|
|
#41
04-01-2012, 04:44 PM
| ||
| | ||
| حست براحهـ كبيرة..محست فيها من قبل.. كنها ملكت الدنيا كلها.. ولمااذا العجبـ!!!!! ألا بذكر الله تطمئن القلوب.. سبحان اللهـ.. بمجرد ذكرهـ والتقرب منه يجعلك سعيدة أيعجز أحدكمـ عن قول"سبحان الله العظيم..سبحان الله وبحمده" ألا تريدين أن تدخلي الجنهـ.. لماذا إذاً لا تجعلين لسانكـ رطب بذكر الله.. وأنتي جالسهـ تسمعين أو تقرين ذكري اللهـ.. ما يأخذ منك وقت.. وربي راح تحسي أن لدنيا طرف.. راح تحسي بحلاوة ولذه مو طبيعيهـ بمجرد ذكر اللهـ.. سبحاان اللهـ.. مرام باندماج مع أختها:صدقت واللهـ..حنا وين وذكر ربي وين..انشغلنا عن ذكره.. حنان بابتسامه:ذاكـ أول بس دحين..بيصير رطب بذكره.. مرام ورنيم بحماس:وأحنا بعد نبي نصير زي جيهان وزيكـ.. حنان:ههههههه.. رنيم:ليه تضحكين؟؟ حنان:هههههه حسستوني كني جده وأنتوا أحفادي.. رنيم ومرام:ههههههههه... . . . وفي التلفون وبهم:اسكتي يا أختي..وربي أني جلست ابكي من أمس لحد اليوم.. أم عبدالله:بسم الله عليك يا أختي.. أم راكان:منقهره..أجل راكان ولدي يا خذ وحدهـ ارملهـ..وش ناقصهـ هو.."وصارت تبكي" أم عبدالله حزنت على أختها:خلاص هدي يا أختي.. أم راكان بين دموعها:انا خاطري أني أفرح فيه..مو يمر يوم ملكته كالمرور الكرام..كان ودي ياخذ بنتك.. أم عبدالله تنهدت:وربي انا بعد أبي ولدك لبنتي..بس ذا النصيب وأنا أختكـ.. روان ألي جالسهـ تناظر بأمها ولما خلصت من تلفونها التفتت لها:يمه أنتي وش ألي مزعلك؟؟ أم راكان تمسح دموعها بيدها:أنتي ترضين لولدكـ أنهـ يأخذ وحده أرمله..اهئ..اهئ.. روان اقتربت من امها وضمتها:يايمه يا حبيبتي أنتي..أنتي ما تدرين وش الخيره فيهـ.. أم راكان:الله يكون بالعون بس.. روان:أنا مقدره كلامك يا يمه..لاني أنا بعد مراح ارضى لولدي أنه يا خذ وحده ارمله بس أنتي ما تدرين وش الخيره فيه..الله يكتب ألي فيهـ الخير.. أم راكان هزت راسها بنعمـ.. . . . استغربت لان بنتها مقامت لحد الآن وراحت لغرفتها.. وبهمس:جيهان..جيهان.. جيهان بهمس:همممم.. ام فهد:قومي يا بنيتي.."وصارت تهزها وبخوف"ليكون صار لها شيء..جيهان علامك يابنيتي؟؟ جيهان فتحت عيونها بتعب:لا يالغالية مافيني إلا العافيه..بس مانمت إلا متأخر امس.. أم فهد تنهدت براحه:الحمدلله..خوفتيني عليك يابنت.. جيهان تفرك عيونها:عسى خير يمه..وش بغيتي؟؟ أم فهد:ابد يا بنتي استغربت انك تأخرتي بالرقاد وذي مو من عادتكـ..يلا قومي صلي الظهر لاتفوتكـ.. جيهان قامت بكسل:إن شاء الله.. أم فهد:الله يسعدك يا بنتي.. وطلعت من غرفتها وراحت للمطبخ.. بدريه ألي بالصاله تناظر بأم فهد بدريه بهمس:هالعجيز ذي تدعي الألم وشوفها تمشي بخفهـ.. فهد ناظر با أمه من بعيد بدريه كملت:ولا أختكـ أمس مفكره حالها ملكة جمال..مالت عليها بس..مدري وش عندها رافعه نفسها لفوق يا حظي.. أم فهد جات لعندهم بصحن القهوة والشاي..وجلست بشويش على الكنب.. أم فهد ناظر فهد وحرمته:قهوة ولا شاي.. فهد:قهوة.. أم فهد:وأنتي يا بدريه؟؟ بدريه حطت يدها على بطنها وبمياعه:القهوة مضره بحملي والشاي مالي مزاج اشربهـ.. أم فهد:......... إلا بدخله جيهان وحبت ترد عليها:أي قولي انك ماتبين مو أنك تكثرين هرج..قولي ماأبي وخلاص.. بدريه افتشلت من رد جيهان وانقهرت منهاا.. جيهان جلست بجنب امها:مسـاكـ ورد ياأحلا وأغلا أم بالدنيا كلها.. أم فهد عجبها رد بنتها على بدريه وبابتسامه تجيب العافيه:مساكـ نور يا بنتي..صليتي؟؟ جيهان:أي صليت الحمدلله.. بدريه قامت من مكانها بقهر.. جيهان تناظر با أخوها:روح لها لاتزعل منك زود..بعدين تحرمكـ من حقوقكـ..رح بس رح.. فهد انقهر من اخته:الوعد بعدين يابنت امكـ.. ولحقها وأم فهد وجيهان ميتين ضحكـ عليهـ.. . . . ..على الغداء.. روان تأخذ الملعقة من يده:وبعدين معك غازي؟؟ غازي:أبا اكل.. روان:انا أأكلك.. غازي بزعل:لا أنا أبي أكل بالحالي.. روعه التفتت لهم:عطيهـ يأكل بالحاله ويفكنا من نوحته.."وصارت تناظر فيه"شوفي بدأ يبكي عطيه يسرعه ترى مالي خلق لضجتهـ.. روان عطته الملعقه:كل بأدب ولا تعفس السفرة.. غازي يمسك الملعقة:تيب.. روعه ناظرت بأمها ألي ما مدت يدها على الأكل:علامك يمه؟؟ أم راكان تنهدت بهم:ما فيني شيء يا يمه..إلا منزلت شريفة تتغدأ معنا؟؟ روعه:لو تبي كان نزلت من دون دعوة.. أم راكان:طيب ليه مجاء اخوكي لحد ألحين؟؟ روعه:قال انه بيتعشى برأ مع ربعه.. أم راكان:اهاا.. . . . ..وفي أحدى المطاعمـ الراقيهـ.. راكان مستغرب:وش عندكـ عازمني بمطعم راقي؟؟ مو من عوايدكـ.. يتبع... |
|
#42
04-01-2012, 04:46 PM
| ||
| | ||
 ..وفي أحدى المطاعمـ الراقيهـ.. راكان مستغرب:وش عندكـ عازمني بمطعم راقي؟؟ مو من عوايدكـ.. أبو راكان:.......... راكان كمل:أنت بالعادة تعزمني على مطاعم عاديهـ مو فخم مرة وحدة.. أبو راكان يأكل راكان بشك:أكيد الموضوع فيهـ إن..اعترف وش تبي؟؟ أبو راكان التفت له:إن لله بس..الشرها مو عليكـ الشرها علي أنا ألي جايبك بمطعم مو من مستواك.. راكان:هههههههه.. أبو راكان:الغلط مني أنا..ذي غلطهـ مستحيل تتكرر ابد..ويلا قم نحاسب.. راكان جلس أبوه:اجلس بس..المطعم غالي حرام نقط الأكل ولا كلنا منه شيء.. أبو راكان:قم بسس.. راكان:بس أنا مكلت شيء وأنا جوعان.. أبو راكان:ما به لزوم تأكل يلا قم بس..وأنا متعب نفسي وعازمكـ.. راكان:ههههههه..ياشينك بس لتحلطمت..هههههه.. أبو راكان:بعدد!! اجل ذا الكلام لي أنا يا ركوون..ماشي..ألي يعزمك بعدين.. راكان باندفاع:لاااا خلاص...خلاص.. أبو راكان:بل..بل!!!! راكان بضحكه:هههههه.."وهو يشوف القائمه"..بس وش ذا المطعم ألي الحمص حقهم بـ 30..حششى مو حمص..لو طالب وجبة من أي مطعم مجاء هالمبلغ..وهذا حمص بس..اجل لو اطلب دجاج ولا لحم كان خلوه 400..ههههههههه أبو راكان بقهر:أي وأنا قلت بعزمك على مطعم راقي عشان انك مملك امس..بس الشرهاا علي انا..لو اعزمك على حمص وعدس بـ 4 ريال من سكندر ابرك لي... راكان:ههههههههه..امزح معك يبهـ علامك زعلت.. أبو راكان:هههههه..ادري عنكـ.. راكان وهو يأكل:مقلت لي بجد وش هي المناسبة.. أبو راكان بجديه:اسمع يا ولدي..أنت أحين مملكـ ولزوم تشوف جيهان.. راكان:بس هي ألي...... أبو راكان قاطعه:ادري انه هي ألي رفضت بس هذا ميعني أنك متشوفها يا ولدي..لزوم تحسسها أنك تبيها وشاريها والاحترام والتقدير بالحياة الزوجية مطلوبهـ ومهمة يا ولدي..حطها ببالك زين.. راكان:......... أبو راكان بأهتمام:المهم..أنا جات ببالي فكرة..وش رايك تقول لأمكـ أنكـ تبي تعزم اهل جيهان على مزرعتنا كم يوم.. راكان:وليه أنا ألي أقول لها..ليه مو أنت ألي تقول لها؟؟ أبو راكان:لأنكـ أن قلت لها أنت راح تتأكد أنك أنت ألي تبيها من رضاكـ..أمك حاطه ببالها أني انا غاصبكـ على الزواج.. راكان:......... أبو راكان:كنك مو مقتنع بفكرتي.. راكان بأندفاع:لا أنا مقلت كذا.. أبو راكان:أي على بالي بعد.. راكان:ههههههههه... أبو راكان:أكل بس أكل أمك حرقت جوالاتنا من كثر ماتدق علينا..واسمع ان قالت لك امك ولا خواتك وين كنت وش تقول؟؟ راكان تعب من كثر مايطرحه نفس السؤال:أقول أني ماكل برا مع ربعي.. أبو راكان:أي..وانا ادخل قبلك بعدها انت بنصف او ربع ساعة تجي البيت عشان مايشكون زين.. راكان ياكل:انزين.. انتهــى البارت.. |
|
#43
04-05-2012, 06:41 PM
| ||
| | ||
| رواية تتعب لو معي تلعب ..البارت التاسع.. أبو راكان:أكل بس أكل أمك حرقت جوالاتنا من كثر ماتدق علينا..واسمع ان قالت لك امك ولا خواتك وين كنت وش تقول؟؟ راكان تعب من كثر مايطرحه نفس السؤال:أقول أني ماكل برا مع ربعي.. أبو راكان:أي..وانا ادخل قبلك بعدها انت بنصف او ربع ساعة تجي البيت عشان مايشكون زين.. راكان ياكل:انزين.. . . . عند الساعهـ 9:30 ليلاً.. كانت تتمشى معهـ با أحدى المجمعات الراقيهـ والمعروفهـ.. ماسكين بيد بعض التفتت له بابتسامه:جوعانهـ حبيبي.. رد لها الابتسامه:يخسي الجوع..وش تحبي تاكلي ياقلبي؟؟ أروى بدلع:ألي تحبهـ.. عبد العزيز بنفس ابتسامته:خلاص ابشري..بتاكلي أحلا وألذ وأفخم المطاعم.. أروى بحب:يا حبني لك ياعزوز..متى بس نتزوج؟؟ عبد العزيز بهم:مدري عن ابوك..كل متقدم تلك رفض..بس زي مقلتـ لك بحاول.. أروى بابتسامه أمل:طيب.. . . . كان جالس يتصفح أحدى منتديات المعروفهـ.. ناظر فيها:علامك ياريم؟؟ ريم سرحانه:............. سعود مسك يدها ريم انتبهت له:هه..نعم وش قلت؟؟ سعود:منتي بطبيعية يا مره..علامك؟؟ ريم:...... سعود كمل:الأيام ذي كلا تميلين لسرحان والسكوت..عسى خير إن شاء الله.. ريم(آآآه بس لو تعرف الي فيني ياسعود..أنا مصدق أنك من هالنوع ابداً...مسستحييل)بابتسامه باهته:مافيني شيء..بس ماعندي شيء أقوله وبس.. سعود بعدم اقتناع:أنتي متغيررة حيل ياريم..قولي لي وش ألي ببالك؟؟ ريم:.......... سعود تنهدت بقله صبر:متبين تقولين لي يعني؟؟ ريم:لا مو كذا القصه..بس صدقني ماعندي شيء اقوله.. سعود:اخلصي وقولي لي..ايشفيك؟؟ ريم:تعبانهـ شوي يا سعود وأبي أريح.. سعود بخوف:سلامتكـ ياقلبي..وش الي متعبك؟؟ ريم:........ سعود:تبين اوديكـ المشفى؟؟ ريم:لا بس اريح شوي واصير تمام..بسس.. سعود:بس وشش؟؟ ريم:أبي اريح ببيت أهلي بسس ليومين.. سعود:ولييه؟؟؟؟؟ ريم:صدقني بس كذا يا سعود.. سعود مسك يدها وبحب:أنا مقدر استغنى عنك ولا دقيقة وحده وأنتي تبين تروحين ليومين..أنا عندي ذا كنا شهرين.. ريم(كافي عذاب ياسعود..أنت تصعب علي المسألهـ..)وقامت:معليش يا سعود..بروح اريح.. سعود قام وصار قبالها:مردي راح أعرف وش سبب تغيركـ يا ريم..وأنا مو مقتنع ابد أن ذا ارهاق..أكيد فيه شيء وأنتي خاشته عني.. ريم:صدقني مافي شيء..بس ارهاق.. وصعدت فوق وخلتهـ مشوش الذهن يفكر بتغيرها وطريقهـ أسلوبها الجديدة.. . . . اليوم التالي..عند الساعهـ 2:22 ظهراً.. كان يناظره بقهر وفتح جواله وكتب له رساله.. وسرعان موصلت له وفتحها(قوول لها عن المزرعة لاكوفنكـ) راكان تنهد بصمت والتفت لامه:اقول يمه.. أم راكان:هلا يمه..امرر.. راكان بابتسامه:ميامر عليك عدوا..تدرين أني مملك من كم يوم..وأنا أبا اشوف زوجتي..وش رايكـ نعزم اهل جيهان لمزرعتنا بكرا..هااه وش قلتي؟؟ أبو راكان كان مبسوط بكلام ولده.. أم راكان بهم:يا ولدي أباك تقول لي الصدق.. راكان:......... أم راكان كملت بهم:أنت صدق تبيهاا.... أبو راكان قاطعها:وش ذا الكلامت يامره..أكيد يبيها ولا ليه وافق عليها من البداية..صح يا راكان ولا.. راكان:...... ابو راكان مدت يده لتحت وقرص فخذ راكان بقوة.. راكان نقز من مكانه وباندفاع:أي يمه..صح كلام ابوي..أنا ابيها ولا ليه وافقت عليها.. أم راكان بعدم اقتناع:الحقيقة بتبان بعدين يا ولدي وبنشوف جانكـ مجبور ولا لا.. راكان يحمرر يده بفخذ وبهمس:آآآح والله.. أبو راكان بنفس همسي ولده:تستاهل.. أم راكان تناظر فيهم:علامكم تتساسرون كذا.. راكان:ابد يمه ما فيه حاجه..بس أنا جالس أقول لأبوي متى يبي العزيمه.. أم راكان:خلها يوم الاثنين ذا.. أبو راكان:خلاص تم..وأنا بقول لأبو فهد عن العزيمة عشان يستعدون لها.. وخذ جواله . . . أم فهد بفرح:ومن قالوا؟؟ أبو فهد:قالوا الاثنين ذا..ومبقى عليه شيء.. أم فهد بنفس فرحتها:الحمدلله..يعني قال ل كان راكان هو ألي طلب هالشيء.. أبو فهد:أي.. أم فهد بفرحه كبيرة تغمرها:الحمد لله..الله يبشرك بالخير يا رب.. أبو فهد:وعلامك كذا مستانسه؟؟ أم فهد:معناتها ان راكان صدق يبي جيهان..وطلبه ذا يثبت.. وأهم حاجه عندي ان بنتي تكون سعيدة وبس.. يتبع... |
|
#44
04-05-2012, 06:45 PM
| ||
| | ||
| أبو فهد:وعلامك كذا مستانسه؟؟ أم فهد:معناتها ان راكان صدق يبي جيهان..وطلبه ذا يثبت.. وأهم حاجه عندي ان بنتي تكون سعيدة وبس.. أبو فهد:أنا ما يهمني سعيدة ولا لا..أهم شيء عندي أني أخذت المهر.. أم فهد:بس ياأبو فهد..ماتبي تعطي بنتك حتى لو 5 ألف من مهرها..على الأقل تشتري لها شيء لها لعزيمة.. أبو فهد بحده:والله متاخذ شيء..وتنقلع احسن لها..اي والله قال شو قال عطها من مهرها..في الأحلام يامره.. وقام طلع وخلها بمحاتاتها وقلقها.. وبعد 15 دقيقة جات جيهان عند امها وباست راسها:علام الحلو متكدر كذا.. أم فهد التفتت لها:نفسي يا بنتي أشوفكـ فرحانهـ.. جيهان استغربت من كلام امها:ومن قال لك أني تعيسه.. أم فهد تنهدت بهم:راكان كلم ابوه وقال له انه يبي يعزمنا للمزرعة بيوم الاثنين..وفاتحت ابوكي عن مهرك..يعني لو يعطيك على الأقل 5 ألف تشترين فيها ملابس لك للعزيمة.. جيهان حطت يدها على كتف امها:ألي خلقك وخلقني مانسانا يا يمه..وربكـ راح يفرجها بإذن الله..وأنا منيب مفسخهـ عشان تقولين اتشتري لي.. أم فهد:أنتي ملابسك يا يمه شوي..وابوكي بالموت يمد لنا فلوس..انا ابي الكل يمدحك يا بنتي سوا بشكلك ولا بنفسيتك.. جيهان ابتسامه:ربكـ بيحلها يا يمه.."وحبت تغير الموضوع"وتراني مشتهيه للحلى ألي جابته ريم لنا بيوم ملكتي..ابي اكل بس ماأبا اكل بالحالي.. أم فهد:طيب.. ومسكت يد أمها وراحت معها للمطبخ.. . . . كان جالس يتصفح الجريدة وبعد مخلص منها ألتفت لهم:هاه مقلتوا لي كيفكمـ مع الشغل؟؟ مرامـ كتمت قهرها:تعب بتعب..بس يلا الحمد لله على كل حال.. أبو زياد:أي تعودوا على ها لحال..لأن مراح أجيب شغالة ابد.. مرام ورنيم وحنان تنهدوا بصمت.. رنيم:يبه في حاجات ناقصهـ البيت..من مواد غذائية طبعاً.. أبو زياد:وش هم؟؟ رنيم مدت له الورقة.. أبو زياد وهو يفتحها وبق عيونه:حشى..ذا صكـ.. مو لوازم.."وهو يقرأ"وليه جبن بوك 3 حبات كبيرة..حبة وحدة وتخب.. رنيم:بس يبهت احنا نستهلكـ الجبن بوكـ بحاجات كثيرة بالطبخ.. أبو زياد ولا كنه يسمعها وعيونه على الورقة:بجيب من كل الطالابات حبة وحدة وبس.. مرام:بس.. أبو زياد بحده:أي كلمة ثانية اعتبروا ان ولا وحده من هالطالابات بتتواجد بهالبيت..مفهووم.. وطلع ورقع الباب بقوة . . . ..في أحدى المجمعات.. جيهان:أحس أن مالا داعي أني اروح اشتري لي ملابس جديدة..انا عندي ملابس.. أم فهد:إلا له داعي.. جيهان التفت لها:طب والفلوس من وين بتجيبينها وأبوي ماخذ كل مهري؟؟ أم فهد:أنا تسلفت من عمك سعود.. جيهان:وليه يمه؟؟؟ وربي أنه مابه لزوم..وكيف راح تردينه له.. أم فهد(مادري يابنتي..خليها على ربك بس):مو لزوم تعرفين..بس المهم أني بردهم له.. جيهان تنهدت بقلهـ حيله.. أم فهد حطت يدها على ركبتها:ركبتي تعورني يا بنتي..بروح أنا أجلس مع عمك وحرمته.. ومن الجهه الثانية.. كانوا جالسين با أحدى المقاهي الهادئة باأنوار خافته تشعركـ بهدوء ودفئ غريبـ.. سعود مسك يدها:ليه ما تبين تجاوبيني.. ريم:....... سعود بقله صبر:اسمعي يابنت..أن مقلتي لي وشفيك..منتي رايحهـ لبيت اهلك.. ريم ناظر فيه:وش راح تستفيد لقلت لك.. سعود ماسك اعصابه:ماللك شغل وش راح استفيد منه..وجاوبيني.. حمدت ربها لما شافت أم فهد مقبلهـ عليهم.. أم فهد جلست بجنب ريم:السلام عليكم.. سعود وريم:وعليكم السلامـ.. سعود كتم غيضه وبدهشة:أمداكم خلصتوا.. جيهان:لا مخلصنا يا عمي..بس أمي ركبتها عورتها و مقدرت تتسوق معي.. ريم قامت وباندفاع:أنا بتسوق معكـ.. جيهان بابتسامه:تسلمين ياقلبي.. أم فهد بابتسامه:تسلمين يا بنتي..ما أوصيك بالذوق يا أم الذوق أنتي.. ريم بنفس ابتسامتها:افا عليكـ بس.. أم فهد:بس أن رحتي يا بنتي..من بيكون معي ومع سعود..بس بالحالنا!! ريم:وش ذا الكلامـ..أنا اعتبركـ أم لي يا الغالية..وسعود ولدكـ..وبعدين أحنا محنا مطولين شويات بس وجايين.. أم فهد:تسلمين..أي لا تطولون.. وراحت ريم وجيهان يتسوقون.. يتبع.. |
|
#45
04-05-2012, 06:48 PM
| ||
| | ||
| أم فهد:تسلمين..أي لا تطولون.. وراحت ريم وجيهان يتسوقون.. سعود كان يناظرهم بعيونه من بعيد أم فهد:معليهـ يا سعود..أدري أني ما أخذه منكـ فلوس..بس تأكد اني بردهم لك عن قريب بإذن الله.. سعود بابتسامه:ومن قال لك أني بأخذهم منكـ..ذا فلوس جيهان أساساً.. مو فلوسي.. أم فهد ما فهمت منه:كيف فلوسها؟؟ يعني أبو فهد عطاك من مهرها ولا وش؟؟ سعود:هههههه..أي كثري منها انه يعطيها ولا بعد 5 ألاف مرة وحدة لا ذي قوية.. أم فهد:اجل كيف تقول أن ذا فلوسها.. سعود:بقول لكـ السالفة.. ورجع ذاكرته لورى..عند احتضار ابو يوسف.. أبو يوسف:قول لها أنها طالق طالق طالق.. سعود:......... أبو يوسف كمل بضعف وهزل:أنا طلقتها ياسعود لأني أخاف أن ربي يكتب لي عمر وحياة جديدة..وتكون جيهان بذمتي وأخاف أني ارجع لسوالفي..وهي بتتعذب زود ياسعود.. "وشد يده على يد ولده يوسف"محللك ولا أبيحكـ أن معطيتها جزء من الورثـ..محللك ولا أبيحك يا ولدي..حالها من حالكم.. يوسف باس يد ابوه:ابشر بألي يسركـ يبه.. ورجع للواقع.. أم فهد بصدمه:أنت تتكلم من جدكـ ياسعود؟؟؟ سعود تنهد:الله يرحمه..أي يا أم فهد.. أم فهد بصدمه اكبر:وليه مقلت أنها تطلقت؟؟ سعود:انا مأمن يوسف أنه ميقول لأي أحد انها تطلقت..وزي منتي عارفهـ أن سمعه المطلقة وسيرتها بالمجتمع مو زين..وأنا ما أبي هالشيء لجيهان.. أم فهد كبر بعينها سعود:طيب..وسالفة الورث.. سعود:أنا مقلت لأبوفهد لأني عارفته طماع وبياخذ فلوس جيهان غصب طيب..ورجائي يا أم فهد متقولين لأي أحد..عن سالفة الورث حتى لجيهان نفسها..ذا بيكون سر بيني وبينك وبين يوسف وبس..ويوسف ولد والنعم منه عطاها الورث.. أم فهد:كم عطاها؟؟ سعود:500 الف.. أم فهد شهقت:كيـــف؟؟؟؟ سعود كمل:وعطاها أرض وجزء من المزرعة..طبعا عيال أبو يوسف باعوها وخذ كل واحد فيهم على 100 ألف والأرض كبيرة وحلوة..لحد الأن معرفت كم مساحتها؟؟ أم فهد كانت مصدومة بقوة وعجزت عن الكلام.. سعود يشرب الكوفي تبعه:أنا أنصدمت أكثر منكـ.. ومن الجهه الثانية.. جيهان:أنا بعد عجبني.. ريم:اجل يلا ناخذه ونحاسب..ولا خاطرك بحاجه بعد.. جيهان تعبت من كثر الكيس:لا..نحاسب احسن لان يدي صارت توجعني من ثقل الكيس.. ريم:ودي اساعدك بس أنا يدي مليانه..هههههه جيهان بابتسامه:طيب.. وراحوا يحاسبون.. وبعدها توجهوا للمقهى.. سعود شافهم من بعيد وبهمس:وزي مقلتـ لك..بيني وبينك..لا تقولي لأي أحد..حتى ريم ما تدري.. أم فهد:طيب.. جلسوا بالكراسي.. أم فهد:هاه بشروا..خلصتوا ولا؟؟ ريم:الحمد لله..خلصنا.. سعود:أجل يلا نروح"وهو يشوف ساعته"لان أحنا تأخرنا بقوة.. وناد القرسون وعطاه المنيو وحط فيه المبلغ وخذ الكيس من جيهان وركبوا السيارة وسرعان ما وصلوا.. ودخلت البيت.. وكانت في الواجهة الست بدريه خانوا جالسه بكنب الصاله وحاطهـ رجل على رجل:توا الناسس.. أم فهد بهمس مسموع:اللهم اجرني بمصيبتي وأخلفني بخير منها.. بدريه بقت عينها:أنا مصيبهـ!!! جيهان حطت الكيس بجانب باب غرفتها وتوجهت لها:أن اعتلا صوتك عن صوت أمي وربي لأدفنكـ يابدريهـ..وبعدين ذي الجلسه ورجل على رجل مو زينهـ لك وأنتي حامل.. بدريه عدلت جلستها:والله وطلع لكـ صوت يا جيهان.. جيهان برد قهر بدريه:والله أنا لي صوت من زمان..بس أطلعه للي يستحقهـ..وأنتي مالك خص تأخرنا ولا لا..محد عينك انتداب لنا.. ومسكت يد أمها ووصلتها لغرفتها وتركت بدريه بقهرها وصدمتها من كلامها.. . . . في اليومـ الاثنين..وبالتحديد عند المزرعة..عند الساعة 10:33 كانت عائله أبو راكان وعائله أبو فهد بالطريق.. الجو صافي ومتوسط البرودة والحرارة.. ..وفي السيارة.. أبو فهد:أبيكمـ ترفعون راسي..كونوا خدومين..مو تجلسون وبس.. أم فهد:أحنا نعرف الأصول يا أبو فهد.. أبو فهد:بنشوف أحنا.. جيهان:راح نرفع الرأس.. أبو فهد:خير إن شاء الله.. ووصلوا.. أبو فهد:يلا نزلوا.. ونزلت جيهان وأمها وابوها.. وشالت أغراضها والحاجات ألي جابوها.. ودقت على روان عشان تدلها وسرعان مجات.. روان بفرحه:هلاا واللهـ بحرمهـ أخوي.. جيهان بحيا:هلا روان..اخبارك؟؟ روان:تمام..وأنتي؟؟ جيهان:طيبه طاب حالك.. روان:دوم يارب.. وسلمت على ام فهد.. وفتحت الباب الكبير الأبيض رفعت عيونها لتشوف أبداع وجمال يكمن بمجرد الشوف.. روان شافت الدهشة بعيون جيهان وبهمس:ما شفتي شيء بعدكـ.. جيهان التفت لها:من جدكـ؟؟ روان بابتسامه:أي..لحظه يجي ابوي.. ابو راكان توه جاي:هلا يا أبو فهد..أخبارك؟؟ أبو فهد باعجاب كبير:طيب..تبارك الرحمن..وش الجمال ذا.. أبو راكان:عجبتك.. أبو فهد:قوووة..اللهم صلي وسلم عليهـ.. أبو راكان:الله يرضى عليك..حياكم.."وبصوت شبه عالي" هلا هلا بالضيوف يا بنتي... روان:ابشر بسعدك يبه..منيب مقصرة.. وراح أبو فهد وأبو راكان داخل المزرعة عند مجلس الرجال.. روان تأخذ الاغراض من أم فهد:والله مابه لزوم تتعبوا حالكم.. يتبع.. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية ؛مشهـور..؟ ويعني مشهور تلعب بـمشـآعري..؟ لآيََ حبيبي منت معذور؛× | єяιкα | أرشيف المواضيع الغير مكتمله او المكرره او المنقوله و المخالفه | 13 | 11-21-2011 03:33 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
