(الجزء التاسع)
اول يوم بعد سفره الدكتور سليمان كان يوم غير بحياه غاليه... يوم بلا ملامح يوم بلا طعم كانه وحش مسخ .. مشوه,,, غاليه منصدمه ..لانها الحين حست بالواقع... حست بالالم.. حست بالخوف.. حست باحساس مستحيل توصفه بكلمه او باي شكل...
صحت غاليه على الفستان الابيض... ممدد على السرير... ياه ما اقرب اليوم الى الغد.. ما اقرب السكون الى الحركه... ما اقرب الفرحه الى الحزن.... يفصل بينهم شعره آآه شعره... فاصل ابيض واسود... يخلو من الالوان.... يخلو من البسمه....يمتليء بالشحوب...
لن استطيع وصف شعورها... فيكفي ان اقول هي بين الموت والحياه..تنتظر يد تعانق يدها تعيدها للحياه.............

غاليه شافت اتصال من سليمان... طار قلبها وصحت من حلمها,, سليمان: الووو حياتي... غاليه:هلا يا عمري وينك كيفك وصلت والا لسه كيف الوضع كيف انت مرتاح... سليمان: هونك هونك كل هذا راح ارد عليه هههههههههه لا بس حبيت اطمنك وصلنا مصر واجراءات الدخول بتطول شوي... غاليه: الحمدلله توصل بالسلامه.. وترجع بسرعه للي يحبونك... سليمان: بس واللي يكرهوني.. غاليه: الي يكرهك اذبحه ما يستحق يعيش... سليمان: يووه ليه تبغيه يموت بس عشانه يكرهني ماسوى جريمه... غاليه: الا اكبر جريمه بعني احد يكره البدر حقي,,, سليمان: يا حياتي انا الي افداك بروحي مو عيوني ياعيوني... وانقطع الخط بينهم... غاليه: الووو سليمان الووو لا تروح عني لا تغيب عني
وهلت دموعك يا غاليه.... رحت يا سليمان ولا ادري وش صار فيك,,, اه يا قلبي الى متى بتصبر... نزلت راسها تسهل للدموع السقوط..
قلبي على نار يا رب صبرني وطمني,,, جات مها عند غاليه تخفف عنها,,, يا حياتي يا غالي هانا احس فيك حسيت انك متضايقه ومحتاجتني... غاليه: ترمي نسها بحضن مها: وتكمل النحيب بصمت... مها: غاليه ابكي وطلعي الي بقلبك وانا معاك... انتي اختي وصديقتي ... ربي يسعدك..
غاليه: مها قلبي منحرق خايفه عليه... مها: ما بيدك شي تسويه غاليه قومي غسلي وجهك ووضي وصلي ركعتين وادعيله... غاليه: انشاء الله الحين اقوم تسلمين يا مها.. ربي لا يحرمني منك...
سليمان: ما قدر يتصل لان الجو زحمه والاصوات عاليه ارسل رساله لغاليه,,, انا بخير يالغاليه,,,
خلصت غاليه صلاتها وسمعت صوت رساله... فتحت الجوال باهتمام كانه بينكسر بيدها.. شافت الرساله,, تنهدت... الحمدلله الحمدلله... مها سليمان بخير.. توه ارسل رساله... مها : الحمدلله توكلي على ربك وما يخيب ضنك.. وابتسموآ ابتسامه تعبر عن الراحه.. غاليه مسكت الجوال وباسته وكان سليمان هو بين يديها..
ودعت غاليه مها عند المساء.. وراحت تجلس مع ابوها....وهي مبتسمه... ابوها: هلا ببنتي اليوم اشوفك مرتاحه وين الحبيب...غاليه: خجلت... ابوها: طيب وين الدكتور ابي اكلمه... غاليه تداركت الموقف وقالت لا هو الحين بمصر وقبل شوي طمني... ابوها: بابتسامه... الحمدلله...
دخل عليهم صالح وواضح عليه الحيره سلم وجلس.... غاليه ما عجبها اخوها راحت جلست عنده... سلامتك اخوي وش فيك.... صالح: لا ما فيني شي.. غاليه: على اختك حبيبتك.. صالح من دون ما تقول انا احس فيك وانت بعيد احس فيك ياخوي... وحتى لو ما قلت لي ترى قلبي يدري... صالح: غاليه.. انتي حاسه فيني حاسه بالي محيرني... غاليه: من عيونك اقرا اللي ببالك.... انت بعدت عني صح.. لكن ما بعدت عن قلبي ولا احساسي...
صالح: انا مقصر معاك كثير غاليه بس الدنيا ما تعطينا وقت نهتم بكل الي نحبهم... غاليه تمسكه مع يده.. وتقول له انا ما ابي شي بس اشوفك مرتاح ومبتسم املك الدنيا بيدي... بس ابيك تتعوذ من ابليس.. والحين انت عندنا يعني ملكنا مو بكيفك تكشر كذا... ضحكتك لامي ولابوي ولنا كلنا.. ماهي ملكك انت وحدك... ابتسم صالح وخف شوي من الي فيه.... وجلسوا جلسه حلوه.... وجا صالح بيمشي... وقال بنفسه ويني عنك يا اختي الدنيا نستني اياك,,,,,,,
بعد يوم... غاليه: الووو مها وينك... مها: هلا غاليه بالدنيا.. غاليه: يالله افتحي الباب الحين جايتك... مها:لحظه بس افتح الذرفتين كلها,,هههههههههههههه غاليه: لا وبتضطرين تكسرين الجدار بعد... مها: لا بيتنا ما ابي افرط فيه خلاص اعزمك برا.... غاليه: لا اهلي ما راح يوافقون.... مها: انا راح اقنع امك ما عليك.. غاليه حاولي هههههههههه مع اني ما عندي امل... مها: الو خاله انا عازمه بنتك بمطعم برا... ام غاليه: طيب عشانك بس
مها: تسلمين يا خاله... غاليه: اشوف مها فرت راسك وانا ما كاني اتكلم... امها: هاذي مها بنت الغاليه .. غاليه: طيب بتقنعيني بهالاجابه هههههههههههه.. امها : يالله البسي عبايتك بسرعه البنت تستناك.... غاليه: اووو وينك يا مها امي تهاوشني عشانك....ههههههههههههههههههه
مهاتنتظر بالسياره مع السواق... وجات غاليه: السلام عليكم.. مها: وعليكم السلام.. وينك بدري... غاليه: وه ما شفتي ام صالح وش سوت عشانك...
وصلوا المطعم وهات سواليف وضحك مها حست بغاليه مرتاحه مو غالي هالي من يومين وارتاحت لارتياحها...
مهاعند باب البيت: الحمدلله وسعنا صدورنا... غاليه: انا تعبانه ابروح انام... مها: وانا تعبانه بعد مع السلامه...
غاليه: تصحى على رنه الجوال... يا ترى مين......~> ((البدر يتصل بك)) اوو ترد غاليه بسرعه او لا يكون من زمان يدق... سليمان: هلا حبيبتي... غاليه: هلا حياتي كيفك طمني عنك ووينك... سليمان: انا الحين قربت اوصل غزه وهاذي راح تكون اخرم كالمه بينا الى ما ارجع... غاليه عدلت جلستها ورفعت خصلات شعرها... ااه لا تقول كذا
انت بقلبي..سليمان: قلبك يحميني من الهم وانا مرتاح فيه.... غاليه اسمعنيني.. ابغاك دووم مبتسمه دوم سعيده.. غاليه: انت اولى باني اوصيك انتبه على نفسك... انتبه لاكلك... سليمان: غاليه ما راح اقدر اطول... استودعتك الله.. غاليه: انا استودعك الله يا حياتي احبك احبك... سليمان: ما احد يعرف قدر حبك بقلبي الا الي خلق هالقلب الي ما يتحمل كل هالحب.... مع السلامه.. غاليه: مع السلامه..... مسكت غاليه الجوال واراحت راسها على المخده... يا ربي احفظه لي.. احفظه ينور دنياي.... و غاصت بنوم عميق تشوف نفسها... تمسك يد سليمان وتطير و تحط اقدامهم على مرج مليء بالورود.... تقطف من عقد.....
صحت غاليه على صوت صراخ...... اعوذ بالله اللهم اجعله خير.... لقت امها تبكي ابوك غاليه مدري وش صار له ما يتكلم ولا يتحرك... دارت الدنيا براس غاليه.. ابوي ابوي الحبيب راحت تجري للغرفه شافت ابوها كانه ميت,, مو حاس بشي.. يبه يبه رد علي .. يبه لا تتركنا... يبه.... ا حاولت تهزه بدون شعور تامل انها يصحى ويرجع.......
جا الاسعاف وجا صالح جري... يبه يبه وش فيك يبه.... بالمستشفى المنظر لا يوصف... غاليه دموعها ما ما توقفت... وصالح يهديها.. حاطه راسها على صدر صالح.... محمد يبي يحسسهم بانه قوي... اسكتي غاليه اسكتي ابوي ما فيه شي,,, ضربها كف لا تبكين ابوي بيصحى.... غاليه بتموت من البكى,,,,, انت ما تحس انت جماد انت.. انت.. طاحت غاليه مغمى عليها,,, امها تصرخ بنتي بنتي بعد ليش كذا ليش تسوي كذا,,,,, اه يا بنتي....
راح افقدك انتي بعد,,,, صالح يصفع محمد كف انت مجنون انت وحش,, سال الدم من محمد... وراح يجري برا المستشفى,,,,,
غاليه: الحين على السرير الابيض,,, وتبكي وهي نايمه كان في بقلبها شحنه تبغى تطلع بكى كثير... الدكاتره خافوا عليها لا يوقف قلبها... امها تحاول تطبطب على قلبها تهديها حتى لو هي مو واعيه تحتاج يد تمسكها يد ترجعها للدنيا.... غاليه حساسه,, قلبها مرهف...,, الحين الصباح وابو صالح ممدد عالسرير الابيض... الجو هاديء.. ام صالح تعبت ونامت.. غاليه الحين بغرفتها مثل الملاك نايمه... دخلت اشعه الشمس تتسلل الى رموش غاليه تداعبها.. اصحي.. اصحي... غاليه... تفتح عينها ببطيء أأه وش صار جسمي كله يالمني... انا وين... رجعت غاليه للواقع.. ابوي ابوي وراحت تجري بدون احساس حتى نست تلبس عبايتها,, حست بان شي بيدها .. المغذي ... سحبته من يدها وراحت تجري.... شافتها النيرس... غاليه فين رووح ... غاليه : ابوي وين وين.. وين غرفته... بسرعه ابغى اشوفه.. النير سمو فاهمه شي.. مسكتها ورجعتها الغرفه وغاليه بحاله هستيريه... دخل صالح: وهو مستعجل غاليه الحمدلله انتي صحيتي... غاليه جرت تمسك يده.. صالح الله يخليك ابغى اشوف ابوي.. بسرعه وديني له.. صالح: طيب البسي عبايتك بسرعه.. غاليه راحت تجري اخذت العبايه وتغطت وراحت معاه.... شافت الغرفه.. لا ابوي بالعنايه المركزه.. لا.. سحبت يدها من صالح وراحت تجري.... فتحت الباب ووقفت مكانها... تتامل ابوها,,,

__________________
تكفون سجلوا بهاذي اللعبه يالله http://themafia.ae/?affuid=77398

يتبع**
(الجزء العاشر)
غاليه الحين تتامل ابوها... ومو سامعه صوت صالح وهو يناديها.. وراحت حطت راسها عند يد ابوها تبكي,,,, يالغالي... وينك,, ارجع لغاليه.. كنت انسان ما ينهد بعيني كنت اقوى بعيني... ااه المرض يا يبه طيحك... ووتجثو غاليه على ركبتيها,,, وتبكي.. وصالح يناظرها بعيون العاجز ... ما بيده شي ما بيدي شي يا غاليه.. ايش اقولك,, مافي كلام بالدنيا اقدر اقوله الحين.... آآه ما اصعب لما الانسان يحس بالضعف,,, اه ما اصعب هذا الموقف عليك يا غاليه....
تروح غاليه تتوضى وتصلي ركعيتن وتبكي بين يدي الله.. كانت دموعها مثل المطر.. وهي تبتهل وتدعي الواحد الاحد.. ما يخيب من رجاك يارب,,,
الدكاتره كانوا حايرين في حاله ابو صالح,,, صالح اخذ الفوحصات وارسلها لاكثر من مستشفى ولاحسن دكتور,,,
غاليه تنتظر النتيجه,, تصحى ام غاليه غاليه تسندها امي روحي البيت ارتاحي انتي هنا من امس,, امها: لا وين اروح واترك الغالي لا ما اقدر ارتاح الا لما يجي معي البيت,, غاليه: اللي يريحك يا امي,, صالح: امي انا رايح توصون شي اجيبه وانا راجع,,امه: سلامتك يا ولدي بس انتبه للطريق,, صالح: انشاء الله يا امي,,, غاليه: صالح وين محمد ما اشوفه,, صالح: اظن بالبيت يشوف اخواني الصغار,, غاليه.. اه اخواني الحين وش مسوين مع الخدامه,,, انشاء الله شوي واروح البيت اتطمن عليهم,, شوي ويدخل عليهم محمد... سلم وجلس.. راح عند ابوه وجلس يطالعه وهو يدمع.. محمد الي كان مثال لقوه والصرامه يبكي.. غاليه مو مصدقه روحها.. محمد يبكي,,, قلبك كبير يا محمد.. ايوه كبير بس مو عارف كيف يظهر كل هالحب,, محمد يمسح دموعه ويروح الحمام,,, الظاهر محمد ما خلص الي بقلبه.. مو قادر يبكي قدامنا... ام صالح اكملت البكاء لما شافت محمد يبكي.. خرج محمد بسرعه,, يالله يا امي مع السلامه,, راح وما اعطاهم فرصه,,
بعد اسبوع من السهر والتعب حاله ابو صالح مثل ماهي مافي أي جديد وغاليه يدها على قلبها وتدعي لابوها بالشفاء,, التقارير وصلت وجاتهم الردود لازم يسافر ابو صالح للعلاج... صالح: امي ابوي لازم نسفره,, امه: ايه لازم اذا ربي كاتب الشفاء هناك.. صالح: يمه من ياخذ باله من اخواني وبيتي امي شغلي ما اظن يعطوني اجازه وما ندري قد ايش يطول العلاج... ام صالح حائره ما تدري ايش تسوي,,, وصلت غاليه مع محمد جابت معاها اغراض,, محمد: صالح بشر وش قالوا .. صالح: والله ما ادري ايش اقولك بس لازم نسفر ابوي كندا,, محمد: طيب انا حاضر اروح معاه. انا ما عندي أي ارتباطات.. صالح: محمد انا خايف عليكم هناك,, انت اول مره تسافر ووو .. محمد: ليه انا مو رجال مو واثق فيني.. صالح: لا رجال والتعم فيك,, بس انت تعرف هناك لغه وتعامل ودكاتره وانت يمكن تطول هناك,, صالح: خلاص انا اروح بالبدايه اخذ اجازه اشوف الوضع واذا اتضبط الوضع اجي وانت تسافر,,, محمد: كذا موافق بس عجل نبي ابوي يرجع لنا بسرعه,,, غاليه بقلبها الله يرد الغالين كلهم يارب.. ام صالح: اامين يارب,,
بعد اسبوع صالح يجهز ترتيبات السفر وياخذ امه وابوه معاه.. وصلوا كندا وتم كل شي ابو صالح يتعالج هناك وبداوا الاطباء بتطمينهم عليه.. صالح تخلص اجازته ويرسل لمحمد يجي محمد سافر وجلس عند امه وابوه,, رجع صالح من السفر وراح بيته.. مو عارف كيف ينظم بين بيته وبيت اهله وشغله.... جلس يفكر الحين اخذ غاليه واخواني معي البيت .. الى ما يشفى ابوي.. وبكذا ارتاح من قلقي عليهم وهم لوحدهم... صالح: غاليه لمي اغراضك واغراض اخواني اباخذكم معي بيتي.. غاليه: ما ارتاحت للي تبيه يسويه,, غاليه: صالح انا ما ارتاح غير ببيتنا.. صعب اغير مكاني.. صالح: انتي عارفه يا غالي هان صعب اوفق بينكم,,, غاليه: ايه ما ابغى اتعبك يا اخوي,, راحت غاليه تطاطا راسها وهي عارفه ما راح ترتاح هناك.. بس ما بيدها شي...
زوجه صالح سلوى الدنيا هناك قايمه وقاعده.. الست غاليه بتسكن عندي والله اعلم يمكن تطول تجلس سنين على بال ما يشفى ابوها,,, اوووه انا ايش يحملني اياها بس,, ياليتها تزوجت وفكتنا من وجهها,, الحين القصه تغيرت تغير كبير,,,
غاليه تلملم اغارضها وتحاول تكون قويه,, بيتنا الحبيب راح نرجع لكن مع رجعت الغالي الحبيب,, الله يصبرنا,,,
تدخل غاليه بيت صالح او سلوى بالاصح وترحب فيهم سلوى : هلا هلا بغاليه.. عسى ترتاحون عندنا.. غاليه: هلا سلوى اكيد احنا محنا غرب.. سلوى بامتعاض: اكيد انتوا اهل البيت... غاليه: سلوى عن اذنك ابغ روح انام وانوم اخواني لاني صاحيه من بدري,, وتعبانه حيل.. سلوى: طيب ما تعشيتوا,, غاليه: لا صالح عشانا برا قبل ما يجيبنا قال احسك مهمومه يا غاليه وحب يرفه عني اخوي.. سلوى بغيض..: اها اكيد اكيد.. وبنفسها تقول طيب يا صالح وانا ما تذكرتني حتى بطلعه وحده... غاليه تروح وتغير لاخوانها وتنومهم وتنام بسرعه من التعب... غاليه صحت الصباح على صوت صالح يكلم زوجته... غاليه: استغفر الله ما صليت الفجر وينك يا امي تصحيني اصلي وينك يالغالي تصحيني,,, دمعت عينها ...استغفر الله.. وراحت تتوضا وصلت الفجر ولبست وخرجت برا... لقت سلوى بالمطبخ.. سلوى بشكل عام تحب الترتيب والنظافه بشكل غريب نقدر نقول موسوسه... دوم الشغالات ما يطولون عندها.. لطوله لسانها عليهم.... غاليه: صباح الخير سلوى.. سلوى: هلا غاليه لو صحيتي قبل شوي فطرتي مع صالح.. غاليه: اه ياخوي والله وحشني.. وحشتني جلستنا معاه.. سلوى: انا الحين راح احط الفطور صحي اخوانك يفطروا,, غاليه: لا اخواني ما تعودوا يصحون بدري,, سلوى: طيب براحتهم سلوى تلف وجهها للجهه الثانيه وتقول انا خدامه عندكم كل ما صحي واحد احط له الفطور والله حاله.. غاليه..: لا يا سلوى لا تتعبين نفسك ما اتعودت احد يسويلي الفطور دوم انا اسويه.. سلوى: تعبك راحه,, انتي ضيفه اليوم لازم ترتاحين.. غاليه بينها وبينكم مستغربه هالمعامله من سلوى بس قالت الله هداها,,, غاليه على نياتها ما تفكر كثير..مرا اول يوم ببيت صالح ثقيل وغاليه ما قدرت تكون على طبيعتها.,,,
مر يومين على بقاء غاليه ببيت اخوها صالح وصالح نادرا ما تشوفه يجي وينام ويصحى بدري ويروح شغله وهكذا...
غاليه تحس نفسهاغريبه.. مو بيت اخوها..وينك يا اخوي.. ليه تحسسني بالغربه.. غاليه,, كانت جالسه مع سلوى سلوى جوها صديقاتها,,, جلست غاليه تساعد سلوى,, سلوى كانت مغروره كانت تشوف غاليه احلى منها وما تحب صاحباتها يشوفوها... لانهم مره شافوها بزواج وجلسوا يمدحونها,, سلوى حست بغيض داخلها,,, سلوى: غاليه موع اجبني لبسك روحي غيريه.. غاليه استغربت لهجه سلوى وتدخلها بلبسها,,, سلوى: غاليه غيري لبسك والحقيني.. غاليه: ايش فيه لبسي... سلوى: موع اجبني احسه قديم شوي... غاليه: ما عجبها رد سلوى بس راحت تغير عشان ما ترجع سلوى لنفس الاسلوب المقزز... راحت غاليه جابت القهوه وجلست عندهم وتسولف,, شوي سلوى تطالع فيها,, غاليه روحي جيبي الحلا.. صاحبات سلوى جلسوا يمدحون غاليه وبجمالها وقبله جمال اخلاقها,, سلوى,, ردت عليهم بمجامله وغيض.. اه الكل يمدحها هاذي ايش شايفينها ملاك,,,,
راحوا صاحبات سلوى,, غاليه: سلوى انا حبيت صاحباتك مشاء الله عليهم,, سلوى: هههههههه بس ما تدرين ايش قاولوا عليك من وراك.. غاليه مستغربه: ايش قالوا... سلوى: قالوا ايش فيها كذا مبهذله نفسها,,, غاليه تطالع نفسها: انا...... سلوى: ايه انتي اجل انا.. غاليه: تتذكر ابوها لما يمدح لبسها واناقتها...آآه وين يا ابوي,, سلوى: غاليه وش فيك... غاليه: لا بس تذكرت الوالد,,, اه اشتقلت له... سلوى: الا وش اخبار الحبيب.. غاليه: أي حبيب,, سلوى: اووو نسيتيه زوجك سليمان.. غاليه: لا هو ما يروح عن بالي ودوم ادعيله بس ما بيدي شي اسويه.. الله يردهم بالسلامه,, سلوى بامتعاض: اامين,,,,
غاليه بعد يوم متعب ونهار مرهق نفسيا ومعنويا,, جلست بغرفتها واخونها حواليها,,, اه وينكم وينكم,, انا محتاجتلكم,,, وجلست تبكي,,, اخوها ماجد 5 سنوات,,: غاليه ايش فيك مين ضربك.. غاليه: تبتسم لا ياحبيبي ما احد ضربني بس بطني تعورني شوي وجلست تضحك... ماجد: اجيبلك دوى,, غاليه: ايوه انت الحين رجال,انت تجيبلي,, وتضحك...
نامت غاليه,, وهي تفكر بالايام الجايه,,,,كيف راح تكون,, الله يصبرني عليك يا سلوى,,,تصحى غاليه تروح تشرب مويه.. تسمع سلوى تكلم صاالح جالسين بالصاله.. غاليه اليوم فشلتني قدام صاحباتي,,, صالح: ليه,, سلوى: كذا مبهذله نفسها ونفسها خايسه,,, غاليه تجمدت بمكانها وتكررت الكلمه ببالها خايسه,,خايسه,, غاليه تنتظر رد اخوها صالح على هالكلمه على بالها اخوها بيهزيء سلوى عليها لكن,, صالح: يضحك... غاليه ما صدقت اهون عليك يا صالح معقول اهون عليك... دمعت عينهاوكملت طريقها لفتهاودست وجهها بين يديها ولست تبكي..كانت الصدمه قويه لغاليه,, توقعت اخوها غير للحين صالح يحبني ويدلعني,, لا صالح يحبني مستحيل يرضى علي هالكلام,,,,لا لا...
مسكت غاليه الجوال تقلبه وطاحت عينها على رسايل سليمان.. وجلست تقراها,, ا هانا للحين اعيش على هالكلام انتظر رجعتك,,,
مشتااااق .. اسولف معاك
واحس بقيمة هواك
من ما اقول غالي .. زاد بغيابكغلاك
لكن كل اللي بقوله [ كلمتين ]
وش حيله العطشان والكاس مكسور !!؟
وشيملك المشتاق غير الرسايل !؟
,,,,,
إيه أحبك }--
من حكى لك أنك في حياتي
][ شخص عادي ][
لا تصدقياحياتي
من حكى لك إني لو ساعه
][ نسيتك ][في غيابي
لا تصدق ياعذابي ..
لو زعلنا من بعضنا ..وكنت { انا قاسي } بعتابي ..
ومن عنادي قلت
انكشخص { عادي }قولي .. كذاب ..
{ ما تقوى بعادي }
حضنت غاليه الجوال ونامت,,,,,,


يتبع**

__________________
تكفون سجلوا بهاذي اللعبه يالله http://themafia.ae/?affuid=77398

القصه روعه وكاني قد قراتها بس ما ادري فييييييييييييين:77:

يسلموووووووووووووو
وياليت تكوني صديقتي

__________________

ايميلي شكراً على التوقيع عن جد نااااايس

لَيَسَ الَحبُ أنْ تَبقىَ بجانَبُ منْ تَحبُ ..

ولكَنْ الََحَبُ أنْ تَبقىَ َفيّ قَلبُ مَنْ تَحبُ ..