#26
| ||
| ||
اقتباس:
يكفيني ردك ومرورك هذا و اهم شي عندي ^_^ اساسا حتى انا ما احب القصص الواقعية ابدا بس مدري كيف الفت هذي<<بجد انت فاصل
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي:لقاءنا التاسعة مساء عند النهر ^_^ |
#27
| ||
| ||
اقتباس:
وردك الرائع
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي:لقاءنا التاسعة مساء عند النهر ^_^ |
#28
| ||
| ||
اقتباس:
بس اللي يصير في عماد الحين قليل عن اللي حيصير فيه بعدين مشكورة على ردك نورتي روايتي
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي:لقاءنا التاسعة مساء عند النهر ^_^ |
#29
| ||
| ||
اقتباس:
اكون من ذي النوعية من الكتاب شكرا على مرورك اختي^^
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي:لقاءنا التاسعة مساء عند النهر ^_^ |
#30
| ||
| ||
البــــــــــــــ الثاني ـــــــــــــارت وعشان ينكد عليه ابوه لانه اشترى سيارة بدون ما يشاوره قال للبواب اذا جاء عماد بيخرج من القصر ما يعطيني ويه ولا يفتحله البوابة فصار متعود كل ما بغى يخرج يفتح البوابة بنفسه اهاااه على كلا ...................................... ركب عماد السيارة واتعدى البوابة, ومشى في الطريق وهو يحمد ربه انه ابوه ما جاء وشافه خارج, وهو كان قاصدا يروح واحد من المولات اللي متعود هو وشلته يتجمعون فيها. بس لقى الشارع زحمة فوقف السيارة على جنب وخرج منها ومشي على رجوله, والمسافة اللي تفصل بين مكان السيارة والمول تقريبا شارعين يعديهم يعني المسافة بسيطة, دخل المول وراح كافي, ولقى صديقه ياسر. ياسر اعز أصدقاء عماد من يوم ماكانوا بالابتدائي وهو معه وصديقه الروح بالروح ما يفارقون بعض لو ايش ما يصير وهو طيوووووووووب فوق اللزوم وعلى نياته وهو بعد وراءه قصة طويلة بنعرفها خلال الرواية عماد راح من خلف ياسر وغطى عيون ياسر, وقال: من الحلو اللي مغطي عينك؟ ياسربكل سذاجة: انت!!! عماد بنرفزة:ايه اعرف انو انا, بس منو انا؟ ياسر يبيه يتنرفز اكثر: ما دمت تعرف انه انت, عيل ليش تسالني؟؟؟؟ عماد بعد يدينه وجلس عالكرسي قدام ياسر وهو متنرفز بجد. وقال: انت قهر ياخي, انا بس باعرف انت ما تعرف هاللعبة بعد ولا تستهبل. ياسر بضحكة هادية: من جد انت ما ينمزح وياك, وشفيك عصبت شذي ,كنت ابي انرفزك شوي. عماد وهو يشرب قهوة ياسر: طيب حلال عليك نرفزتي فرحان الحين, لو ما انني شايفك اليوم كاشخ كان طحت فيك ضرب على هالحركة. ياسر وهو يطالع على ملابسه ويقول: ليش اول مرة تشوفني محلو ؟ عماد يبغي ينرفزه : ايه في العادة تطلع ويانا شكلك مبهذل شعرك في ناحية, وذقنك في ناحية, وملابسك الوانها تخرع, بس اليوم شكلك مختلف وش القصة مستني بنت تجي ولا.............؟؟؟؟؟؟ ياسر باين عليه هاااااادي: لاتكثر الوسوايس اللي براسك, القصة وما فيه خواتي اختارولي ثيابي, ورتبوني قبل لا اخرج اليوم ويقولون: نبيك من اليوم ورايح تطلع اكشخ من رفيجج المغرور اللي اسمه عماد. عماد: وهذولي الخوات المحترمات ليه ما رتبوك من زمان, خلاص عيل تعرف اني واد كيووووت وسمعتي في الجامعة زي نار على علم عشان شذي, ما في مشكلة يجوون خواتك يشتغلون كوفيرات عشان اطلع مرتب انا كمان. ياسر بابتسامة مصطنعة: انت عندك اخت الله يحميها لك ولاهلك ما تحتاج غيرها باذن الله, وبعدين انت من غير شي طالع خقة قدام بنات الجامعة كيف لو بتزيد شو اللي حيصير. عماد معقد حواجبه: سوسو, وش فيك اليوم مقلوب مو على بعضك من اول ما جيت وانا حاس انك بتحاول تبتسم بس منت قادر وش فيك؟ اخوانك فيهم شي؟ سوى لك ابوك شي؟ قولي وانا اخوك ما تعودت تخبي عني شي. ياسر غطى وجهه بيدينه واخذ نفس طويل كانه مستعد يقول كل اللي في قلبه, سكت شوي بعدين قال: ولاشي بس حاسس نفسي مكبوت ومخنوق ذي اليومين بعد أسبوع حتبدى الجامعة ولازم ارتب وقتي بين الشغل والمذاكرة وتفكيري في ابوي وسناء ؟ كمان ذاك............ اااااااااااه عماد حزن وهو يشوف صاحبه تعبان لهدرجة قال وهو يبي يخفف عنه: ياسر تعرف اني حاكون معك وحاساعدك دايم بس انت اطلب مني وحتلاقيني معاك عالطول ابوك هذا لا تعطيه وجه مع اني قلت لك اكثر من مرة اتصل بالشرطة بس انت رافض, وكمان سناء هذي زودتها قلت لك اترك عنك ذي البنت تراه لاعبة ومالها في شغل الحب.......... ياسر: الله يخليك يا عماد لا تتحشى عنها بهالطريقة تعرف اني اشكثر احبها يمكن هي مزودتها بس انا للحين احبها. عماد: ولو اني ماعرف شكثرانت تحبها كان رحت عندها وفضحتها قدام الله وخلقه, بس مو مهم خلينا نغير الموضوع كنت بتقول اول شي وبعدين سكت وش وراك بعد وما خبرتني ...........؟؟؟ ياسر بضيق شديد: ما خبرتك اول عن الاحلام اللي تجيني. عماد: قصدك ذيك الاحلام, مازالت تجيك....... ياسر: ايه واكثر من اول بعد كل ما جيت انام يجيني ذا الحلم خلاص ما صرت اقدر انام , لدرجة صرت اصحى وانا ابكي واصرخ حتى خواتي صار خايفين لا يكون في شي صاروا ينامون معي بالغرفة. عماد قام وقف وقال: يللا قوم راح نطلع الحين. ياسر استغرب من حركة عماد الغريبة فقام من غير ما يسال. وهم ماشين في طريقهم عشان يخرجوا من المول قال ياسر: شفيك قمت عماد قلت انا شي يزعل ولا طفشت مني ؟ عماد: افا عليك انا ازعل منك, بس انا شوفت انك ناوي تخليني ابكي قدام العالم قلت خليني أقوم قبل لا اتفشل ثاني مرة اليوم. ياسر وهويبتسم على كلام عماد: اسف لاني دخلتك في مشاكلي و نكدت عليك اليوم. عماد: محد قال انك نكد ياخي انت الا تبي تطلع في نفسك كل مصايب الدنيا, كل اللي ابيه ابتسامة حلوة منك زي شذي , وابي اريحك واروح وياك العيادة عشان تبطل خوف من ذي الاحلام. مشو فترة وهم ساكتين وقطع ياسر هذا السكوت وقال: عـ عماد عماد: روح عماد امر تدلل. ياسر منحرج كيف حيقول ذا الكلام في الأخير قال: ما يامر عليك عدو بس بكرا اذا ما كان عندك شي, تقدر تمر علي عالساعة 7ونص الصبح . عماد: ولا يهمك ولو تبيني اجيك من الساعة 6 اجيك, بس انت على وين رايح بذا الوقت؟ ياسر: انا بروح عالشغل. عماد : كذا, خلاص فهمت سيارتك خربت ثاني, صح؟ ياسر: وانت الصادق الواضح ذي المرة ما عاد حتشتغل من ثاني. عماد: خلاص من اليوم ورايح انا اوديك واجيبك من الشغل وانا كم سوسو عندي. ^_^ ياسر وجهه حمر: فشلتني الله يفشلك عماد ما قلت لك لا عاد تناديني بذا الاسم قدام الناس. عماد: وش اسويلك اسمك ما اقدر اطلع فيه دلغ غير كذا احمد ربك أيام الابتدائي عمري ما نطقت كلمة ياسر بس الحين تعودت شوي شوي. قال عماد هذا وهو يضحك ضحكة خفيفة . ضرب ياسر عماد ضربة خفيفة على راسه وهو يقول :انس ذا الاسم موليه لا تجيبه على لسانك ولا تتذكره حتى. عماد:خلاص يا سوسو حقك علينا. وبعدها ضحك ضحكة عالية ياسر بقهر: عمااااااااااااااااااد اسكت. عماد: هاي انا ردت لك الدين مو انت اللي كنت تبي تنرفزني احسن تستاهل. وصلوا أخيرا برا المول وهم يضحكون على بعض. فجاءة عماد صرخ صرخة بسيطة ياسر مرعوب: عماد ايش فيك يا ريال؟ ايش صاير؟ عماد : لا ما في شي بس نسينا ربعنا داخل لا شفتهم ولا سلمت عليهم خلنا نرجع نجيبهم. جاء عماد بيرجع يدخل بس ياسر مسكه من يده. ياسر: ارجع يابن الحلال خرعتني حسبت فيك مصيبة ولا صار شي, انت ويهك تصرخ كانك بزر موب ريال, ترا جاسم والربع سحبوا عليك لما شافوك تاخرت ورجعوا بيوتهم. عماد: افااا أولاد الذين..... سحبوا علي وانا اللي جاي لهني جري وتركت جدتي عشان لاحد يشوفني وكذا راحو الانذال...... خصوصا ذاك الجسوم انا اواريه شغله بعدين, هم تركوك هني وحدك؟ ياسر بابتسامته الهادية: لا انا طلبت منهم يتركوني ويروحون كنت ابي استنيك. عماد: الله يهداك انت بعد, ليش ما رحت وياهم كيف لو ما قدرت انا اجي من كان حيوصلك بيتك, المهم اروح الحين اجيب السيارة استنيني هني الحين اجي. راح عماد بيعدي الشارع وياسر يطالعه بابتسامة وهو عارف الطيبة اللي بقلب عماد دايم يخاف على ربعه, عماد كان بيعدي الشارع الثاني اللي كان مرة مزحوم من السيارات اللي جاي واللي رايح لما فضى الشارع عدى عماد بس فجاءة جاءت سيارة انصدم عماد من السيارة اللي ماشية بسررررررررررررررعة ناحيته ما قدر يتحرك , ياسر مررررعوب من المنظر فجاءة صرخ ياسر: عماااااااااااااااااااااااااااااد!!!! يللا البارت الاول مشيناه الحين الواجب\ مع اني عارف انو كل واحد الحين عنده واجبات يا كثرها عشان شذي اختاروا عالاقل سؤال واحد اجيبوا عليه 1\ تتوقعون ماذا حصل لعماد؟؟؟ 2\ ما هي قصة ياسر مع ابوه وليش قله عماد يخبر الشرطة؟؟؟ 3\ رايكم بالبارت؟؟؟
__________________ قصتي الاولى بعنوان: بركة الدماء في عين القط الجزء العــــــــــــ والاخيرــــــــــاشر: من الفصل الاول الابتسامة المزيفة تخفي وحدتي:لقاءنا التاسعة مساء عند النهر ^_^ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اصعب 12 دقيقة فى حياة كل انسان | asmaanur | الحياة الأسرية | 11 | 07-23-2011 10:15 PM |
أصعب 12 دقيقة فى حياة الانسان | احلام و البحر | مواضيع عامة | 88 | 09-18-2010 06:42 PM |
أصعب 12 دقيقة في حياة الانسان | تامر عيد | مواضيع عامة | 2 | 09-28-2009 07:23 PM |
قراءة هذه الرسالة تحتاج الى دقيقة واحدة ... اقراها فقد تنقذ حياة شخص واحد... | كيوزو | أرشيف المواضيع الغير مكتمله او المكرره او المنقوله و المخالفه | 26 | 02-14-2009 12:00 AM |