عيون العرب - ملتقى العالم العربي

العودة   عيون العرب - ملتقى العالم العربي > عيـون القصص والروايات > قصص قصيرة

قصص قصيرة قصص قصيرة,قصه واقعيه قصيره,قصص رومانسية قصيرة.

Like Tree62Likes
موضوع مغلق
 
LinkBack أدوات الموضوع انواع عرض الموضوع
  #6  
قديم 06-17-2013, 02:18 PM
 
Lightbulb


البآرت الثآني



ماجد بتردد ويهز خالته : خالتي؟؟ خالتي؟؟
تغيرت ملامحه ... ارتبك .. رجعت خطواته بسرعه وطاح .. مو مصدق ان خالته ماتت...........؟؟؟؟
نزل الخبر على اخوها خالد مثل الصاعقه وتماسك نفسه رغم الألم والحزن عليها... مصيبته اللي مو عارف شلون يحلها .. كيف يبلغ بنتها وزوجها .. وش بيصير مصير بنتها ... المسكينه كانت تبي تشوف بنتها وكانت تعد الدقايق عشان خالد يجيبها لها بس ما انكتب لها..


في بيت محمد


حنان جالسه تكنس غرفة اختها ساره .. دق التلفون جات ساره وردت : ألو.... منو انت....... منو تبي..... بابا مو هينااا .....
سحبت نجود السماعه منها : سارونتي روحي تفرجي على التلفزيون
ساره: طيب ..... وراحت
نجود من غير نفس: نعم؟
خالد: ابو حنان موجود؟
نجود: لا... منو انت ووش تبي؟
خالد: وين حنان؟ انا خالد خالها
نجود فتحت عيونها وتضايقت بس عندها فضول تعرف وش يبي هي تعرف ان خال حنان عنده عقارات وشركات ومحلات وتفكيرها كله مادي : حنان نايمه وش تبي فيها
خالد حس انها تكذب : لازم اكلمها شخصيا وينها؟
نجود وبدت توسوس : اسفه قل لي وش تبي وانا ابلغها
خالد وبدا صبره ينفذ وبصوت واضح منه انه مخنوق : نوره ... وسكت شوي .. امها توفت وابي اجي اخذها

انصدمت نجود صح هي قاسيه بس ماتوقعت ان خالد يبي حنان لأن نوره ماتت .. جا في بالها انه خطه عشان يبون حنان .. بس شلون خطه ونوره تقيه تخاف ربها وماتكذب .... فكرت من ناحيه ثانيه الحين ابوها بيخليها عندهم وكل اللي خططته ضاع وما بتستفيد شي ...
خالد: الووو؟؟ الووو؟؟؟
نجود:..................(سكرت الخط)
قعدت تناظر في حنان وهي تنظف وترتب وتكنس زتفكر كيف اتخلص منها وكيف اوصل لابوها الخبر ؟؟ بس لو عرف بيخليها علة على قلبي ... اوووووووووووووف وش هالحظ .. مالقت تموت الا لما جيت باتخلص من بنتها ... (نجود همها نفسها وماتبي تخسر زوجها مو حبا فيه بس لانه خاتم في اصبعها)
في الأخير وصلت لحل ... راحت المطبخ اخذت كاسة عصير برتقال بارد وحطت فيه مجموعة حبوب وحركتها زين وجات لساره اللي قاعده تتابع افلام كارتون
نجود بصوت واطي حيل : سارونتي تعالي
ساره قامت وراحت لها
نجود تهمس: سارونتي خذي هالعصير وروحي اعطي حنان وتعالي بس لا تقولين لها ان انا اعطيتك ... يله ماما بسرعه
ساره : طيب ...
اخذته وراحت لحنان اللي كانت واقفه تلم شعرها الطويل وتمسح جبهتها بطرف كمها من التعب
ساره: حنان خوذي
حنان تناظر لساره وتبتسم : شكرا حبيبتي مابي عصير
ساره : حنان خوذي (كانت مصرّه تاخذه لأنها تحب حنان وتحب تجيب لها شي تاكله او تشربه)
حنان: ههههه طيب حبيبتي .... واخذت العصير وتركته على الطاوله...
راحت ساره وقعدت تتابع التلفزيون
بعد ما بخرت حنان البيت راحت ترتاح وجات عينها على العصير وتذكرت وقفت ساره اختها وحبيبتها الصغيره وتذكرت امها اللي كانت توصيها على اختها ساره لأنهامالها ذنب باللي تسويه امها نجود
قامت واخذت العصير وجلست على السرير وشربت منه ...

...................................

في بيت ابو تركي


فتحت الباب وقربت منه ناظرت السرير .. ما لقته .. حطت يدها على خصرها : وينه هذاااا؟؟؟
الوليد : هنااا يالغاااااااليه
ام تركي: بسم الله الرحمن الرحيم .. وليدووووه خرعتني
الوليد: هههههههههههههه اسف يالغاليه .. حسبتك تركي
ام تركي تخزه : لا والله تنكت بعد .. المهم اخلص وجفف لي شعرك وتعال ابيك بموضوع
طلعت وسكرت الباب
الوليد : شفيها معصبه؟؟

ام تركي وهي نازله من على الدرج : ياربي بيجلطني هالولد
الجوهره : وباقي ماشفتي شي (جالسه تحط مناكير)
ام تركي: جوجو شفيك على اخوك؟
الجوهره بدلع : يمماااااه .. يعني ماتعرفين ولدك مامنه امل ابد
الوليد نازل من فوق : خير وش فيه الوليد كنه موب عاجبك
الجوهره : لااااا موب عاجبني
الوليد : وبعديييييييييييييييييين
ام تركي: بس خلاص انت وياها .. الوليد هالرقم تعرفه؟ (مسكت جوالها وفاتحته على رقم)
الوليد (عرف الرقم هذي وحده من البنات اللي لعب عليهم) : لا يمه وش هالرقم؟؟
ام تركي وهي تناظر بعيونه بدقه : الوليد قول الصدق... هالرقم حق بنت واتصلت وقالت لي كل شي .. وكانت تبي ابوك بس احمد ربك انها طاحت فيني وقلت لها الرقم غلط.... انت ماتستحي .. متى بتعقل متى بتحس على دمك وروحك.. والله لو يعرف ابوك غير يكسر راسك ويطردك من البيت
الوليد:...................مدنق وساكت لأنه لو رد أمه بتزعل عليه حيل وما بتسامحه
الجوهره فيها ضحكه ومستانسه لأن امها تهزئ الوليد
ام تركي: شوف الوليد هالمره ابعديها لك بس المره الجايه باخلي ابوك يتفاهم معاك ... مفهوم؟
مشت وتركتهم
الوليد يناظر للجوهره وهي فطست ضحك: وش يضحكك هاه ( قرب منها وهو منقهر من اللي صار وقرص يدها
الجوهره : ااااااااااااااااااااااااااه يمممممااااااااااااااااااه وقعدت تبكي
الوليد طلع وطنشها لأنه جاه اتصال من خويه: هلااا ابوحميد
حامد: ياخي حامد حامد وش ابو حميد حسيت اني ابيع سمك
الوليد: تراني موب فايق لك.. قل وش تبي اخلص
حامد: ول ول ول عليك.. شفيييك؟؟
الوليد: يحووووووول بتقول والا لا؟
حامد: طيب هدي هدي .. اكلمك لا روقت باي
الوليد: احسن بعد باي
(حامد صديق الوليد من عايله غنيه مره مملوح وجذاب مره وصديق الوليد من ايام الثانويه يحب يمزح ويعيش حياته بس الفرق بينه وبين الوليد انه يشتغل مع ابوه)

.................................

في بيت محمد

محمد وهو داخل البيت وواضح عليه انه تعبان مره واستقبلته نجود
نجود: وش صار؟
محمد: رميتها بالمستوصف وقالوا لازم تنويم عندها تسمم
نجود: ماتت؟
محمد: ليتها تموت ونفتك من هالعله
نجود بارتباك: طيب شرايك حبيبي اتصل على امها تقابلها وانت فك روحك
محمد: لا ... ما تاخذها الين توقع الورقه
نجود بتردد : انت خليها تقابل البنت الحين ولما تطلع نشوف حل للورقه
محمد: طيب طيب بعدين ابلغها مالي خلقها
نجود: انزين حياتي روح ارتاح
(نجود همها تقنعه وبعدها راح تتصل على خالها او ترسل رساله على جوال امها لأنه اكيد عند خالد وتقول لهم انها متنومه)
لما تأكدت ان زوجها بالغرفه يبي يرتاح اخذت جوالها وكانت حافظه رقم نوره وارسلت الرساله

...............................

صوت نغمة رساله .. اخذ خالد الجوال ومسح دموع حزنه على اخته بطرف شماغه ... فتح الرساله .. المكتوب فيها ( بنتكم حنان في مستوصف ال..... )
قرا الرساله مره واثنين وثلاثه مو مصدق ... توقع انها بالمستشفى بسبب معرفتها بإن امها ماتت؟؟؟
قام وتوجه بسرعه للمستوصف

...............................

الوليد مع اصحابه مشعل و حامد رايحين الملعب والطريق مرررره زحمه
الوليد بملل: اووف وش هالحظ اطلع ياخي نبي نلحق المباراه
حامد : وين اطلع الله يهديك ماتشوف زحمة الطريق؟
مشعل: الحين يروح نص المباراة..
الوليد : وهو يعض يده (كان مشغول باله بالبنت اللي اتصلت على امه ويفكر كيف ينتقم منها)
مشعل: الوليد؟؟ الوليد؟؟
التفت الوليد: وش تبي؟
مشعل: وش فيك؟
الوليد: مافيني شي
حامد: اكيد يحب هههههههههههاي
مشعل: وأخييييييييييييييييرااااااا
الوليد: والله من الفضاوه انت وياه
حامد: ياخي مافيها شي بس عساها تستاهلك
مشعل: اكيد حلوووه صح؟
الوليد: يووووووووووه .... انا بانزل واخليكم
حامد و مشعل : لالا اصبر تعااال يا ابن الحلال
اول ما نزل الوليد ... طرااااااااااااااااااااااااااااااااااااخ يصدم فيه واحد راكب دراجه ناريه واصطدم بالرصيف وصار راسه يصب دم ويمسك يده ويتألم ويصرخ وماقدر يقوم على رجوله....... نزلوا اصحابه والناس وشالوه للمستشفى ومشعل مسك راعي الدراجه وتهاوش معاه بس تركه لأنه بيتطمن على صديقه وبنفس الوقت الحق على الوليد اللي تهور ونزلته من السياره كانت غلط
راحوا به المستشفى وفي قسم الطوارئ وهم يضمدون جروحه وقام ... فجأه سمعوا صراخ يهز البدن ..
سمعوا وحده تصيح وتبكي وبكاها يقطع القلب ... كانت حنان في الغرفه اللي قبالهم وخالها ناقلها وأول ما فاقت حاول خالها يهديها على باله انها تعرف ..
حنان بصوت مبحوح ودموعها تنزل : خالي انت تمزح معاي صح؟ خالي ابي امي مالي شغل ابي امي جيبوا لي امي انتم كذابين كلكم كذابين ابي امي شلون ماتت واتركتني كيف ماتت كيف تتركني ؟
خالد يحاول يهديها والممرضه اعطتها مهدي وهي تصرخ وتقاومها .. طلع خالد برا وهو يتقطع على اخته وبنتها .. شافه الوليد جارهم
الوليد : عسى ماشر يا ابوماجد ؟؟؟
خالد حكى له ان اخته توفت وبنتها انهارت (ماقدر يحكي له تفاصيل معاناتهم مهما كان الوليد غريب)
الوليد كلم ابوه وحكى له اللي صار .. ابو تركي يحترم خالد ويقدره لأنه ونعم الجار والأخو بالنسبه له وجا هو ومرته وعشان يقومون بالواجب وترك زوجته ام تركي مع حنان اللي كانت نايمه بسبب المهدئ

.................................



تحياتـي للجميع ...
__________________




  #7  
قديم 06-17-2013, 02:37 PM
 
__________________
  #8  
قديم 06-17-2013, 03:49 PM
 
[align=center][tabletext="width:80%;background-color:black;border:6px double gray;"][cell="filter:;"][align=center]
سلام عليكم
كيفك يالغلا ان شاء الله بخير
القصة كتييييييير حلوة
يعطيكِ الف عافية ع الطرح الرائع
يا قلبي ع حنان الله يكون في عونها
وبانتظار البارت القادم
شكرا ع الدعوة
دمتِ بووود
[/align]
[/cell][/tabletext][/align]
  #9  
قديم 06-17-2013, 06:04 PM
 
Lightbulb


البآرت الثآلث

بعد اسبوع .... حنان في بيت خالها وهي في حالة صدمه ومشوش تفكيرها مابين مصيرها ومابين ابوها ووفاة امها المفاجئ بعد سنه كامله من فراقها عنها ... كانت جالسه على سريرها وضامه رجولها ومخبيه وجهها عليها وتبكي ..
عند باب غرفتها اللي كان شوي مفتوح .. ماجد و عبدالرحمن يناظرون من فتحة الباب ..
ماجد يهمس : عبدالرحمن وش نسوي والله تقطع القلب
عبدالرحمن: مدري والله لو قلت لها تعالي نروح أي مكان بس تغيرين جو .. اتوقع تعطيك اقرب كف
ماجد: من جدك؟؟ ما اتوقع بنت عمتك دفشه كذا ... نجرب؟؟
عبدالرحمن : لا يالحبيب روح جرب انت
ماجد بدون نفس: ادري فيك من يومك جبان
عبدالرحمن : وجججع (يدف ماجد) ماجد مسك الباب وانفتح وطاح في الغرفه
ماجد وعبدالرحمن (سكوووووووت من الموقف المحرج وفاتحين عيونهم بقوووه ويناظرون في بنت عمتهم اللي رفعت راسها وكانت تناظر لهم بهدووء ولا مبالاه ...)
حنان:................
عبدالرحمن (وكان اكثر هدوء ولباقه من توأمه ماجد ) : معليش حنان كنا نبي نشوف اذا تبين شي ناقصك شي؟
ماجد وهو يقوم ويبتسم ببلاهه : أي والله وودنا تطلعين معانا بنروح المول بس لازم معانا بنت اقصد محارمنا
حنان: لا شكرا مابي اروح أي مكان (والتفتت للشباك)
عبدالرحمن حس ان وجهه طاح وحقد على ماجد لأنها فكرته وطلع
ماجد: لا يابنت العمه تـ....
قاطعته حنان بصراااخ : العمه ماتت ماتت ... اااخ يمممه ليتك خذيتيني معاك ... وقعدت تصيح وتشاهق
ماجد حس ان وده الارض تنشق وتبلعه ولا انه خلى حنان تبكي ودمعت عينه وطلع وهو مدنق بس انتبه لأبوه اللي كان واقف وجا على صراخ حنان
خالد: وش فيها حنان؟
ماجد: هاه ؟؟ لالا يبه بس هي زعلانه عشان عمتي الله يرحمها وكنت ابي اطلعها معانا بس رفضت
خالد ببرود: طيب روح ذاكر دروسك ولا اشوفك تجي غرفتها الين تهدى البنت ...
ماجد: حاضر يبه .. ومشى
خالد دخل لحنان وجلس جنبها .. رحمها وحب انه يبلغها بخبر يسعدها ويمكن يألمها
خالد: حنان
حنان وهي تشاهق وتناظر الشباك وبصوت منخفض ومبحوح: هلا خالي
خالد: ياروح خالك ابي اكلمك بموضوع .. ممكن؟
حنان : خالي انا تعبانه حيل وخايفه من ابوي وزوجته
خالد : حنان انا رحت لأبوك وعرضت عليه اكتب ارض باسمه مقابل انه يتركك عندي وتحت حمايتي
حنان التفتت لخالها وكانت مره مصدومه ان ابوها باعها مقابل ارض ؟؟؟ مهما كانت الاسباب ماتوقعت انها تكون معروضه للبيع مقابل ارض
خالد وهو يتجاهل نظراتها : والصراحه انا ما اضمن ابوك عشان كذا فكرت لما اكتب له الارض باسمه باشترط عليه انك تملكين على ولد جاري
حنان شهقت وقامت وهي تناظر لخالها : ليش يا خال ؟؟؟ تبيعون فيني وتشترون وفوق هذا تبون تزوجوني من دون موافقتي ؟؟؟ مو كفايه ان ابوي حطمني ودمر حياتي ومستقبلي ؟؟؟
قام خالها وكان مركز على كلمتها ( دمر مستقبلي) : شلون دمر مستقبلك؟
حنان انتبهت كأن أحد نبهها من غلطه كانت بتسويها : هاه ؟؟ لا ما فيه شي؟؟
خالد يدقق في ملامحها وهي تحاول ترجع خصلات شعرها عن عيونها وساكته بس واضح عليها انها تخبي سر ..
خالد : حنان انتي فكري بالموضوع وتراني اعتبر ابو تركي اخوي وانا وهو عشرة عمر وبنفس الوقت امك كانت تروح وتجي مع زوجته ام تركي .. ابو تركي عارف البير وغطاه وزواجك من ولده حمايه لك من ابوك عشان مايجي ياخذك مني وتعيشين تحت رحمته هو وزوجته ولعلمك تراه هو اللي اقترح علي انك تتزوجين ولده لأنه هو بعد يبي يدور عروس لولده .. وغير كذا شوفي جسمك كله جروح وكدمات من ابوك ومرته..
حنان :...........................
خالد : فكري يابنتي والله العظيم من يوم اخذتك وانا شايل همك وافكر شلون ابعدك عن ابوك وترى هالارتباط بس كذا تسكيت لأبوك ماراح تروحين أي مكان وانا خالك طالما انك على ذمة رجال
حنان :........................
خالد: انا اخليك وانتي ردي لي خبر لا فكرتي بالموضوع
طلع خالد وحنان تفكر بكلامه ودموعها مافارقت خدودها

..........................

نجود تكلم امها : يمه يمه انا ابيك تهددينه تكفين هذي ارض مو لعبه
ام نجود (ماتختلف عن بنتها في جشعها ولعانتها) : يوووووووه يانجود وانتي ورا ماتقنعينه
نجود : يمه كلمته وما اقتنع انتي بلغيه اني علمتك واقنعيه يمه عشان اقدر العب عليه ويكتبها باسمي
ام نجود : طيب طيب انا مادري وش هالرجال الغبي اللي ارض تجيه الى عنده ويكابر ويقول بافكر
نجود: المهم انتي كلميه وردي لي خبر
ام نجود : طيب


..............................

ام تركي: اييييييييييش؟؟؟؟ ليش يا ابو تركي؟؟ ولدي يتزوج زواج مصلحه؟؟؟
ابو تركي: يا ام تركي انا اعطيت الرجال كلمه وقلت له نبيها لولدي وبنحدد الاسبوع الجاي ملكتها
ام تركي مفتحه عيونها من الصدمه : من جدك انت؟؟؟ خلاص اتفقتم وانتهى كل شي؟؟؟ ورا ما قلت لي ما اخذت شوري؟؟ وولدك وراك ما قلت له يمكن حاط عينه على وحده ويبيها؟
ابو تركي: ولدك حاط عينه على كل بنات الرياض وانا كل يوم والثاني تجيني اتصالات بكل حركاته وانا ساكت ومابي مشاكل واقول يمكن يعقل... بس انه زودها
ام تركي بزعل : انا مو راضيه يا ابو تركي ... ولدي يتزوج بنت مالها مستقبل وحياتها كلها نكد ونفسيات ؟ لا يا ابو تركي
ابو تركي بصرامه : وانتي تعايرين على البنت وانتي كنتي تمدحين امها؟ وولدك الفاشل ماغير فلوس وصياعه وهياته مع شلته ومن بنت لبنت ...
ام تركي : عاد نوره الله يرحمها كانت والنعم فيها بس ان ولـ..
ابو تركي بعصبيه وهو واقف : ام تركي خلاااااص ... انا قررت ولا تزعليني منك والا والله العظيم انـ...
ام تركي حست ان زوجها ما راح يغير رأيه وخافت وعلى طول قامت وحطت يدها على كتفه : لا لا يالغالي وانا اقدر على زعلك خلاص اللي تشوفه بس بشرط البنت تسكن هنا معانا الين تتعود على جو العايله .. عشان خاطري يكفي انك اخترتها لولدك بدون علمه
ابو تركي : ماشي ... الله يرضى عليك روحي شوفي البنت وجهزيها الحين هي مقطوعه من شجره وانتي مثل امها ... انا باطلع انام
وراح وتركها
ام تركي : ان شاء الله ابو تركي
وفي نفسها تقول : الله يهديك يا ابو تركي الله يهديك
تركي كان واقف عند مدخل البيت وسمع كل شي .. صح تضايق بس هو شايف ان هذا درس للوليد عشان يتأدب
رن جواله ... هذي مها خطيبته .. رد : نعم؟
مها: يؤؤ ؟؟ وش نعم يا عمري ؟ قل لبيه قل سمي قل فديت اللي متصله
قاطعها تركي : ههههههههه
مها: يافديت الضحكه وراعيها
(مها جريئه وتموت في تركي من صغرها وتركي صارم بس فيه شوية خجل ويحب مها بس مايحب يعبر لهاعشان تتعلق فيه اكثر رغم انه عارف انها تعشقه)
مها بدلع : تروكي حبيبي وراك ساكت
تركي: مافي شي مهاوي .. وش بغيتي
مها: بغيت اشوفك انت عارف اني وحيدة اهلي وطفشاااااااااانه مره شرايك نطلع نتعشى
تركي: لا مو الليله خليها بكره الليله عندي اشغال كثيره وابي اخلصها(وفي الحقيقه ماعنده أي شي بس يتغلى عليها)
مها ومدة بوزها: جد زعلتني كل ما اطلبك شي تخلق لي اعذار
تركي: افاااااا تزعلين من حبيبك تروك
مها بدلع : ايييه زعلانه منك حيل وأبيك تراضيني
تركي بابتسامه : وانا كم مهاوي عندي ... نص ساعه وانا عندك باي
مها مو مصدقه : واااااااااااااااااااااو هههههههههههه واخيرا تروكي بيجيني
طلعت تتجهز وتتزبط عشان تطلع معاه

...........................

في الكوفي كان الوليد جالس وكاشخ وشكله مره يخقق وكان اساسا متكشخ عشان يقابل صيده من البنات اللي كان متعرف عليهم ومشعل وحامد من بعيد يتابعون الموقف
شوي شافوا بنت لابسه عباه كتف مخصره وكاشفه وجهها ولابسه نظاره شمسيه وأول ما شافت الوليد جات لعنده وسحبت كرسي وجلست ونزلت نظارتها
كانت البنت بيضاء مره وعيونها وساع وانفها طويل وشفايفها رقيقه كانت ملكة جمال بالمختصر بس باين انها شايفه نفسها
الوليد يناظر لها وببرود : نعم وش كنتي تبين يا أميره؟
أميره تحط يدها تحت ذقنها وتناظر له بخبث : اولآ يا ولد الأصول .. المفروض ترحب فيني وتقول وش تشربين
الوليد بلا مبالاه : وثانيا..
أميره بقهر: وثانيا .. انا مو مثل غيري تلعب عليها وترميها..
الوليد وكأنه عرف وش تبي : وغيره
أميره وهي تعض شفايفها : انت وعدتني بالزواج وانا بنت عايلة الـ... عارف وش يعني بنت عايلة الـ... يعني بإشاره مني اوديك في مصيبه
وبإشاره مني تكون في قبرك
الوليد وبدا الزعل على ملامحه : انا محد يهددني لا انتي ولا عشره من اشكالك .. وانتي يا بنت عايلة الـ... لو فيك خير ماسلمتيني نفسك .. وبعدين انا ما اضمنك صراحة وش يضمن انك ما طلعتي مع غيري
اميره وبدا صوتها يرتفع : الولييييييييييد ؟؟؟ احترم نفسك ولا تغلط ووالله اللـ...
قاطعها بضربه قويه على الطاوله : محترمها قبل لا اشوفك ... ولو تطلع لك جنحان وتطيرين ماخذيتك وأعلى ما فخيلك اركبيه وشي ثاني يابنت الـ... رقمي امسحيه ... اوكي؟؟
وقام بس ما امداه يلف الا وهي تصرخ :اااااااااااااااااااااااااااااااااااااااه يا ابن ال..... ياسافل والله ما اتركك ياحيوااااااااان
مشعل وحامد كانوا شايفين كل شي وفهموها انها تبي تتبلاه ... جوا ركض للوليد وجو السكيورتي وهي تصايح وتبكي وتقول جيبوا الشرطه والله ما اخليه
تجمعوا الناس والوليد صح متفاجيء بس مو اول بنت تسوي فيه هالحركات هو ضامن انه بيطلع منها زي الشعره من العجين بس ماعرف ان هالمره بالذات راح يكون لأبوه تصرف ثاني

....................

محمد : يا بنت الحلال انا مافرقت معي بس ابي اعرف الارض كم تسوى لها كم تجيب
ام نجود : وانت وش عليك .. ارض وجاتك وش تبي بعد .. وبنتك غثت بنتي انا اساسا كنت ناويه اجي واخذ بنتي بسببها بس صبرت لأن نجود تحبك ورفضت هالشي
محمد :.........
ام نجود : محمد وانا خالتك لا تضيعها من يدك وبنتك عند خالها موب عند احد غريب وانا واولادي نبي نجيكم براحتنا اخاف تتبلى احد منهم بمصيبه لا جلسنا ببيتك وهي معانا
محمد : ابشري حاضر يا ام نجود افا عليك البيت بيتكم
ام نجود : لا اوصيك مابي اتصل بيوم ويقولون ان حنان غاثه بنتي والا جبتها علة على قلبها
محمد: حاضر ولا يهمك
نجود استانست مره لأنها ماتوقعت ان محمد بيوافق بهالسهوله

............................

دخل ابو تركي وهو معصب وفتح الباب وقام يخز الوليد وهو داخل بعده وساكت
وقفت الجوهره و ام تركي من الخوف وضمت ولدها ومو عارفه وش تقول لأبوه
ابو تركي بعصبيه : وش اسوي فيك؟ كم مره اروح اطلعك من مركز الشرطه.. طرااااااااااخ (عطاه كف قوي الين ضرب في امه)
ام تركي صرخت ووقفت بينهم : لااااااااااا ياابو تركي واللي يخليك ... عشان خاطري يرحم والدينك خله هالمره عشان ... انا اتفاهم معاه
ابو تركي بعصبيه : وش اخليه فهميني طيح وجهي قدام الناس ... المفروض مكانك برااااا بالشارع الين تتعلم وتفهم ان بنات الناس مو لعبه بيدك
ام تركي : خلاص بس هالمره طلبتك وأوعدك يتعدل يا ابو تركي
(ام تركي خايفه ينطرد ولدها)
الوليد مدنق وخده احمر وماقال ولا كلمه والجوهره ضامه مخده صغيره وساكته من الخوف لأن ابوها نادرا مايزعل واذا زعل يكون فيه سبب قوي
ابو تركي: انقلع غرفتك يله مابي اشوفك
ام تركي: هدي يا ابو تركي هدي يالغالي ... ناظرت للوليد : روح غرفتك بسرعه يله
الوليد طلع وما قال ولا كلمه
ابو تركي يجلس وهو معصب مره وام تركي جلست جنبه ونادت الشغاله تجيب له مويه وتحاول تهديه الين هدا شوي
ابو تركي : ام تركي بلغيه ان ملكته الخميس الجاي واذا بيرفض الباب يفوت جمل ولا هو ولدي ولا اعرفه
ام تركي خايفه على زوجها : ابشر من عيوني يالغالي وماراح يرفض لك طلب انت بس روق
الجوهره انتبهت لموضوع (ملكته الخميس الجاي) طلعت وهي تفكر وش يقصدون معقوله اخطبوا له وانا مادري؟؟
راحت للوليد وطقت الباب ودخلت ... كان واقف عند الشباك ومره متضايق لأنه اول مره احد يمد يده عليه
الجوهره ببرود : الوليد؟ ابي اسألك سؤال ولو انه موب وقته
الوليد بتأفف : دامك عارفه انه موب وقتك انتي وسؤالك وراك جيتي
الجوهره بنفس البرود : لأنه خطييييييييييييييييير
الوليد : هففففففففففف
الجوهره : طيب باختصر عليك .... ملكتك الخميس الجاي زي ما سمعت من امي وابوي من شوي
الوليد عارف ان اخته ماتمزح بهالأمور وقف شوي والتفت لها باستغراب : جوجو؟ تمزحين تراه مو وقتك؟
الجوهره بجديه : الوليد عشان كذا جيت وسبقت امي ... انا سمعتهم يقولون ملكتك الخميس الجاي...
الوليد : وش ملكته انا محد قال لي شي ؟؟؟؟
الجوهره : الخبر عند امي لا جاتك بتفهم منها كل شي
وطلعت
الوليد : يا اللــــــــــــــــــه وش هاليوم لا يكون بيملكون لي على أميره؟؟؟ والله لو يذبحوني ما اخذتها
وجلس يفكر بهالمصايب ومنهي البنت اللي قرروا تكون من نصيبه بدون علمه



يتبــــــــع.......
__________________




  #10  
قديم 06-18-2013, 12:22 AM
 
شكرا على الرابط!
و الوليد هذا ما يتأدب يستاهل يطردونه من البداية!
موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
][يحس فيني ... قبل لا أحكي ! عن إللي بـ خاطري و فيني ..~ غزل! أرشيف المواضيع الغير مكتمله او المكرره او المنقوله و المخالفه 4 12-13-2011 12:40 PM
هااي صباآايآاآ اخبااركم ياا عسل المهم >>> معرف احط مقدماات ل الصبااياا اللي تكلمو معي وسولفو معي أَو اي شئ قوولوو لي ايش الحلوو فيني (= واللي مو حلو فيني )= وبصدق وانااآ مرااح ازعل ok واللي بتقوولي شئ ما تبي احد يشوفه ترسلي على الخااص وعلى ر العزاصلي وذاتي تكرار الدعايه عن منتدى آخر حوارات و نقاشات جاده 2 08-05-2011 08:26 AM
’’مو گل من طآلعني ‘‘معجب فيني’’يمگن مضيع آلقمر ومشبه ‘‘القمر فيني ƒεεłŋġ حواء ~ 20 06-30-2011 06:16 AM
انشودة وين أروح وقلبي ماليه الجروح زادت الطعنات فيني وما بقى فيني ابوح مبكيه ومؤلمه بتول الشرق خطب و محاضرات و أناشيد اسلاميه صوتية و مرئية 0 05-07-2011 12:55 PM


الساعة الآن 02:45 PM.


Powered by vBulletin®
Copyright ©2000 - 2024, vBulletin Solutions, Inc.

شات الشلة
Powered by: vBulletin Copyright ©2000 - 2006, Jelsoft Enterprises Ltd.
جميع الحقوق محفوظة لعيون العرب
2003 - 2011