عيون العرب - ملتقى العالم العربي

العودة   عيون العرب - ملتقى العالم العربي > ~¤¢§{(¯´°•. العيــون الساهره.•°`¯)}§¢¤~ > أرشيف المواضيع الغير مكتمله او المكرره او المنقوله و المخالفه

أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه.

 
 
LinkBack أدوات الموضوع انواع عرض الموضوع
  #1  
قديم 10-03-2009, 09:44 PM
 
Thumbs up روايه رومانسيه شجون

بسم الله الرحمن الرحيم



شجون : صبحك الله بالخير يبه


أبو يحيى : صبحج الله بالنور والسرور
سويتي القهوه ؟


شجون: أي يبه القهوه والتمره بالمجلس والفطور جاهز
تفطر معنا يبه لو اوديه لك المجلس


أبو يحيى : لا يبه جيبي الفطور المجلس


صحيتي اختك وخوك


شجون: أي يبه وجهزت بدر للمدرسه ومروه للروضه


أبو يحيى :عفيه بنيتي الله يوفقج
وام بدر صحت؟


لا يبه لساتها ماصحت


ابو يحيى: أي زين

جهزتي للمدرسه ترى اليوم اول يوم دراسه مابيكم تتاخرو


شجون: أي يبه جاهزين ما بنتاخر


ويجي بدر وشوف ابوه واقف مع اخته شجون بالمطبخ


ويحضنه بقوه


بدر: قواك الله يبه


أبو يحيى يضحك : الله يقويك


وراه مروه وتحضنه يبه يبه يبه


ابو يحيى: هااا نعم وش بغيتي يالغاليه


مروه : بابا انا بروح الروضه شوفني
وتدور وتدور وتدور حلوه انا


أبو يحيى يضحك : أي قمر


مروه: شجون سرحت شعري


أبو يحيى : أي شايفج الله يخليكم لي


وسلمت ايد الي سرحت شعرج


ويفطرو كلهم بالمجلس وأبو يحيى منقهر لان مرته ماصحت

والشغل كله على شجون


أبو يحيى : يالله فطرتو


شجون : أي يبه


أبو يحيى : يالله علشان اوصلكم المدرسه


شجون : ان شاء الله البس عباتي وجيكم


يركبون ويوصلو بدر مدرسته بعدين مروه الى الروضه

وبعدين شجون الى مدرستها


زينب صديقة شجون المفضلة: شجونه شجونه هنا هنا تعالي


شجون : اوه هذا انتو طيب طيب


زينب: شلونج شخبارج


شجون : الحمد لله

وين البنات ؟ راحو الفصل ؟


زينب : أي يالله بسرعه تعالي


شجون : ليه


زينب : حجزت لك كرسي جمبي بالصف واول صف بعد


رقيه تنط بالوسطه : أي الاوائل مايجلسو الى قدام


شجون: وي يمه خرعتيني شوي شوي مو زين الرباشه


رقية : المهم ماعلينا وش رايكم بالمرحله هاذي
عاد اول ثنوي وكبرنا وبنشيب اه ياقلبي


زينب تضحك: لساتنا شباب في مقتبل الحياه وش بلاكي انتي


رقية : شوفوا اقول لكم من الحين انا بس اوصل العشرين بوقف عمري بقول كل عمري 20


شجون : وش له ذا كله
عادي كلنا بنكبر ونشيب هاذي سنه الحياه


رقية : اوه لا تتفلسفي علينا


زينب: رقيه تصدقي


رقيه ترز وجهها : وشووووو


زينب: اشك انك تعيشي للعشرين


رقية : وي يمه ليش


زينب: لاني بموتك الحين وعمرك 16

ها وش رايك


رقيه : اوووه كل تحبطيني روحو عني


شجون: اقول تركو عنكم الكلام الي ماله داعي
وخل نروح ناخذ الكتب
ترى اول ثنوي صعب ويبي له دراسه


زينب: اوكي مشينا


اخر الدوام شجون وزينب وصديقاتهم عند باب المدرسه


رقية : بااااااي نشوفكم بكره ياحلوين


ايات: صبري بروح معج


منى: يوووه الكتب ثقال ودي ارميهم وامشي


زينب: هذولا ناس مجانين ودي اكفخهم


شجون: يالله بااااي بنات


زينب: تعالي معي بروح مشي


زينب :طيب مشينا


زينب: بطريق تكلم شجون


زينب: شجون لساتها مرت ابوكي الوسخه ام بدر تعاملك زفت


شجون : أي بس انا ماطق لها خبر


زينب : لا تسكتي عنها
والله سوت حياتج عذاب اعظم من سندريلا


شجون : خلاص هذا الي الله كاتبه لي


وصلو لبيت شجون


شجون: لو ودي ما اوصل البيت


زينب: يالله ماعليه روحي بيتكم


شجون: ماتقدري تدخلي معي


زينب : لا مرت ابوج ماتحبني ولا تطيق شوفتي


شجون: أي ادري تضايق لما تشوفج


زينب : وهذا عز الطلب مشينا


شجون: وين


زينب : بدخل بيتكم علشان مرت ابوج تضايق مني
خخخ


شجون: وي على حالي بتذبحني


زينب : لو تذبحج اذبحها


شجون : منو


زينب بكل برود : مرت ابوج


يدخلو


ام بدر تشوفهم : هلا وسهلا شرفتي
وين كنتي هاااا


شجون: كنت بالمدرسه خالتي


ام بدر: تخلخت ضلوعج


ماطبختي الغذا


شجون : ان شاء الله الحين اطبخه


ام بدر : أي اطبخيه ورتبي البيت حالته حاله


شجون : ان شاء الله


ام بدر : وانتي وش له جايه عندنا


زينب : من انا


ام بدر : أي انتي


زينب : سوري ظنيت انك تكلمين الطوفه


ام بدر : تخففي دمج يالفاسقه


زينب : وي يمه سوتني فاسقه تقووول ااااح عورتني صابتني بالاذين الايسر حق قلبي

اقول عمي ابو يحيى مايرضى علي فاهمه


ام بدر: ولسانج طويل وتردين ياقليله الحيا


زينب: مراااااااايه
الي يقول شي تدور وتدووووووووووور وترجع له


ام بدر: بيتنا يتعذرج


زينب: ادري من دخلتيه يالنشبه


شجون : زينب صلي على النبي وروحي بيتكم
مو ناقصه مشاكل انا


زينب: مو ذابحني الى خوفج
ليش تخافين دافعي عن نفسج


شجون : طيب طيب طيب
بس رووووووحي


زينب : طيب علشانج
والله لو ودي اوقف مثل العظم بحلقها

اخخخ تفووووو على شكلها


شجون : وي وي وي بتموتني
زينب رحمي بحالي وطلعي


زينب : زين
اشوفج بكره طيب


شجون : اوكي


ام بدر : وين صديقتج راحت


شجون: أي خالتي راحت


ام بدر : راحت روحها
يالله سوي الي قلت لج عليه قبل يجي ابوج


شجون : ان شاء الله


وتصعد غرفتها وتبدل وتنزل جري على المطبخ


وتجلس تطبخ


يرجع ابوها من المزرعه تعباااان وهلكان


ابو يحيى : احم احم


شجون :هلا هلا يبه


ابو يحيى يشوفها تعبانه البنت


ابو يحيى : قواج الله يبنيتي


شجون : الله يقويك يبه


ابو يحيى : وين ام بدر


شجون : تشاهد بالصاله يبه


ابو يحيى : زين


يروح لها الصاله


ام بدر تشوفه : قواك الله


ابو يحيى : مايرد


ام بدر : وش فيك ماتكلمني والله مو عاجبتك


ابو يحيى : انا مو قايل لج اطبخي انتي مو شجون


ام بدر : أي خايف على بنتك


يادهينه لا تنكتين ترى هاذي كسوله وفاشله وما تصادق الى الصيع


ابو يحيى : انتبهي لكلامج وحفظي السانك وطررررخ


كف على وجهها فر راسها


وطلع يبدل وقال لها تحط الغذا


وتروح ام بدر المطبخ


وتمسك شجون وهي تطبخ


وتطيح فيها ضرب تطلع حرتها فيها


لين جا ابوها وفكها منها


ابو يحيى بنفسه يقول : هاذي لو اكفخها لبكره مايفيد فيها


شجون تحط الغذا والدمعه على خدها


وتجيبه وتحطه قدام ابوها


وتجيب ختها واخوها من ابوها


وتغذيهم لاكنها ترفض تاكل


واذا اكلت تاكل سلطه بس


تركب فوق وتجلس بغرفتها بعد ماغسلت الصحون ورتبت البيت كله


تمسك الكتب من اول يوم وتذاكر ليوم ثاني


خلصت على المغرب وهي دايخه نوم


وتغمض عيونها وتنام قبل الاذان بشوي


الى بطقه الباب


شجووووووووون وجع


شجون تصحى من من


انا خالتج يامالج الضارب قومي طبخي العشا ورتبي مروه وبدر فاهمه


شجون :ان شاء الله ان شاء الله


تصحى من نومها وتقوم تصلي وترتب خوتها وتنظف وتطبخ العشا وترجع بتنام


الى اتصال يجيها


تررن ترررن


شجون: الو


تهاني : هلا الو معاج تهاني


شجون: هلا تهاني شلونج


تهاني بخير الحمد لله


بقول لج


شجون تفضلي


تهاني : ليش ماتدخلي على الاميل نتكلم


شجون ماعندي اميل


تهاني شلون ماعندج اميل معقوله في احد ماعنده


شجون أي انا


تهاني : عندكم نت


شجون أي عندنا بغرفه اخوي وموصل للمجلس


تهاني : اجل روحي للنت وبكلمج هناك


شجون : ماعرف ماعندي اميل


تهاني : مانحتاج اميل ندخل شات ونتكلم لين تسوي اميل


بس هااا لاحد يشوفج


شجون تروح لنت وتفتحه وتنفذ تعليمات تهاني لين دخلت الشات


تفاجات ناس تتكلم مواضيع ماتفهمها دنيا غير عن دنيتها


قفلت من تهاني وتصلت بزينب


شجون : الو


زينب: هلا شجون شلونج


شجون: بخير


زينب: في شي


شجون: أي


زينب: وشو


شجون تعلمها بالسالفه


زينب: شجوووون انتي على قد نياتج لاتدخلي الشات


انا بسوي لج اميل وبجي بيتكم ونزل لج المسنجر


وعلمج عليه زين


شجون: زين


زينب: وحسن لنا من التلفون


شجون: زين


زينب: وش بتسوين الحين


شجون : بروح انااام بموت نعس مو قادره افتح عيوني


ونتي


زينب : انا تو صاحيه بسهر اروق وشاهد وجلس على النت وذاكر وبكره بروح المدرسه ولين رجعت بنام


شجون ياحضج تنامي وقت الي تبي وتصحي وقت الي تبي


زينب : يالله روحي نامي انتي بحاجه للراحه


شجون: ان شاء الله


تقفل وتطلع لغرفتها


وقفي


ام بدر : وين رايحه


شجون بروح انام خالتي


ام بدر نيمي بدر ومروه ورتبي اغراضهم وجهزيهم لبكره


وبعدين نامي فاهمه


شجون : ان شاء الله


وتمر الايام وزينب سوت اميل لشجون


وصارت تكلم صديقاتها عن طريق المسنجر


لانها ماتقدر تروح لهم وماتقدر تجيبهم البيت يشوفو حالتها


شجون تدخل على الشات وهي ساكته


بعدين صارت تتهاوش مع الناس


لانها ماتفهم كلامهم او وش يطلبو منها


لكنها تفهم انهم قالو شي غلط


فتهاوشهم وتشعلل نار


بعد فتره


واحد يدخل عليها برايفت


خساره ياانسان:السلام عليكم


شجون بنك نيم الحلوه تلعب


وعليكم السلام


وش تبي


خساره يا انسان:بسم الله شوي شوي علي


شجون : اوف يالله باي


خساره يا انسان: استني استني


شجون:وشوو


خساره يا انسان: انا جاين لي ضيوف ومتوهق


شجون : بجوك ضيوف وقاعد على النت


خساره يا انسان: أي وش اسوي حتى قهوه وشاهي ماعرف اطبخ

شجون : بسيطه روح اقرب مطعم او بقاله اشتري كل انواع الكيك واشتري قهوه جاهزه
ويتبادلون الحديث عن الطبخ والقهوه وش بقدم لضيوفه
خساره يا انسان: انا الحين بطلع تامرين على شي
شجون : طيب لا سلامتك
خساره يا انسان :ممكن اميلك لو احتجت أي شي القاك فيه
شجون : هذا شكله مؤدب خل اجرب اعطيه اميلي واذا سوى أي شي بحذفه
شجون: طيب هذا اميلي …@...com
خساره يا انسان: طيب ضفتك وصلتك الاضافه
شجون : أي وصل وضفتك
خساره يا انسان:وش اسمك ممكن اعرفه
شجون: اول انت وش اسمك
خساره يا انسان: انا اكرم وعمري26 سنه وانتي
شجون: انا شجون وعمري 16
اكرم: هاذي شكلها صغيره وماتفهم بالنت وش الي مدخلها الشات ماعلينا
اكرم : يالله انا طالع تامرين على شي
شجون : لا سلامتك
باي
اكرم: باي
ويمر الوقت ولا في اي خبر عن اكرم ولا يتصل بالمسنجر نهائي
وشجون على حالها بين الطبخ والنفخ والغسيل


الى اللقاء في الجزء الثاني ...
  #2  
قديم 10-04-2009, 04:51 PM
 
رد: روايه رومانسيه شجون

شكرا:" الك ويسعدني ان اكون اول الرادين على هذة القصة وتقبلي مروري
__________________
  #3  
قديم 10-04-2009, 08:28 PM
 
رد: روايه رومانسيه شجون

الجزء الثاني

نص الليل شجون صحت ترتب المطبخ وتجهز الفطور وتذاكر وشغلت المسنجر
وتلاقيه متصل ماكلمته لكن هو كلمها
اكرم : السلام عليكم
شجون : وعليكم السلام
اكرم : اخبارك
شجون : الحمد لله
اكرم : وش الي مصحيك هالوقت
شجون : اذاكر وارتب
اكرم : اها في اي صف
شجون : اول ثنوي
اكرم : بالتوفيق
شجون : جميعا
شجون لقت احد تكلمه ويكلمها
ولا يعرفها ولا تعرفه
جربت تشكي همومها له
اكرم: وش فيكي ساكته
شجون : ارتب
اكرم: في احد يرتب هالوقت
اكرم: دبدوبه
شجون : موب دبه انااااا
شجون: اي مرت ابوي لازم لما تصحى تشوف كل شي مرتب ولا بتطقني
اكرم : وليه انتي مو مسؤله ترتبي
شجون : يوووه انت ماتدري مجننتني
كل شجون سوي وشجون روحي وشجون تعالي هاذي شغلتي
اكرم : لا تقبلي تسوي شي او اشتكي عند ابوك يادبه
شجون : ابوي مايسمعني هي تشتكي علي وتخليه يطقني مالي بالمشاكل
وظلو يتكلمو بالساعات على المسنجر لفتره طويله وكان دائما يحاول يبعدها عن الشات ويقول بنفسه صغيره وبيلعبون عليها وماتعرف شي بالدنيا ودايم يوصيها ماتدخل شات
وجى يوم الي اكرم فيه ناوي يسافر من الغربيه الى الشرقيه
اكرم : انا بروح الشرقيه
شجون: بتجي هنا
اكرم : اي
شكلها بالشرقيه بس مو راضيه تقول شوي وبسالها وبشوف وش تجاوب
شجون : كيف اكلمك
اكرم : والله ماعندي نت هناك
بس اذا بغيتي اعطيكي رقم جوالي متى مابغيتي دقي علي
شجون والله مستحيل اعطيه رقمي
اخوي محمد شاريه لي استخدمه في الطوارئ بس
اكرم:وين انتي بالشرقيه يادبه
شجون :لااااااا لا لا لا لا ونا مو دبه لو سمحت
يقول بنفسه ودي اعرف هي بنت لو ولد صار لي فتره اكلمها ولا سمعت حتى صوتها
شجون تكلم نفسها الشرقيه كبيره ولو يدورها بمه وابوه مايلقاني
اكرم : على العموم هذا رقم جوالي انا مابقدر ادخل النت بس اذا حسيتي بضيق كلميني
وها ما اوصيكي لا تدخلي الشات فاهمه
شجون : ان شاء الله
وقفلو المحادثه وشجون فقدت الشخص الوحيد الي تفتح قلبها له وتكلمه عن مشاكلها كلها وتعتبره اخوها وهو يعتبرها اخته

الى اللقاء في الجزء الثالث ...
  #4  
قديم 10-05-2009, 03:29 PM
 
رد: روايه رومانسيه شجون

الجزء الثالث



راح اكرم الشرقيه يبحث عن عمل وجلس مع صديقه فيصل بالدمام


فيصل رجل متزوج مرجوج شوي زوجته بيت اهلها وهو لاعب وطارب بالشقه >>>>>>>>>>الله يعينها:00:


المهم مرت الايام وشجون ماعاد تقدر تكلم احد والهموم تزيد بقلبها يوم بعد يوم الى ان جاء يوم قرر فيه اخوها محمد ياخذها معه الدمام تزور اهلها وتجلس بيته


شجون ملانه وجلست طول اليوم من وصلت وهي تفكر باكرم


وقالت طيب بحاول اتصل وبشوف اذا قدرت اكلمه


شجون تتصل على اكرم وهو يرن وشجون قلبها يدق بقووووه


واكرم يرد الو الووووو الوووووو الووووووو


شجون تجمد ولا تقول ولا كلمه وتسكت وتقفل بسرعه


بعد خمس دقايق شجون ترجع تتصل ويرن


يرفعه بسرعه اكرم ويقول الوووو الووووو


شجون تسكت


اكرم يضحك يقول عرفتك شجون صح


طيب تكلمي قولي أي شي


على الاقل قولي الو


شجون متجمده ومو عارفه وش تقول وتقفل


شجون تتصل وتقول ياربي صجيت الرجال وش بلاني


يرفع اكرم بسرعه الو


شجون تسكت وبعدين تقول الو بشوييييييش


اكرم يضحك ويقول تو عرفت انك دبه مو دب


شجون بقواه عين : اناااا مو دبه


اكرم : لا دبه ودبتي بعد


شجون : موووو دبه وتسكت


وصار يكلمها في الجوال هو يتكلم وهي ساكته


واذا ردت كلماتها حفظهم


هاي-أي- لا- ان شاء الله – طيب- يصير خير – ممكن نغير الموضوع – ماني – مابي – باي


طلب انه يشوفها بما انها بالدمام وهو بالدمام


شجون: لا وش تشوفني تتفرج علي مااااااااني


وش تبي الناس يقولون عني وش له تشوفني هذا الي ناقص


ترى انا بنت ناس ومحترمه وشريفه وماني من البنات المدري وشو زين


اكرم هاذي لسانها طويل تشب نار بدقيقه


ومع محاولاته الى انه ماقدر يقنعها اتعلمه بمكانها علشان يشوفها


الى ان عادت الى منزلها وجاه الخبر


شجون تتصل وتقول له رجعت بيتنا


اكرم : ضيعتي علينا فرصه كان ودي اشوفك


شجون : انا مابي اشوفك ولا تشوفني بغروووور


اكرم : طزززز ويقفل


شجون : وش بلاه هذا مجنون ماعلي منه


بعد خمس دقايق ياربي لايكون زعل انا ماحب ازعل احد اووف


وش اسوي وش اسوي


تتصل عليه شجون وتصالحه


شجون كلمت صاحباتها المرجوجين وقالت لهم عن ولد تكلمه بالمسنجر


وونصحوها بكل النصايح الى مانها فايده


جت زينب لها وقالت مابتساليني


شجون : أي بس خفت تزعلين


زينب : تبي رايي


شجون : أي


زينب : اتركيه عنك هذا واحد مغازلجي صايع ضايع ويبي يلعب عليكي


نذل وبيستنذل عليكي طاوعيني قبل هلك يدرون


ترى هااااا بيذبحونك لا تقولي ماقلت لك


شجون : بس والله شكله طيب وحبوب


زينب : عشتوووو وااااااضح اجل يوم انه طيب وحبوب ليش سكر بوجهك ها


شجون : تسكت وتاخذ نفس طويل وتقول طيب اليوم بنفصل عنه


وكل يوم على هالمنوال


اتصلت باكرم ويرد اكرم الوو


شجون : هلا


وبعد سوالف والذي منه


اكرم : شجون اوصفي لي نفسك


أي عاد مو تقولي لي عيونك زرقاء وشعرك اصفر وضعيفه


وتشبهي نوال


شجون : من نوال انا ما اشبه احد انا مو حلوه


اكرم : كيف يعني


شجون : انا متيييييييييييييييينه وشعري طويل وغثيث مو حلو


اكرم: هاذي وش تقول من جدها


طيب كم وزنك؟


شجون: 48 كيلو بالفم المليان


اكرم : بس؟؟؟؟


شجون : واااااااااااااجد ثقيل هاانا مره مره متينه


اكرم : طولك كم طيب؟


شجون : انا مو طويله ولا قصيره مره مره


اكرم: يعني كم ؟


شجون :146


اكرم: ولون عيونك وشو


شجون : مدري


اكرم: طلعي بالمرايه مافي مرايه حولك


شجون: أي في في المجلس


شجون : وش مرايه بالمجلس وهي فوق يبي لي اتنطط كان اوصلها وبعدين هو قايل لي ما اقول عسلي كيف اقول له عسلي مابصدقني بس هذا هو الصدق وش اسوي اغير لون عيوني يعني اوف طيب طيب


شجون : لون عيوني بني فاتح افتح من شعري بشوي


اكرم : بذمتك هاذي الي تشوفيها بالمرايه قمر صح


شجون: أي مرايه


اكرم : الي انتي واقفه جمبها


شجون : أي أي صح


اكرم : ابي اشوفك


شجون : لا حامض على قلبه يشوفني


اكرم : والله لاشوفك وانتي بنفسك تخليني اشوفك


يصير خير ياشجون


شجون تعصب وتقفل السماعه بعد ماهاوشته ولا فهم ولا كلمه منها


بعد يوم رجع اتصل وراضاها وهي كانت تنتظره بفارغ الصبر


وبعد مكالمتها طلب منها بوسه


شجون رفضت لالالالالا


اكرم للمره الثانيه : طززززززز فيكي


شجون : تقفل


وتزعل ولا تتصل به ثاني وترسل له رساله تقول له انها انفصلت عنه


اكرم جلس اسبوع من غير مايكلمها وهو عتاد كل يوم يكلمها قريب الفجر


الى ان تنازل الولد وقرر يتصل يراضي شجون


ومع هذا شجون مارضت تراضيه


وظل يحاول يراضيها الين راضاها وظلو يتكلمو طبيعي عن حياتها ومشاكلها كالعاده واكرم بدا يحبها اكثر واكثر ويعجب باسلوبها الطفولي


وكيف ترفض انها تسوي أي شي يمس شرفها او يحط من منزلتها


ودايم تحافظ على الصلاه وماترضى تكلمه وهو ياذن لازم تروح تصلي بعدين تكلمه وتتطلب منه انه يحافظ على الصلاه وتنصحه وتصجه احيانا خاصه بخصوص التدخين دايم تقول له انه يجيب امراض القلب والرئه والسرطان


لكنه رفض يقول لها انه يحبها لانها اصغر منه وحاب يحافظ عليها انها ماتغلط لا معه ولا مع غيره


شجون حبته وكانت جريئه فتصلت عليه


شجون : الو اكرم


اكرم : ايوه


شجون: ابقول لك شي


اكرم: تفضلي


شجون: انا احب ك علشان كذا انا مابي اكلمك وش رايك


اكرم: منصدم ولا عارف وش يقول كان وده يقول انا احب ك بعد


لكن سكت


وقال


أي يكون افضل لو مانكلم بعض


شجون تعتصر من الالم


طيب خلاص ماراح انكلم بعض وهاذي هي اخر مره اكلمك وماعاد بكلمك


اكرم : مو عارف وش يرد طيب


شجون: يالله باي


اكرم : باي وبقلبه يقول مع السلامه ياحياتي


وكذا ماعاد اكرم يكلم شجون نهائي ولا هي تكلمه


الى اللقاء في الجزء الرابع
  #5  
قديم 10-06-2009, 11:44 PM
 
رد: روايه رومانسيه شجون

يالله ابغى الجزء الرابع ينزل بسرعه:00:
__________________
اللهم ارزقنا الجنة
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
صور رومانسيه متحركه ( حلوه كتير ) احزان فلسطين كاذبة وناقصة عقل ودين وتتطاول على المجاهدين في غزة موسوعة الصور 295 02-16-2013 05:18 PM
صور انمي رومانسيه كيوزو أرشيف المواضيع الغير مكتمله او المكرره او المنقوله و المخالفه 27 03-21-2010 12:20 PM
انمي رومانسيه jojo-cool أرشيف المواضيع الغير مكتمله او المكرره او المنقوله و المخالفه 8 09-18-2009 03:58 PM


الساعة الآن 11:57 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011