|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
04-12-2014, 03:31 PM
| ||
| | ||
| رواية مــهـآا بسم الله انا قررت اكتب رواية ماعرفت ايش اسميها بالضبط فقررت اسميها بإسم البطله طبعاً ما راح اوقف عن كتابة روايتي الي قبلها انا اولاً راح انزل الشخصيات وبعدين بشوف اذا فيه تفاعل او لا اذا ما فيه راح اوقف مع اني ما بديت المهم عطوني رايكم اكمل او لا؟؟ ...………………………… بطلة القصة: مها 16 سنة أولى ثانوي طبعاً حالياً ما راح احطها تبع اي عائلة راح اعرفكم عليها لما ابدأ الروايه راح تعرفون ليش ومين هي عائلتها .... عائلة ابو خالد الاب:محمد .. الام:مشاعل ريم 26 سنة متزوجة أحمد ولد عمها وعندها بنت اسمها سارا عمرها 4 سنين تشتغل بشركة أبوها بالفرع النسائي خالد 23 سنة يشتغل بشركة أبوه فهد 20 سنة ثاني جامعة شهد 18 سنة ثالث ثانوي عبدالعزيز 14 سنة ثاني متوسط عبدالله 10 سنين رابع ابتدائي عبدالرحمن 7 سنين أولى ابتدائي شذى 3 سنين ..... عائلة أبو عبدالله<< هذي العائلة دورها قصير بس راح اعرفكم فيها الأب:أحمد الأم:فوزية سارا 20 سنة ثاني جامعة منيرة 17 سنة ثاني ثانوي عبدالله 15 سنة ثالث متوسط سليمان 11 سنة خامس ابتدائي عاد عطوني آرائكم مو تقرون وتسحبون حب7 |
|
#2
04-12-2014, 07:02 PM
| ||
| | ||
|
ايوا كملي 👍
__________________ تبســـــــمـ لان التبسم في وجه اخيك صدقه  اصـــبر فان الله مع الصابرين رواية ★~~اسطورة صانع المعجزات~~★ |
|
#3
04-15-2014, 09:55 PM
| ||
| | ||
| البارت الأول الساعه 3 بالليل سمر: هههههههااااي اكيد تمزحين مها: لا من جدي ما امزح نورة: بصراحة انا مو مصدقه رهف: حتى انا من جد شي مايدخل بالمخ سمر: ابداً مها: ليه عادي يعني شفيها لو جت بنت واعترفت انها معجبه بي والله اني اهبل وماليني الزين من فوق لتحت رهف: حبيبتي من الآآخر انتي تلوعين الكبد اوك! سمر باستهزاء: وبعدين انتي مستوعبة الي تقولينه ليتها بنت وبس كان صدقنا لااا بويه من ملح الوجه نوره: بنات حرام عليكم مها بصوت عالي: لااا اله الا الله اعوذبالله من عين الحسود سمر بشك: وش قصدك؟! رهف: لا يكوون تحسبينا نغار مها بدلع: ايه نعم تغارون ولا ليش كل هالعدم تصديق يعني اعترفوا انا اجمل منكم وكل رجال وبويات وبنات العالم يتمنون يشوفون وجهي بس سمر: طسي تكفييين رهف بعصبية شمرت كمومها: انا ذابحتها ذابحتها وبدو يتضاربون مها شاده شعر سمر ورهف تعض ذراع مها واشكالهم تقولون بنات شوارع عفواً قطااوة شوارع نورة بينهم تحاول تفكهم: ياا بنات استهدوا بالله ترى والله مو زين الي تسوونه لا يلعب عليكم الشيطان مها وسمر ورهف بوقت واحد: اسكتتي نورة تجمعت بعيونها الدموع: حرام عليكم الي تسوونه والله انا ما ابي الا مصلحتكم وبدت شريط النياح والصياح مها تضرب راسها بالجدار: ليتني ما قلت لكم السالفة الحين وش يسكتها هذي هااه قولوا تكلموا رهف تمسك راسها: والي يرحم والديك انا بروحي مصدعه من صوتها سمر عند نوره تترجاها: تكفيين هدي نوره نسوي لك الي تبين بس وقفي صياح نوره: تصصالحوا اول سمر خمتهم: هه شوفي تصالحنا نوره سكتت ورجعوا مثل اول وقعدوا يسولفون ( اذا انتم مستغربين من الشخصيات الجديده الي طلعت هذولا خوال مها الي ساكنين بالشرقيه طبعاً مها ساكنه بالرياض فنادراً تشوفهم) فجأة تدخل عليهم ام مها فوزية: يلا مها بنمشي مها بترجي: لا تكفييين يمه لا نمشي الحين انتظروا الى الظهر بس بعدين خلونا نمشي بليز سمر: ايه تكفين خالة اقعدوا شوي بس وش هذا جاهشين من الفجر بتمشون رهف: من جد اذا جا الظهر امشوا خلوكم زي الناس نوره: خاله البنات معهم حق خلينا نشبع من مها شوي ما شفناها زين مها تلف على امها يمكن غيرت رايها فوزية: معليش بنات ابونا ينتظرنا بالرياض ما نقدر نقعد اكثر لازم اكون من الصبح هناك رهف عصبت: لاحووول وش هذا ابلشتونا كل مره ابونا وابونا ابونا وابونا الله ياا.... ما كملت كلامها الا بمها ترمقها تلك النظرة المرعبة نعم انها نيةة القتل رهف بلعت ريقها من الخوف وسكتت فوزية: يلا مها بسرعة البسي عباتك خالك بدر ينتظرنا برا مها مستغربة: ليش خالي الي بيودينا؟ فوزية وهي تطلع: ايه يلا بسرعه مها: بناات سوف افتقدكم سمر تضمها: ما عليها حبيبتي كلها اربع شهور ونشوف بعض مها كشرت وبهمس: ايييه اربع شهوور سمر: قلتي شي؟ مها: هاه لا لا ولا شي نورة: من جد بنفقدك مها رهف: ما ودي تروحون مها: رهف زورونا بالرياض رهف تميل: ايه بسأل اهلي ان وافقوا ولا اكلت تبن نورة معقدة حواجبها: عييب وش هالكلام قلة ادب رهف: انتي انطمي مها تاخذ شنطتها وتطلع: يلا بااي راحت جري على السياره يوم ركبت بدر: بدري كان تأخرتي زيادة مها: معليييش خال تعرف توديع الحبايب بدر: هاه كملتوا؟ امشي؟ فوزية: ايه يلا توكل على الله وامشي بعد خمس ساعات فوزية: مها تعالي شوي ابيك بموضوع مها لحقت امها وفي نفسها(يا ربي انا ناغزني قلبي من هالموضوع احس فيه مصيبه الله يستر) فوزية: مها انا من يوم عرفت قبل شهرين عن هالموضوع وانا افكر اقول لك او لا بس انا لازم اقول لك الموضوع ما يتحمل اني اسكت عنه اكثر مها خافت: يممه شفيك تراك خوفتيني قولي وش السالفه فوزية منزلة راسها وبألم: الحقيقة يا مها انتي مو بنتنا مها صدمة خلاص مو قادرة تستوعب الي تقوله امها وتسأل نفسها هل تصدق او لا فوزية: مهاا انتي معي؟ مها: كذابة فوزية انصدمت: هاه! مها انجن جنونها وقامت تبكي وتشد شعرها: انتي اكبر كذابة مستحيل اصدقك لا انا بنتكم انا بنتتتكم فوزية خايفة: مهاا اهدي شفيك طيب اسمعي القصة مها تصرخ: انتي ولا كلمة لا اسمع صوتك فاااهمة واغمي عليها فوزية تنزل لمها وتهزها: مهاااا قومي مها تكفيين ردي علي بنتي مهاا وما دروا عن الشخص الي كان ورا الباب والي سمع كل شي سارا حاطه راسها على الجدار وتبكي بصمت وبنفسها( معقووله معقوله اختي مها تكون مو اختي اصلاً وش هالمصيبة الي حلت علينا) وحست ان امها بتطلع فراحت ركض على فوق فوزية تركض وتصرخ: يا ابوو عبدالله الحق علينا يا ابو عبدالله احمد ينزل من الدور الثاني: خير شفيك تصرخين! فوزية تبكي: مها بنتنا يا احمد مها طاحت عندي مغمى عليها خلااص راحت من بين يدينا احمد عصب: انتي شفيك وش تخربطين مها وينها؟ فوزية تأشر على غرفة الجلوس احمد يركض للغرفة ويلقى مها طايحه بالأرض شالها بسرعه ووداها على المستشفى بعد نص ساعه طلع الدكتور واحمد راح عنده: هاه دكتور بشر مها بخير؟ الدكتور: هي حالياً بخير وبس محتاجه فتره راحه مدة اسبوع في المستشفى احمد ارتاح: الحمدلله الدكتور: طيب انا ابي اسأل احمد: تفضل دكتور الدكتور: انتم قلتوا لها شي صدمها او اثر فيها؟ احمد: ليش؟! الدكتور: لان البنت باين حالتها النفسيه جداً تعبانه وما كان سبب اغمائها الا هالشيء وانا احاول اعرف السبب الي وصلها لهالحاله احمد بتذكر: انا ما قلت لها شي بس شكل امها قالت الدكتور: اتمنى تخلوها ترتاح هالفتره وما تفتحوا معها هالموضوع ابداً خلال هالفتره ولا بتشتد حالتها تقدر تزورها بكرا من بكرا راح تكون صاحيه احمد: حاضر شكرا دكتور ما قصرت رجع احمد للبيت وعرف السالفه من فوزية وهزأها تهزيئة على طريقتها في شرح الموضوع لمها ولما زاروا مها من بكرا كانت تصد عن وجه امها قد ما تقدر وامها يا حياتي تحاول تراضيها ( طبعاً اكيد فيكم فضول تعرفون السالفه الي قبل شهرين) نرجع قبل شهرين مها كانت بالمستشفى تمشي معصبه: الحين ليش انا الي اجيب له مويه يعني بكامل عافيته ليش ما يجيبها هو مالت عليه وبدون ما تنتبه صقعت في حرمة مها ترفع راسها للحرمه: اسفه يا خاله وتروح مها وتكمل طريقها الحرمة تجمعت في عيونها الدموع: تشبهني بكل شي تشبهني لاا تكوون وراحت ركض تلحق مها واخيراً وصلت لها الحرمة: لو سمحتي يا بنت مها تلف عليها: خير؟ الحرمة: ممكن اعرف وين امك مها رفعت حواجبها: ليش ان شاء الله؟ الحرمة ترقع: لا بس انا اعرف امك من زمان وابي اسلم عليها مها: مو مشكله شوفيها بغرفه 109 تبيني ادلك عليها؟ الحرمة: ايه الله يعافيك وراحوا مها والحرمة الي معها على غرفة اخوها وانفردوا فوزية والحرمة لحالهم فوزية: عسى ما شر اعرفك تعرفيني؟ الحرمة توترت: لا بس ابي اسأل سؤال واحد وابيك تجاوبين عليه اذا ممكن فوزية: تفضلي الحرمة توترت: بنتك عمرها 16 صح؟ فوزية عقدت حواجبها: خير ان شاء الله وش عرفك بمها الحرمة قربت وبهمس: مها مو بنتك صح؟ فوزية انصدمت: اا..نتي ووش عر..فك الحرمة نزلت دموعها: يعني صح علي هذي بنتي الي ضاعت مني من 16 سنه هذي بنتتتي فوزية عصبت: وانتي من عطاك الحق تقولين انها بنتك وانتي اهملتي بنت صغيره ترضع وضيعتيها ما تستحقين حتى تكونين امها ومها عندها ام وحده وهي انا الحرمة تبكي: والي يرحم والديك حتى لو كنتي ربيتيها وتعبتي على تربيتها بس هذي بنتي من شحمي ولحمي ما اقدر اتخلى عنها واتمنى تفتحين هالموضوع مع مها وتخيرينها بين انها تضل معكم او تجي عندنا وانا متأكده جواب مها راح يكون الصح فوزية بعد تفكير: خلاص لما القى الوقت المناسب بفتح معها الموضوع بس لا تستعجلين شي ترى الموضوع مو شويه على مها الحرمة متحمسه: ادري ادري بكيفك خوذي وقتك وانتي تشرحين لها الوضع يلا انا طالعه وتبادلوا ارقام بعض قبل ما تطلع نرجع للحاضر احمد: اسمعي افتحي معها الموضوع بعد اسبوعين ولا تدرين خلاص انا بقول لها انتي منتب عارفه تشرحين لها فوزية تتنهد: الله يعين انتهى البارت |
|
#4
04-23-2014, 07:39 PM
| ||
| | ||
| البارت الثاني أم عبدالله: أحمد انا فكرت كثير لين وصلت للقرار الصحيح أبو عبدالله بمزح: خفي علينا يا القرار الصحيح يا انتي من متى عندنا هالحركات هاه أم عبدالله عصبت: أحممد تراي مو رايقة لسماجتك ذي أبو عبدالله: طيب طيب هدي اعصابك شفيك أم عبدالله بقهر: تصدق انك مرره بارد أبو عبدالله يستهبل: صددق زييين علمتيني كنت احسب اني حار أم عبدالله جن جنونها: أححممد ووجع أبو عبدالله: طيب طيب توبه وشو قرارك؟ أم عبدالله: راح انتظر لين تبلغ مها سن العشرين بعدين بقول لها كل شي أبو عبدالله بجديه: أنتي واثقه من قرارك هذا؟ أم عبدالله: ايه وما راح اغيره أبو عبدالله قام: براحتك أم عبدالله: على وين؟ أبو عبدالله: صديقاتي عازميني باستراحه وبروح لهم أم عبدالله عصبت: نععععم أبو عبدالله يضحك: أمزح بروح انام أم عبدالله: الله ياخذك يالبايخ ما يضحك .................……………..... نبعد شوي عن هنا ونروح منيره: متى بتطلع مها يا دكتور؟ الدكتور: اليوم منيره: بأي وقت طيب؟ الدكتور: الوقت الي تبونه منيره: طيب مشكور طلع الدكتور مها: أبيك تقنعيني الحين منيره: وش أقنعك فيه؟ مها: الحين انتي غبيه ولا تتغيبين منيره عصبت: مهووووي مها: من جدي تراي يعني اكيد بأي وقت أقدر اطلع ما يحتاج تسألين وش هالدلاخه الي فيك منيره: على تراااب اوك؟ يعني زين اني تطوعت وجلست معك بالمستشفى وتركت دراستي مها: احلا يا دراستك اسكتي بس تراي ادري ان قعدتك معي مو لله منيره: وش تقصدين؟ مها: اقصد انك جلستي معي بس عشان تغيبين عن المدرسه هاه اعترفي منيره: ايه عندك شي! مها: انتي اخت! منيره: لا بنت عم مها: هاهاها ساامجه منيره: اقول بروح اتصل على ابوي احسن من القعده معك مها: ابركها من ساعه طووط طووط منيره: هاااي داد أبو عبدالله: وعليكم السلام منيره: ليش تحب تفشلني طيب أبو عبدالله: مو كذا سلامنا الا وش تبين داقه علي من الصبح منيره: ابد سلامتك بس مها تقدر تطلع اليوم ومتى ما فضيت تعال أبو عبدالله: خلاص جايكم العصر مع السلامه منيره: باااي مها: يالي ما تستحين منيره: نعم! مها: كلمي ابوي باحترام وش الي هاي وداد سلامااات منيره: انتي مالك دخل كيفي مها: مع نفسك اقول انقلعي جيبي لي مويه ولا شي اشربه منيره: منيب مها: منووور ترى بيني وبينك امي منيره كشرت: يا شينك انتي وتهديداتك خلاص بجيب لك مها: اييه شااطره خليك كذا دايم منيره طلعت .…..................................... في مكان آخر أم وليد: من جدك يامشاعل ولا تستهبلين أم خالد: لا من جدي ياسعاد واخيرا لقيت بنتي واخيرا أم حمد: انا مو مصدقه انكم لقيتوها بعد 16 سنه عطوني كف يمكن احلم أم وليد شمرت كمومها وابتسمت: ابشري بعزك ياختي أم حمد: أمززح يا بنت الحلال شفيك صدقتي أم خالد: وجع انتي وياها الحين انا جايه لكم بسالفه جديه وانتم تتهاوشون كأنكم بزران صدق ما تستحون أم وليد: ترانا خوات يامشمش يعني ما فيها شي لو تهاوشنا شوي أم خالد: مشمش بوجهك اسمي مشاعل وسهام للحين ما رجع ماجد من كندا؟ أم حمد: لا لسا ما رجع حبيب امه أم وليد: اخسس حبيب امه اجل والله من قدك يا ماجد أم حمد: انتي مشتهيه كف؟ أم وليد: لا مشتهيه ذراع أم حمد: يا سمجك وكملوا هواش وأم خالد تضحك عليهم وما دروا عن الخمس اوادم الناقزين عند الباب وفجأه كل هالخمسه طاروا الى غرفه بعيده ودخلوها وصرخوا كلهم مره وحده ليلى: مااا اصدق عندنا بنت خاله وحنا ما ندري عنها اسيل: ولا بعد مختفيه من 16 سنه وتوهم يلقونها رولا: اوه ام جي اوه ام جي رزان ترفع يديها: يا رب يا رحيم انها تطلع وحده عاقله وذربه وجميله ونفسي بكل شي وما تكون نفس هالصايعات الي جنبي ياربي انك لا ترد دعوة عبد محتاج لمياء: يا الزفت حنا صايعات اجل هااه رزان بدلع وغروز: ايه صايعات ومثل العيال ومافيكم ذرة انوثه وتشبهون سواقنا كريم وبتعنسون طول عمركم رولا دفت رزان وعشان رزان خفيفه طاحت رزان: اااي يعور ياحقيره رولا: تشوفين ان ما تزوجت قبلك رزان تاقف وبغرور: بنشووف رولا: قاعده تتحديني انتي ووجهك! رزان: افهميها مثل ما تبين لمياء باستهزاء: اعصابك رولا لا يكون حاطه عينك على واحد وحنا ما ندري ليلى صفرت: اخسس طلعتي تحبين ومن ورانا بعد الله يالدنيا هذا اخر شي كنت راح اتوقعه منك رولا رافعه خشمها: حبايبي مو انا الي حاطه عيني على رجل الرجال هم الي حاطين عينهم علي ليلى صفرت ثانيه: حركتااات والله لمياء: وانتي مستانسه انك تعرفين تصفرين ولا شسالفتك ليلى: تحمليني توي متعلمه رزان ضحكت بسخريه رولا لفت عليها بعصبيه: وش تضحكين عليه؟ رزان: اضحك عليك يا حلوه رولا: اعتقد مافيه شي يضحك فيني رزان: يا حبيبتي تراك ماخذه بنفسك مقلب وبعدين الغرور ما يليق عليك فخليه لاصحابه رولا: رزانووه يا الـ اسيل صرخت: بنااااات كلهم لفو عليها اسيل: لو تركزون في كلام امهاتنا بتلقون ان بنت خالتي مشاعل يوم ضاعت كانت تحبي لمياء بتفكير: وهي ضاعت قبل 16 سنه اسيل: يعني كان عمرها بالشهور يوم تضيع ليلى تناظرهم بغباء: الحين وش تبون توصلون له بالضبط رزان فهمت عليهم وابتسمت: يعني البنت بعمرنا اسيل: برافو عليك رولا توها تنتبه: اييه والله توي انتبه ليلى: حتى انا لمياء تمسك راسها: يا ربيه هالرخوم انا وش مجلسني معهم رولا: نععم ما الرخمه الا انتي ليلى: عيدي الي قلتيه يا ست هانم عشان تشوفين اصابعك خمسين لمياء تتصنع الخوف: يممه خفت اسيل انقذيني منهم هالوحوش ليلى ورولا: تتطنزين انتي ووجهك بعدها لفو على بعض وضحكوا عشانهم قالوها بصوت واحد رزان بنفسها( من جد غبيات) اسيل بنفسها(ياحليلهم والله) لمياء بنفسها( اغيب بكرا ولا ما اغيب؟؟) ........................................ في منزل عائلة أبو عبدالله بعد ما طلعوا مها من المستشفى مها تتمدد: اااخ يا زين البيت بس منيره تنسدح على الكنبه: ااه يا ظهري اااه تعبتني هالمها تعبتني ابو عبدالله ابتسم: معليش انتم خوات وكل وحده تتعب عشان الثانيه منيره جلست: من جدك يبه مهوي ذي عمرها ما تعبت عشاني كله تتعبني مها: لووو سمحتي منور نسيتي يوم كنتي بثالث وانا بثاني متوسط وانغمى عليك بالمدرسه ومار اشيلك من الدور الثالث الى الدور الاول عند الاداره هاه نسيتي ولا اذكرك منيره: لا ما نسيت وبعدين تراها كانت اول واخر مره مها شهقت: اول يالظالمه نسيتي وحنا بالروضه يوم نواف يجي بيضربك وجيت انقذتك وجلدت ابو الي جابه عشانك هاه نسيتي ولا اذكرك منيره: ازعجتيني تراك اذكر اذكر بس هالمرتين وما ساعدتيني بغيرهم مها شهقت: نسيتي يوم كنا بزران يوم وقفت ضد ناصر ولد عمتي عشانه كان يتطنز عليك هاه نسيتي ولا اذكرك منيره شهقت: يالنصااابه انتي الي كنتي تتطنزين علي مو هو مها: ايه صح نسيت ههههه يا حليلك كنتي على طول تصيحين الزبده اهم شي اني ساعدتك مرتين اجحديها عاد ترى محد يحصل له اساعده منيره: انتي اوص ولا كلمة خربتي عيشتي وخربتي ايام طفولتي البريئه عبدالله دخل عليهم: وانتم بتتهاوشون كل يوم بسكم هواش ازعجتونا الله يلجكم مها عصبت من اسلوبه: هين هين يا عبود يممممه ام عبدالله جت: سمي مها: يمه ترى عبود عنده اختبار بكرا وللحين ما ذاكر ام عبدالله لفت على عبدالله: صدق الي تقوله مها؟ انت مذاكر ولا لا؟ عبدالله ارتبك: هااه ايه لا ايه ايه مذاكر افا بس يمه تشكين بولدك ام عبدالله: انقلع ذااكر اجل هذي اخرتها تبي ترسب وتنزل سمعتنا بالوحل يقولون ولدهم رخمه عبدالله: احول يمه تراك عطيتي الموضوع اكبر من حجمه ترى عادي يعني ريلاكس ام عبدالله: بعد الى ثلاثه واااحد اثنيين ثلاا وما شافت غير غباره منيره ابتسمت: كفوو هذي اختي مها تغمز: اعجبك ......................................... ام عبدالله طلعت للحوش تكلم طووط طووط طووط ام عبدالله: الو السلام عليكم ام خالد: وعليكم السلام هلا ام عبدالله وش بغيتي؟ ام عبدالله: مها ما راح اكلمها عن الموضوع الحين ما راح تتحمل الصدمه بهذا العمر ام خالد: يعني متى قررتي تقولين لها ام عبدالله: اذا بلغت سن العشرين ام خالد بحده: واذا بلغت سن العشرين وما قلتي لها؟ ام عبدالله: وقتها تعالي انتي ووضحي كل شي لها ام خالد: طيب ممكن اطلب طلب ام عبدالله ماسكه اعصابها: تفضلي ام خالد: ممكن تعطيني صورة لمها؟ ام عبدالله: ليش ان شاء الله؟ ام خالد: ابي على الاقل احتفظ بصوره لها هالفتره ام عبدالله: يصير خير مع السلامه ام خالد: مع السلامه ام خالد لفت وانصدمت بخالد واقف عند باب الغرفه خالد: يمه ممكن تقولين لي من هي مها ذي؟ ام خالد ترقع: صديقتي توها والده وابي صوره لبنتها بس خالد: يمه العبي على غيري من هي مها؟ ام خالد بنفسها(شكلي بقول له بس ما ينفع اجيب له كذبه لانه مو مصدقها) خالد: هاه تكلمي من وين تعرفين مها هذي؟ باين عليك مهتمه فيها ..( للمعلوميه ترى كل ابناء مشاعل ما يدرون ان كان عندهم اخت ما عدا خالد وريم يدرون بس يحسبونها ماتت).. ام خالد بهدوء: اختك خالد: تستهبلين انا ما عندي خوات غير الي بالبيت واذا تقصدين اختي ذيك فهي ماتت قبل 16 سنه ام خالد: هي ما ماتت خالد انصدم: وش قصدك يعني انا عندي اخت بالدنيا وحيه ولا دريت عنها ام خالد: ايه خالد عصب: ليش قلتوا لي انها ميته ام خالد انفعلت: كنتوا اطفال كيف نقول لكم ان اختكم ضاعت كيف؟ خالد يحاول يضبط اعصابه: طيب لقيتوها ولا لسا ضايعه؟ ام خالد: لا لقيناها خالد فرح: جد وينها وينها؟ ام خالد: اركد يا ولد ما نقدر نرجعها معنا الحين خالد: وليش ان شاء الله؟ ام خالد: فيه عايله متبنينها واختك توها صغيره ما راح تتحمل صدمة ان عندها ام ثانيه خالد بقلة صبر: طيب متى بتقولون لها ام خالد: انت شفيك مستعجل ترى السالفه مو شويه خالد: كيفي اختي وابي اشوفها اليوم قبل بكرا ام خالد: اذا بلغت 20 سنه بتقول لها الحرمه الي تبنتها وبنشوف اذا راح تقعد هناك ولا بترد لنا خالد: اووف 4 سنيين تراها مو شويه ابي اتزوج انا قبل كذا وش ذا ام خالد: طيب تزوج احد منعك؟ خالد: لا بس ما ابي اتزوج الا واختي حاضره عرسي ام خالد: بسيطه نرسل لها بطاقة دعوه خالد: لا ابيها تحضر بصفتها اختي مو غريبه ام خالد: براحتك وطلعت خالد بنفسه(وناسه مو مصدق اختي للحين حيه متحمس اشوفها لا لا شكلي بينغمي علي من الفرحه اثقل يا خالد) وطلع وراح للمطبخ وقعد يفكر بمها شهد نطت عنده: وش تفكر فيه خالد كشر: وانتي وش دخلك اشغلي نفسك بحالك ومشى وخلاها شهد: قليل الحيا هالي ما تربا اجل انا يكلمني كذا هين بس يا خويلد عبدالعزيز: اعصابك لا ينط فيك عرق شهد بعصبيه: وانت انقلع لا بارك الله فيك يالكلب وراحت عبدالعزيز: يمه منها اكلتني انا وش قلت الحين عشان تعصب كل هالعصبيه عبدالرحمن: هههههههاااي ااحسسسن ورتك العين الحمرا عبدالعزيز ضربه على راسه: اقول انقلع صدق انك حمار ومشى عبدالرحمن قعد يصيح جت ام خالد: دحومي حبيبي شفيك؟ عبدالرحمن: عزوز ضربني ام خالد صرخت: عبدالعزيييز ووجع عبدالعزيز سفط ثوبه وانحاش ام خالد تركض وراه وتأشر على الحراس: امسكوووه بس عبدالعزيز كان اسرع منها وطلع من البيت ام خالد تتنفس بقوه: الله ياخذك من ولد عند مها مها تبنق ناصر ساعه كامله لين رد عليها ناصر رد عليها: وجع الله يزعجك ازعجتيني مها: انت كل تبن واسمع قصدي اقرا ناصر: نعم مها: اقنع عمي صالح اننا نطلع لمخيم يومين ناصر: وليش ابوي بالذات تبينه يقتنع؟ مها: عشانه اكبر واحد فأكيد لما يقول لباقي عماني نروح بيوافقون ناصر: طيب ليش انا بالذات؟ مها: عشانك اكثر واحد يحبه ويعزه ناصر: احممم طيب عمي احمد قصدي ابوك الي هو راسه يابس وش يقنعه؟ مها: يا كثر اسألتك انا بقنعه ولا يهمك خلها علي ناصر: ترى بس عشاني مشتهي طلعه ولا كان ما وافقت مها: تتمنن علي انت وخشتك ناصر: يمكن ايه ويمكن لا مها: صدق من قال انك نشبه ومزعج وثقيل دم وترفع الضغط ناصر: انا واثق من نفسي فما يهمني كلامك مها: اقول بس اسكت تكفى ناصر: مابي مها: الله يلجك باي ناصر: باي مها قفلت جوالها وقالت: بصراحه انا اشك ان عمره 21 اقول بس خل انام وبكرا تستقبلني الاخبار الي تفتح النفس ونامت انتهى البارت حرام عليكم ياناس حسسوني ان روايتي تستحق انشرها على الأقل تعليق واحد مافيه ولا تعليق يلا عاد كلكم عطوني رايكم التعديل الأخير تم بواسطة nosha36 ; 04-23-2014 الساعة 08:08 PM |
|
#5
05-01-2014, 07:03 PM
| ||
| | ||
| البارت الثالث يوم الخميس الظهر في مدرسة مها مها: بسرعه تعالي يالخبله جواهر: لا يا ربي خايفه مها: يا بنت الحلال من وشو خايفه الحين جواهر: اخاف يجي ابوي مها: لا ما راح يجي لا تخافين باقي نص ساعه ويجون اهلي واهلك تعرفينهم بدواماتهم جواهر: بس اخاف احد المعلمات ينتبهون او شي مها: محد منتبه تعالي ومشت مها مع جواهر مع ورى المدرسه وراحوا لأقرب بقاله لما وصلوا لمها تقريبا كانت مليانه رجال ومحوطتها سيارات كثيره مها خايفه وتدعي: اللهم اجعل من بينهم سداً ومن خلفهم سداً فأغشيناهم فهم لا يبصرون جواهر تضحك باستهزاء: انقلبت الادوار الحين صرتي انتي الخايفه مها: جوجو تكفين خلينا نرجع والله المكان مليان رجال مقدر جواهر مسكت يدها وسحبتها: اقول تعالي بس عقب ما مشيت هالمسافه ودخلوا البقاله وشافوا اغلب الرجال الي بالبقاله يطالعونهم جواهر مسكت مها على طول وسحبتها لاخر البقاله بمكان مافيه رجال مها تلهث: يمه رعب جواهر: بسرعه خلينا ناخذ الي نبي ونطلع مخليتني بمجاعه طول اليوم واخرتها تبينا نرجع مها هدت انفاسها: يلا تعالي وقاموا يظفون فجأه جوهم ولدين صغار .....: ههههه لا يكون منحاشات مها شوي وترفسه: اقول انقلع لامك الله ياخذ هالوجه جواهر: شفيك هدي اعصابك لا تخربين وناستنا الولد الثاني: اي وناسه وانتم اخرتكم بتنجلدون مها تطقطق باصابعها: انا ما ادري من بينجلد هنا الولدين مشو وقال احدهم: مهبوله مها صرخت بدون ما تقصد: وجع حماار جواهر صفقتها على راسها: اووص لا يسمعونك مها رجعت لخوفها: الله ياخذك تعالي نحاسب ونطلع بسرعه جواهر: انتي اخر من يأمرني اوك؟ ولما وصلوا لقوا الصف الي عند المحاسب طوييل ومليان رجال وشباب مها وجواهر يرجعون على ورى خايفين وفجأه صقعوا باثنين شباب واحد منهم يضحك: شفيه الحلو خايف مها عصبت كلش ولا احد يكلمها بهالطريقه: اقول انكتم الله يحرقك الولد الثاني: اوف اوف البنت طلعت داعيه مها كشرت: اكره ما عندي هالانواع الولد الاول: ليش وانتم من اي نوع؟ منحاشات من المدرسه ورايحين للبقاله جواهر تلعثمت: لا اصلا حنا ما ندرس وجايين من بيتنا مو منحاشين الولد الاول يصفق: اووه واو فعلاً انا قاعد اصدق الحين مها: انت كل بردقانه وانت ساكت الولد الثاني: اسمها برتقاله يا مزه برتقاله مها: وانت شعليك مني؟ الولد الثاني: ابد حاب انصح عشان ما تتفشلين عند احد مها وصلت معها جواهر تنغزها وبهمس: مهوي خليك منهم كفايه الي حنا فيه تعالي نحاسب ونطلع بس مها لفت شافت الطابور فضى وراحوا يحاسبون طلع الي يحاسب بزر مها استغربت: انت الي تحاسب؟ الولد: ايه مها: غريييبه الولد: ليش؟ مها: لا بس توك صغير على الشغل الولد: الضروف عاد وش اسوي مها انهبلت توه صغير على هالكلام جواهر: اشوفك اخذتيها معه سوالف خوذي الاغراض وبسرعه خلينا نطلع مها: ليش؟ غايره؟ جواهر: اقول لا يكثر وبسرعه ما بقى الا عشر دقايق مها شافت ساعتها وشهقت: يوومه مر الوقت بسرعه وسحبت جواهر وركض على المدرسه واشكالهم الله لا يوريكم وحده انفتحت عبايتها والثانيه تركض وكل شوي طايحه وكان فيه هندي مار وقاعد يضحك عليهم مها عصبت: الله ياخذك وش يضحك الهندي سحب عليها وراح وكملوا ركض ووصلوا للمدرسه واخذوا نفسهم بعدين دخلوا عادي استاذه سهام: خير ان شاء الله يا مها انتي وجواهر كل يوم تطلعون ولا تدخلون الا وين مها رفعت حواجبها: وانتي وش دخلك استاذه سهام: مهوووي مها: اسكتي مو رايقه لك ودقوا على اهلهم عشان يتأكدون اذا كانوا جو او لا والامور كانت تمام بعد ما رجعت مها للبيت في غرفة مها ومنيره مها: منووور توقعي اليوم وش صار منيره مغمضه عيونها: تهاوشتي انتي وسهاموه مها مبتسمه: لا منيره: انتي وموضي؟ مها تكتم ضحكتها: لا منيره: مع نفسك اجل ( طبعاً نسيت اقول لكم ان منيره ومها بمدارس مختلفه) ممها: رححت انا وجوجو للبقاله منيره نطت من سريرها: هااااه مها تضحك: شفيك اقول لك رحنا للبقاله بالطلعه منيره: كفوو وش شريتي لي؟ مها: بس همك بطنك ولا تسأليني وش صار منيره: شريتي كولا؟ تراي من زمان عن الكولا مها شافت ما منها امل وطلعت الكولا ورمته عليها منيره: الله مثلج بعد وبعد ما خلصت منيره القاروره: ايه صح يالدلخه وش صار؟ مها: وجع منب دلخه المهم الله يسلمك وقامت تحكي لها القصه كلها منيره: والله هالولد هو وخويه قويين عين مها: وبقووه منيره: بس بشري مها: وش ابشر بوه؟ منيره: حلوين؟ يهبلون؟ مها: اننتي اتفه وحده شفتها بحياتي منيره: اوك اوك بس قولي مها: والله ما اخفي عليك مملوحين منيره: يسسس خلاص الاحد انا وياك بنروح لهالبقاله مها: انجنيتي وش يجيبك؟ منيره: اجيكم زياره يا بنت الحلال مها انسدحت بتنام: يصير خير الاحد ......................................... في بيت ثاني شهد نطت عند امها: يوومه ام خالد نزت: بسم الله اللهم سكنهم مساكنهم شتبين؟ شهد مسويه زعلت: الحين صرت جني ام خالد: ايه جني وابليس مقعد بعد شهد: افا بس يمه المهم ابي نروح انا وياك المجمع ام خالد: اي مجمع تقصدين؟ شهد: اي مجمع بالرياض مره اي واحد ام خالد: وليش ان شاء الله؟ شهد: يمكن نقابل ولد الحلال الي بيفكني من هالبيت ما تدرين ام خالد: اقول شهودتي شهد استانست: سمي ام خالد: تشقلبي لغرفتك اشووف بنات اخر زمن شهد راحت غرفتها متحطمه واتصلت على صديقتها الوحيده رنا شهد: رنووو رنا: هلا شفيك؟ شهد: خلينا نطلع اليوم انا وياك لطعس عشره عشره مليان شباب هناك رنا: انهبلتي انتي وش يضمن انه مليان شباب هناك وخل نفترض اننا رحنا وطلعت الدنيا معبيه شباب وش بيصير يعني؟ شهد: ياختي ما بتضمني ممكن اتكرفس وتنكسر رجلي ويجي شاب جميل بسياره كشخه وينقذني ويصييير النصيب رنا: والله مضبوط هالحين بتمكيج لحد ما تمريني اوك؟ لا تطولي والله ممكن تزبط شهد: ابشري ولا يهمك رنا: ولا خلاص خلاص هونت شهد: لاااا ليش رنا: الطعس بالزلفي وحنا بالرياض وش يودينا هناك شهد: عاادي كلش لعيون حبايبي رنا: الحين صاروا حبايبك شهد: لحظه الطعس بالزلفي؟ رنا: هه تبي تروح وهي ما تدري وينه الله يخلف بس خليه بكرا بااي شهد: اوك باااي وسكرت التلفون وراحت تتروش شهد: والله لو يدرون اخواني ولا ابوي بيكرشون لي ........................................ مها قامت على ازعاج جوالها وردت على المكالمه مها: تبن من معي؟ ناصر: سلمي طيب وش قلة الادب ذي مها انفجعت: نوييصر ناصر: لا عمه ايه ناصر هاه شبعتي نوم؟ مها كشرت: لا طبعاً والسبب انت يالزفت ناصر: اقول عندي لك خبر بمليون مها استانست عرفت وش بيقول: وشو وشو ناصر: ابوووي مها متحمسه: ابوووك؟ ناصر: رفففض مها قلب وجهها: نعععم رفض وليش؟ من سمح له؟ بأي حق؟ مو حرام عليه؟ انا منحجره بالبيت وهو مافيه! ناصر: هدي هدي شفيك امزح واافق مها: يا كللب ورا ما قلت من قبل ونااسه ناصر: هذا موب كلام بنات تبن وكلب سلاامااات مها: تلايط بس باي ناصر: باي منيره بشك: من كنتي تكلمين اعترفي؟ مها: مسويه فيها قافطتني انتي ووجهك منيره: بسرعه اعترفي مها: ناصر منيره: اي ناصر؟ مها: حشى تحقيق ناصر ولد عمي صالح منيره: اييه اشوى على بالي ولد عمتي مها: ليش؟ تحبينه؟ منيره: لا بسم الله علي بس ولد عمي صالح خبل مستحيل تصير بينكم علاقه بس ولد عمتي ما تدرين عنه مها: انطمي بنام ........................................ من بكرا تحديداً عند طعس عشره عشره رنا وشهد خايفات: اتوووب رنا: والله المكان يخوف مليان شباب وبقوه ومافيه ولا بنت شهد: من جد خلينا نرجع طبعا هم كانوا بالسياره ولسا ما طلعوا وكانوا جايين مع السواق ورجعوا الرياض .................. مرت الأيام وجا اليوم الي راح يجتمعون فيه بالمخيم وصلوا كل العوائل للمخيم مها تحضن خلود: يا قلبي من زمان عنك خلود: حتى انا يالقاطعه وين فيه مها تبعد عنها: ببيتنا خلود تتظاهر بالتفاجأ: اما عااد احلفي وانا الي كان على بالي انك بجده مها: هاهاها سخييفه خلود: انتي الاسخف ليان: وانا ليش مسحوب علي؟ مها تضحك: يا قلبي انتي بعد تعالي ليان: لا خلاص زعلت مها: طسي ميته عليك واخذتهم السوالف ولما دقت الساعه 2 بالليل طلعت مها تتمشى وكان الكل نايم ما درت الا بالي قدامها فحطت الطرحه على وجهها مها حاولت تدقق بالملامح عشان المكان كان ظلام وتفاجأت: ع..ع..عمـ ـر عمر: عيون عمر مها: انت شجابك هنا؟ عمر: حبيت اتمشى مها: لا اقصد للمخيم عمر: انا من الاهل ليش ما اجي مها لفت وجت بتروح الا بكلمة عمر: على وين؟ مها: ما ابي اشوف رقعة وجهك عمر: افا ليه؟ مها: انت كل تبن وانت ساكت وراحت والدموع بعينها تحبه بس ما تبي تروح له بعد ما درت انه راعي بنات بالصدفه وهو ما يدري انها عرفت انتهى البارت معلييش قصير المره الجايه بحاول اطوله |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية عن نارتو مدرسة الثانوية وبعنوان (احبها ولاكن) اول رواية لي | صغيرة لاكني خطيرة | قصص الانمي المُستَوحاة و المصوَّرة | 93 | 08-04-2017 12:39 PM |
| روايتنا الاولى : رواية شياطيـن المدرسه (رواية سعوديه) ، الكـاتبه \ نكبهـ | نكبهـ | أرشيف المواضيع الغير مكتمله او المكرره او المنقوله و المخالفه | 51 | 03-02-2015 04:19 AM |
| رواية جديدة للدكتورة ناعمة الهاشمي 2012 تعالوا يا بنات رواية شما وهزاع احلى رواية | florance | أرشيف المواضيع الغير مكتمله او المكرره او المنقوله و المخالفه | 2 | 02-26-2014 02:28 PM |
| رواية نور الكون رواية جديدة من روايات سعوديه رواية نور الكون | الحب الساكن | أرشيف المواضيع الغير مكتمله او المكرره او المنقوله و المخالفه | 13 | 07-03-2011 03:30 PM |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
69Likes
العرض العادي
