|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#11
02-10-2011, 11:07 AM
| ||
| | ||
| كملو ورد وافنان خطتهم راحو لعند الكلب وافنان ماشاء الله تعرف تتعامل مع الحيوانات راحت ومشته بشوييييييش ووصلته لعند سيارة راشد ومن طبع راشد انه يخلي سيارته مفتوحة في المزارع أو الرحلات العائلية لأنه ضامن ان ماحد بيفتحها <<<مايدري ان ورا البنات بلاوي المهم.... افنان دخلت الكلب في السيارة بكل هدوء وسكرت الباب و تركض وتطير الريح وراها رماس وشذى يستنو اتصال من ورد وافنان الثنائي المستهبل وكانو قاعدين عند البركة وحاطين رجايلهم في المويه الا اتصلت ورد رماس: الو ورد تقول لافنان: اووه هاذي رماسو رفعته خذي افنان انا مااكلمها رماس: خلصينا الخطة الثانية فينشت ؟ افنان: اي يلا جا دوركم رماس: طيب يلا باي وفورا اتصلت رماس على راشد راشد: الو نعم ياهلا من معي رماس: وي بسم الله عطيني وقت اخذ نفس راشد: نعم من معي ؟ وش تبي؟ رماس: اقول بلا فلسفة و تعال بسرعة لسيارتك قبل لاتروح فيها راشد: وش فيها سيارتي؟ رماس: روح وشوف ، ااا صح واختك لحق عليها قبل لاترمي روحها في البركة الصغيرة ( واخته ويييين والبركة الصغيرة وين كانت اخته لاحقه بالكاميرا <<<ماينسون اهم اللقطات) وسكرت وماعطته فرصة يتكلم مسكين راشد يلحق اخته ولا سيارته لا طبعاً في رايه ان سيارته اهم من اخته ورااااح جري ونسي صديقه في البركة مادق ليه خبر مدام ان قدامه سيارة وبلاوي راح وانصدم من الوقف وقف حاير قدامه كلب في سيارته كيف يطلعه؟ طبعاً ردينة تصور أخوها في دا الموقف تحرك خطوتين بعدين رجع وجت على باله فكرة فكر في بعض نتايجها وراح من باب السائق وفتح الباب بهدوء وصارخ بقووووووووووووووة من ورا الكلب الكلب المسكين فز من مكانه وطلع من السيارة ومن حرته راح يلاحق راشد و راشد مالقى ليه حيله رااااااح ركض حوش الرجال راحت ردينة لعند رماس وشذى ردينة: الخطة الرابعة فنشت مين المسؤل عن الخطة الخامسة؟ رماس: قولي والله صورتيه ردينة: افا عليك <<<نسيت ان هو اخوها رماس: اقول روحي تخبي قبل لايجي ويشوفك هنا ردينة: وليش يجي؟ شذى: شفيك نورو نسيتي مو انتي ناوية تغرقي نفسك؟ ردينة: اييييييييه الحين تذكرت شذى: الحمد والشكر لك يارب على رجوع الذاكرة ردينة: اي كانت مسافرة روسيا /\/\/\/\/\/\/\/\/\/\/\/\/\/\/\/ جنى و ربى قاعدين يقطعو توت ويتكلمون ربى: تدرين جنى في واحد يتصل علي جنى: اي ويعني انتي متفاجئة من ذا الشي ؟ اصلا في هالزمن شي طبيعي واحد يتصل عليك ربى: ماقلت اتصاله شي غريب ، لا ، صوته احسه مألوف جنى: طيب ليش ماسألتي وحدة من بنات ابليس يمكن يعرفونه ربى: افا عليك سألت طبعاً بس مايعرفونه جنى: اتصلي عليه وخليني اكلمه اشوف ربى: وش تشوفين؟ جنى: اشوف اذا كنت اعرف ولا لا؟ ربى: طيب خذي اتصلت ربى على موبايل علي / علي تحير يرد ولا مايرد ان رد وش بيقول لها ؟ ربى : مايرد؟ جنى: لا ربى: ااااخ بس لو تسمعي صوته جنى: شفيه صوته؟ ربى : صوته عذاااااااااااااب جنى: ربو لاتقولي حبيتيه ربى: وش حبيت وش كرهت ؟! انا شفته علشان احبه؟ جنى : والله اللي يسمعك يقول وحدة بتمووووت عليه ربى: انطمي بس انطمي رن موبايل ربى ربى: جنو هاذا هو جنى: اي زين ردي ربى: لالا انتي ردي جنى : طيب...الو علي: هلا ....اتصلتي؟<<متورط ماهو عارف وش يقول جنى : اي علي: اي وبغيتي شي؟ جنى: لاسلامتك علي: اذا انتي فاضية ترا انا مانا فاضي محبوس .....<<<كان بيكمل بس انتبه لنفسه جنى: محبوس ؟ علي: اي اختي حابستني في غرفتها متهاوش معاها شوي جنى: خرعتني افتكرت محبوس في السجن<<<ربى وسعت عيونها على: سجن؟! فال الله ولا فالك جنى: اقول ..... مااشتقت الي <<<ربى وسعت عيونها اكثر علي: قلت لك مانا فاضي لك الحين <<< مسكين تورط سكر وقال لنفسه : هاذي صديقة ورد ورماس رايحة فيها لايكون تكلم اولاد افضحها يعني افضحها
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#12
02-10-2011, 11:22 AM
| ||
| | ||
| البارت السابع ربى وجنى اكلو نص التوت اللي في الشجرة وقعدو على الارض يستنو الاتصال لإكمال المهمة الا شافو واحد من الاولاد جاي ركض وهو يقول: شفتهم شفتهم ربى وجنى انحاشو علطووووووووووول جنى: وي هاذا شدراه ان المفتاح معاي؟ ربى: واحد قال لك انه يدري؟ تلاقيه شافنا قال الحقهم جنى : شرايك نروح للبنات يكون احسن ربى : لا ياحظي يكون اسوأ جنى : وليش ياأخت مربى؟ ربى: لأن اذا رحنا اليهم راح نكشف مكانهم جنى: وهم مستخبين يعني؟ ربى : اقول انطمي وخلينا نلف علحيوانات ولفوا الا شافو ورد وافنان/ جنى: تقولين مانروح للبنات ربى: اووه نسيت ان ثنتين كان المفروض يروحون لعند البركة وهم بعدهم هنا افنان: وردو شوفي ربى وجنى مسويين غمامة من تفحيطهم ورد: تتوقعين شوراهم ربى تصارخ : انحااشو ورانا بلاوي افنان: كاهي ردت عليكي كان المفروض تتوقعين ان ماوراهم الا بلاوي ورد: هاذا بسام صديق علووووه يلاحقهم وصلو ربى وجنى لعند ورد وافنان بسام: خلاص وقفو مسكناكم ورد: احنا بنوقف بس ممكن اسال ليش مسكتونا؟ بسام: شنو ؟ وتسوون روحكم ماتدرون افنان: احنا نتكلم جد ، قاعدين لا حس ولا دس وانتو طبيتو علينا ربى: قصدها علينا احنا بسام: المهم خلصوني عطوني المفتاح جنى: اي مفتاح؟ بسام: شفيك انمحت ذاكرتك ؟ مفتاح البركة جنى: اي بركة بسام: لا شكله صحيح انمحت ذاكرتك ورد: احنا قلنا لك ماعندنا اي مفتاح ولو سمحت روح عنا بسام: اروح عنكم ؟ لاوالله صديقي في البركة واروح ولاكأن شي صاير افنان: مين اللي محبوس بسام: انتو تطيرون العقل من الراس (وبعصبية)عطوني المفتاح يلا ورد قررت تنحاش وأول مابدت تركض لحقوها البنات ووراهم بسام وهم يركضون/ افنان: تأكدي ان المفتاح عندك جنى جنى وهي تركض طلعت المفتاح وقالت : عندي لاتخافين ماطاح ولما جات بتحطه في جيبها طاح ولا حست له بسام توقف عند المفتاح واخذه وبعدين اختصر طريقة بين الأشجار الى البركة الكبيرة ^_^_^_^_^_^_^_^_^_^_^_^_^_^_^_^_^ راح بسام لعند البركة مع الشباب وفتحو الباب طلع علي يقول: والله لأوريهم النجوم في عز الظهر راشد: وانا اوريهم القمر في عز الليل الكل يطالعه بتعجب مهند: تدري انك فاضي للمسخره راشد: طبعا ادري، اجل ليش سميت نفسي ( الرجل ذو الضحك على مدار الساعة) مهند: عجبتني ذو الضحك هاذي شرايك تنشرها في الفيس بوك؟ راشد: نشرتها من زمااااان تقريبا من وقت ماكنت في بطن امي بسام: الله على المتطور قاعد في بطن امه يشتغل على النت راشد: اجل شفكرتني جاي من العصر الحجري؟ علي: اقول انتو خلصونا خلونا ندور بنات ابليس موسى: وليش ندور عليهم ماانت طلعت من الحبس وخلصت علي: والنجوم في عز الظهر ؟ موسى: هاذي تحلم تسويها علي: راقب وسجل واحكم موسى: وبعد ؟ اي مهمة اخرى؟ علي: انطم وبلا لقافة لأن اللقافة..... كمل راشد: قرافة مهند: فكرتها من صفات الزرافة موسى: ههههه بايخة يالبايخ مهند: وانت ابيخ وضعف البياخة علي: انطمو واعقلو ياشباب ورانا دواهي ^_^_^_^_^_^_^_^_^_^_^_^_^_^_^_^ اجتمو شلة البنات رماس: خلاص الحين تخربت كل خططتنا الجهنمية الجحيمية ورد: اي والله مادام طلع النا ابو الافكار<<<تقصد اخوها ودارت وجهها على ختها وطاحت عينها في عين رماس وشافت العصبية في ختها <<<ماتنلام دارت ورد على المسافة البعيدة علشان تتجاهل اختها وبكل برود قالت رماس: يلا نفترق ورد حست ان ختها ماتبي تشوفها وفي نفس الوقت حست بريبة في قلبها وحست انها اشتاقت لأختها جنى: ليش نفترق؟ رماس: ............. ماكان عندها سبب غير ختها لكن ماكانت تبي تجرح مشاعرها وان كانت كارهة وجودها شذى: بنات انا خلاص مليت مخي قفل بروح اتمرجح ربى: الله عالعقل اللي مايشتغل الا بالمرجحانة شذى: اي لازم اهز المعلومات شوي علشان تطلع من تحتها الأفكار أنوار: اجل جايه معاك اهزمعلوماتي غادة: عاد انتي انوار مابتطلع ولا ذرة فكرة جحيمية أنوار: لا انا بس ابي اهزهم ربى: اجل جاية اهز معاكم بس خايفة على الاختبار اخاف تخر المعلومات شذى: لا ياربى عقلك مجلد بحديد ورد: الحين انتو كلكم بتروحون تتمرجحون؟ كم مرجحانة في؟ جنى: مرجحانات العالم مجمعة هنا شذى: في خمسة يلا تروحين معانا؟ ورد: يلا بروح رماس: اجل انا وجنى رايحين نمشي شوي ورد: وانتي غادة ...... وردينة غادة : ابي اروح حوش الحريم ارتاح شوي ردينة: وانا جاية معاك ورد: بنات وين افنان ؟ والكل يلف يدور افنان بس مالقوها تبخرت طنشو الموضوع لأن يدرون انها بترجع ^_^_^_^_^_^_^_^_^_^_^_^_^_^_^_^
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#13
02-10-2011, 11:24 AM
| ||
| | ||
| البارت الثامن رماس: اووووف منها حاطة نفسها الزعيمة جنى: انتي شفيك على اختك حرااام ماسوت شي رماس: شاللي ماسوت ؟! وهاذيك الفشلة في الطريق جنى : لحظة وعدت انسيها رماس: المشكلة انها فشلتني قدام راشد<<< زلة لسان جنى : شقصدك رمسو؟ لاتقولين تحبينه رماس: لا انا قصدي انه هو .....<<< ماتدري شتألف جنى : اقول لاتألفين كلام من راسك باين عليك رماس: وشاللي باين علي؟ جنى : انك تبي تشوفينه ، قصدي مشتاقة له رماس: مادري والله هو من زمان ... قصدي طفولتي كانت دايما معاه ومع ... باقي القرايب جنى : بس....؟ رماس: بس دالحين احس بشعور غريب جنى: يادافع المويه في مجاريها رمسو صارت تحب رماس: اقول سكتي ولفت عليها: انتي عمرك ماحبيتي؟ جنى : ..... شبكت ايدينها من وراها وطالعت السما وقالت: يمكن في مرة حبيت بس نسيت رماس: لكن بتحبين وشوفي اذا ماحبيتي تعالي جازيني جنى مازالت تطالع السما بصمت رماس: اسمعي جنى الكلام دا مايطلع لأحد غيرنا جنى : طيب طيب لاتخافين ماباقول لأحد ومشو شوي جنى : رماس اقول لك شي؟ رماس: قولي جنى : انا احب قصدي... لفت رماس عليها وقالت: شفتي قلت لك قبل دقيقتين وحبيت صراحة هاذا اسرع حب شفته بحياتي جنى : رمسو لاتسخري رماس : ماسخرت ياجنى اقول الصدق جنى: ...... رماس: اي طيب مين دا اللي حابته؟ جنى: ......... رماس: اسألك مين اللي حابته؟ جنى : لالا ماباقول رماس: اه يالخاينة انا اقول لك وانتي ماتقولين لي حذفتيني من قائمة صداقاتك خلاص ماعدتي تقولين لي اسرارك زي اول جنى: لا مو قصدي رماس: ادري عنك صرتي ماتثقين فيني جنى : اقول لك مو قصدي انتي فاهمة غلط رماس: اجل قولي ميييييين ؟ ^_^_^_^_^_^_^_^_^_^_^_^_^ العيال مهند: شرايكم نتفرق ونشوف مين اسرع واحد يلاقي خطة جهنمية جحيمية بسام: ههههاي والكل مابيرجع لأن ماحد عنده عقل يشتغل راشد: افا عليك يابسام نسيتني؟ علي: اي هاذا راشد ابو الشباب قصدي ابو الافكار راشد: بتشوفون خمس ثواني وانا راجع موسى: هاذا صار كمبيوتر مو عقل بشري راش: لالا بشر لو حولت تشوفني مخسوف علي: اقول خلونا نجرب نشوف الذكاء ^_^_^_^_^_^_^_^_^_^_^_^_^ افنان كانت قاعدة عند شجرة كبيرة ملازقة رجليها وحاطة راسها عليهم وتهز ورا وقدام ماتدري ان كان في احد مر عليها ولالا كانت تبي وقت للتفكير ووجدت فرصتها ~ تفكر ان لما طاح جوالها ماغير علي نزل للبركة جابه وكان المفروض شلة ابليس مايحبسوه في البركة مع انهم كانو يدورون ابسط وسيلة للترفيه ولاقوها في العيال لكن لسبب مخفي افنان حست بالذنب انها كانت معاهم في الخطة الأولى وكان المفروض انها ماتجازي علي بذي الطريقة على مساعدته وتوقعت توقع كبير انه بياخذ فكرة عنها وانها ماتهتم بالمساعدات~ وبصفتها بنت ماتحب تصير علكة بأفواه الناس قررت تروح تعتذر له او بطريقة ثانية تقول له انها ماكانت معاهم ومن الأمد البعيد شافت شخص منزل راسه مدخل ايدينه في جيوبه وظلت تناظره بصمت لحد ماصار قريب منها شوي رفع راسه وتوضحت علامات الذهول على وجهه وتوترت افنان قامت بسرعة علي: شتسوين هنا؟ ضايعة؟ افنان: ها؟ علي: اقول لك ضايعة عن باقي الصيصان؟ افنان: لا بس حبيت اقعد لوحدي شوي علي: اها ولف يمين لكن افنان وقفته قالت: علي.... علي: نعم؟! افنان: اسمع تراني ماكنت... علي: ماكنتي شنو؟ افنان: لما قفلو الباب عليك ... علي: اي قولي ليهم اني مارح انساها ابداً ها ، عمري مابمررها اليهم افنان: اي بس كنت حابة انك تفهم... علي: شنو اللي افهمه بعد؟ افنان: انا ماكنت مشتركة معاهم في ذي الخطة وانفجر علي من الضحك عليها افنان: شفيك انا ماقلت نكتة بس علي ماوقف ضحك افنان: اوهو علينا علي: يعني انتي جايه تبري نفسك افنان: انا صراحة قلت ... ان انت ساعدتني وكان ... علي: لالا عادي<<< فهم انها ماعرفت تركب الجملة لفت وراحت بسررررعة على حوش الحريم ^_^_^_^_^_^_^_^_^_^_^_^_^ تــــــــــــــــــــــــــابـــع
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#14
02-10-2011, 11:28 AM
| ||
| | ||
| البارت التاسع البنات(ورد و شذى و أنوار وربى )شافو افنان جايه بسرعة ورد:افنان وين كنت؟ افنان: رحت امشي شوي شذى: ربى خلينا نقوم نسوي سباق ربى: اي سباق اي خرابيط ، هو الواحد يعرف يتسابق بهاذي العباية؟ شذى : اي والله صدقتي ، انزين بنات ليش مانروح مكان بعييد في المزرعة ونتسابق ورد: اي وتفكرين ماحد بيشوفنا ؟ وحزب الله منتشرين في المزرعة افنان: اي صح من شوي شفت علي لوحدة ومايندرى .... ورد: غريبة علوووه يمشي لوحده ليش مانسوي فيه مقلب؟ افنان: اوووووه تكفي ورد تراني مليت من المقالب تبعكم ربى: مليتي؟ اتحداك تشوفين احلى من ذي المقالب افنان: ابي اتسابق اشتهيت<<< تحاول تغير الموضوع شذى: قلت الكم خلونا نروح مكان بعيد ونتسابق ربى : طيب خلينا نشوف باقي البنات بيجون ولالا /\/\/\/\/\/\/\/\/\/\/\/\ رماس: جنى خلينا نلف عالحيوانات جنى: وشنو تسويين عندهم رماس: جوالي طاح ابي ادوره جنى: اخاف البقرة... رماس: لابقرة ولاحمار خلينا نروح دق جوال جنى جنى: الوووووو أنوار: صاقعة تصقعك فقعتي طبلة اذني جنى: شعندك متصلة؟ أنوار: رايحين نتسابق تجون معانا؟ جنى: اي طبعاً جايين يلا باااااااااااي /\/\/\/\/\/ اجتمعوا البنات بعييييييد عن حوش الحريم ولمو العبايات كلهم على جنب <<< بدا عندهم الاستهبال رماس اقترحت انه يكونو فريقي ورد وافنان وربى وأنوار في فريق رماس وشذى وجنى في فريق جنى : مايصير كيف فريقكم اربع وفريقنا بس ثلاث افنان: انا عندي حل ، وجدة من فريقنا تصير حكم ربى : انا اصير ، يلا ورد ايش اسم فريقكم؟ ورد: اسمه ..... اسمه ..... احلى بنات رماس :الله يخلف عالاسم ورد: انتي لفي وجهك على ربى واسكتي ربى: لاتبدو هواش واللي يرحم والديكم ، رماس شاسم فريقكم؟ رماس : المبدعات ورد: ياحظي مبدعات في الهبال ربى: يلا بنات انا اقسم ، افنان تتسابق مع جنى تقدمت افنان وجنى على خط واحد ربى: 1 ... 2 .. استعدو.... 3 وانطلقو ركض دور بعد دور بعد دور وتكررت ادوار وادوار ربى: النتيجة النهائية فريق احلى بنات 7 وفريق المبدعات 5 رماس: لالا مايصير المفروض تعوطونا دورين بعد أنوار : على ايش يعطوكم ؟ واصلا حتى لو عطوكم مابتفوزو ، سلاحف انتو ماشاء الله مو فالحين الا في الهبال جنى : انطمي انطمي لاتجيك ضربة بدي الجزمة شذى : اي جزمة سبورت بعد مو حي الله ربى: المهم يابنات فريق احلى بناتهو اللي فاز جنى : مالت على حظنا من سلاحف رماس : الله يخلف عليك ياجنون البقر انتي تتابعي نورو ؟ احنا سلاحف يعني؟ جنى : اسم الله علي ، قالت جنون البقر قالت، اذا انا جاني جنون البقر انتي جاك الصرع رماس: يووووه من دي دعوات اسكت احسن لي لاتجيني دعوة بلا على راسي جنى رمتها بجزمتها وهي تقول: لاجزمة فوق راسك /\/\/\/\/\/\/\/\/\/\/\/\/\/ العيال رجعو تجمعو علي: صراحة عقولنا مقفلة الحين ماطلعت عندي ولا فكرة غير ان نروح الحوش نرتاح مهند: وش نروح الحوش انت بعد؟ جايين المزرعة علشان نجلس في الحوش علي (يقلد فؤاد في طاش ماطاش) : بلا بشكلك انت التاني ، اكلتني بقشوري مهند: منت برتقالة اكلك بقشورك بسام: انا بروح راشد: هيه هيه هيه ، على وين بسام: عالحوش يااخي تعبت من المشي علي: رايح معاك راشد: انتو منتم عيال مزارع بسام: اي طبعاً شايفنا مولودين في المزرعة راشد: لا يالغبي قصدي منتم .... يعني ماتشجعون على الاستهبال علي: خلي الاستهبال لشلة ابليس موسى: عيال شرايكم نلعب كورة؟ علي: اوهو علينا ، نقوله نبي نرتاح يقول نلعب موسى : لا يااخي انا كلمت راشد ومهند بسام : واي لعبة كورة يلعبوها ثلاثة بالله عليك؟ موسى : افا عليك الحين اقوم ابوي وعمي وانتو وراهم علي: تحلم اقوم العب معاكم ، انا رايح الحوش /\/\/\/\/\/\/\/\/\/\/\/\/ البنات تعبو من الركض والتنطيط رماس قعدت عند شجرة وتفكر: انا ليش ماقلت لجنى اني احب راشد ؟ لالا يمكن تقول لأحد ، لا جنى ماتسويها اخاف اقول لها وتروح تقول لباقي الشلة ، انا باقول لها واتوكل على الله ويمكن اذا قلت لها تقول لي اهي من تحب، واضرب عصفورين بحجر<<< الله على التخطيط رماس: اقول جنى جنى : هلا رماس : ابيك بموضوع شذى : من ورانا ، في اسرار بعد؟ رماس : اقول اذلفي مناك جنى جلست جنب رماس : خير غناتي شصاير رماس : ماصاير الا الخير ، بس حبيت اقول لك ... راشد ... جنى : شنو شنو <<< اشتغل الفضول رماس : اسمعي لكن اذا قلت لك انتي تقولين مين تحبي جنى : اه يالحيالة ، طيب بقول ، بس انتي قولي اول رماس: ايه جنو احبه بس... جنى : هههاي شفتي انا كنت عارفة من البداية ان السالفة فيها ان رماس : يلا يلا قولي مين تحبي؟ جنى : صراحة استحي اقول رماس : يلا قولي قبل لا تجي اللقافة <<< تقصد البنات جنى : مهند رماس : شنو ؟ جنى : وش الا شنو ، اقول لك مهند وبدأـ جنى تفضح الاسرار جنى : وتدرين ان ربى تحب واحد رماس : احلفي ومنو هاذا؟ جنى : الغبية ماتدري رماس : كيف ماتدري ؟! جنى : واحد يتصل على جوالها والغبية مافكرت تسأله من يكون رماس تذكرت انها متفقة مع اخوها يسوون مقلب في ربى ولحد الحين مااعترفت الها رماس : وهي قالت لك انها تحبه؟ جنى : لا قالت ( وتقلد ربى ) صوته عذاااااااااب رماس: وماتعرفين كم الرقم جنى: لا والله بس كان نهايته 995 رماس تقول لنفسها: اي اكيد هذا رقم علوووه ، اه ياربى حبيتي اخوي ها؟ جنى تلوح قدام وجه رماس : هيه وين سرحتي؟
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#15
02-10-2011, 11:32 AM
| ||
| | ||
| البارت العاشر رماس : سلامة عمرك ماسرحت في شي جنى : رمسو بسألك.. مو ناوية تعترفين لراشد انك تحبيه؟ رماس اخترعت: شاعترف له يالغبية : راشد انا احبك . كان يعطيني كف يطير راسي جنى : وليش ياحظي ولد عمك رماس: اي ولد عمي صح لكن يافالحة كل طفولتي معاه يعني مثل اخوي مايصير احبه جنى : وياغناتي من وين جبتي لنا هالقانون ؟ رماس: شقصدك؟ جنى : كم وكم واحد أخذ بنت عمه؟ /\/\/\/\/\/\/\/\/\/\/\/\/\/\/\/\/ علي وبسام قاعدين في الحوش لوحدهم بسام يحوس في جواله وعلي قاعد سرحااااااااااان بسام: هيه ياولد وين وصلت علي: جبال الالب بسام: ايه ومتى راجع علي: بعد دقيقة بسام: الا بسألك وانت تمشي برا ماشفت حزب ابليس؟ علي تذكر انه شاف افنان : لا ماشفت احد ليش تسأل؟ بسام: اخاف انك شفتهم وسويت فيهم مقلب بدوننا بسام لف لجواله وعلي رجع شرد بعييييييييد لما لاقى افنان عند الشجرة ... لالا خليه يشيل هالافكار من راسه اخ بس لو كان راشد معاه كان ماسكت الا بسهاية قطع تفكيره صوت الباب بسام : وجع يوجعك ماتعرف تفتح الباب بشويش؟ موسى : ابي مويه عطشت من اللعب والحماس بسام: اخبار المباراة تبعكم؟ موسى : الكبار سجلو قول واحد بس ، خلاص راحت ايام شبابهم بسام: وانتو ؟ موسى : احنا زايدين عليهم بثلاثة بسام: واجد عليكم طلع موسى وصفع الباب وراه علي: عمى يعمي ابليسك ياآدمي رن جوال علي ، طلعه من جيبه شاف الرقم رقم ربى طلع برا الحوش وابتعد شوي علي: الوو ربى : هلا علي: نعم؟ ربى : شفيك قالب خلقتك؟ علي: شتبين خلصيني؟ ربى : هو شفيك معصب علي ضايقتك؟ علي: لو سمحتي مانا فاضي ربى : ليش شفيك، قلي ضايقتك باتصالي ؟ اسفة اذا ضايقتك بس وربي اشتقــ علي: اسمعي يابنت ، على ذا الرقم لاعاد تتصلين سامعة؟ وقفل في وجهها /\/\/\/\/\/\/\/\/\/\/ في ذاك الوقت ربى حست بالخوف والضيق واليأس توها مالاقت الحب لأول مرة بس طردت اليأس واتصلت مرة ثانية رن الجوال وكان علي في المطبخ يغسل يده بسام رد عالتلفون بسام : الوو ربى :......<<< حست ان الصوت مختلف بسام: الوووو ربى : .... بسام: وجع يوجعك ليش ماترد علي : مين متصل بسام : شدراني واحد مايرد اخذ علي الجوال علي: الوو ربى : اسمعني قبل لاتسكر بوجهي طلع علي برا الحوش بسام : شسالفته هالولد علي: مو قلت الك لاعاد تتصلين على ذا الرقم؟ ربى : اسمعني قبل لاتقول اي شي ... ابي اقول لك حاجتين علي: خير ... ربى : الحاجة الاولى ابي اعرف اسمك والحاجة الثانية ابي اقول اني ... اني حبيتك من... سكر مرة ثانية لكنها رجعت واتصلت مارد رسلت له : لاترد بس قول شنو اسمك؟ رسل الها: انا علي ارتحتي دالحين؟ ربى جاتها حديدة فوق الراس شنو دي البلوة ربى حبت اخو صديقتها من دون مااحد يدري والبلوة الاعظم انها اعترفت له من دالحين ورايح ربى ماتقدر تقابل ورد ورماس حتى لو كانو مايعرفون شي وان قابلتهم راح ترتبك اتصلت فورا على ابوها ربى : يبى تعال لي مزرعة ابو يوسف ابي ارجع البيت ابوها: المزرعة اللي في حي... ربى : اي يبى هي ابوها: جاي لك مسافة الطريق بس رجعت ربى مع ابوها للبيت ورسلت رسالة الى جنى تخبرها انها طلعت من المزرعة /\/\/\/\/\/\/\/\/\/\/\/\/\/\/ جنى : بنات ربووو طلعت من المزرعة رماس: شنو ؟ متى طلعت؟ جنى : مادري أنوار : وليش ماقالت النا؟ جنى : بنات ماادري عن شي شذى : هالبنت اكيد وراها سالفة ورد: انزين ليش مانتظرت احنا بعد شوي راجعين البيت؟ رماس: انتو ماتدرون يمكن امها احتاجتها في البيت ولا صار شي لاتحكمو عل البنت قبل ماتعرفو شصار /\/\/\/\/\/\/\/ رجعو للبيت قبل المغرب بربع ساعة وصلو وصلوا وخلصوا كان الكل قاعد في غرفة الجلوس علي ورماس وورد والام فاطمة ورضا رماس: ورد ممكن تجي شوي ورد: خير شعندك ؟ الام: ورد حرام عليك ليه تعاندين كذا خلاص صالحي اختك و انتهينا ورد سكتت وقررت تروح لرماس احسن من القعدة وتستقبل التهديدات من امها ورد: خير وش تبي رماس: ابي اكلمك في موضوع ورد ورد: وشنو دا الموضوع؟ رماس: بخصوص ربى و.. ورد: ربى ومين؟ رماس: ربى وعلي ورد: ربى وعلي؟ مافهمت
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ( شيء مؤلم ) | ابتسآآآم نآصر | روايات الأنيمي المكتملة | 110 | 01-03-2016 04:54 PM |
| روآية ؛ [ قلبي لك ] ! ~ من تأليفي [ كلي جآذبية ] | كلي جآذبية | أرشيف المواضيع الغير مكتمله او المكرره او المنقوله و المخالفه | 416 | 09-02-2013 07:12 PM |
| بخاطري | ابراهيم الرشيدي | شعر و قصائد | 0 | 09-20-2009 01:52 AM |
| صور لا تنسى في حياتي :: صور أثرت فيا وعمري ما انساه :: بس نصيحه الي قلبه ضعيف ميدخلش | fares alsunna | أرشيف المواضيع الغير مكتمله او المكرره او المنقوله و المخالفه | 10 | 07-13-2008 11:54 PM |
العرض العادي
