|
|
#326
07-24-2012, 12:28 AM
| ||
| | ||
| فاطمه ألي كانت تناظرهم وتسمع بصمت وبقهر:غلطه امي انها خلتك تطلعين وتروحين على كيفك وانها عطتك الثقه الزايده..واعذريني على هالكلام يايمه ولكن ذا واقع ويامال عبدالله يحذرك من لبسها وطلعاتها وانتي تقولين له مالك دخل في بناتي.. ام عبدالله وام راكان مقدروا يردون على كلامها لان صحيح..ولا وش سبب انحراف اروى الا الثقه الزايده ألي نعطيها ببناتنا..حلو الثقه ولكن أي شيء ان زاد عن حده ينقلب ضده..ام عبدالله ألي بكت بكلام بنتها فاطمه وعضت اصابعها ندم على الحريه ألي عطتها بنتها..ولكن لافات الفوت ماينفع الصوت..ماندرك الحقيق هواننا على غلط الابعد فوات الأوان..!! فاطمه كملت كلامها ألي تفجر من قهرها على امها:وانا يايمه لما أكلمك عنها تظنين أني اغار منها.. ام راكان قاطعتها:بس امك عرفت خطأها.. فاطمه بسخريه:لاتقصين على نفسك ياخالتي..وش بعده..بعد ماشوهت السمعه بنتها المدلله راعيه الموضه والأستايل..(بين دموعها)ألي أعرفه انا وخاتمته ان سمعتي وسمعه اهلي بالحضيض..والخبر انتشر بسرعه البرق..(وألتفت لأختها وبكره)أنا ألي ابا اعرف شي واحد بس..أنتي مافكرتي فينا؟؟مافكرتي لودرا ابوي ولا اخوي وش بيسوون فيك والسمعه راحت خلاص؟؟ اروى ببرود شديد وبكل انانيه:انا ماكان همي الا اني اشوف عزوز..وان أتزوجه ونعيش ببيت وااحد.. فاطمه مستغربت من رد اختها:كنت متوقعه ان ردك ذا..بس حبيت أتأكد قلت يمكن بعد ألي صار بتحس شوي وتبدأ تفكر بغيرها موبنفسها..وطلعت غلطانه..وطلعتي انانيه فوق اللازم ومهوب جديد عليك.. ام عبدالله بنوحه:خلاص أنتي وياها..اعنبوكم ماتحسون فيني..خلاص ارحموني.. فاطمه خنقتها العبره:ماينفع احين الكلام خلاص..(وألتفتت لأختها)ومقول ألا حسبي الله عليكــ..حسبي الله عليكـ.. ام راكان أللي كانت ساكته..جات عبير ومسكت يد ام زوجها:تعالي ياخالتي استريحي.. وقامت معها ام عبدالله وتسطحت بالسرير.. واروى راحت وفاطمه ألتفتت لخالتها سمر:انا أكيده أنك تبوسين يدك وجه وظهر على انك ماخذتي اروى لولدك راكان..اكيد طاحت من عينك... ام راكان:السالفه فاطمه قاطعتها وبثقه:لاتكذبين ياخاله قولي الصدق لوكانت الحقيقه مره.. ام راكان اسكتت لأن كلام فاطمه صح..مقدرت تقول نعم ولا لا..!!! . . . على الساعه7:10 وبعد مخذيت الدوش المنعش..للمره الثانيه باليوم أتروش.وبعد مدهنت جسمي باللوشن وبخت جسمها بمجموعه روائح زكيه ولبست فستانها من النحر ومزموم على الخفيف وينزل على الأكتاف ببراعه ومن تحت الصدر حزام متوسط العرض فريد بلون الزيبرا(الحمار الوحشي) وينزل الفستان الفوشي لتحت ركبتها..وصندلها العالي التركواز وكحلت عينها من زواياه وكثفت الماسكارا السوده وحطت حبه خال قريب من خدها ومن شفاتها والبلاشر الزهري وغلوس زهري لامع..وفردت شعرها على اكتافها ليسترسل لاخر خصرها..ولبست حلقها الطويل الناعم الفضي..فتحت علبه اكسسواراتها وكانت تدور قلاده بس ملقت شي يناسب لبسها...تنهدت وخذت العطر وتسبحت بالعطر.. ومحست بالي يناظرها من بعيد خق لى شكلها ورجله تمشي بصوبها..ابتسم بلاشعور لما عوجت شفاتها لان مالقت شيء يناسب فستانها.. اقترب اكثر وضمها من ورى بكل شوق لها وبهمس:أشتق تلك.. جيهان بخوف:بسم الله الرحمن الرحيم..خوفتني.. راكان باس خدها:بسم الله عليك..علامك مكشره من شويات.. جيهان مدت بوزها:احس ان نحري فاضي والفستان ناعم حيل وحابه ألبس قلاده بارزه بس مالقيت شيء يناسن الفستان.. راكان:......... جيهان:بس معليه..مهوب لزوم.. راكان مست يدها وقربتها من المرايه وبهمس ذوب قلبها:كل هالجمال وتريدين حاجه تبرز الفستان..انتي تبرزين الفستان هو شين.. جيهان باأحباط قاطعته:صدق يعني ماعجبك؟؟ راكان لفها قبالها:انتي ألي حلتيه.. جيهان نزلت راسها بحيا ودلع:صدق.. راكان ذاب من دلعها:صدق ياقلب راكان انتي.. جيهان ابتسمت من كلامه..حبيت نظراته وثنائه على شكلي حسسني اني احلا البنات واجملهن..حسيت كني ملكه..حسيت اني ملكت قلبه .زقلبه مره وحه يا جيهان>>صوت اخر بداخلي يقول كذا..!! نسيتي اروى..ألي يحبها وان انتي ألي فرقتي بينهم وان هو مجبور عليك..اصحي من الحلم ألي انتي فيه ولاتحاولين انك تكوني جزء منه لانك ولاشيء بنسبه له وهو قالها.. ابتعدت عنه بسرعه..وانتبه على هالشيء حس انها تبا بعاده.. جيهان توجهت للمرايه وعملت حالي كني اصلح حاجه فنفسي..اقترب منها ورفع القلاده ألي كانت بيده ولبسها اياه.. بنسبه لجيهان.. كنت ابي ابتعد منه باأي وسيله تذكر مابي اتعلق باأمل كاذب..انتي ولاشي بنسبه له زي ما قال..رحت للمرايه وانا احاول ابين له اني مشغوله باأي شيء..حسيت فيه وراي من هيبته وطوله وشفت يده تقترب من عنقي ورفعت وجهي للمرايه وشفت العقد ألي حطه برقبتي..عجبني حييل كان لامع بشكل ملفت.. راكان بعد ماسكر القلاده من ورى لفها قباله وبا اعجاب:هو عاجبني بس يوم لبستيه عجبني اكثر..انتي حلتيه زوود.. جيهان غمضت عيني بشده لأني مابغى مجاملاته تأثر علي اكثر من كذا.. ياراكان ببساطه كسبت قلبي وروحي وكل شيء في جيهان..!!! متى وكيف واين ولماذا..ماادري..؟؟ ببساطه جعلت روحي تدمنك كلك..!! تعرف كيف ادمنتك ياراكان.. يتبــــع... |
|
#327
07-24-2012, 12:30 AM
| ||
| | ||
| ياراكان ببساطه كسبت قلبي وروحي وكل شيء في جيهان..!!! متى وكيف واين ولماذا..ماادري..؟؟ ببساطه جعلت روحي تدمنك كلك..!! تعرف كيف ادمنتك ياراكان.. انا متيمه فيــك..ولاانت داري.. وتحب غيري ولازلت تحبها.. كلمات تفجرت بداخل جيهان..ماقدرت تبوح له فيها..ولي تبوح له وهو مهوب حاس فيها.. جيهان باأبتسامه مزيفه:الصراحه عجبتيني حيل تسلم ماتقصر... راكان مسك يدها ورفعها بشويش وباسها وبحب:يكفي عندي انها اعجبتك ياغناتي.. جيهان كان ودي اصدق كلامه بس مقدرت مع ان شيء بداخلي يقول صدقيه وعيشي وشيء اخر يقول لالاتعيشين بعدها انتي تتعذبين..مهوب حد غيرك متعذب... نزلت يدي من يده بشكل سريع ومفاجئ..بتردد:العمه تنتظرني.. راكان كان يجهل تصرفاتها الغريبه وبعادها عنه بس فسرها على انها خايفه:طيب..حصنتي نفسك؟؟ جيهان:أي الحمدلله.. راكان رفعت يدي لجبينها وقريت عليها قران والادعيه حفظها من العين والحسد بأذن الله.. جيهان استغربت من حركته وصرت اناظره بضياع..مدري وش السواه معك ياقلبي..خاطري ادفن راسي بصدره الحنون واعيش الحب معه..آآآآه ياقلبي مدري وش صابني وانا حالي مايعلمها الا ربك.. انكر حبي لك حتى مع نفسي لا اود الاعتراف بذلك..!! وعيت على قبلته الدافئه على جبيني وناظرته بصدمه.. راكان باأبتسامه:الله يحميك.. جيهان مقدرتا رد عليه واعرف ان تميت بالغرفه دقيقه وحده بضعف وبصرح بحبي له وانه ملك كل شي فيني.. توجهت للباب وطلعت من الغرفه من دون منطق حرف الواحد.. اخذت نفس عميق قبل مانزل لدرج.. ونزلت بخطوات ثقه تخالف شعوري الداخلي.. خوله باأبتسامه وبا أعجاب شديد:اقدم لكم جيهان صاحبه العزيمه ذي.. ..الكـــــل ألتفت لهاا.. جيهان ابتسمت بصعوبه بالغـــه وسلمت على الكل وجلست بجنب العمه.. ريما:من جيهان ذي..حرمه ولدك؟؟ خوله بنفس ابتسامتها:ياليت والله..ذي حرمه ولد اخوي راكان.. الكــل:اهاا.. ريما:ماشاء الله عليها جمال وربي.. جيهان باأبتسامه:تسلمين ياقلبي عيونك الحلوه.. ريما:لسانك عسل لااله الا الله.. جيهان تناظر بعمتها:اجل ماعرفتيني بالمزايين.. خوله تأشر:هذول كلهم صاحباتي بالشر والخير(وهي تأشر)هذه ريما وجنان وغزاله وشمس ووداد وعايشه وليلى.. جيهان تناظر فيهم:الله يحفظكم يارب عاشت الاسامي.. وداد:من متى وانتي متزوجه؟؟ جيهان:توني ماخذت شهر.. وداد:ماشاء الله.. ليلى:الله يسعدك يارب..والله ملكه جمال.. جنان:اجل ماعندك اخت تشبهك؟؟ جيهان بضحكه:لاوالله يالغاليه وحيده امي وابوي ماعني اخت ثانيه.. جنان بخيبه امل:حسافه والله.. خوله:جيهان مالها شبيه لا بشكلها ولا بسلوبها.. شمس:اجل مبسوط معك راكان؟؟ غزاله:وش هالسؤال قصدك مومصدق ان ماخذها.. الكل:ههههههههههه.. جيهان:هههههه وش دعوه عاد.. جنان:مكذبت غزاله جمال ورزه ولسان عسل.. خوله:قولوا ماشاء الله.. الكل عدا جيهان:ماشاء الله.. ريما:عيونا مهيب حارره يا ام عاصم.. خوله:عارفه بس العين لها حقها ياريما.. ريما هزت راسها با نعم:أي بالله صدقتي.. جات لنا الخدامه وميرنا وانعجبت من لبسها..كانت لابسه بنطلون ماسك على جسمها بلوزه طويله باأكمام حاير وصايره نعومه حيل.. جيهان بمديح احرجت ميرنا:وش هالزين كله لااله الا الله.. ميرنا بحيا:تسلمين عيونك الحلوه.. غزاله:مين هاذي؟؟ جيهان باأبتسامه:زينه البنات كلهم ميرنا بنت عمتي خوله.. غزاله عجبها جمال ميرنا:تبارك الرحمن..لاتقولين انها متزوجه اخو راكان بعد.. الكل:ههههههههههههه.. جيهان:ههههه الله يخس شيطانك بس.. غزاله:هههههه على بالي بعد..بجد محظوظ ألي ماخذك.. جنان:والله مكنتي متزوجه كان خطبتك لولدي.. شمس:لا ولدي قبل.. خوله:ههههههه وين راكان يسمع هالكلام.. الا برنه جوالها وردت باأندفاع:سبحان الله جبنا سيره الاؤط قام ينط.. راكان:ههههههههه مدري وش سالفتكم انتوا مغير حش فيني.. خوله بضحكه:ليه به حد حش فيك.. راكان:كثير والله..وش بقول لك سوي لي درب بطلع انا برا.. خوله:تعاال بعد... شوف الحريم وش يقولون؟؟ راكان:كي... سكرت السماعه بوجهه ودخلت ميرنا داخل الحريم تغطوا.. ..نزل من الدرج.. يتبــــع... |
|
#328
07-24-2012, 12:32 AM
| ||
| | ||
| خوله بضحكه:ليه به حد حش فيك.. راكان:كثير والله..وش بقول لك سوي لي درب بطلع انا برا.. خوله:تعاال بعد... شوف الحريم وش يقولون؟؟ راكان:كي... سكرت السماعه بوجهه ودخلت ميرنا داخل الحريم تغطوا.. ..نزل من الدرج.. خوله:تعال راكان شوف وش يقولون..يبون جيهان لعيالهم.. جيهان كنت اصب لهم القهوه والشاي ولما سمعت اسمه صنبرت مكاني:............. راكان اقترب من الصاله ألي كانوا به الحريم.. غزاله:أي بالله مكذبت.. جنان:وانا معها..اذا ماتبيها عطنا اياها.. راكان مجرد التفكير انها بتكون لواحد غيري يجنني وبحده:جيهان لي انا وبس..راحت عليكم والله.. ريما:حافظ عليها ياراكان..جيهان ألماسه وجواهر ثمينه.. راكان والغيره تتملكه:جيهان بعيوني الثنتين..وانا مقدرها.. خوله بضحكه:ماتنعطون وجه انتوا عصبتوا الرجال..تعال معي شوي ياراكان.. ..وابتعدوا عن الصاله.. الكل عدا جيهان:ههههههههههههه.. ريما بغمزه:الله يعينك على غيرته ياجيهان.. جيهان(غيرته؟؟!!هو ميغار علي) شمس:هههههه بسم الله عليكم عسل والله.. وداد:أي بالله..يبدوا انه يحبك حيل ما شاء الله.. ليلى:اكيد كل هالزين ولايغار عليها.. ريما:هو مويغار بس.. الايموت فيها.. جيهان احس من كلامهم كني ملكه جمال وانا مشوف نفسي جميله لهدرجه ذي وقمت:اعذروني شوي.. وطلعت منهم..ومن صوتهم الشبه عالي نسبيا.. راكان بنكران وعدم تصديق:انا ماغار عليها.. خوله:لاتكذب على نفسك..انت ميت غيره.. راكان:لحبيتها ذيك الساعه اغار عليها.. جيهان تمنيت ان الارض تنشق وتبلعني ولاأني اسمع كلامه للمره الثانيه تجمعت الدموع بعيني.. خوله تنهدت:الله يهديك بس.. راكان:انا لنسيت اروى ذيك الساعه بيكون لك حادث حديث.. ابتعدت عن المجلس وتوجهت للمطبخ وشفت ميرنا.. ميرنا لاحظت على جيهان الحزن:فيك شيء؟؟ جيهان ادعت البسمه:ابد فديتك من الضحك دمعت عيني.. ميرنا صدقت كذب جيهان:جد وش قايلين ووش سوا راكان.. جيهان تألف القصه:ابد صارت هوشه وطلعت منهم.. ميرنا:اهاا.. جيهان تدورهم بعيونها:اجل وين باقي البنات؟؟ ميرنا:مايبون ينزلون..رافضين كلام امي عن لبسهم.. جيهان سكتت شوي بعدين ردت:اجل وش مسويين على العشاء.. ميرنا:لسى الخدامه ترتب الغرفه.. جيهان:بساعدكم اجل.. ميرنا:لااااا انتي صاحبه العزيمه ولاتنسين انك عروس.. جيهان(انا عروس اسم بس):لا عروس ولا خرابيط يلا اساعدكم منشان الوقت.. ..وبالمجلسس.. راكان:انا شفت عاصم عند البحر.. خوله باأندفاع:صدق؟؟ راكان:أي وقال لي انه بيجي باآخر الليل.. خوله بفرحه:الحمد لله.. راكان:ليه مايجلس بالبيت ياعمه؟؟ خوله من كلام راكان اعرفت ان جيهان ماقالت له وكبرت جيهان بعيونها لانها حافظت على سر من اسرارهم.. خوله:مدري عنه ياراكان..يلا انت روح وانا بروح لعند الحريم لان مابه وقت على العشاء.. راكان:يلا فمان الله ياعمه.. ..ووصلته للباب... وراحت اجلست عند الضيوف وبعد دقائق تجهز كل شيء بغرفه الطعام.. الحريم عجبهم طرق التقديم والعشاء الرومنسي.. ليلى بعدم التصديق:ذا يستحيل يكون ترتيب الشغاله..!! ميرنا باأبتسامه:ذا ترتيب جيهان.. الحريم باأعجاب اكثر بجيهان:يبارك الرحمن منري وش نقول عنك..يابخت راكان فيك.. جيهان:ماكنت لوحدي ميرنا والخدامه ماقصروا..والله لايقصر عليهم يارب.. خوله باأبتسامه:كثر الله خيركم..ويلا تفضلوا... ..وجلسوا الحريم على مائده الطعام ألي مكونه من أطباق عده ووجبات رئيسيه وجانبيه وانواع من الحلى والشوربه والسلطات وشموع الطاوله والأناره خافته..حبت مثل الحفلات الراقيه المفعمه بالهدوء والراحه.. ابسط الاشياءتجعل من الحفله بمنتهى الجمال ولها رونق وجمال آخاذ.. . . . قبل ساعات معدوده وبالحكمه عقد قرآن حنان بنت خليفه على ابراهيم.. سعود باأبتسامه:مبروك عليك حنان يا ابراهيم.. ابراهيم باأبتسامه:الله يبارك بحياتك.. ابوراكان:عاد مااوصيك بحنان..تراها زي بنتي.. ابراهيم بنفس ابتسامته:توصييني على قلبي ياعمي..؟؟ ابوراكان:انا لله..الرجال صار شاعر.. الكل:هههههههههههه.. سعود:متجوز عن تعليقاتك يا حموده ابد..هههههه.. ابوراكان:وانا عند ربي صادق.. ..وركبوا السياره.. حنان بهمس:عمي.. سعود ألتفت لها:سمي ياعروسه.. حنان بحيا:عمي..اذا ممكن حابه اشوف خواتي قبل مروح لعند ابراهيم.. يتبـــع.... |
|
#329
07-24-2012, 12:34 AM
| ||
| | ||
| ..وركبوا السياره.. حنان بهمس:عمي.. سعود ألتفت لها:سمي ياعروسه.. حنان بحيا:عمي..اذا ممكن حابه اشوف خواتي قبل مروح لعند ابراهيم.. سعود:بس انا منصحك ياحنان..تلقينه قالب البيت فوق حدر يدور عليك وان جيتي لبيت ابوك مهوب هادك.. حنان تنهدت بصمت:طيب ياعمي.. سعود:حنان لاتفكرين با أبوك..ابوك مرده بيجي يوم ويرضى واحنا زوجناك يابنتي بدون علمه با أمر من الشيخ لأنه شاف ان رضى اني اكون ولي لك.. حنان:الحمدلله.. سعود:وتركي الخرابيط من بالك..وفكري بحياتك الجديده وخلاص.. حنان باأبتسامه امل:بإذن الله ياعمي .. ..وسرعان ماوصلوا لبيت سعود كان راي ريم ان حنان تلبس الفستان الأبيض بزواجها..مشان كذا جات بيت عمها سعود تقضي لزواجها حول اسبوع.ز ريم استقبلت حنان بكل ترحيب وابتسامه تعلو شفتها.. ريم ضمت حنان:مبروك ياقلبي.. حنان بحيا:الله يبارك فيك يامرت عمي.. سعود:صعديها فوق وخليها تريح.. ريم:ابشر.. وودتها للغرفه ألي رتبتها مشانها.. ريم بحيا:اعذرينا بس شفتي مو مقامك.. حنان باأبتسامه:لاتقولين هالكلام..بالعكس يامرت عمي..الغرفه عجبتني..صحيح ان نومه بالارض توجع لكن بتعود عليها.. ريم ابتسمت باأبتسامه عريضه وضمت حنان بالحيل:والله وكبرتي..وبعد كم يوم بتروحين لها ابراهيم ..وعاد لاتنسينا.. حنان:افا يامرت عمي.زانساكم مره وحده وانتوا صاحبين المنه والفضل علي والله لو اني قليله اصلماسويت كذا.. ريم باست خدها:لاتقولين هالكلام عنك..وبعدين انا عارفه انك منتي بناسيتنا بس كنت انتظر رده فعلك.. حنان:ههههههه لاتختبريني مره ثانيه لأني باكلك بضروسي.. ريم:هههههه فديتك بس..يلا نامي فديتك.. حنان:طيب.. ..طلعت ريم من الغرفه وسكرت الباب.. حنان تنهدت بفرحه وكانت تحاول تبعد كل ماهو حزن عنها.. . . . ابو زياد:انا مشفت حنان من الصبح وينها؟؟ رنيم بتردد:لا..بس حنان جالسه تحضر لان الموجهه بتجي بكره وبتقيم شرحها.. ابوزياد:وليه ماتحضره هنا كالعاده.. مرام باأندفاع:قلنا لها قالت لا لان يمكن يرقونها وهي ماتبي حد يزعجها.. ابو زياد بفخر:كفو والله هذا البنت السنعه وليه ماتصيرون زيها..مالت عليكم بس مامنكم فايده(وقام من الكنب )يلا انا بنام.. مرام ورنيم:تصبح على خير يبه..وتوجه لغرفته.. ريم تنهدت براحه شديده:وربي حسيت انب ينكشف امرنا.. مرام بفرحه وبهمس:وربي اني متخوفه زيك..والحمدلله انها عدت اليوم.. رنيم بهمس اختها:طيب..مافكرتي ببكره وش نقول له؟؟ مرام تنهدت بقلق حيله:علمي علمك..ربك بيفرجها.. . . . كانت نازله تحت وتحس با آلم شديد ببطنها.. كانت تحس بالآم بالايام الأخيره ذي..كانت اشد بكثيرر.ز ام فهد كانت تتحاشى النظر لها ولاتتكلم معها با أي كلمه..بس شفقت على حالتها.. ام فهد بطيبه:كلمتي فهد يا بدريه.. بدريه ويدها على بطنها:أي كلمته بس مايرد علي.. ام فهد بخوف قامت على حيلها وتعرج بسبب ركبتها وكلمت فهد مره ومرتين ولايرد ودقت على سعود ورد عليها.. ام فهد:بسرعه تعال الله يخليك ياسعود..عجل..يلا مع السلامه..اقتربت من بدريه وساعدتها مع ان المفروض ام فهد تساعد نفسها لان ركبتها ماتساعدها... وجابت عبايتها الثانيه ولبستها بدريه ولفت الشال عليها وغطت وجهها.. ..وركبوا السياره.. . . . وعلى الساعه 11:15 مر الوقت بسرعه علينا..كانت كل وحده منهم تقول مواقفها المحرجه مع اهل زوجها وليله الدخله..كل وحده منهم عندها موقفها.. وبعد ماراحوا جلست أنا والعمه بالصاله.. خوله با ابتسامه:والله انك تبيضين الوجه ياجيهان الله يبيض وجهك..انا متأكد هان سمر مو عارفه قدرك.. جيهان:.......... خوله بثقه تامه:مرت اخوي وانا ادرى فيها..هي طيبه بس على حبايبها والي ماتحبهم لاتتوقعين انها تحن او تشفق عليهم.. مدري ليه احساس يقول لي انها بتذوقك الويل.. جيهان(قصدك ذوقتني اياه من البديه):وش .دراك؟؟ خوله:لاتزعلين مني..يمكن لأنك ارمله ومنتي جديده.. وولدها مهووب مطلق ولا ارمل..وهي تشوفها صعبه انك تاخذين واحد مو ارمل اومطلق.. جيهان استغربت حيل من كلام العمه..لكن ليه لابد به ناس تفكر كذا ..ويمكن هذا هو السبب ألي تعاملني بيه:بس ليه تحكم علي من هالشيء.. خوله تنهدت:به ناس تفكيرهم كذا..صعبه تغيرين تفكيرهم بين يوم وليله.. يتبـــع... |
|
#330
07-24-2012, 12:38 AM
| ||
| | ||
| جيهان استغربت حيل من كلام العمه..لكن ليه لابد به ناس تفكر كذا ..ويمكن هذا هو السبب ألي تعاملني بيه:بس ليه تحكم علي من هالشيء.. خوله تنهدت:به ناس تفكيرهم كذا..صعبه تغيرين تفكيرهم بين يوم وليله.. جيهان:كلامك دايم يعجبني ياعمه..عين العقل والله.. خوله:بس للأسف هي معرفت قدرك..وياليت لوتعرفك كان صار شيء ثاني احين.. سمر ان حبت حبت ترى..تحب بالحيل.. جيهان:ماشاء الله.. خوله:أي بالله..هي كذا..بوطبيع مايجوز عن طبعه..ولاتتعبين نفسك بالخدمه الزايده فيها لان إذا قلبها ماصفى لك مهوب صافي إلا بعدين مواحين..بعد متعرف منوا ألي يحبها ومن ألي يكرها.. جيهان:صح كلامك..به ناس نرفعهم لفوق وهم مهوب قدها ابد..بس زي ماقولتي بعدين مو احين.. خوله:ربك كريم.. ..وسكتوا شوي.. خوله:اجل جهزتي اغراضك؟؟ جيهان باأستغراب:وليه؟؟ خوله:ماقال لك راكان.. جيهان:عن وش ياعمه؟؟ خوله:انك بتروحون للكويت يومين اوثلاث.. جيهان بفرحه:من جد بنروح للكويت.. خوله با ابتسامه:فرحانه ياقلبي.. جيهان: بقوه..لطالما نفسي اني اروح للكويت.. خوله:فديتك بس..اجل مره وحده قضي للعيد..مابقى شيء على رمضان.. جيهان:أي اكيد أي حاجه تعجبني هونيك باخذها.. خوله:أي زين كذا..لان به بضاعات موحلوه برمضان.. خوله:أي بالله ماكذبتي بعض البضاعات برمضان مهيب حلوه ذاك الزود..وزحمه مره.. جيهان بحماس:يلا بقوم ارتب الاغراض.. خوله با أبتسامه:طيب حياتي.. ..صعدت لفوق وهي مبسوطه مره..ولمت اغراضها وطلعت لها لبسه وعطرها.. وحست بفتحه الباب وألتفت له:هلا.. راكان وهو يشوف اغراضها مجهزه والشنطه بمقدمه الباب:قالت لك العمه.. جيهان بفرحه:أي بس ليه ماقولت ليا؟؟ راكان ابتسم بلاشعور لماشافها فرحانه حس بحاجه حلوه حيل:اعذريني نسيت.. جيهان اقتربت منه وصار قبالي مباشره:اسمع ابا اروح للبحر والمول وابا اتمشى بكل مكان بالكويت.. راكان اقترب منها اكثر وحوطها من خصرها وبهمس:وبعد.. جيهان ارتبكت من قربه..زادت نبضات قلبي بقربه وبهمساته ألي توترها زود.. راكان قرب شفاته من شفاهه وبهمس حار:وبعد ويين تبين تروحين؟؟ جيهان جات بتبعد عنه إلا يشد عليها وقربها زود من صدره:وين تروحين؟؟ جيهان بتوتر زود:راكان..لاتعيد هالسؤال انت تدري عن السبب.. راكان:مافي امل يعني.. جيهان(كان فيه امل والله..بس قلبك وروحك مولي..وماابي أي شيء تربطني فيك..حتى لوكانت حقوقك)ناظرته بحزن:أسألك سؤال وتجاوبني بصراحه.. راكان:تفضلي.. جيهان:انت مازلت تحب اروى صح..؟؟ راكان تغيرت ملامح وجهه:وانتي مازلتي تحبين ابويوسف؟؟ جيهان:لا.. راكان بفرحه:صدق.. جيهان با أندفاع:اقصد لا تجاوبني بسؤال آخر.. راكان لما قالت لا قلبي فز من مكانه عيشتني للحظه اني اقدر املك قلبها بس للأسف حتى اللحظه ذي حرمتني منها وبقهر:ولبكره بحبها.. جيهان(كنت متوقعه)وبنفس قهره:نفس الحال أجل..ولو سمحت لاتسوي معي هالحركات لأني منيب طايقتها.. راكان بعد يده من خصرها وبسخريه:يعني انا ميت عليك احين.. جيهان عضت شفاتها من القهر:وكلامك مع العمه خوله سامعته انك ماتغار وجيت بقول ل كانا بعد ماأغار عليك ولاحتى شوي.. راكان بنفس قهره:لاحالف عليك غاري علي ان ماغرتي علي بموت.. جيهان بحده:احلم بس.. راكان بنفس حدتها:لايكثر بس.. جيهان كشرت بوجها:الكلام معك ضايع.. وخذت بجامتها ألي مطلعتها لها وتوجهت للتواليت ولبست بجامتي البذنجاني وسرواله الكروهات.. ومسحت مكياجي وفسخت عدساتي وحطيت مرطب شفاه بالكرز وطلعت من التواليت وشفت انه لابس بجامته وخلص وانسدح بالسرير..ومعطيته وجه وتوجهت لتسريحه وبخيت بجسمي الروائح العطر ودهنت ذراعي بالوشن .. وقطيت جسمي بالسرير متعمده مشان يهتز السرير وتضايقه.. راكان:بل..شوي شوي عليه لو ينطق كان قال ارحميني على وزنك الزايد.. جيهان بقت عينها :انا متينه.. راكان عطاني ظهره:يعني كلش ...بطنك على ظهرك انت..ياسبحان الله..ماقدرت اميز رشاقه بنيتك وبين هياء الشعيبي.. جيهان بصدمه كبيره:كيف!!! راكان كاتم ضحكته وهو مستمتع بمضايقتها:أي من ضعفك انتي اسكت احسن لي ماخذه بنفسك مقلب انتي.. جيهان بصدمه كبيره(هو بس يبي يضايقك ياجيهان..ولاجسمك وش حلوه منسق ورويان منتي باعضم وخلك عندك ثقه بنفسك..ولوشوي على الأقل قدامه..)وبثقه تامه:والله كلام صديقات العمه غير..مدحوا كل شيء فيني..واخطبوني من دحين لعيالهم.. يتبــــع... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية ؛مشهـور..؟ ويعني مشهور تلعب بـمشـآعري..؟ لآيََ حبيبي منت معذور؛× | єяιкα | أرشيف المواضيع الغير مكتمله او المكرره او المنقوله و المخالفه | 13 | 11-21-2011 03:33 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
