يتبع...

يتبع..

يتبع..

فهد رفع يده وجاء بيعطيها كف إلا بيد راكان تمنعه والشرار يطلع من عيونه:حدكـ لهنا..يدكـ لاتعلا عن حرمتي وعمتي..


فهد بحده:وأنت وش دخلكـ..ويلا انقلع برا.."والتفت لجيهان" أنا أوريكـ..


وجاء بيمسك جيهان إلا بيد راكان تسحبهـ من كتفه بقوة والشرار يطلع من عيونه:أن لمست شعره منها متلوم إلا نفسكـ يافهد..


فهد دفع راكان بقوة لين طاح شماغهـ..


وسحبت جيهان وعطاها كف وأم فهد تبعده عنه وفهد رفع يده وضرب أمه بقوة على وجها!!!


راكان قام من الأرض وسحب فهد وأسدحه بالأرض بقوة..وعطاه بكسات بوجهه..


وسط صراخ أم فهد وجيهان وبدريه


أم فهد تبكي وهي ماسكهـ بأعمده الدرج..


جيهان ضمت أمها وهي تبكي من الخوف وشده الموقف..


فهد حاول يبعد راكان..بس راكان أقوى واطول منه


وعطاها كف قوي بوجهه طلع دمامين وجهه..


اقتربت جيهان من راكان وبعدته بقوة عن فهد وهي تصارخ:بس..بسس..خلاص..


فهد قام من الأرض وهو يمسح فمه ألي ظهر من دم وبحده:تضربني قدام زوجتكـ..


راكان بعصبيه:وأكسر راسكـ بعد..


بدريه:وأنت وش دخلكـ بينهم..ذول أهله واولى فيهم..


راكان طالعها بنصف عين:يازينك وأنتي ساكته بس..


فهد بحده:لاتطاول على حرمتي..


راكان بثقه:وربي وعالي سماه أن ودي ألي جاكـ يجيها لكن للأسف هي حرمهـ.."وناظرهم من فوق لتحت"ويدكـ ان مدت على عمتي وجيهان لأخلي ألي جابكـ هو ألي يدفنكـ..


واقترب من فهد واسدح بالأرض وناظر بأم فهد:تعالي دوسيهـ..


أم فهد بين دموعها:مقدر ذا جاء من هنا"وهي تأشر على بطنها"


راكان بقهر:شفت ياكلب..ياقليل الأصل..ذي الي رافعها فوق..


فهد قاطعه بحده:لاتغلط عليها..


راكان بسخريه:والله أنك كلب..ونذل ونجس..لو أمك مقلت كذا عنها.."والتفت لأم فهد بعصبيه"تعالي دوسيهـ..ذا حيووان..لزوم يتربى من اول وجديد..تعالي دوسيه برجلكـ..


أم فهد بنوحه:مقدر يا راكان..مقدر..اهئ..اهئ..


جيهان اقتربت منهـ وبعدت راكان عن فهد..ألي كان جالس فوقه..


فهد خذ شماغهـ:أنا أوريكـ ياراكان..هين هين..


وراح للباب واتبعته بدريهـ ألي كانت منقهره من تدخل راكان ودفاعهـ عن أم فهد وجيهان بشراسهـ....


راكان بصوت عالي:بألي مايحفظكـ..


أم فهد جلستـ على الكرسي وهي تبكي:حسبي الله عليكـ من ولد..حسبي الله عليكـ..


راكان اقترب منها:وربكـ ألي خلقكـ..أن ألي نزل دمعه من عينكـ لأنهيه..


أم فهد بين دموعها:لا ياولدي لاتقول كذا..


وجاء بيطلع إلا بيد أم فهد تمنعه والدمعه بعينها تنزل على خدها:تكفى يا ولدي لا تسوي شيء له..تكفى..


راكان شاف الدمعه بعينها وانقهر من كلامها وضرب يده بالحائط بقوة..


كنت منصدمه لموقف راكان ودفاعه عني وعن امي ولأول مرة احس ان لي سند بعد عمي سعود..نزلت دمعه من عيوني..


وأنا أشاهد هالموقف اقتشعر جسدي بالكامل..وأنا ارى أبن يمد يده وعلى من!!! على والدتـــهــ..


يالله ارحمناا..يالله أرحمناا برحمتكـ..


<<لاتظن أن هذا الموقف من نسج الخيال..بل بكل آسف أنها واقع..حدثت بمنطقتي (العيون)


وأنا الآن أسرد جزء منها..وساتابع نقل الموقف والرواية باكملها..


فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً

تذكر قول الله سبحانه وتعالى :

اللهم اعنا على بر والدينا...

.


.


.


ناظرت فيهـ:لحد الآن زعلان مني..


سعود ويده على خده:أنا مو زعلان..لكن..


ريم:لكن وش؟؟


سعود:لكن شايل بخاطري منكـ..


ريم مدت بوزها:لحد الحين ياسعود..قلت لك وربي منيب مكررتها ابد..


سعود تنهد:يا كثر وعودكـ ياريم..


ريم مسك يده:هالمره جد يابعد ناسي..


سعود ناظر فيها:أكيد..


ريم بابتسامه:أكيـــد..


سعود:وان عدتيها ياريم مالك رجعه عندي ابد..حتى لو يتوسط لي عبدالله بن عبدالعزيز مارديتكـ..


ريم بضحكه:متاكده أنت حتى لو توسط لكـ منت رادني..


سعود:هههههههه..افا عليك بس..هو خليه ينظر بوجهي هالاملح بعدها يتوسط لي..


ريم باابتسامه:الله يطول بعمره يارب..والله مقصر أبد مع الشعب..


سعود:أي والله صدقتي..اجل استلمتوا حافز..


ريم بفرحه:تصدق من استلموا البنات هالحافز وكل وحدة تصلح نفسها ههههههه..


سعود باابتسامه:بل..مصدقوا على الله..


ريم:أي بالله صدقتـ..على طول للمستشفيات ولا بالسوق..


سعود:كان الله بالعون..


.


.


.


يم الباب:عاد لاأوصيكـ على أمكـ..


جيهان:لاتوصي حريص..


راكان:حاولي قدر الأمكان اسعادها..با أي وسيلة..


جيهان ناظرته بهم وحزن:توصيني أنا على امي ياراكان..


راكان اقترب منها وحط يده على خدها:هالنظرات الحزن ما أبي أشوفها طالمهـ انا جنبكـ..


جيهان:.............


راكان مسكـ يدها:جيهان..


جيهان(قلبها):هلا..


راكان باابتسامه:لا عاد أشوفكـ حزينة..


جيهان ردت له الابتسامه:إن شاء اللهـ..


اقترب منها وباس جبينها:يلا سلام..


جيهان:بحفظ الرحمن..


وسكرت الباب الرئيسي وقلبي معلق بهـ..


ليه ياراكان تحاول تحببني فيكـ زود..ما أبا أحبكـ أنا..ولا حتى شوي..ما أبي أتعذب مع واحد زيكـ صايع..


بس الموقف ألي صار اليوم اثبت لي أن به رجال بهالزمن..أمثال غير عن أبو يوسف وفهد وأبوي..أمثال عمي سعود..الله يكثر أمثاله..


دخلتـ لصاله وشفت أمي نفس وضعيتها جالسهـ على الكرسي ودموعها تنزل..


اقتربت منها:يمه خلاص لاتعورين قليبي..