[img3] http://www.arabsharing.com/uploads/155758262605662.gif[/img3]
Y a g i m a
السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين
كيفكم يا قوم أخباركم إن شاء الله أموركم تمام
أنا هي تاني موضوع بقرأو الكم وبجد كل مرة ع مرة بتزيد عندي المعلومات بجد مشكورين
بداية بدي أعلق ع عنوان الموضوع العنوان كتييير كيوت حبيت اختياركم مشكورين
تصميم الموضوع واللون الأحمر كتييير حلو كنتم موفقين بالإخيتار والتصميم جميل جدا حبيتو
محتويات الموضوع
أول شي الرقص ما ذكرتو الرقص تذكرت بوكاهنتس الكرتون بجد حلو كتيير
هم حلوين لما يبلشو بالرقص والطاقة إلى مليانة ريش هيك احنا بنعرف عن الأفارقة....بجد حلو كتيير
حبيت طريقة الزواج عندهم متلنا لكن مختلفة شوي وحسيتها أجمل كمان
نجي ع اللبس صح لبسهم غريب وبعض الناس بشوفو مو حلو لكن أنا بشوفو بجنن كتييير
نيجي ع الأقنعة يا ويلي شو حلو عنجد بجنن لازم أجيب واحد وأعلقو بغرفتي ههههههههههه
عندي تعليق ع كم صورة أدهشوني وحبيتهم
الأولى الحلى والمجوهرات تبعتهم
برغم إني ما بحب الألوان الضاوية والفاقعة إلا انو لون ه العقد حبيتو للغاية وجذبني بساطة صنعو ودقة تركيبو
ومجوهراتهم شوي بتشبه مجوهرات الهند وابداع في التصميم
لبس الأطفال حبيتو جدا جدا جدا كيوت وبسيط وجميل فيو معالم ملابس إسلامية
الأقنعة
بالرقم انها غريبة وشكلها مخيف شوي لدى البعض لكن الصراحة أنا حبيتها كتييير وصار عندي قناعة أجيب واحد وأعلقو عندي بالغرفة
آخر شي الطبول والموسيقى
حسب معرفتي عن طريق الأفلام الأفارقة بحبو يجلسو حول النار ويبلشو طبل وأغاني وفي عادة معروفة عندهم انو كمان بحكو قصص مرعبة وأسطورية والناس بتاخد فيها وبتصدقها حلو كتييير ه للجو بجد
فعلا حبيت طرحكم... المدخل كان عبارة عن عدم استسلام صح احنا عايشين بافريقيا لكن في عادات بتميزنا وهاد الي حبيتو بالمدخل
تصاميمكم لا يعلى عليها جميلة جدا ورائعة وعنجد باين متعوب عليها
وباين انو متعوب على هاد الموضوع متل ما حكيتو العادات كانت صعبة
يعطيكم ألف ألف ألف ألف ألف ألف عافية
بجد بتمنالكم التوفيق بالمسابقة ويارب تكونو من المتأهلين لأنو فعلا بتستحقو على هيك شغل متعوب عليه
استمروا بالابداع المتألق
والله يوفقكم
شكرا على الدعوة الجميلة
في أمان الله وحفظه ورعايته
موفقين ❤️❤️
اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك
التعديل الأخير تم بواسطة Y a g i m a ; 08-20-2019 الساعة 08:45 PM |