|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#1
07-01-2007, 01:15 AM
| |||||||||
| | |||||||||
| نهاية كل ظالم نهايه بشعه في يوم من الايام كانت بنت قمه بالادب و الاحترام كانت طالبه بالثانويه وكانت طالبه مجتهده ومثابره وعندها احلام كثير ودها تحققها بين يوم وليل وهي صاحيه حق صلاة الفجر تفاجأة بخبر الغزو العراقي وكان باقي لها سنه وتتخرج وتحقق احلامها لكن الغزو هدم كل احلامها وبعد ما مرت الازمه على خير واندحر الجيش العراقي بمساعدة الاخوان في الدول العربيه الشقيقه وبعد ما تعدلت المدارس كان ودها تكمل دراسه لكن ابوها بالحرب خسر كل مايملك واصبح فقير لدرجه ان الاكل كان يتبرعون له في اهل الخير وكلمت ابوها وقالت له ودي اكمل دراستي ؟ فجأه صرخ ابوها عليها قالها : انتي مو شايفه الحال من وين اشتري لج كتب ودفاتر واقلام وظل يصرخ وبكل صرخه كان حلم البنت المسكينه ينهدم من كثر ما كانت تتمنى رضى والدينها وافقت على كلام ابوها وهي بقلبها نار ولهيب على احلامها اللي ضاعت بغمضة عين قررت تشتغل عشان تساعد ابوها وامها المريضه واخوانها الصغار كالمعتاد راحت تدور شغل كل مادخلت محل او شركه قالوا لها كلمتين: شنو شهادتج وكل ماقالت ثالثه ثانوي قالو لها مانشغل غير اللي عنده ثانويه عامه وبين الشركات وصلت عند شركه كبيره من غير ذكر اسماء قابلت المدير واشرحت له حالها وانصدمت بردة فعل المدير الحقير قالها وبكل فخر انا ما اشغل غير الجامعيات والجامعيين لكن ! عندي لج وظيفه حلوه وترتاحين لو اشتغلتي فيها قالت لها المسكينه شنو؟ قالها: هذا رقمي وعنواني دقي علي او تعاليلي البيت وانا افهمج نوع الوظيفه تفاجأة المسكينه ودموعها صارت تنزل مثل الشلال على خدها الطاهر حذفت الكرت في ويها وقالت له الله حسيبك قرر اخونه المحترم انه ينتقم منها وتتبع البنت المسكينه لحد البيت وثاني يوم بالليل بعد صلاة المغرب رن جرس الملحق اللي كان اجاره يندفع عن طريق بيت الزكاة الكويتي ولمن فتح الباب الاب شاف المدير اللي يبي ينتقم من البنت المسكينه رحب في الاب وبعد الترحيب قاله الاب : خير آمر من تبي ؟ رد المدير وبكل غرور قال للأب : انت الحجي فلان الفلاني قاله: ايه انا آمر قاله : عندك بنت اسمها فلانه بدى يشك الاب في الامر رد عليه وقاله: اي بدأ الاخ يشرح للأب عن امواله وشركاته ورصيده بالبنك وبعد كل هذي المقدمات طلب ايد بنته انصدم الاب وقاله من بين كل بنات الديره ما اخترت الا بنتي شنو السبب؟ طبعا كان محظر نفسه لمثل هذي الاسئله قاله : زارتني الشركه وكانت تبي وظيفه وانا الصراحه ماقدرت اوظفها لأن مؤهلها الدراسي مايناسب اي وظيفه عندي بالشركه وشفت البنت محترمه وملتزمه بأمور دينها ووالصراحه عجبتني الأب من زود الفرحه مانطر ياخذ راي بنته وافق على طول المهم انجبرت عليه البنت وتزوجها ومع الوقت صار يدخل عليها سكران وساعات يدخل اصحابه السكاره ويلعبون قمار والاب اللي كان شاغل باله تحقق وصارت الفلوس من كل مكان تهل عليه طبعا هذا كان اول شهر بس ويوم من الايام سألت الزوجه المسكينه زوجها ليش تسوي كل هذا رد عليها والضحكه واصله لأخر الشارع اسوي كل هذا عشان انتقم منج قالت له: ليش قال لها ماتذكرين يوم حذفتي الكرت في وجهي ورفضتي طلبي وعرضي اللي عرضته عليج قالت له تزوجتني عشان جذي اغمى عليها وانقلوها المستشفى واتضح ان البنت فيها انهيار عصبي وتمت بالمستشفى لمدة شهر وبعد ما تشافت اجبروها امها وابوها على انها ترجع بيت زوجها ولمن رجعت البيت استقبلها استقبال بشع اول ما دخلت صار يضرب فيها لحد ما تعب من كثر ما ضربها وكانت البنت مستحمله عشان ابوها وتم الحال لمدة ثلاث سنين وفي يوم من الايام رن جرس التليفون بالبيت ردة وقالت : الووووو؟ وكان المتصل امها وكانت الدموع ^4444^ مو مخليتها تتكلم خافت البنت وقالت شفيج يمه قالت لها : ابوج مات وهو رايح يحط فلوس بالبنك داسته شاحنه انصدمت البنت وصار في حالة جنون وبعد ماسكرت التليفون دخل الزوج المحترم وهو بحاله مزريه وسكران بدرجه مو طبيعيه وقاعد يكلم نفسه مثل المجنون ويقول: فلووسييييييييييي ضاعت وضغطت على نفسه البنت وسألته شفيج قال لها : فلوسي راحت اعز اصحابي نصب علي وسرق كل فلوسي بعد ماسمعت البنت صارت مجنونه والزوج الظالم انشل شلل كامل ولحد اليوم البنت بمستشفى الطب النفسي والزوج طايح بالفراش مو قادر يحرك صبع واحد من اصابعه وام البنت واخوانها بعد اللي صار لهم تكفل بيت الزكاة بكامل مصاريفهم والسلام ختام واتمنى ما اكون ازعجتكم او طولت عليكم 
__________________
التعديل الأخير تم بواسطة العوضي ; 07-01-2007 الساعة 01:17 AM سبب آخر: تعديل |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حانة الدنيا (بقلمي) | eroka | أرشيف المواضيع الغير مكتمله او المكرره او المنقوله و المخالفه | 19 | 04-29-2007 09:50 PM |
| { كن في الدنيا كأنك غريب } | fares alsunna | نور الإسلام - | 4 | 04-22-2007 02:36 AM |
| ماذا تكون عجائب الدنيا السبع؟ | دهوكى | أرشيف المواضيع الغير مكتمله او المكرره او المنقوله و المخالفه | 1 | 03-24-2007 12:22 AM |
| كفكف دموعك الدنيا ماتستاهل... | يعسوب | أرشيف المواضيع الغير مكتمله او المكرره او المنقوله و المخالفه | 2 | 02-27-2007 11:19 AM |
| اليوجا..سر الوهج الروحي.. | bluebird | صحة و صيدلة | 4 | 07-19-2006 12:33 AM |
العرض العادي
