__________________

Remember My 4ever

دماء فاسدة مدمنون الغائب الذي لن يعود الي ان يفرقنا الموت و يبقي الامل في الحياة ذكريات متأرجحة

__________________

كل قصصها تحفة

السلام عليكم ورحمة الله وبركاته
كيف حالك زيزي
ههه هذه ثان رواية اقراها لاغاثا
الاولى كانت رواية الحادث
بس رواية الحادث حسيتها احلى
كانت النتيجة مفاجئة اما هون المجرم كان واحد من الي حاطيتهم ضمن التخمينات
رغم انو المتهم الاول الي شكيت فيه رحت بتفكيري لبعيد كتير
ما بعرف ليش هيك فكرت
بس كنت مفكرة انو المجرم هو الكابتن هاسينغ كما اظن كان اسمه
ههههه كان في كتير دلائل بتشير عليه اولا حسيت المجرم بيعرف كل تحركات بوارو كمان كما اظن هيك كان اسمو (مثلا لما تأخرت الرسالة لتوصل، قلت بيكون الكابتن عرف بمخطط اخلاء المنطقة فقرر يأخر الرسالة حتى توصل مأخرة وما يلحقو يخلو المنطقة من السكان...
تاني لما دخل بوارو لعند سوست ليحكي معو الكابتن ما دخل معو وحكا القصة على لسان بوارو، قلت هلاء بوارو بيكون عامل فيه فيلم حتى يخليه يوقع بالفخ ويخليه يحكي شي من غير ما ينتبه او شي من هالنوع
تالتا: صديقو كاين غايب عنو لفترة طويلة، قلت بكل هالفترة بيكون عم يخطط ويروح عالمدن الي بدو يعمل فيها المجازر وبعدان بعد ما خلص رجع عند صديقو ليبين انو هو حدو ويبعد التهمة عن نفسو، وقلت احتمال يكون وَكّل بكل منطقة حدا عندو شي قريب بيكرهو ليقتلو واختارهم حسب الاحرف الابجدية
رابعا لما اظن كان خارج من بيت المجرم مدري اخوه المقتول، اظن وقتها لما تسائل انو وين يمكن يكون المجرم، ظنيت انو هو متفق مع المجرم وعم يتسائل اذا قدر يهرب او بعد
خامسا: لما قال انو سوست اعترف وهو صرخ:"ماذا" قلت هيدا اكيد مصدوم لان هو عارف نفسو مرتكب الجريمة كرمال هيك انصدم انو هيداك اعترف
اخيرا فكرت انو ليش هيك عم يساوي، قلت ديما حاسس انو صديقو افضل منو بهالمجال وتعقد منها للشغلة وقرر يثبت انو هو افضل او اي شي بتختارو الكاتبة ههههه
من فترة قريت الرواية بس لهلاء لفضيت رد عليها كرمال هيك يمكن كون ناسية اشيا كتير
المهم رح اكتب عن بقية الشخصيات:
* بوارو: اولا فكرت انو صديقو اذكى منو لان امبسط لما اجا اول القصة لان رح يساعدو بحل القضية، لكن كنت اتفاجأ في كل القصة ان بوارو اذكى من صديقو لحد ما اخر شي اكتشفت انو صديقو مش اكتر من جالب حظ او شي من هالنوع، المهم طلع انسان مش هين وبيعرف كيف يوصل للحقائن ولو ما عندو من الدلائل الا القليل، اعجبني لما تزانخ على صديقو وقلو انو المجرم شعرو احمر اعرج ومدري شو كمان عأساس عم يعمل متل شارلك هولمز، بالبداية صدقت انو بالفعل عرف شكل المجرم ههههه، مع انو ما بوافقو انو لان اخطار سكك القطار يعني انو النجرم صبي لان العاب صبيانية، طيب يمكن كانت بنت بتحب السفر والوسيلة الاسرع للسفر كانت وقتها القطار
* لمفتش كروم من اكتر الشخصيات الي بكرها عادة بالقصص، وصل لمرحلة بنجاحو صار يشوف الناس حولو ولا شي، حبيت لما قال عنو بوارو انو هو الشخص الافضل لحل هالقضية بس العيب الوحيد الي فيه هو انو هو بيعرف هالشي، ههههه حبيتها الجملة، بس كنت ناطرة اخر القصة لشوف ردة فعل كروم لما يعرف انو هو وقع بفخ المجرم واصر على موقفو، اكيد خس حالو غبي هههههه
معاش ذاكرة حدا مهم من فرقة التفتيش كرمال هيك رح بلش باقارب الضحاية
*ابنة اخت بائعة الجرائد: هيدي من البداية حسيتها بريئة وبعدت عنها كل التهم، قلت هيدي البنت القط بياكل عشاها ههههه
* اخت بيتي: لوهلة فكرت انو يمكن تكون هي المجرمة، قلت يمكن تكون غيرانة من اختها بسبب خطيبها الي كل البنات بتقتل حالها عليه بس ما كتير حسيتها منطقية للشغلة، قلت يمكن تكون صديقتها بالشغل اولا لان علاقتهم ما كانت كتير منيحة حسب ما قالت اختها كما اظن...
* فريزر: هيدا رغم ان اصابع التهم كانت موجهة له الا اني ما شكيت فيه ما بعرف ليش، حسيتو انو بيعشقها وما بيقدرريئذيها حتى لو هددها، بغض النظر عن الموقف الغبي الي حط حالو فيه، هو كان عم يشك فيها بينما هي مقتولة، المسكين قطع قلبي، الغريب امتى لحق ينسى خطيبتو ويتعلق باختها
* سكريتيرة الضحية الثالثة: نسيت الصراحة شو كان نظرتي الها، بس الي ذاكريتو انو شكلها ما عجبني، واكتر شي كرهت فيها انو كل الوقت عم تمثل اللطف وبينت على حقيقتها اخر القصة لما انكشف المجرم وعصبترلان طار التروة من ايدها مع العريس...
* اخ الضحية: من البداية ما حبيتو، حسيتو انسان ساذج رغم انو كان ذكي بشكل، بس لما صار يعطي افكار سخيفة ولما صار يدون الاشيا عدفتر حسيتو غبي، اما لما وقف ادام هيداك المنظر الجميل وصار يحكي مبسوط عن الاماكن الي زارها ونسي موت خيو فهيدي خلتني شك بامرو انو مش حزنان عليه ومع هيك قلت مرات الواحد لما بيسترسل بالحديث بينسى الامه وبيعود بعدان بيتذكر وبيرجع بيكتئب...
* سوست بينتلنا الكاتبة من الاول انو مش المجرم، انسان بيقطع القلب، مظلوم اول حياتو وكذلك اخر حياتو، اتمنى ترجع خالتو طبيعية بعد ما يغير النظرات ويقدر يرجع للحياة الطبيعية...
اما بالنسبة للحريمة الي اخطأ فيها المجرم، كنت مفكرة انو المجرم ارتكبها بالغلط عن قصد حتى يلتهوا بحماية هيداك الي كاين بالسنما بينما هو بيروح بيعمل جريمتو الاساسية بحرية...
اظن هيدا كل شي عندي للقصة

اتمنى شوفلك قصص حلوة جديدة متلها هنا
دمت بود

__________________

كانت هذه الرواية جميلة جدا حتى انني كنت قد بدات اندمج مع احداثها اتمنى ان القى روايات مثلها في هذا المنتدى الرائع