محتاج أريح الگلب ..

ومحتاج أريح العين ..


وأبچي ع كيفي صدگ ..
كون وأوفي الدين ..
مطلوب ياما دمع ..
دمع ع أمي المشت ..
ودمع ع أبويه المشا ..
ودمعي ع عمري الگضه ..
وما أدري خلص وين ..
يا ثگل هم الگلب ..
خازن أهمومي عمر ..
مو كافي صار سنين .. ؟
ويا عين صرتي بحر ..
والموج بيچ أرتفع ..
خايف ولچ تعمين ..
محتاج آني البچي ..
وما يضر دوم الدمع ..


مرات كلش زين ..
ومحتاج أريح الگلب ..
ومحتاج آني اسمع ..
لن شفت كل الحزن ..
ولا صاحب الينفع ..
الدنيا مو بس جني ..
هم تنتهي لو بقت ..
هالناس ما تزرع ..
چانت الدنيا گبل ..
تمشي بشعار الورد ..
أزرع ولا تقطع ..
بس للأسف شو صفت ..
دنيتنا هذا الوكت ..
أقطع ولا تزرع ..
يا گلبي هاي البشر
مو كلها صدگ سوى ..
أشكال وك يا گلب ..


كل ساع شكل يطلع ..
وعفيه عليك الصبر ..
يا گلبي لا تجزع ..
طماع هذا الوكت ..
وشچم بشر يا گلب ..
مثل الوكت يطمع ..
الجمر هو جمر ..
بالثلج خله اثر ..
لتگلي ما يلسع ..
يوسف بهذا الوكت ..
خواني گطعوا صدگ ..
بس الله ما يگطع ..

[quote=

__________________

يسلمووووو

__________________

كلام اللهجة العراقية
جميل

ولكن ما احد يعرف
يقراه الا العراقي

يسد مساك اخي ماجد
قلت لك في وقت سابق
ان اللغة الفصحى هي
اللغة التي تجمع بيننا
نحن العرب في منتدى عيون العرب

لفة التفاهم بين الجميع
هي اللغة الموحدة ..

شوف الاخرين من الامارات
ومن السعودية , مصر , ليبيا
المغرب . سوريا , الاردن , فلسطين
الكويت
..
من كل الدول
ما يتحدثون او يشاركون
بلغاتهم الدارجة العامية
وانما بلفة مفهومة للجميع

ونحن العراقيين لهجتنا مقاربة
للغة الفصيحة العربية الاصلية
حاول تتحدث ,,
اتمنى ذلك
ويشرفنا وجودك
كل الهلا ومرحبا

لم افهم الكلمات الا انها تبدو لي جيدة