بحكم بعض الاعضاء قال استمر بقصائدك,,فهذ شرف لي لكن مدري وراكم ماتمرون مدونتي,,نورووني دووم,,هذي قصيدتي بعنوان العقل حكمه.

اقول فيها,,


العقل حكمه والمرجله لها قياس
والرجل يوزن كلمته لا نطقها
واللي بيسمع مايقولونه الناس
نفسه على طرد السوالف حرقها
سم الكبود الحكي ياطير قرناس
ارفع مقامك لاتجي في طرقها
خلك مع العالم على كثر الاجناس
والاذن عن قولة يقولون صقها
نقل الحكي بين العرب يرخي الراس
ياما وياما كم جميع فرقها
والمعرفه غبّه وتحتاج غطّاس
حتى يجيب الولوه لا لحقها
من لايقيس جو له الناس قِيّاس
ولا عاد تنفع شهقته لاشهقها

__________________


°`°؛¤ فُـيّ أحً ــلَى مِـنٌ آنٌـك تُكــوِنٌ سًسًـعَ ـوِدُيّ°`°؛¤ -

ايضا احد قصائدي,,بعض العلوم.اقول فيها,,


بعض العلوم تفشل الرجل ويدوخ
وبعض االملاقى مامن وراها سلامه
عرّض سليل القوم لبّاسة الجوخ
بعد الاذان وقبل وقت الاقامه
مر الظهر وانا من الشمس مسلوخ
وبينه وبين الشمس رافع لثامه
ماهوب بنحيّف ولاهوب منفوخ
متساويٍ كله رشيقٍ قوامه
معرّضٍ مقفي مذيّر ومطنوخ
في يوم ثاني عيد عايد عمامه
ليته يذوقني من التوت والخوخ
عسى الهواوي يهتني في غرامه
لكن درب الوصل صعبٍ ومشروخ
ولافيه حيله لاجلي اسمع كلامه
عواض يوم انك من رجالٍ شيوخ
قل له ترى ناصر يوصل سلامه
وقل له ترى من هاك الايام ملموخ
وقل له ترى جوّه كثيرٍ عسامه
انخاك قل له قبل لاضيع وادوخ
من شوفته والله ماشفة السلامه

__________________


°`°؛¤ فُـيّ أحً ــلَى مِـنٌ آنٌـك تُكــوِنٌ سًسًـعَ ـوِدُيّ°`°؛¤ -