حلو بسكوت اولكر+الحليب المركز (بالصورة)خمس دقايق فقط والكل يسألك عنه السلام عليكم هالحلو ماياخذ اكثر من 5 دقايق ولذييييييييييييييييييييذ ما يقعد عندنا يوم إلا ويقضون عليه ومن بين كل الحلويات اللي نسويها يسئلون عن هذا بالذات... http://www.travel4arab.com/photo/data/658/IMG_1281.jpg المهم الحين .... المقـــــــــــــــادير بسكوت أولكر ...لازم أولكر مش نوع ثاني ....لانه أخف والسكر فيه أقل ....وما يضبط إلا فيه .... http://www.travel4arab.com/photo/data/658/IMG_1285.jpg 2 اصبع زبدة ..كل وحده فيهم 113.5 جرام (ينباع جاهز) هذي صورتها بس سامحوني ما عندي وحده كامله ... http://www.travel4arab.com/photo/data/658/IMG_1284.jpg 1 علبة حليب نستله مركز http://www.travel4arab.com/photo/data/658/IMG_1283.jpg 4/3 كوب جوز الهند ناعم لوز مطحووووووووووون ناعم http://www.travel4arab.com/photo/data/658/IMG_1287.jpg المقادير تكفي لصينية فرن مثل هذي ...وصفيت فيها البسكوت علشان تعرفون حجمها ...6العرض بسكوتات والطول 3 ونص http://www.travel4arab.com/photo/data/658/IMG_1286.jpg الطريـــــــــــــــــقة 1. نصف طبقة واحده من البسكوت في الصينية 2. نسيح اصبع زبده حتى تذوب تماما ثم نسكبها فوق طبقة البسكوت بحيث كل بسكوت تكون عليه شوية زبدة (ملاحظه اذا ما حصلتوا اصبع الزبده هذا وبغيتوا تستخدمون كمية زبده من عندكم لالالالا تكثرون الزبده واااايد يعني لا تغرقون البسكوت أهم شي كل بسكوته يكون عليها شوية زبدة ) يعني تقريبا كل بسكوته عليها ملعقة صغيره زبده سايحه ..وعادي لو شفتي اجزاء بسيطه من البسكوت ماعليها زبده .... ان شاء الله فهمتوا .... 3. نصف الطبقة الثانيه من البسكوت مع ملاحظة ان الطبقة الثانيه تكون مصفوفة عكس الطبقة الاولى ....يعني اذا حطيتي الطبقة الاولى بالطول تحطين الثانيه بالعرض ....علشان يتماسك البسكوت لما نقطعه بعدين.... 4. نكرر الخطوه 2 باصبع الزبدة الثانيه 5. نخلط الحليب المركز مع جوز الهند باستخدام ملعقة في قالب آخر ....ثم نسكب الخليط بالتساوي فوق البسكوت.... 6.نرش الصينية باللوز المطحون بالتساوي 7. نحطها في الفرن من فوق لمدة دقيقة او حتى يتماسك الخليط اللي فوق.... ملاحظه : البعض يحب انه يتركها في الفرن حتى تحمر الطبقة اللي فوق ....بس انا أفضل اني اخليها حتى تتماسك وأطلعها بسرعه لاني احب الطبقة اللي فوق تكون طرييية 8. نحطها في الثلاجة مدة 3 ساعات او اكثر قبل التقديم 9. نقطعها مربعات صغيرة ونقدمها وبالهناء والعافية عليكم http://www.travel4arab.com/photo/data/658/IMG_1282.jpg :11: |
رد: حلو بسكوت اولكر+الحليب المركز (بالصورة)خمس دقايق فقط والكل يسألك عنه مشكورة سنيورة بس لورباك دنماركية ياريت نستبدلها :mad: |
رد: حلو بسكوت اولكر+الحليب المركز (بالصورة)خمس دقايق فقط والكل يسألك عنه مشكورة سنيورة امواج http://www.arabseyes.com/vb/uploaded...1163017424.gif |
رد: حلو بسكوت اولكر+الحليب المركز (بالصورة)خمس دقايق فقط والكل يسألك عنه والله يا سنيورة عليكي حلويات :0: من شكلها ما يحتاج ^454^ يعطيكي العافيه محبتي |
رد: حلو بسكوت اولكر+الحليب المركز (بالصورة)خمس دقايق فقط والكل يسألك عنه يسلموو سنيووووره شكله طعم واحلى شيء انه سهل ينفع في الاوقات المحرجه:0: :th: :th: :th: |
الساعة الآن 04:29 AM. |
Powered by vBulletin®
Copyright ©2000 - 2024, vBulletin Solutions, Inc.
شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011