمل العلوم وكنت اخاف منو
وكان الكل يضحك علي ههههههههه ياماأحلاها من أيام
نجي لموضوعكم حبيت الوصف الدقيق للجهاز الهضمي وكأنو
فعلا قاعدين نأخذ درس حقيقي عنه بصورة كاملة ومبسطة
حبيت معلومة كم يستغرق وقت هضم الطعام
وانا اعرف هالمعلومات من زمان شوفو كيف تستغرق المعدة بالأكل
ومعدتنا المسكينة مانرحمها خاصة إلي يحب الأكل بشكل متقطع
لازم يكون نظام أكلنا منظم وقبل مانصحى ونبدأ نأكل نشرب موية وننتظر شوي
على الأقل نص ساعة عشان نخلي معدتنا مهيئة للأكل وتستعد
انها تستقبل الأكل وقتها ولازم نأكل بهدوء عشان مايصير في ضغط
في الجهاز الهضمي ونصيب معدتنا بعسر هضم
وبالنسبة لمرض اليرقان أنصح الجميع بعد مايخلص اكله خاصة إذا كان أكلك دسم
على طول من بعدها اشرب كوب من الشاهي الأخضر ويكون من اي نوع عادي
وماتحط فيه ولا سكر لأن السكر غلط ينحط في الشاي الأخضر
طعمه راح يكون مر لأن اول مرة راح تشربه كنت كذا انا مو مستحمله طعمه
لكن مع مرور الوقت والله صرت مدمنته واحسه زي القهوة
لأنه صرآحة يريح المعدة ويهضم بسرعة ويساعد على التخلص من التكبسات
الموجودة في الأمعاء الغليظة والله عن تجربة مني وماألوم الصينيين من يخلص
أكله يدق له ببراد شاي أخضر أشوفهم حيل مسترخين مع وضعه
وانا اقول هذا الي مريح بالهم ومخلي جسمهم بصحة وعافية ماشاء الله عليهم
استخدموه بس مرة او مرتين في اليوم ويكون بعد الأكل وراح تدعولي
اكثر فقرة شدتني في الموضوع فقرة
. خرآفات الجهاز الهضمي .
لاألوم الناس قديما بما ان العلم لم يتقدم وقتها
فكانو كثيرو الشكوك فيما يخص الأكل وموضوع الجهاز الهضمي
لكن الحمد لله انه تم نفي هذه الخرافات
فبالعلم نحن نرتقي بأنفسنا
كان لي الشرف اني استقبل هالدعوة الفخمة منكم
سلمت يدآكم على الموضوع التحفة
وان شاء الله انشوف المزيد من مواضيعكم الفخمة

[/ALIGN][/CELL][/TABLETEXT][/ALIGN]