عيون العرب - ملتقى العالم العربي

عيون العرب - ملتقى العالم العربي (https://www.3rbseyes.com/)
-   مواضيع عامة (https://www.3rbseyes.com/forum79/)
-   -   رسائل ليبيه ولا اروع (https://www.3rbseyes.com/t118506.html)

>>>حب وحنان زحف وجنان<<< 07-29-2009 12:32 PM

رسائل ليبيه ولا اروع
 
رسائل ليبيه ولا اروع
السلام عليكم

اليوم جايبتلكم رسائل ليبية ولا اروع انشالله تنال اعجابكم .http://forum.sedty.com/images/smilies/rose.gif

ما يوجعك جرح الغريب تنساها والا ترده
اللي يوجعك جرح الحبيب وقسوة ملامه وصده
والدنيا ايقولوا مكاتيب مرات يسر مرات شده
وماعيب خاطي العيب وخونت اصحاب الموده

-2-
بُعد الخطا بيناتنا ماباعدك من بالي مازلت فالخاطر عزيز وغالي
حتى بقل سوالك اشتقنا وحنينالك
كيف قبل ليك مكانه طيفك رفيق معانا
ومازال قدرك عالي

-3-
العين فالشقا من يومها مطاول سريب اهمومها
عذبها رفيق الصوب ومابت عليه اتوب
تقول فالغطا مكتوب يخطر عزيز ساعة نومها

-4-
اصحاب المعالي والمقام كبير غايبين وانشا الله المانع خير
لاراسلوا لا طلو زعم من رفقنا ملوا
ماهمش كيف الغير اصحاب المقام كبير

-5-
-5-
من قالك تخطر علي مافيه يوم ذكرتك
ولا يوم لك حنيت لاعبرتك
ولاجبت مرة سيرتك ولاشاغلتني حيرتك
ولاجال طيفك في خيال احلامي
ولاسهرت لاشاكيت فيك ايامي
من قبل لاتزعل جميع كلامي
اللي فات خوذه عكس ماخبرتك
-6-
صباح الغلا والشوق والود والحنية
علي باهيين الذوق علي طيبين النية

-7-
جيابة الخبر قالو انك ناسيني رديت ماعمره عزيز ايديرها
حتى ولو شفت الخبر وبعيني مانصدقه ونقول عيني خيرها

-8-
ابعثلي حتى مرسال في وطن الشوق ايصبرني
مادام اغيابك مازال طمن قلبي ياهاجرني
يكفيني حارمني شوفك ماتبخل حتى بحروفك
ديما تسبل بظروفك ناوي عالفرقة تجبرني


-9-
ابعث مراسيلك ماتغيب عني دزلي احكي ونحكيلك
بحلو الرسايل ودني حنيتلك ماتردني
وقول افمقاويلك
رايفت والدمع العصي غطى مناديلك

-10-
طولت فالجية اشتقنالك زعم نخطروا ديما علي بالك
وانت بعيد افكارنا كل يوم ترحللك
وانت بعيد ازهارنا تنشد علي ظلك
مالبعد ما مليتو للّه عليه خذيت
صابر هنيالك اشتقنالك

-11-
ماهو غريب عليك اتهون قلب كامي لوعتك دافنها
وماهو غريب عليك تنسى اعيون اريافها جننها
تروم غيرنا معشوق وتصيف ربيع الشوق
هذي اتديرها وتدير اكبر منها


-12-

غلاك مش زى كل الناس
"يسوى غلاء البيضاء وكثرت شجرها "
"غلاك في سرت مالقيتله قياس"
" اكبر من بنغازي وأطيب من ثمرها "
"ولا لقيتلك بطرابلس لا حس ولا إحساس"
" ياسيدى فديتك بغلا ليبيا وعربها "

-13-

الناس راقده وأنا قليل رقادي
الروح هايمه والعقل عندك غادي..

-14-


غوالى وماعندى غلا يسواكم أنتو الحياة
ويش الحياة لو لكم


-15-
لو كان البحر يبعث كلام.. لبعثت مع كل موجه سلام.

نعو 01-04-2010 08:33 PM

:th:


الساعة الآن 01:05 PM.

Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011