عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > روايات طويلة > روايات كاملة / روايات مكتملة مميزة

روايات كاملة / روايات مكتملة مميزة يمكنك قراءة جميع الروايات الكاملة والمميزة هنا

 
 
LinkBack أدوات الموضوع انواع عرض الموضوع
  #536  
قديم 12-20-2012, 11:29 PM
 
اممم مرت ساعتين وانتي تكتبين
يعني يمكن ينزل البارت الساعه 12 ونص
او وحده ونص هع هع قلبت حاسبه
  #537  
قديم 12-20-2012, 11:29 PM
 
اهئ
اهئ
اسفه
اهئ
اهئ
  #538  
قديم 12-20-2012, 11:35 PM
 


البارت الثاني والعشرين





أسفه الأنصال أنقطع عندي وأنبلشت بكتب هالبارت وبحاول أطوله لأني مراح أكتب بارات إلي ما تخلص الأختبارت أدعوا لي إن الله يوفقني وينجحني وأنتم معي يا أحلى متابعين








عند البنات


((( وقفنا عند البنات وهم في سيارة صالح)))




رزان: أوووووووووووف حر الشمس خلاص مراح أحتمل
ريما: وش تتوقعين حنا الظهر>> عاد الرياض شمسها يا محرها في الظهر
رزان تلهث من التعب ووجها أحمر من الحر: بغطي نفسي بالعباية وبحاول أنام ولا أبرد نفسي
ريما: غطي نفسك شكل جئتك ضربة شمس
رزان غطت رأسها وجسمها بالعباية تحاول تبرد نفسها من الشمس واستسلمت للنوم خصوصا إن فيها ضربة شمس




((((( بعد نص ساعة)))))



رفيف متعلقة بالددسن وتضرب على صالح: علي المسجل تراء ما نسمع
صالح بخوف: طيب طيب بس إنتا مافي أدخل أنا( طيب طيب بس لا تدخل فيني)>> يحسب البنات جن متعلق بالسيارة
ويعلي صالح المسجل على أغنية هندية حماس وتخذ رفيف الطرحة وتربطها على خصرها وتأخذ شوط رقص وتوقف فوق البطيخ وترقص على الأغاني
ريما متربعة وتأكل من البطيخ ورابطة على رأسها الطرحة علشان الشمس: عاشوا عاشوا يلا هزي
رفيف تهز وترقص: عيشي حياتك بدال ما أتسدح مثل الخبل>> تقصد رزان
ريما: تدرين خليني أرقص معك



(( ويقومون المهبل يرقصون والمسكين صالح قلبة يتراقص من الخوف يحسب الجن يسون طقوس وخرابيط))




------------------------------------


عند الشباب


((( وصلوا من المطار وركبوا سيارة والحين متجهين للرياض))



كان المسكين مشعل يسوق وجنبه سلطان ومن القهر حط عصبيته بالمسكين ووراء خالد سرحان في النافذة وفي الوسط طلال عايش جو ويشرب قهوة توه مأخذها من الكافي اللي في المحطة وحاط رأسه بين مشعل وسلطان يضحك عليهم وجنبهم راشد مركب سماعات على أذانيه وقاعد يسمع أغاني ومنحشر معهم صقر اللي متوسع ونايم ويسير وراء مشعل- تركي وفهد ما يبون الحشرة وكل وأحد خذا سيارته وراح >> قلت رزة مو مثل الباقين

سلطان: سوق زي الناس الله يأخذ روحك ويفكني منك
مشعل يسوي نفسه قوي: أقول وش رأيك تجي وتكفخني ما بقى إلا أنت
سلطان يدق في رأسه عرق وفوقه عرق ثاني من قوة العصبية: هاااااااااا ما سمعت شيء عيد
مشعل بلع العافية: لا ولو أسوق لك وليه ما أسوق
طلال يتمسخر: والله إنك قوي مشعل
مشعل بهمس لطلال علشان ما يسمعه سلطان: ما دمت قوي على قولتك سوق بدالي
طلال: لا والله مو بايع نفسي
سلطان ماسك جواله يشغل نفسه علشان ما يذبح مشعل وبهدواء: أترك عنك الكلام وناظر في الطريق
مشعل ألتفت على الطريق بأستسلام وطلال سكت وقعد يشرب قهوة واستمرت الحالة خمس دقائق بعد كذا.....

مشعل شاف شيء يتحرك في السيارة اللي قدامه
ركز شوي ومن الخلعة فك الدركسون ومالت السيارة
سلطان أول ما لفت السيارة مسك الدركسون طلال كب نص القهوة على جهاز راشد وتكهرب المسكين خالد ضرب رأسه في النافذة لدرجة انطبعت علامة الجودة صقر طاح عند رجول الشباب
سلطان يلهث من الخوف: يا حمار أمسك الدركسون
مشعل رافع أياديه قعد يتمتم ويأشر قدام
سلطان بصراخ: أنهبلت تبي تموتناااا
مشعل يرتعد ويأشر: قدام قدام
طلال ألتفت لدرجة كب باقي القهوة على ظهر سلطان: وش ذااااااااااااااااا
راشد وخالد وصقر التفتوا وأنفجعوا
سلطان ألتفت وشاف
.
.
.
.
.
.
.

رفيف وريما يرقصون فوق الديدسن مليان بطيخ وحالتهم حاله


سلطان فاتح عيونه فك الدركسون من الصدمة وقعدت السيارة تميل يمين يسار والحمد لله الطريق كان فاضي



-----------------------------------



رفيف سمعت صوت التفحيط والتفتت وصاحت: ريما ذولا مو مو مو مو >> علقت
ريما تلتفت: تستهبلون ما لقينا إلا هم أحد داعي علي
رفيف: بيمسكونا تونا مرتاحين منهم


-------------------------

عند الشباب بعد ما قدروا يمسكون السيارة ويلحقون الديدسين اللي راكبين فيه البنات



ريما تفكر بعدين قالت بهبال: ليه ما نعطيهم هدية
رفيف: أنهبلتي
ريما تأشر على البطيخ ورفيف فهمت عليها
رفيف تضرب على صالح بقوة: هييي أنت
صالح اللي قعد يبكي: والله أنا سلي في مسدد ومافي فوت سلا إيس أبغى ( والله أنا أصلي في المسجد وما أفوت صلاة إيش تبغين)
رفيف اللي مو فاهمة شيء: أقول بلا خبال وقلة حياء أسرع إن ما شفت المؤشر على المائتين ما تلوم نفسك فاهم
صالح يهز رأسه هزة الهنود ويشخط مو المائتين إلا لو حطو ثلاث مئة كان شخطها



-----------------------------




سلطان: ألحقهم وش يسون بروحهم ذولا
مشعل يالله يمسك الدركسون: ها طيب

ريما تأشر للشباب
طلال: وش تسوي ذي
خالد شوي وينط في حضن سلطان: أكيد فيه شيء
سلطان يناظر بحقد لريما: هالحقيرة أكيد تبغى تضحك علي
ريما شافت نظرات سلطان وابتسمت وأشرت لرفيف وشالوا البطيخ وقعدوا يرمون على السيارة
مشعل يحاول يتحكم بالسيارة خصوصا الزجاج الأمامي أنكسر وما يقدر يشوف: سلطان لازم نوقف
ريما ورفيف يستمرون يرمون البطيخ وسار المفرق اللي يودي للرياض ولفت سيارة الشباب
سلطان بعصبية : ليه لفيت ألحقهم
مشعل: أنهبلت هذا الطريق اللي يودي للرياض
طلال: إذ حنا لفينا اللفة اللي تودي لطريق الرياض هم وين بيروحون
الشباب:؟؟؟؟؟؟؟؟؟؟
خالد: خلينا نلحقهم أكيد بيسير لهم شيء
راشد ما شاف رزان: أقول خلهم هالمهبولتين في حالهم
سلطان يرن جوالة رنة رسالة ويقرأ الرسالة ويتغير وجهة
طلال يناظر سلطان: سلطان وش فيك
سلطان: خلينا نروح حنا مو فاضين لهم
طلال يناظره نظرة شك : طيب خلنا نكمل طريقنا

عند البنات
رفيف تضحك بفرح: ما قدروا علينا
ريما تمد يدها يعني كفك: صح زي دائم نفوز حنا
رفيف كانت بتمد يدها بس تراجعت: مستحيل أنسى كذبك على أبوي
ريما ابتسمت بطيب لأنها تعرف أنها صديقتها ومستحيل تكرها: طيب
رفيف تنهدت: حر خلينا نسوي مثل رزان عسى ولعل تخف الشمس علينا
ريما: صح

وتغطوا بالعبايات ونسوا يسألون هم وين بيروحون



-----------------------------------




عند سمر



سمر راكبة سيارة سوده وتمشي
سمر تتذكر وش سار

--------------------------------------



كانت جالسة في المخزن بعد ما راح المجهول تنتظر وش بيسير وينفتح الباب
سمر تلتفت وتشوف حارس: وش فيه
الحارس يقرب ويمد لها جوال: طال عمرة يبغاك
سمر ترجف وتأخذ الجوال: ألو مين معي>> من الخوف معد تجمع شيء
..: جدتك أجل مين يا الخبل
سمر بخوف وتلعثم: ها جدتي أقصد أنت وش أسمك
..: مو ضروري تعرفين
سمر: طيب
..: أسمعي تراء صديقتك والصحافي هربوا
سمر بفرح: صدق
..: لا تفرحين بالأساس ما كنت معطيهم هم شوفي بنرجعك لبيتك سالمة
سمر: طيب
.. بخبث مقصود: أقصد المستشفى
سمر خايفه: ليه
..: ما عرفتي أبوك من الصدمة طاح من طوله أكيد علشان بنته ما ألومه المسكين قاعد يتمتم باسمك
سمر بنظرة كره كامل وحقد على ريما تصارخ: طاح أبوي بسبب ريما هالحقير الـ$%^ بتشوف بتموت هي وأهلها هالـ#%%
..: هدي تراء أبوك ما مات بنرجعك لأهلك
سمر بغضب: ما عليك كل أخبار أهل ريما عندك دمرهم
..: أكيد بريح العالم من أمثالهم....> سكر الجوال



-----------------------------------



الحارس وقف السيارة عند باب المستشفى: وصلنا
سمر قدها بتنزل
الحارس: هيه تذكري اللي سار يظل سر وإلا
سمر تقاطعه: خلاص

تروح السيارة وتظل سمر واقفة عندا باب المستشفى
سمر: ( ريما راح أخرب حياتك وأخليك تخسرين أغلى شيء عندك)>> ومشت داخل المستشفى





--------------------------------------



عند المجهول



جالس على مكتب كبير يطل على مزرعة فخمة وجالس مقابلة شاب في العشرين

...: ها ياسر وش فيك
ياسر> مساعد المجهول: ليه مليت قلب عبد العزيز وخليته ما يفكر إلا في الانتقام فيه حلول غير الأنتقام
..: أنا مو مثل عبد العزيز أبداً عبد العزيز يبغى يشوف سعود في السجن ويبغى يفضحه علشان يبري أبوه وينظف سمعته قدام الناس بعد ما مات ويبرد قلبه بس هذا مو انتقام
ياسر: وأنت وش تبغى تسوي
...: بسوي مذبحة بخلي سعود يموت على يد أهلة وأول خطوة كانت ألعب على هالمسكين بكم شهادة مزورة ويحسب ولد عمة سلطان ميت
ياسر: وليد أنت تشوف هذا الصح

أسم المجهول هو وليد
وليد: ومن متى أهتم بالصح والخطأ أنا بأنتقم
ياسر: طيب والمسكينة بنت الرجال وش تخطط عليها
وليد: أكيد تلحق أبوها
ياسر: يعني تبغى نذبحهم كلهم
وليد: بسوي اللي أبغى كنت أبغى أقابلها علشان أحقق معها عن أبوها بس مادمت لقيت شخص ثاني ما يحتاج تعيش
ياسر:..........> لا تعليق
وليد بنظرة مخيفة : ما تحس إنك طولت فيه ضيف بيجي وما أظن طلبت قعدتك
ياسر بخوف: طيب طال عمرك أي شيء


وليد بيكون طرف في القصة إنسان ذكي ويقدر يقلب الموقف لصالحة حالين ما أحد يدري بسبب رغبته لقتل سعود ما تقدر تعرف هو صديق او عدوا يعني أي جانب ما تعرف ماكر وعنده خطط
الشكل: جسمه رياضي هو بعمر سلطان واللي معه أسمر السمار الخليجي شعرة ناعم مسوي سكسوكة خفيفة متوسط الطول

وليد يكلم الحارس: جاء الضيف
الحارس: لا سيدي
وليد: علمني إذا جاء


--------------------------


عند البنات بعد العشاء المكان........


رفيف تقوم من النوم وتقوم البنات: قوموا يلا شوفوا وين حنا فيه
ريما: ها وش تبين وصلنا
رفيف تضرب وجها: ما أدري
ريما تتعدل في جلستها: ها قومي رزان
رفيف تقوم رزان: رزان قومي
رزان قامت مختلعة: ها وش فيه وصلنا
رفيف: ما أدري ريما وين حنا فيه
ريما: ترفع نظرها لين تصيح ذيك الصيحة اللي تشق الأذن
رفيف ورزان: قاموا يشوفون إلا ويصيحون زيها
رزان: حنا وين مو لازم نروح الرياض
رفيف: والله إلي أعرف الرياض ما فيها بحر
ريما: بنات شكلنا في الدمام
رزان: حنا وش فينا مرة مخطوفات ومرة لندن والحين الدمام أخاف بكرة أنام وألقاء نفسي في أمريكا
رفيف: خلينا ننزل

وتنط كل وحدة من السيارة ويشوفون صالح فاتح المحرك حق السيارة وقاعد يزين فيه

رفيف: إيس فيه صديق >> تبي تسوي إنها هندية
صالح شوي ويبكي: هذا سيارة خربان
ريما: عارفين إنها خربانة أجل إيش مأخذة إجازة
رزان تناظرها: صدق إنك سامجة ذا وقت الخبال
صالح: مستر جني أنا روح دور نفر سوي سيارة سوي تصليح تضبيط إطلع مية مية
( سيد جني أنا بروح أدور أحد يسوي السيارة يصلحها ويضبطها تطلع مئة بالمئة)
ريما: روح الله يستر عليك دور أحد يزين السيارة تودينا الرياض

ويروح الخبل صويلح يدور أحد يصلح السيارة

رفيف: نقعد في السيارة أحسن
رزان: لا خلينا نتمشى على البحر الجو حيل حلو ورومانسي
ريما بس
رزان: لا بنتمشى يعني بنتمشى " وتمشي قدامهم"
ريما تهمس لرفيف: ما تخلي عوايدها
رفيف: قلت لك خليني أكلم أمها يمنعونها من الأفلام الهندية بس منعتوني هذي آخرة من يتابع شاروخان وهيثرك >> ممثلين هندين
رزان من بعيد: خلوا عنكم الحكي وتعالوا
ريما ورفيف يبتسمون ابتسامة صفراء ويمشون


عند البحر

رزان تلعب برجيلها في موية البحر وتغني وحالتها ولا أحلا>> قمة الرومانسية
أما من الجهة الثانية
رفيف وريما جالسين على رملها ومن يشوفوهم يقول ميت لهم أحد


رزان رافعة عبايتها وتغني
ريما بلعانة: رزان انتبهي لا يدخل في رجلك شيء تراء محد بلاحقك >> تبي تخرب الجو
رفيف بلعانة: تراء في هالليل الموية تسحب لا تغرقين علينا تراء ما فيه أحد يعرف يسبح
رزان خافت وأنقهرت من الخبلان اللي معها وطلعت من البحر وجلست على الشاطئ ترسم قلوب >> صدق فاضية

وجلسوا البنات في حالة من الطفش المريع> متعوب عليها

رفيف تبكي: ليه يا ربي أنخطفنا ليه
ريما: هذا نقص في الحب والحنان لا تقلقي سوف أساعدك
رفيف فاتحة عيونها: أنهبلتي وش تقولين
ريما: ما أدري وش أقول لك غير إن أقلد الدكتور فيل >> يجي في mbc4
رفيف: الذنب مو ذنبك ذنب المختلة عقلين اللي تشاورك أبيك تهديني توسيني تمسحين دموعي تدعميني
ريما: لا والله طلعت زوجك وأنا مدري
رفيف بعصبية: ريما تراء صبري له حدود
ريما: بس أنا عالجتك شوفي الحين ما تبكي قاعدة تهاوشيني وتطلعين حرتك
رفيف قامت من جلستها
ريما: وين بتروحين
رفيف: أجلس مع رزان أحسن من إن أجلس عندك
ريما تلحقها: لا عاد تراء أمزح صدقتي

ووصلوا عند رزان
رزان: بنات وش فيكم
ريما تضحك على وجه رفيف المعصب: ولا شيء
رفيف كانت بتكمل وسكتت: بنات وش هذا " وأشرت على أشياء سود تحرك"
رزان: يمااااااااا جني ااااااح " ضربتها ريما"
ريما: هذي حريم لابسين عبايات ولا نسيتوا إنا في السعودية
رفيف: وش جابهم
ريما: شكلهم نفس المخمة اللي معنا >> رزان
رزان: قاعدين يقربون

بالطبع كانوا 3 بنات عاديات شكلهم جايين مع أهلهم
البنت1: هاااااااااااي
ريما: هااااااااااااااااااااااااي
البنت1: شكلكم جالسين بالحالكم
البنت2 بضحكة مشبوها: شوفي بس أشكالهم شكلهم شحاذات ولا متسولات
البنت بسخرية3: يلا حبيبتي وش أسمك
ريما: أقول وش رأيك أنتي والمبهل اللي معط تفارقون وإلا
البنت1: وإلا إيش
ريما: وإلا هذا " ونطت ريما عليها والبنات نفس الشيء"

نظراً لأن محتوى الهواش يحتوي على ألفاظ مخلة وبذيئة وأشياء لا يتحملها الكبار والصغار من عنف قررت أن أقطعها لسلامة المجتمع


رزان: أنا أشبه الشحاذين يا المتسولة يا بنت الزبالة يلي كل عيشتك مع قطاوت الشوارع
البنات قدروا يفكون وأنحاشوا
رفيف: تعالوا وينكم رايحين إذ أنتم مو قد الكلام اللي تقولون لا تقولونه

ريما بسخرية: بنات حرام عليكم كفرتوا فيهم
بعد دقيقة أصوات رجاجيل عالية
رفيف: وش ذا
رزان تأشر: مو هذولي البنات اللي ضربنهم

طلعوا البنات علموا أهلهم ومع شوي بهارات وتوابل
رزان: وش نسوي
ريما: النــــــــــحــــــــــــــشــــــــــــــــة
رفعوا العبايات اللي ربطت العباية على خصرها واللي فكت العباية وخلتها واللي العباية سارت تجري قدامها يعني حالات مستعصية


البنات يوصلون لمكان السيارة ولقوا صالح مشغلها

ريما تنط : أسرع أدعس أمش أي شيء بس خلصنا
رزان ورفيف يشوفون الرجاجيل إلي معه عصا واللي معه عقال على إنة بيضرب به واللي يركض ما يدري وش السالفة
رفيف ورازن: يلااااااااااااااا أمش
صالح دعس وهو ما يدري وش السالفة


بعد ساعتين في السيارة طلعوا البنات من الدمام والطريق ظلام ولا سيارة خصوصا إن الساعة 11 الليل وهن لايدرين ماذا يخبي لهم المجهول>> أحلا يا حركات

ريما تصارخ: صويلح عندك أكل تراني أتخمت من البطيخ عندك شيء
صالح بخوف: والله ما في إندي سي أنا مسكين فقير تأبان ( والله ما فيه عندي شيء أنا مسكين فقير تعبان)
ريما: طيب طيب قل ما عندك لا تحكي قصة حياتك
رزان: بنات الحين حنا متأكدين إنا بنروح الرياض أخاف نلقاء نفسنا في أبها ولا الطائف
رفيف: شوفي هو وين بيودينا
ريما: لا تخافون ما توثقون فيني ناموا وبتلقون نفسكم في الرياض
رفيف بلعت ريقها على كلمة ما توثقون فيني وبهمس: الله يستر
رزان نامت على طول وريما غمضت عيونها ولحقتها

وناموا المساكين وهم الله لا يبلانا ما يدرون وين بيروحون >> مادمت الكاتبة بخرب عليهم

صالح يكلم بجوالة أبو كشاف: ها بابا
....: يا أبن الحلال أنا مو أبوك توني في عز شبابي
صالح: طيب بابا
.... تنهد: أقول جبت البطيخ
صالح: أيوه بابا
....: وصله المزرعة تعرف طريقها صح
صالح: حاضر بابا
.....: شوف تراني مو موجود في المزرعة إذ وصلته قل لواحد من الحراس يوصلك لصاحب المكان علشان يدفع لك
صالح: فيه سيء تاني بابا ( فيه شيء ثاني بابا)
......: تفووووووو عليك نشبت في حلقي جعل ما يجيني عيال زيك والله أذبحهم وأنتحر "" وسكر الجوال""



عند وليد جالس في مكتبة

يدخل علية الحارس

الحارس: جاء الضيف أدخله
وليد بابتسامة شريرة: دخلة
ويدخل الحارس ......>> بعدين تعرفونه

... بعصبية: ها إنت اللي طلبتني
وليد: هدي أعصابك أنت قريت اللي أرسلت لك يعني خلاص ما يحتاج تفسير
....: الجـثة أبغى أشوف الجثة
وليد إلي كان متوقع هالشي: بس ما فيه جثة
...: يعني تكذب كيف تقول إنه ميت وأنت ما رويتني دليل
وليد: لأن ما بقى جثة علشان تتأكد كل شيء راح تبخر أختفى بس قطعة لحم متفحم لا تأخذ منها صح ولا كذب
...: كيف يعني
وليد: مثل ما قلت السيارة اللي هو فيها أنفجرت وما بقي غير جثة متفحمة تبغى تشوفها أرويك أيها بس تقدر تتحمل المنظر
....: روني أيها بسرعة
وليد: أتبعني

(( مشاء وليد قدام ال...لين وصل درج يودي للقبو وفي أسفلة غرفة نفس ثلاجات الموتى))

وليد يفتح الباب ويأشر على طاولة مغطاة بشرشف أبيض مليان دم: هناك الجثة
.... بلع ريقه
وليد: تقدر تتراجع مو لازم توجع قلبك بالمنظر
....: هذا ولد عمي ومستحيل ما أشوف جثته لازم أعرف هو ولا لا
وليد: إلي تشوف
((( فتح المجهول الشرشفة وشاف جثة مشوهة تماماً ما تقدر تعرف من صاحبها تفوح منها ريحه البنزين ))
... يسد فمه من الريحة: مو باين صاحبها كيف عرفت ... ( سكت شوي يوم لمح بطاقة الهوية إلي جنب الجثة كانت محروق نصها بس واضح من صاحبها هو الشخص اللي كان يكذب وفاته)

وليد بابتسامة: الحين تأكدت إن هذي جثة عبد العزيز يا سلطان
سلطان:..........>>> لا تعليق
وليد يكمل: مات على يد سعود كمل إلي
قاطعة سلطان بصراخ: خلاااص أسكت

( طلع سلطان من الغرفة وهو منصدم ولد عمة أخوة اللي ما جاء من نفس الأم يموت وعلى يد مين على يد الشخص نفسه اللي قتل أهلة من زمان )

عند وليد

الحارس: طال عمرك سلطان بيطلع نمسكه
وليد: لا ما يحتاج
الحارس: الجثة وش نسوي فيها
وليد يناظر الجثة المحترقة: حطوها أي مكان ما يهمني

عند سلطان طلع من الفلة حقت المزرعة وركب سيارته حط المفتاح بسرعة وشغل السيارة

سلطان: ( أنا قبل جاتني رسائل إن عبد العزيز مات بس ما صدقتها بس اليوم ما أدري وش خلاني أروح وأشوف هالرجال وش يبغى مني يعني عبد العزيز مات وعلى يد مين على يد سعود وطلال كان كل هالمدة يتهرب من أسئلتي (( شغل السيارة وقعد يسوق بسرعة بس يبغى يطلع من حدود المزرعة وعند بوابة المزرعة بغى يصدم بسيارة ديدسن مليانة بطيخ بس الله ستر وتعداها)))





------------------------------------


عند طلال

جالس في أحد الكافيات وهو متوتر
....: إن شاء الله ما أكون تأخرت
طلال يقوم وهو متوتر: لا لا عادي
... بابتسامة: لا تكون كذا تراء إنت مو غريب
طلال: أعرف
.... تنقلب الأبتسامة لنظرة تخوف: بالمناسبة وين................>> بالبارت الجاي




-----------------------------------------


في الرياض في أحد المستشفيات


((( بدأ يفتح عيونه ببطئ وهو يحس الدنيا معتمة ورأسه يوجعه من النور بس بسرعة تعودت عيونه علية وشاف إنه مربط في أسلاك وحوله مجوعة من الأطباء إلي منصدمين من نجاته لأن كان مكتوب له إن يجلس في غيبوبة طول العمر بس الله كتب له عمر جديد

الدكتور: الشكر لله الله أحياك بعد كل اللي سار
...: وين أنا
الدكتور: إنتا في المستشفى يأبني ما تذكر الحاث
....: أيه الحادث بندر وينه
الدكتور: يأبني هو بخير والحمد لله شوف نفسك بالأول يا سلمان
سلمان كأنة تذكر شيء: ريـــما وين لقوها تكفى قول
الدكتور يحاول يهدية: إهداء يأبني
سلمان: أختي ووووويـــــن


سلطان وش بيسير له بعد كلام وليد وهل موت عبد العزيز صدق أو لا؟؟؟؟؟؟؟

وليد وش يبغى وما هدفه؟؟؟؟؟؟

البنات وينهم ووش بيسير لهم؟؟؟؟؟؟

سلمان يقوم من الغيبوبة وهو يبحث عن ريما وش بيسير بعد معرفته بأن ريما للان مفقودة؟؟؟؟

طلال من الشخص اللي معه وهل له علاقة بالقصة؟؟؟؟


ووش المواقف اللي أعجبتكم؟؟؟؟؟؟؟


وليد كيف شخصيته وهل أعجبكم ولا لا؟؟؟؟؟؟




وأبغى توقعاتكم للنهاية وللبارت الجاي؟؟؟؟؟؟




(((((( أتمنى ما تزعلون مني لأن البارت الجاي في الإجازة لأن المراجعة والأختبارات أسفة))))
__________________




شكرا خاص لصديقتي غريقة الحب على هالتصميم



It's summer time girls


روايتي الثانية: أسرار مدرسة العليا

http://vb.arabseyes.com/t408642.html
  #539  
قديم 12-21-2012, 12:01 AM
 
سلطان وش بيسير له بعد كلام وليد وهل موت عبد العزيز صدق أو لا؟؟؟؟؟؟؟
لالالا
وليد وش يبغى وما هدفه؟؟؟؟؟؟
يقتل
سعود


البنات وينهم ووش بيسير لهم؟؟؟؟؟؟
ابها
الطائف
مالهم مكان محدد


سلمان يقوم من الغيبوبة وهو يبحث عن ريما وش بيسير بعد معرفته بأن ريما للان مفقودة؟؟؟؟
لاادري
طلال من الشخص اللي معه وهل له علاقة بالقصة؟؟؟؟

ايوه
ووش المواقف اللي أعجبتكم؟؟؟؟؟؟؟
رزان: أنا أشبه الشحاذين يا المتسولة يا بنت الزبالة يلي كل عيشتك مع قطاوت الشوارع
البنات قدروا يفكون وأنحاشوا
رفيف: تعالوا وينكم رايحين إذ أنتم مو قد الكلام اللي تقولون لا تقولونه

ريما بسخرية: بنات حرام عليكم كفرتوا فيهم
بعد دقيقة أصوات رجاجيل عالية
رفيف: وش ذا
رزان تأشر: مو هذولي البنات اللي ضربنهم

طلعوا البنات علموا أهلهم ومع شوي بهارات وتوابل
رزان: وش نسوي
ريما: النــــــــــحــــــــــــــشــــــــــــــــة
رفعوا العبايات اللي ربطت العباية على خصرها واللي فكت العباية وخلتها واللي العباية سارت تجري قدامها يعني حالات مستعصية


وليد كيف شخصيته وهل أعجبكم ولا لا؟؟؟؟؟؟

حقيرررر

وأبغى توقعاتكم للنهاية وللبارت الجاي؟؟؟؟؟؟
لاادري
  #540  
قديم 12-21-2012, 12:03 AM
 
مشكووووره وننتظر التكملة
__________________
sweet black
شكرا اختي Ĵust Đrëâm
على التوقيع[/COLOR]


^_^روايتي الاولى انتي نادلتي^_^

http://vb.arabseyes.com/t330593.html
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ نكبهـ أرشيف المواضيع الغير مكتمله او المكرره او المنقوله و المخالفه 51 03-02-2015 04:19 AM
halloween holiday رواية من تأليفى ارجوا ان تدخلوها ^^-**(رومانسية - رعب - اكشن )** *(lovely moon)* أرشيف المواضيع الغير مكتمله او المكرره او المنقوله و المخالفه 37 06-07-2012 12:19 AM
رواية تركني وحب غيري رواية سعوديه للكاتبه ساهرة الليل عروقيـ تحتويكـ أرشيف المواضيع الغير مكتمله او المكرره او المنقوله و المخالفه 0 11-07-2011 03:05 AM
رواية نور الكون رواية جديدة من روايات سعوديه رواية نور الكون الحب الساكن أرشيف المواضيع الغير مكتمله او المكرره او المنقوله و المخالفه 13 07-03-2011 03:30 PM
رواية الزمن قاسي ولايمكن يلين ..اول رواية لي في الذمة تقرونها ......بليز بنت عز ومن شافني فز أرشيف المواضيع الغير مكتمله او المكرره او المنقوله و المخالفه 10 07-01-2011 07:45 AM


الساعة الآن 03:04 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011