بعض الـج//روح!!! - عيون العرب

لحظة صمت · #1 10-04-2006, 11:24 PM

الجروح
هي مجموعة مآسي
تسكن غصب فينا
نشكي منها //نــ قاسي
تحطم ملامح حبٍ
لا زالت بـِـ داخلنا... تغنينا
وحنا ننادي
وعجز الصدى يجارينا
ولا زلنا ننادي
جايز مع مرور الوقت
نلقا ...
على رصيف المحبة أحدٍ يــ حترينا
**********
وينك
ويني انا فيك؟؟
سافرت عن مساراتي
حاولت تتجاهل نظراتي
كان العذر :
السموحة ما بقى بيننا أمل
الأمل
ايه المعذرة
ما بقى منك أمل
وفي كل شهر
تزورك أنثى
وتستأجر بــ خفوقك محل
يا شين الأمل لا أنقلب ألم
حروف تبعثر بعضها
وحنا نطاوعها..
والحلم اصبح حِمل
تستثقله مضاجعنا
*********
حبيبي
يا من كنت حبيبي
ردني لـِــ ماضي سنيني
خلني أرجع لـِ ذاتي
وامسح دمعتي وأكتم آهاتي
************
يا من ملكتني كلي
هذا أنا أجمع بعض بعضي
وأترك جزء مني يناجيك
على ذا الرصيف
يحاول يسترجع روحٍ تبيك
لا أوصيك...
مرّ فيذا المكان كل عام
لجل تلقى أطياف الذكرى تحييك
وتطفى شمعة جديدة تبكيك
و تذكر أحلامٍ محتها لياليك...