|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
03-23-2014, 10:11 PM
| ||
| | ||
 رواية: هـآجــس حـب.. رواية: هــآجـــــــس حــب.. للكاتبة: Shahad AL-abbad ( رومانسية / جريئة ) موعد تنزيل البارتات: كل خميس.. واذا كان في مجاآل قبل راح انزل وخصوصا في الاجازات الشخصيات: الجد: أبو وضاح (ضاحي) – كلمته مسموعه عند الكل طيب وحنون لكن وقت الجد يقلب 180 درجه وبنات العايله عنده حالة خاصة - يملك شركه ومسلم الإدارة لعياله واحفاده. الجدة: ام وضاح (منيرة) – ما تقول لزوجها الا امر وسم وحاضر لها حضن يوسع كل الدنيا وكل الي يضيق صدره يجي يفضفض لها وبما ان البنات للجد فالشباب للجدة. الأبناء أبو سلطان (وضاح) – رجل محافظ له طريقته في التربية ومتفاهم غير متسرع. ام سلطان (هدى) – ام كأي ام في الدنيا لكن يمزها طيبتها الزائدة وحنانها الفائض. سلطان: 29 سنة – شاب وسيم وجسمه معضل يمتاز بهيبته ويفرض حضوره لكن لديه عقدة من النساء (لماذا.. البارتات بتكشف لكم الجواب) لذلك هو مضرب عن الزواج رغم إصرار امه عليه – ضابط ومخوف الكل منه وما يسمونه غير (المرعب). حصة: 24 سنة – تلقب عند البنات بــ( صندوق الاسرار ) حتى بعد زواجها من مشعل (ولد عمها) وحملها ايضاً فهي ذات عقل ناضج ولسان مستعد للنصح ملامح وجهها تشبه أمها من ناحية العيون العسلية والباقي تشبه فيه ابوها – وقفت دراسة بعد الزواج يعني ما صار لها شهرين تقريبا. نجلاء: 19 سنة – مثل ما يقول المثل ( اخر العنقود سكر معقود ) جمييلة بكل ما للكلمة من معنى شعرها ناعم اسود سواد الليل لنص ظهرها وخشمها سلة سيف مع شفايفها التوتية وبشرتها البيضا وعيونها الرصاصية الواسعة لكن مشكلتها مهملة بزيادة وما تهتم بنفسها أبداً مو بارزة جمالها زي أي بنت - اول جامعة تخصص ادب انجليزي. أبو تركي (محمد) – عصبي جدا واذا جاته حالة الغضب ما يعرف امه من ابوه له شركة خاصة وفي ابناءه غير شركة الجد. ام تركي (سارة) – متوفية. تركي – متوفي. (لا تستعجلون راح نعرف سبب وفاتهم بعدين) مشعل: 27 سنة – متزوج من حصه (بنت عمه) يعشقها عششق ازلي وينتظر منها الابن على احر من الجمر ملامحه عادية لكن فيها حده مهتم بخواته ويحاول يعوضهم عن امهم واخوهم – شتغل في شركة ابوه المدير العام. ندى: 23 سنة – هادية جدا يلفها الغموض لكن ما يمنع انها تكون مملوحه وفيها جمال اجنبي جايبته من اهل أمها بشعرها الحناوي الكيرلي وبشرتها البيضا وعيونها السود المكحلة وشفايفها الي بلون الفراولة هي جميييلة وكانت تظهر جمالها لكن بحدود ولا مره تجاوزت الروج والكحل يعني تقريبا مثل نجلاء – رابع جامعة تخصص هندسة معمارية. شهد – زين: 19 سنة – توأم مثل بعض في كل شي الا تخصص الجامعة. شهد: نشيطة فيها وسواس زيادة الوزن مع ان جسمها مناسب داخلة في نادي رياضة اما بالنسبة للجمال فهي اية منه بشعرها المكسر (الويفي) البني الفاتح الي يوصل لظهرها وبشرتها السمرا (فاتح) ولون عيونها البني وشفايفها التوتية وهي مركبة تقويم واهم شي غمازاتها المحفورة على خديها اليمين واليسار – تعشق شي اسمه الهند ودايما تسوي شعرها بالنص (فرقة) زي الهنود واحيانا تلبس ساري او بنجابي وترقص هندي ورقصها خيااال بكل الأنواع (الخليجي والشرقي لكن اكثر شي الهندي) وتتابع مسلسلات هنديه وحمدت ربها انهم فتحوا قناة (بوليوود) وهي في محاولات لتعلم اللغة الهندية – اول جامعة تخصص علم نفس. زين: مثل شهد نشيطة لكن ما فيها وسواس ولا مشتركة بنادي ولون شفايفها توتية ونفس لون البشرة بس افتح شوي والباقي نسخة طبق الأصل حتى التقويم نفس الشي – تعشق شي اسمه كوريا وتتابع مسلسلات كورية وعنها امل انها تسافر هناك وتقابل الممثلين – اول جامعة تخصص قانون. لمى: 16 سنة – مرجوجة درجة أولى لكن طلتها مميزة وهي الي تعطي الجو المرح وتخفف من الأجواء المكهربة تشبه اختها ندى في شكلها يعني ببشرتها البيضا وعيونها السود المكحلة وشفايفها الي بلون الفراولة لكن تختلف بشعرها الأسود – ثالث متوسط وتبي تدخل علمي. ياسر: 4 سنوات – طفل فيه براءة لكن شكل شهد وزين راح يخربونه من كثر ما يلعبون فيه وهو متعلق فيهم كثير – يشبه اخوه مشعل. ام متعب (ايمان) – ام حنون تزوحت من أبو متعب لأن ابوه صديق ابوها وبعد الزواج حبته وتعلقت فيه وانجبت منه. أبو متعب (مطلق) – رجل بدوي لكن متفتح ويحب يسمع قبل يحكم ويقرر طلب من ابوه يزوجه احسن البنات وابوه اختار له ام متعب وبالفعل هي الحين احسن البنات في نظره. متعب: 27 سنة – شبيه بدر ال زيدان جماله جمال بدوي عجيييب لكن كله محبط نفسه ويقول انا خايس وانا مو جميل وهو مطيح نص بنات الشرقيه بشعره الأسود الكثيف وعضلاته وشفايفه الورديه وسكسوكته والشنب الي زايدين من هيبته وجماله – محامي في شركة الجد. وضحى: 23 سنة – اول ما تشوفينها تقولين انها بدوية بقوة وهذا الشي مميزها غير تناسق بدنها لون بشرتها برونزي وشعرها بني طويل لأخر ظهرها عيونها العسلية هي احلى شي فيها ونظرتها الحاده معطيتها طلة ثانية – يلقبونها البنات بـ(زرقاء اليمامة) بسبب نظرتها الي تطيح الطير من السما – مع ندى 24 ساعة وهي الوحيدة الي تعرف سر الغموض في حياتها – رابع جامعة تخصص إدارة اعمال. سعد: 21 سنوات – قافل قلبه من بعد اول تجربة ويقول انها الأخيرة (بنشوف) المهم انه نسخة من عبدالعزيز كسار بشعره البني الكثيف الي يوصل لنص رقبته وشفايفه التوتية وسكسوكته ولحيته الخفيفه – يبين في نظراته وابتسامته الحزن والالم – كتوم جدا – ثالث جامعة تخصص علوم جنائية. عذوب: 19 سنة – (اسم على مسمى) هالبنت عذاااب بجسمها الرشيق وبشرتها البيضا وعيونها المرسومة ودقة خشمها وشفايفها المليانة الي بلون الفراولة وشعرها الطويل الأسود كانت ملكة وتسحر بطلتها – رومانسية درجة أولى – أول جامعة تخصص ادب عربي. أبو فيصل (خالد) – اصغر اخوانه واعقلهم احسن شي فيه انه ابدا ما يعصب وافضل حل عنده التفاهم والتناقش. ام فيصل (سلطانة) – بنت عم أبو فيصل أمها وابوها سوو حادث وتوفوا اخذها عمها ورباها وصارت مثل بنته واكثر اعجب فيها أبو فيصل وتزوجها ومثل ما يقولون القريب أولا من البعيد. فيصل: 29 سنة – شعره بني فلافل وصاير جميل عليه جسمه معضل بقوة وبشرته الكاكاويه معطيته جاذبيه – عاشق ولهان يدرس في كندا طب جراحه (علشان كذا طول) – مضرب عن الزواج زي سلطان بس مو لنفس السبب لكنه مو راضي يأخذ غير الي يحبها ويبغى يخليها تحبه قبل يخطبها والمشكله انه سافر للدراسة وما يقدر يشوفها زي أيام الثانوي. (مين هي يا فيصل احنا وياك والزمن طويل وراح نعرفها) زياد: 25 سنة – شخصية مرحه وضاحكة قريب مت قلوب الكل يصنع الابتسامة غير مقتنع بفكرة الزواح بدون حب عنده الحب اهم شي بالحياة ومن دونه ما تكتمل ولسه ما حصل نصه الثاني وشريكة حياته – مملوح وفيه جاذبية بسبب شكله الأجنبي وعيونه الرصاصيه وبشرته السمرا ومايله للبياض واهم شي خشمه سلة السيف - شكله مغرور لكنه العكس متواضع وكريم – يدرس الطيران الجوي وطيار مستقبلا. جوري: 23 سنة – صوتها خيااااال وحتى البحة الي فيه تميزها – بشرتها حنطية وشعرها قصير للكتف ورموشها كثيفة بس شفايفها عالم اخر من الجمال – توزع المشاعر وصوتها وهي تغني يوصل احساسها للمستمع – رابع جامعة تخصص ادب انجليزي. كادي - تولين: 19 سنة – توأم مختلف كل وحده فيهم بجهة عكس شهد وزين الي الواحد ما يفرق بينهم. كادي: محبوبة الجد وطلباتها مجابة – شعرها بني فاتح مخصل وشفايفها كرزية وبشرتها سمرا وخشمها سلة سيف جسمها متناسق - فيها شبه من شهد حتى نفس العشق للهند – اول جامعة تخصص علم نفس. تولين: مثل ما قلنا ما تسبه كادي ابداً – شعرها اسود حريريي وطويل وشفايفها بلون الفراولة وبشرتها سمرا بس افتح شوي من كادي وخشمها مدبب ومرزوز – ما لها صديقات كثير يعني ما تحب الاختلاط الا مع عايلتها. ياسمين: 16 سنة – صديقة لمى الروح بالروح ما لها في شكلها لأن بشرتها بيضا بياض الثلج وعيونها رصاصيه وشفايفها بلون الكرز وشعرها عسلي لنص رقبتها (فكتوريا) – ثالث متوسط وتبي تدخل علمي. داليا: 7 سنوات – جميلة على خواتها وكله مقلده كادي ومعها في كل شي حتى النوم أحيانا تروح تنام عندها او تخلي كادي تجي تنومها مع ان كل وحده فيهم لها غرفة لحالها. * هذي الشخصيات الاساسية والباقي راح تتعرفون عليهم من خلال البارتات * ليسَت كلُ الاحلامِ تتصِفُ بالمستحيل التام فهناك الجزء الواجب تحقيقه دوِّن فى كراس الاحلام الحلم الاول يا وطنى ان نَرتع فى ورعٍ بين شقوقِ الوَطَنِ بلا استئذان من دونِ عدوٍ يرقُبُنا يخسِفُنا.. يرمينا خلف القضبان من دون فساد يقتلنا يدفننا مثل الايتام ان نملك امر مدينتنا ونرفرف حول كرامتنا... مثل الاعلام ان نشرب خَير اراضينا فى كأس ﻻ يَثْمَلُ منه الحكام دوِّن فى كراس الاحلام الحلم الثانى يا قلبى ان امضى الباقِى منى بجناح امراه تسُلبُنى كل الالام احملها فوق دفاتر امالى حاكمه..مالكه ..واصبه تُبهجنى ترسُمنى بجميع الالوان يحلو لى دوما ان اشعل هداتها ..وانام براحتها واُخَضِّرَ ارض العشق اذا بارت ارض الايام نبنى فوق سَحَابِ الحُب بيوتا من الاشعار.. ننشدها من دون كلام Part 1 مد يده وقصر على صوت المسجل ووقف السيارة قدام البوابة نزل النظارة عن عيونه ورخاها على خشمه وهو يدورها بعيونه شافها من بعيد وابتسم فتح النافذة رفع يده لفوق واشر لها. -------------------------------------------------------------------- : أقول بلا سماجه ترى بروحي مو طايقة نفسي مع هالجو وقسم احس اني دجاجة مشوية. : مشوية ولا مقلية ههههههه. وهي تناظر لشهد بنص عين: شهيد بيجيك شي مني اليوم بس انتظري انا ما صدقت على الله الحين نهاية الدوام واليوم خميس بس ابي اتسبح وانام واصحى وابدل واشوفك في بيت جدي اليوم. شهد: ههههه حلوة ذي (تقلد صوتها) اتسبح وانام واصحى وابدل واشوفك. عذوب وهي تناظر ساعتها: افف سعودي تأخر الحين الساعة 2 وانا قلت له ما عندي محاضرات العصر. شهد: اكيد عندك مصلحة ولا اجل ما قلتي سعودي. عذوب انتبهت للبنات من بعيد واشرت لهم وهي تمشي: تكفون خذوها لو بقيت معها دقيقة وحدة راح اذبحها. كادي تأشر للسيارات: طيب طيب بس شوفي اخوك واقف. عذوب تلتفت للمكان الي تأشر عليه كادي وتبتسم: اييه بعد عمري (التفتت للبنات وسلمت عليهم) سلام اشوفكم الليلة. وراحت.. -------------------------------------------------------------------- سعد برحابة صدر: هلا هلا بخيتي هلا شعلومك؟. عذوب وهي تركب وتسكر الباب: عال العال بس وش له هالترحيب؟. سعد حرك السيارة: ابد بس كذا المهم تغديتي؟. عذوب: لا. سعد: وين تبين نروح أي مطعم. عذوب فتحت عيونها ولفت له: من جدك ولا تمزح؟. سعد: لا لا من جد. عذوب: عمري انت والله يا اخوي يا حبيبي يا عزوتي. سعد يقلدها ويلف لها وهو فاتح عيونه: من جدك ولا تمزحين؟. ضحكو الاثنين مع بعض عذوب (ااه من زمان ما شفتك فرحان يا اخوي الله يرزقك بالي تنسيك خلود وطوايفها والله يهنيها مع زوجها): سعودي ما ابي اروح بروحنا خلينا نمر على البنات. سعد يحط اصبعه على خشمه: ابشري على هالخشم (نزل اصبعه ورجع يده على الدريكسون وهو يناظر الطريق) مين تبين نمر؟. عذوب تعدد على اصابعها: نرجع للجامعة وناخذ شهد وزين وكادي وتولين ونجلاء ونمر بيت خالي محمد ونجيب وضحى وندى وجوري هم هناك متجمعين اليوم عندهم off. سعد انفجع: حشى جيش مو بنات. عذوب ضربته على كتفه عالخفيف: ترى ما ارضى. سعد: خلاص خلاص بس كلهم مخلصين محاضرات؟. عذوب: حتى لو ما خلصو مو لازم يحضرون. سعد: انتو وجه دراسة؟ انتو ربات بيوت و و و و بالموت. عذوب بدون قصد: ايه ما تحلى بعينك غير خلووود يا.... . سكتت يوم حست على نفسها وشافت ملامح وجه اخوها تغيرت قالت بتبرير: سعد والله.... . قاطعها: خلاص ادري انه مو قصدك بس من لسانك الطويل الي يبيله قص. وابتسم ابتسامته المعهوده المصطنعه الي فيها الم يخالطه حب واشتياق. عذوب فضلت السكوت. رجع سعد للجامعه واخذ البنات ومر على بيت خاله محمد واخذ وضحى وندى وجوري واتصل على الشباب يجون معه ما يقدر عليهم كلهم طبعا بعض الشباب رفضوا وطلعو حجج لكن جا معه فيصل وزياد. -------------------------------------------------------------------- فتح باب البيت ودخل شافها قاعده في الصالة بجلالها على السجادة وتستغفر ابتسم قرب منها وباس راسها وقعد على اقرب كنب وفصخ العقال والغترة وسند راسه على ورا: شلونك يا الغالية؟. ام سلطان: بخير يا ولدي دام اني اشوفكم يا عيالي عندي ومرتاحين انا وش ابي غير سعادتكم (انتبهت له يحط يده على جبينه) وش بلاك يا ولدي. سلطان غمض عيونه بتعب: صداع يمه صداع. ام سلطان وقفت وهي تسفط السجاده وتفصخ الجلال: سلامتك يمه وش تبي اسوي لك. سلطان رجع فتح عيونه: الله يسلمك لا يمه انتي ارتاحي انا بروح اتسبح وانام ولما اصحى ان شاء الله يروح الصداع. ام سلطان: الله ييسر لك ويهديك انت بس لو توافق والله لأزوجك الي يحبها قلبك. سلطان يوقف ويمشي لها مسك يدها وباسها: ما في احسن منك يمه بس ولا عليك امر صحيني المغرب. ام سلطان تمسح على راسه: ان شاء الله انت بس روح ريح. سلطان اخذ الغترة والعقال وصعد الدرج بتعب وما صدق يوصل الغرفة توجه للدولاب واخذ له بيجامه ودخل الحمام لعل وعسى يرتاح. -------------------------------------------------------------------- تولين تكلم زين:أقول شخبار عليا مختفية هالايام. زين: ايه المسكينة اخوها رشود توه مسوي عملية. تولين بصدمة: راشد الي عمره 5 سنوات؟. زين هزت راسها بنعم. تولين: مسكين حياتي عاد وش فيه اخر مره شفته كان عادي. زين: ايه تقول انه فجأة مرض عليهم وطلع فيه الزايدة والحمدلله شالوها قبل تنفجر. تولين: الحمدلله الله يقومه بالسلامة طيب عطيني رقمها ابي اكلمها. زين وهي تاكل من البطاطس: ما عندي رقم جوالها بس رقم بيتهم. تولين: لا فشلة ايش ادق على بيتهم. زين: طيب اسألي البنات يمكن وحده منهم عندها الرقم. تولين: طيب (التفتت على البنات وعلت صوتها علشان يسمعونها) بناااات. الكل سكت والشباب خزوهم لأنهم علو صوتهم. كادي ترمي علبة المنديل على تولين: الله يفضحك وطي صوتك وجع ترا احنا في مكان عام مو في البيت. تولين تتفادا المنديل وحطت يدها على فمها من فوق اللثمة: اوبس نسيت (نزلت يدها) المهم مين عندها رقم عليا الـ......... ؟. البنات باصوات متفاوتة: لا , ما عندي , نو نو , معنديش , أي دونت هاف ات. تولين: طيب شكرا كملو هذرتكم. زين: ما لك الا رقم البيت. تولين: يب يب شكله. زين وهي تفتح جوالها: طيب يلا سجلي ..............0138. تولين بعد ما سجلت جات بتضغط على زر الاتصال بس يد زين منعتها: وش تسوين يا خبله اليوم الخميس والساعه 3 الا ربع اكيد الناس يتغدون او يرتاحون وانتي داقة عليهم أقول اجليها لبعدين. تولين: اوك خلينا ناكل. وتغدوا والكل رجع لبيته بيرتاح لأن الجمعه عند الجد اليوم بالليل. -------------------------------------------------------------------- الساعة 6:00 المغرب دخلت الغرفة وفتحت اللمبة وسكرت المكيف قربت من فراشه وهزته على الخفيف: سلطان سلطان. سلطان: همممممم. ام سلطان: قوم يمه قوم صلي ويا دوب تخلص ونروح بيت جدك. سلطان وهو يفتح عيونه ويغمضهم ويحاول يصحصح: ان شاء الله. ام سلطان: ادري فيك تلعب علي مدري متى تجيك المره الي تعرف لك (تهزه اكثر) يلا عاد قوم. سلطان يتثاوب ويحط ظاهر يده على فمه: ااااااااااخ الساعه كم؟. ام سلطان بقلة حيلة: ست المغرب (شالت الشرشف (البطانية) بقوة) يلا ربع ساعة واشوفك لابس ومصلي. سلطان قعد بكسل: اسف يمه والله داري اني متعبك بس وش اسوي ويريحك؟. ام سلطان بنص عين: انت تدري وش يريحني. وطلعت وتركته وهو قام يأخذ شاور. -------------------------------------------------------------------- وصل الكل بيت الجد بدون استثناء. نهاية البارت ارآء: ..................... توقعات: .................... مقتطفات من البارت القادم: نقزت من مكانها وبخوف: يمااااااه وجع انتي وياها وش ذا؟. مسك راسه وصرخ بغضب: اطلعي من راسي اطلعييييييي. عاشت جوها وبدت تغني بصوتها العذب وهي تدور في ارجاء الغرفة: عيشالك أحلى سنين في العمر يا ضي العين وبقلبي يا غالي حنين وغرام من أول يوم في هواك كان حلمي اكون واياك لو يوم من عمري معاك وكتير وانا بتمناك يا حبيب القلب وبستناك عيشالك أحلى سنين في العمر يا ضي العين وبقلبي يا غالي حنين وغرام من أول يوم في هواك كان حلمي اكون واياك لو يوم من عمري معاك وكتير وانا بتمناك يا حبيب القلب وبستناك قربلي حبيبي كمان انا شوقي إليك ولهان املالي الدنيا حنان نسيني معاك كل الأحزان عشقاك وانا مهما أقول انا روحي معاك على طول دانا قلبي كتير مشغول يا حبيبي انا عمري بقى لي زمان عيشالك أحلى سنين في العمر يا ضي العين وبقلبي يا غالي حنين وغرام من أول يوم في هواك كان حلمي اكون واياك لو يوم من عمري معاك وكتير وانا بتمناك يا حبيب القلب وبستناك. تحياتي: ~ شهد العسل ~ (Shahad Alabbad) |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
العرض العادي
